ᠮᠠᠯ ᠤᠨ ᠬᠡᠮ ᠬᠢᠵᠢᠭ ᠢ ᠲᠤᠲᠤᠯᠠᠬᠤ ᠠᠷᠭᠠ | | ᠨᠢᠭᠡ᠂ ᠬᠦᠳᠡᠯᠤᠯ᠃ ᠭᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠢᠳᠡᠰᠢᠯᠡᠭᠦ ᠪᠤᠶᠤ ᠬᠡᠪᠳᠡᠭᠦ ᠦᠶᠡᠰ ᠦᠷᠭᠦᠯᠵᠢ ᠤᠯᠠᠨ ᠮᠠᠯ | ᠨᠢᠭᠡ ᠲᠤᠤᠷᠠ ᠴᠤᠬᠯᠠᠷᠠᠨ ᠬᠠᠵᠠᠭᠤᠯᠠᠵᠦ ᠬᠡᠪᠳᠡᠨᠠ᠃ ᠬᠡᠷᠪᠡ ᠬᠦᠮᠦᠨ ᠤᠢᠢᠷᠠᠳᠤᠪᠠᠯ ᠲᠠᠷᠤᠢ ᠲᠦᠷᠭᠡᠨ ᠪᠤᠰᠴᠦ | ᠵᠤᠬᠰᠤᠳᠠᠭ᠃ ᠬᠡᠮ ᠬᠢᠵᠢᠭ ᠲᠠᠢ ᠮᠠᠯ ᠨᠢ ᠢᠳᠡᠰᠢᠨ ᠤ ᠲᠤᠷᠠᠰᠢᠯ ᠪᠠᠭᠤᠷᠠᠵᠦ᠂ ᠬᠡᠪᠢᠬᠦ ᠨᠢ ᠴᠦᠭᠡᠷᠡᠨ᠂ | ᠰᠦᠷᠦᠭ ᠠᠴᠠ ᠰᠠᠯᠤᠨ ᠬᠡᠪᠳᠡᠭᠦ ᠪᠤᠶᠤ ᠡᠯᠳᠠᠪ ᠤᠨ ᠡᠷᠡᠭᠦᠯ ᠪᠤᠰᠤ ᠤᠨᠴᠠᠯᠢᠬ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ | ᠬᠤᠶᠠᠷ᠂ ᠲᠠᠭᠤ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠲᠠᠭᠤ ᠨᠢ ᠬᠠᠩᠬᠢᠨᠠᠮᠠ ᠪᠦᠭᠡᠳ ᠴᠤᠬᠢᠯᠭᠠ ᠲᠠᠢ | ᠪᠠᠶᠢᠳᠠᠭ᠃ ᠬᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠲᠠᠭᠤ ᠨᠢ ᠲᠤᠤᠷᠠ ᠪᠦᠭᠡᠳ ᠬᠤᠪᠢᠷᠠᠯᠳᠠ ᠲᠠᠢ᠂ ᠴᠢᠩᠨᠠᠭᠤᠷ ᠬᠡᠷᠡᠭᠯᠡᠭᠦ | ᠦᠭᠡᠢ ᠪᠠᠷ ᠠᠮᠢᠰᠬᠤᠬᠤ ᠲᠠᠭᠤ ᠪᠤᠯᠤᠨ ᠬᠠᠨᠢᠶᠠᠬᠤ ᠲᠠᠭᠤ᠂ ᠬᠡᠳᠡᠰᠦᠨ ᠤ ᠲᠠᠭᠤ ᠶᠢ ᠤᠯᠵᠦ ᠰᠤᠨᠤᠰᠳᠠᠭ᠃ | ᠭᠤᠷᠪᠠ᠂ ᠬᠡᠪᠢᠬᠦ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ 30 ᠮᠢᠨᠦ᠋ᠲ ᠢᠳᠡᠰᠢᠯᠡᠭᠰᠡᠨ ᠤ ᠲᠠᠷᠠᠭᠠ 30 — 40 | ᠮᠢᠨᠦ᠋ᠲ ᠬᠡᠪᠢᠵᠦ᠂ ᠨᠢᠭᠡ ᠡᠳᠦᠷ ᠰᠦᠨᠢ 6 — 8 ᠤᠳᠠᠭᠠ ᠬᠡᠪᠢᠨᠠ᠃ ᠬᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠬᠡᠪᠢᠬᠦ | ᠲᠤᠭᠠ ᠨᠢ ᠴᠦᠭᠡᠨ ᠪᠤᠯᠬᠤ ᠪᠤᠶᠤ ᠬᠡᠪᠢᠬᠦ ᠪᠠᠨ ᠪᠤᠯᠴᠢᠬᠠᠳᠠᠭ᠃ | ᠲᠦᠷᠪᠠ᠂ ᠦᠰᠦᠨ ᠤ ᠦᠩᠭᠡ᠃ ᠭᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠦᠰᠦ ᠨᠤᠤᠰᠤ ᠨᠢ ᠲᠡᠭᠰᠢ᠂ ᠦᠩᠭᠡ ᠨᠢ | ᠬᠢᠯᠦᠭᠡᠷ ᠮᠦᠷᠳᠡᠭᠡᠨ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠭᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠦᠰᠦ ᠨᠤᠤᠰᠤ ᠨᠢ ᠪᠤᠷᠵᠠᠶᠢᠵᠦ | ᠦᠩᠭᠡ ᠬᠢᠯᠪᠠᠭᠠ ᠪᠠᠨ ᠠᠯᠳᠠᠳᠠᠭ᠃ | ᠲᠠᠪᠤ᠂ ᠡᠪᠡᠷ᠃ ᠭᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠡᠪᠡᠷ ᠤᠨ ᠦᠵᠦᠭᠦᠷ ᠨᠢ ᠬᠦᠢᠳᠡᠨ᠂ ᠡᠪᠡᠷ ᠤᠨ ᠤᠭ ᠨᠢ | ᠬᠠᠯᠠᠭᠤᠨ᠂ ᠭᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠡᠪᠡᠷ ᠤᠨ ᠤᠭ ᠨᠢ ᠬᠡᠳᠦ ᠬᠠᠯᠠᠭᠤᠨ ᠪᠤᠶᠤ ᠬᠡᠳᠦ ᠬᠦᠢᠳᠡᠨ ᠪᠠᠶᠢᠳᠠᠭ᠃ | ᠵᠢᠷᠭᠤᠭᠠ᠂ ᠨᠢᠳᠦ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠨᠢᠳᠦ ᠨᠢ ᠴᠤᠭ ᠵᠢᠪᠬᠤᠭᠠ ᠲᠠᠢ ᠪᠦᠭᠡᠳ ᠭᠡᠷᠡᠯ ᠲᠠᠢ᠂ | ᠨᠢᠳᠦ ᠨᠢ ᠯᠤᠤᠬᠠ ᠦᠭᠡᠢ ᠤᠰᠤᠯᠢᠭ᠃ ᠭᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠨᠢᠳᠦ ᠨᠢ ᠴᠤᠭ ᠵᠢᠪᠬᠤᠭᠠ ᠦᠭᠡᠢ ᠮᠦᠷᠳᠡᠭᠡᠨ | ᠬᠦᠳᠡᠯᠵᠦ ᠶᠠᠪᠤᠬᠤ ᠨᠢ ᠤᠳᠠᠭᠠᠨ ᠪᠠᠶᠢᠳᠠᠭ᠃ | ᠳᠤᠯᠤᠭᠠ᠂ ᠴᠢᠬᠢ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠬᠤᠶᠠᠷ ᠴᠢᠬᠢ ᠨᠢ ᠪᠤᠰᠤᠭᠠ ᠮᠦᠷᠳᠡᠭᠡᠨ ᠬᠤᠷᠴᠠᠯᠢᠭ᠃ | ᠬᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠲᠤᠯᠤᠭᠠᠢ ᠨᠢ ᠤᠨᠵᠢᠢᠨ ᠴᠢᠬᠢ ᠨᠢ ᠨᠠᠪᠳᠠᠶᠢᠵᠦ᠂ ᠬᠦᠳᠡᠯᠭᠦ ᠦᠭᠡᠢ ᠪᠠᠶᠢᠳᠠᠭ᠃ | ᠨᠠᠢᠮᠠ᠂ ᠬᠡᠯᠡ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠬᠡᠯᠡ ᠨᠢ ᠶᠠᠭᠠᠨ ᠤᠯᠠᠭᠠᠨ ᠦᠩᠭᠡ ᠲᠠᠢ ᠮᠦᠷᠳᠡᠭᠡᠨ | ᠬᠦᠳᠡᠯᠭᠦ ᠨᠢ ᠤᠶᠠᠨ ᠵᠦᠭᠡᠯᠡᠨ᠂ ᠬᠡᠯᠡᠨ ᠤ ᠦᠵᠦᠭᠦᠷ ᠨᠢ ᠡᠷᠡᠭᠦᠯ᠃ ᠬᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠬᠡᠯᠡ ᠨᠢ | ᠬᠦᠰᠢᠭᠦᠨ ᠪᠦᠭᠡᠳ ᠬᠦᠴᠦ ᠦᠭᠡᠢ᠂ ᠬᠡᠯᠡᠨ ᠤ ᠦᠵᠦᠭᠦᠷ ᠨᠢ ᠨᠢᠮᠭᠡᠨ ᠪᠦᠭᠡᠳ ᠦᠩᠭᠡ ᠨᠢ ᠴᠠᠶᠢᠪᠤᠷ ᠪᠤᠶᠤ | ᠦᠩᠭᠦᠷ ᠨᠢ ᠵᠤᠵᠠᠭᠠᠨ ᠪᠠᠶᠢᠳᠠᠭ᠃ | ᠶᠢᠰᠤ᠂ ᠠᠮᠠᠨ ᠬᠦᠨᠳᠡᠢ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠠᠮᠠᠨ ᠬᠦᠨᠳᠡᠢ ᠶᠢᠨ ᠰᠠᠯᠢᠰᠤᠳᠤ ᠪᠦᠷᠭᠦᠪᠴᠢ ᠨᠢ | ᠬᠦᠶᠤᠭᠡᠨ ᠤᠯᠠᠭᠠᠨ ᠦᠩᠭᠡ ᠲᠠᠢ᠂ ᠭᠠᠷ ᠢᠶᠠᠷ ᠲᠡᠮᠳᠡᠷᠢᠭᠦ ᠳᠤ ᠬᠠᠯᠠᠭᠤᠨ ᠪᠠᠶᠢᠵᠦ᠂ ᠦᠮᠡᠭᠡᠢ ᠦᠨᠦᠷ ᠦᠭᠡᠢ᠃ | ᠭᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠠᠮᠠᠨ ᠬᠦᠨᠳᠡᠢ ᠨᠢ ᠬᠡᠰᠡᠭ ᠬᠠᠯᠠᠭᠤᠨ ᠬᠡᠰᠡᠭ ᠬᠦᠢᠳᠡᠨ᠂ ᠰᠠᠯᠢᠰᠤᠳᠤ ᠪᠦᠷᠭᠦᠪᠴᠢ ᠨᠢ | ᠴᠠᠶᠢᠪᠤᠷ᠂ ᠰᠢᠯᠦᠰᠤ ᠭᠤᠭᠤᠵᠢᠬᠤ ᠪᠤᠶᠤ ᠦᠩᠭᠡ ᠨᠢ ᠤᠯᠠᠪᠳᠤᠷ ᠬᠠᠭᠤᠷᠠᠢ᠂ ᠪᠠᠰᠠ ᠦᠮᠡᠭᠡᠢ ᠦᠨᠦᠷ ᠲᠠᠢ | ᠪᠠᠶᠢᠳᠠᠭ᠃ | ᠠᠷᠪᠠ᠂ ᠪᠠᠭᠠᠰᠤ ᠰᠢᠭᠡᠰᠦ᠃ ᠬᠡᠮ ᠬᠢᠵᠢᠭ ᠦᠭᠡᠢ ᠮᠠᠯ ᠤᠨ ᠪᠠᠭᠠᠰᠤ ᠨᠢ ᠵᠢᠵᠢᠭ ᠮᠦᠬᠦᠯᠢᠭ ᠪᠦᠭᠡᠳ | ᠬᠠᠳᠠᠭᠤ ᠬᠠᠭᠤᠷᠠᠢ ᠪᠠᠶᠢᠳᠠᠭ᠃ ᠨᠠᠷᠢᠯᠢᠬ ᠪᠤᠷᠳᠤᠭᠠ ᠨᠦᠬᠦᠪᠦᠷᠢᠯᠡᠨ ᠲᠡᠵᠢᠭᠡᠳᠡᠭ ᠮᠠᠯ ᠤᠨ ᠪᠠᠭᠠᠰᠤ ᠨᠢ ᠵᠦᠭᠡᠯᠡᠨ | ᠬᠡᠰᠡᠭ ᠬᠡᠰᠡᠭ ᠪᠦᠭᠡᠳ ᠦᠨᠦᠷ ᠦᠭᠡᠢ᠂ ᠰᠢᠭᠡᠰᠦ ᠨᠢ ᠲᠤᠩᠭᠠᠯᠠᠭ ᠮᠦᠷᠳᠡᠭᠡᠨ ᠦᠩᠭᠡ ᠦᠭᠡᠢ ᠪᠤᠶᠤ ᠴᠠᠶᠢᠪᠤᠷ | ᠰᠢᠷᠠ ᠦᠩᠭᠡ ᠲᠠᠢ᠃ ᠭᠡᠮ ᠬᠢᠵᠢᠭ ᠲᠠᠢ ᠮᠠᠯ ᠤᠨ ᠪᠠᠭᠠᠰᠤ ᠰᠢᠭᠡᠰᠦ ᠨᠢ ᠬᠡᠪ ᠤᠨ ᠪᠤᠰᠤ ᠪᠤᠯᠵᠦ᠂ ᠪᠠᠭᠠᠰᠤ ᠨᠢ | ᠬᠡᠳᠦ ᠬᠠᠳᠠᠭᠤ ᠪᠤᠶᠤ ᠬᠡᠳᠦ ᠰᠢᠩᠭᠡᠨ᠂ ᠡᠰᠡᠭᠦᠯᠠ ᠪᠠᠭᠠᠰᠤ ᠨᠢ ᠬᠤᠷᠢᠬᠳᠠᠵᠦ᠂ ᠰᠢᠭᠡᠰᠦ ᠨᠢ ᠰᠢᠷᠠ ᠦᠩᠭᠡ ᠲᠠᠢ | ᠪᠤᠶᠤ ᠴᠢᠰᠤ ᠲᠠᠢ ᠪᠠᠶᠢᠳᠠᠭ᠃ | |