| ᠴᠢᠷᠮᠠᠶᠢᠬᠤ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠂ 1952 ᠤᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠳᠤ ᠤᠳᠤᠭ ᠬᠤᠰᠢᠭᠤᠨ ᠤ | ᠤᠤᠯ ᠤᠨ ᠡᠷᠭᠡᠳᠤ ᠰᠤᠮᠤᠨ ᠤ ᠰᠡᠪᠭᠦᠯ ᠭᠠᠴᠠᠭᠠᠨ ᠳᠤ ᠲᠦᠷᠦᠵᠡᠢ᠃ ᠡᠵᠢ ᠠᠪᠤ ᠠᠴᠠ ᠪᠠᠨ ᠠᠬᠠ ᠲᠡᠭᠦᠦ | ᠲᠦᠷᠪᠡᠭᠦᠯᠨ ᠪᠠᠶᠢᠵᠤ᠂ ᠴᠢᠷᠮᠠᠶᠢᠬᠤ ᠬᠠᠮᠤᠭ ᠤᠨ ᠪᠠᠭᠠ ᠭᠦᠪᠡᠭᠦᠨ ᠨᠢ ᠪᠤᠯᠵᠤ ᠵᠠᠶᠠᠭᠠᠵᠠᠢ᠃ 1961 ᠤᠨ ᠳᠤ | ᠡᠷᠭᠡᠳᠥ ᠶᠢᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ᠂ ᠲᠠᠪᠤᠳᠤᠭᠠᠷ ᠤᠨ ᠢᠶᠠᠨ ᠲᠡᠭᠦᠰᠭᠡᠵᠡᠢ᠃ 1969 | ᠤᠨ ᠳᠤ ᠠᠪᠤ ᠡᠵᠢ ᠠᠬᠠ ᠲᠡᠭᠦᠦ ᠭᠡᠷ ᠪᠦᠭᠦᠳᠡᠭᠡᠷ ᠢᠶᠠᠨ ᠤᠳᠤᠭ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠴᠠᠪ ᠰᠤᠮᠤᠨ ᠤ | ᠪᠠᠶᠠᠨᠳᠤᠯᠤᠭᠠᠢ ᠳᠤ ᠨᠡᠭᠦᠨ ᠢᠷᠡᠵᠤ ᠨᠤᠳᠤᠭᠰᠢᠵᠠᠢ᠃ ᠲᠡᠷᠨ ᠵᠢᠯ ᠠᠴᠠ ᠪᠠᠨ ᠡᠭᠢᠯᠡᠵᠤ᠂ ᠬᠠᠮᠳᠤ ᠶᠢᠨ ᠭᠦᠳᠡᠯᠮᠤᠷᠢ | ᠳᠤ ᠤᠷᠤᠯᠴᠠᠵᠤ᠂ ᠮᠠᠯ ᠬᠠᠷᠢᠭᠤᠯᠵᠤ᠂ ᠮᠠᠯ ᠰᠠᠮᠨᠠᠬᠤ᠂ ᠲᠠᠷᠢᠶᠠ ᠲᠠᠷᠢᠵᠤ ᠬᠠᠳᠤᠯᠠᠩ ᠳᠤ ᠤᠷᠤᠯᠴᠠᠬᠤ᠂ ᠤᠰᠤᠨ | ᠴᠦᠭᠦᠷᠦᠮ ᠮᠠᠯᠳᠠᠬᠤ ᠵᠡᠷᠭᠡ ᠠᠵᠢᠯ ᠭᠦᠳᠡᠯᠮᠤᠷᠢ ᠶᠢ ᠭᠢᠵᠤ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠠᠶᠠᠨᠳᠤᠯᠤᠭᠠᠢ | ᠭᠠᠴᠠᠭᠠᠨ ᠳᠤ ᠪᠢᠴᠢᠭ ᠪᠢᠷ ᠲᠠᠢ᠂ ᠰᠤᠶᠤᠯ ᠮᠡᠳᠡᠯᠭᠡ ᠲᠠᠢ ᠭᠦᠮᠦᠨ ᠲᠡᠮᠡᠢ ᠦᠭᠡᠢ ᠪᠠᠶᠢᠭᠰᠠᠨ ᠠᠴᠠ ᠪᠠᠭᠠ | ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠴᠢᠷᠮᠠᠶᠢᠬᠤ ᠨᠢ ᠨᠡᠯᠢᠶᠡᠳ ᠡᠷᠳᠡᠮ ᠲᠠᠢ ᠭᠦᠮᠦᠨ ᠳᠤ ᠲᠤᠭᠠᠴᠠᠭᠳᠠᠭᠰᠠᠨ ᠠᠴᠠ | 1972 ᠤᠨ ᠳᠤ ᠭᠠᠴᠠᠭᠠᠨ ᠤ ᠲᠤᠭᠢᠷᠠᠭᠤᠯᠭᠠ ᠪᠠᠷ ᠲᠤᠭᠤᠷᠢᠨ ᠵᠢᠭᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠪᠠᠭᠰᠢ ᠶᠢᠨ ᠠᠵᠢᠯ | ᠢ ᠭᠢᠵᠤ ᠡᠭᠢᠯᠡᠵᠡᠢ᠃ ᠲᠤᠭᠤᠷᠢᠨ ᠵᠢᠭᠠᠬᠤ ᠲᠤᠭᠤᠶᠢᠯᠠᠩ ᠳᠤ ᠲᠠᠪᠤᠨ ᠴᠢᠭ ᠪᠠᠶᠢᠳᠠᠭ᠃ ᠡᠳᠦᠷ ᠡᠭᠡᠯᠵᠢᠯᠡᠨ ᠡᠨ᠋ᠨ | ᠭᠦ᠋ ᠴᠢᠭ ᠲᠡᠭᠡᠷᠡ ᠤᠴᠢᠵᠤ ᠪᠢᠴᠢᠭ ᠵᠢᠭᠠᠨᠠ᠃ ᠰᠤᠷᠬᠤ ᠨᠠᠰᠤᠨ ᠤ ᠭᠡᠦᠭᠡᠳ ᠤᠳ ᠡᠯᠡ ᠴᠢᠭ ᠲᠡᠭᠡᠷᠡ 3 ~ 4 | ᠪᠠᠶᠢᠳᠠᠭ᠃ ᠵᠠᠷᠢᠮ ᠳᠤᠨᠢ ᠨᠠᠰᠤᠨ ᠳᠤ ᠭᠦᠷᠦᠭᠰᠡᠨ ᠶᠡᠭᠡ ᠭᠦᠮᠦᠰ ᠴᠤ ᠪᠠᠶᠢᠵᠠᠢ᠃ 1975 ᠤᠨ ᠳᠤ | ᠪᠠᠶᠠᠨᠳᠤᠯᠤᠭᠠᠢ ᠭᠠᠴᠠᠭᠠᠨ ᠤ ᠠᠷᠠᠳ ᠠᠴᠠ ᠡᠷᠭᠢᠯᠡᠭᠰᠡᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠠᠢ᠃ ᠡᠨ᠋ᠨ | ᠭᠦ ᠰᠤᠷᠭᠠᠭᠤᠯᠢ ᠳᠤ ᠨᠢᠭᠡ ᠠᠴᠠ ᠲᠠᠪᠤᠳᠤᠭᠠᠷ ᠤᠨ ᠪᠦᠷ ᠪᠠᠶᠢᠵᠤ᠂ ᠨᠡᠶᠢᠳᠡ ᠵᠢᠷᠠᠭᠠᠳ ᠰᠤᠷᠤᠭᠴᠢ ᠲᠠᠢ ᠮᠤᠩᠭᠤᠯ | ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠶᠢᠪᠠ᠃ 1985 ᠤᠨ ᠳᠤ ᠪᠠᠶᠠᠨᠳᠤᠯᠤᠭᠠᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢ ᠴᠠᠪ ᠰᠤᠮᠤᠨ ᠤ | ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠠᠢ ᠨᠢᠭᠡᠳᠭᠡᠭᠰᠡᠨ ᠠᠴᠠ ᠡᠨ᠋ᠨ ᠭᠦ ᠰᠤᠷᠭᠠᠭᠤᠯᠢ ᠨᠢ ᠡᠷᠭᠢᠯᠡᠭᠦ ᠪᠠᠨ ᠵᠤᠭᠰᠤᠵᠤ᠂ | ᠴᠢᠷᠮᠠᠶᠢᠬᠤ ᠴᠤ ᠪᠠᠭᠰᠢ ᠶᠢᠨ ᠠᠵᠢᠯ ᠢᠶᠠᠨ ᠵᠤᠭᠰᠤᠭᠠᠵᠤ ᠭᠡᠷ ᠲᠡᠭᠡᠨ ᠪᠤᠴᠠᠨ ᠨᠢᠭᠡᠨ ᠮᠠᠯᠴᠢᠨ ᠪᠤᠯᠵᠠᠢ᠃ | ᠴᠢᠷᠮᠠᠶᠢᠬᠤ ᠶᠢᠨ ᠰᠠᠭᠤᠭᠠ ᠨᠤᠳᠤᠭ ᠨᠢ ᠤᠳᠤᠭ ᠬᠤᠰᠢᠭᠤᠨ ᠤ ᠤᠳᠠᠭᠠᠨ ᠵᠢᠯ ᠢᠶᠠᠷ ᠲᠠᠭᠢᠭᠠᠳ ᠢᠷᠡᠭᠰᠡᠨ | ᠤᠯᠠᠨ ᠪᠤᠯᠠᠭ ᠤᠨ ᠲᠠᠭᠢᠯᠭᠠ ᠶᠢᠨ ᠦᠯᠦᠭᠡᠢ ᠪᠠᠶᠢᠪᠠ᠃ ᠲᠡᠭᠡᠳᠦ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠰᠤᠶᠤᠯ ᠤᠨ | ᠬᠤᠪᠢᠰᠬᠠᠯ ᠤᠨ ᠦᠶᠡ ᠠᠴᠠ ᠡᠭᠢᠯᠡᠵᠤ ᠡᠨ᠋ᠨ ᠭᠦ ᠲᠠᠭᠢᠯᠭᠠ ᠵᠤᠭᠰᠤᠩᠭᠤᠶᠢᠷᠠᠬᠤ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠ᠃ 1996 | ᠤᠨ ᠳᠤ ᠲᠡᠷᠨ ᠠᠶᠢᠯ ᠠᠶᠢᠮᠠᠭ᠂ ᠠᠬᠠ ᠲᠡᠭᠦᠦ ᠲᠠᠢ ᠪᠠᠨ ᠵᠦᠪᠳᠡᠯᠴᠡᠵᠤ ᠤᠯᠠᠨ ᠪᠤᠯᠠᠭ ᠤᠨ ᠲᠠᠭᠢᠯᠭᠠ ᠶᠢ ᠲᠠᠭᠢᠨ | ᠰᠡᠷᠭᠦᠭᠡᠭᠦ ᠠᠵᠢᠯ ᠢ ᠭᠠᠷᠳᠠᠨ ᠭᠢᠵᠤ ᠪᠠᠶᠢᠭᠠᠳ 2001 ᠤᠨ ᠳᠤ ᠵᠢᠩᠭᠢᠨᠢ ᠪᠠᠷ ᠲᠠᠭᠢᠯᠭᠠ ᠪᠠᠨ ᠭᠢᠭᠦ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠲᠡᠭᠦᠨ ᠤ ᠡᠨ᠋ᠨ ᠭᠦ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠭᠤᠤᠯ ᠭᠤᠷᠤᠬᠠ ᠠᠭᠤᠯᠨ ᠤᠰᠤ ᠪᠠᠨ ᠲᠠᠭᠢᠳᠠᠭ | ᠨᠠᠨᠳᠢᠨ ᠰᠤᠷᠳᠠᠯ ᠢ ᠤᠶᠢᠷᠠ ᠤᠷᠴᠢᠮ ᠤᠨ ᠭᠦᠮᠦᠰ ᠨᠢ ᠪᠢᠰᠢᠷᠡᠨ ᠲᠤᠭᠤᠳᠠᠭ ᠪᠠᠶᠢᠨᠠ᠃ ᠲᠡᠷᠨ ᠴᠤ ᠤᠯᠠᠨ | ᠪᠤᠯᠠᠭ ᠤᠨ ᠲᠠᠭᠢᠯᠭᠠ ᠶᠢᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠡᠷᠭᠦᠮᠵᠢᠯᠡᠭᠳᠡᠵᠡᠢ᠃ |