ᠨᠤᠳᠤᠭ ᠤᠨ ᠴᠡᠩᠭᠡᠷ ᠠᠭᠤᠯᠠᠰ | ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠠᠯ ᠤᠨ ᠬᠤᠷᠢᠶᠠ | ᠠ᠊ · ᠴᠤᠭᠵᠢᠯ ᠵᠤᠬᠢᠶᠠᠪᠠ | ᠤᠲᠤᠭ ᠤᠨ ᠲᠠᠯᠠ ᠨᠤᠲᠤᠭ ᠲᠤ ᠤᠳᠤᠨᠴᠢᠮᠢᠭ᠌ ᠡᠮᠴᠢ ᠶᠢ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠭᠡᠪᠡᠯ ᠴᠦᠭᠡᠭᠡᠨ | ᠪᠠᠶᠢᠬᠠ᠃ ᠤᠲᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤ ᠤᠳᠠᠭᠠᠨ ᠵᠢᠯ ᠴᠠᠭᠠᠨ ᠬᠠᠯᠠᠲ᠋ᠤ᠋ ᠡᠮᠦᠰᠴᠦ | ᠴᠢᠩᠨᠠᠭᠤᠷ ᠵᠡᠭᠦᠨ ᠡᠶᠡᠯᠳᠡᠭ ᠳᠠᠷᠤᠤᠬᠠᠨ ᠵᠠᠩ ᠢᠶᠠᠷ ᠢᠶᠠᠨ ᠢᠷᠡᠭᠰᠡᠨ ᠤᠯᠠᠨ ᠡᠪᠡᠳᠴᠢᠲᠡᠨᠢ ᠡᠮᠴᠢᠯᠡᠨ | ᠲᠡᠩᠭᠡᠷᠡᠭᠦᠯᠵᠦ ᠡᠩᠭᠡᠵᠢᠭᠦᠯᠦᠨ ᠠᠮᠤᠷᠵᠢᠭᠤᠯᠵᠤ ᠶᠠᠪᠤᠭᠰᠠᠨ ᠡᠨᠡ ᠬᠦ ᠪᠦᠰᠡᠬᠦᠢ ᠡᠮᠴᠢ ᠤᠳᠤ ᠬᠡᠳᠦᠶᠢᠪᠡᠷ ᠲᠠᠪᠢ ᠶᠢᠨ | ᠳᠠᠪᠠᠭᠠ ᠶᠢ ᠠᠷᠤ ᠳᠠᠭᠠᠨ ᠬᠠᠶᠠᠵᠤ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠴᠤ ᠲᠡᠭᠦᠨ ᠢ ᠡᠷᠢᠵᠦ ᠡᠮᠴᠢᠯᠡᠭᠦᠯᠬᠦ | ᠬᠦᠮᠦᠨ ᠵᠢᠭᠠᠬᠠᠨ ᠴᠤ ᠴᠦᠭᠡᠷᠡᠭᠡ ᠦᠭᠡᠢ᠃ ᠲᠡᠷᠡ ᠮᠦᠨ ᠯᠠ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠤᠰᠬᠠᠢ | ᠰᠠᠯᠠᠭᠠᠨ ᠳᠠᠭᠠᠨ ᠭᠠᠷᠠᠭ ᠲᠤ ᠭᠤᠷᠪᠠᠨ ᠡᠳᠦᠷ ᠤᠨ ᠲᠤᠭᠳᠠᠮᠠᠯ ᠡᠮᠴᠢᠯᠡᠭᠡ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠦᠨ ᠬᠢᠭᠰᠡᠭᠡᠷ᠃ | ᠲᠡᠷᠡ ᠤᠲᠤᠭ ᠬᠤᠰᠢᠭᠤ ᠴᠢᠨᠠᠭᠰᠢᠯᠠᠪᠠᠯ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠴᠤ ᠮᠠᠰᠢ ᠤᠯᠠᠨ ᠱᠠᠪᠢ | ᠬᠦᠮᠦᠵᠢᠭᠦᠯᠵᠦ ᠲᠠᠯᠪᠢᠵᠠᠢ᠃ ᠲᠡᠭᠦᠨ ᠤ ᠱᠠᠪᠢ ᠨᠠᠷ ᠨᠢ ᠡᠳᠦᠭᠡ ᠤᠷᠳᠤᠰ ᠤᠨ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ | ᠹᠷᠤᠨᠲ ᠳᠡᠭᠡᠷᠡ ᠭᠤᠤᠯ ᠲᠤᠯᠭᠠᠭᠤᠷᠢ ᠪᠠᠭᠠᠨᠠ ᠪᠤᠯᠤᠨ ᠵᠤᠭᠰᠤᠵᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠦᠢᠯᠡᠰ ᠲᠤ | ᠠᠤᠭᠠ ᠨᠡᠮᠡᠷᠢ ᠦᠯᠡᠮᠵᠢ ᠶᠢᠨ ᠬᠠᠨᠳᠢᠪ ᠢᠶᠠᠨ ᠡᠷᠭᠦᠭᠰᠡᠭᠡᠷ ᠶᠠᠪᠤᠵᠠᠭᠠᠨᠠ᠃ ᠤᠳᠤᠨᠴᠢᠮᠡᠭ ᠡᠮᠴᠢ ᠦᠪᠡᠷ ᠤᠨ ᠢᠶᠠᠨ | ᠳᠤᠬᠠᠢ ᠭᠡᠪᠡᠯ ᠶᠡᠷᠦ ᠠᠴᠠ ᠲᠡᠮᠡᠢ ᠶᠠᠭᠤᠮᠠ ᠶᠠᠷᠢᠬᠤ ᠦᠭᠡᠢ᠃ ᠵᠢᠪ ᠵᠢᠷ ᠤᠨ ᠠᠵᠢᠯ ᠤᠨ ᠪᠠᠶᠢᠷᠢ ᠳᠡᠭᠡᠷᠡ ᠵᠢᠷ ᠤᠨ | ᠪᠤᠰᠤ ᠵᠢᠳᠬᠦᠯ ᠢᠶᠠᠨ ᠳᠤᠪ ᠳᠤᠭᠤᠶᠢᠬᠠᠨ ᠡᠷᠭᠦᠭᠰᠡᠭᠡᠷ ᠦᠢᠯᠡᠴᠢᠯᠡᠭᠰᠡᠭᠡᠷ᠃ | ᠤᠳᠤᠨᠴᠢᠮᠡᠩ 1954 ᠤᠨ ᠤ 6 ᠰᠠᠷᠠ ᠶᠢᠨ 16 ᠤ ᠡᠳᠦᠷ ᠤᠲᠤᠭ ᠬᠤᠰᠢᠭᠤᠨ ᠤ ᠤᠤᠯ ᠤᠨ | ᠪᠤᠷᠤᠬᠤᠰᠢᠭᠤ ᠭᠦᠩᠱᠧ ᠤᠨ ᠤᠯᠠᠭᠠᠨᠨᠠᠭᠤᠷ ᠪᠠᠷᠢᠭᠠᠳᠠ ᠶᠢᠨ ᠡᠩ ᠤᠨ ᠨᠢᠭᠡᠨ ᠮᠠᠯᠴᠢᠨ ᠤ ᠭᠡᠷ ᠲᠤ ᠲᠦᠷᠦᠵᠦ | ᠦᠰᠴᠡᠢ᠃ ᠪᠤᠷᠤᠬᠤᠰᠢᠭᠤ ︵ᠤᠷᠤᠢ ᠶᠢᠨ ᠨᠡᠷᠡ︶ ᠶᠢᠨ ᠬᠠᠮᠠᠷ ᠲᠤᠰᠤᠳᠤ ᠶᠢᠨ ᠭᠤᠤᠯ ᠤᠨ ᠳᠡᠨᠵᠢ ᠪᠤᠯ ᠲᠡᠭᠦᠨ ᠤ | ᠪᠠᠯᠴᠢᠷ ᠪᠠᠭᠠ ᠶᠢᠨ ᠨᠠᠰᠤ ᠪᠠᠨ ᠲᠤᠭᠤᠯ ᠬᠤᠷᠠᠭᠠ ᠲᠠᠢ ᠲᠤᠭᠯᠠᠵᠤ ᠦᠩᠭᠡᠷᠡᠭᠦᠯᠦᠭᠰᠡᠨ ᠳᠤᠷᠠᠰᠬᠠᠯᠲᠤ ᠰᠠᠶᠢᠬᠠᠨ | ᠦᠯᠦᠭᠡᠢ ᠨᠤᠲᠤᠭ ᠨᠢ ᠶᠤᠮᠰᠠᠨ᠃ 1962 ᠤᠨ ᠤ ᠨᠠᠮᠤᠷ ᠤᠳᠤᠨᠴᠢᠮᠡᠭ ᠤᠲᠤᠭ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ | ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠢᠴᠢᠭ ᠦᠵᠡᠵᠦ 1967 ᠤᠨ ᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠡᠳ | 1968 ᠤᠨ ᠠᠴᠠ ᠤᠲᠤᠭ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠠᠩᠭᠢ ︵ᠠᠩᠬᠠ | 30 ᠳ᠋ᠤᠭᠠᠷ ᠪᠦᠯᠦᠭ︶ ᠳᠤ ᠤᠷᠤᠵᠤ ᠰᠤᠷᠤᠯᠴᠠᠭᠠᠳ1937 ᠤᠨ ᠳᠤ ᠲᠤᠰ ᠰᠤᠷᠭᠠᠭᠤᠯᠢ ᠠᠴᠠ ᠦᠨᠳᠦᠷ | ᠵᠡᠷᠭᠡ ᠶᠢᠨ ᠠᠩᠭᠢ ᠲᠡᠭᠦᠰᠦᠭᠰᠡᠨ ᠦᠨᠡᠮᠯᠡᠯ ᠲᠠᠢ ᠰᠤᠷᠤᠯᠭᠠ ᠲᠡᠭᠦᠰᠴᠡᠢ᠃ | ᠳᠤᠬᠠᠢ ᠶᠢᠨ ᠴᠠᠭ ᠦᠶᠡ ᠪᠤᠯ ᠳᠤᠮᠳᠠᠳᠤ ᠭᠦᠷᠦᠨ ᠤ ︽ᠦᠭᠡᠶᠢᠭᠦᠦ ᠠᠩᠭᠢ ᠶᠢᠨ ᠰᠤᠶᠤᠯ ᠤᠨ ᠶᠡᠭᠡ | ᠬᠤᠪᠢᠰᠬᠠᠯ︾ ᠬᠠᠷᠠᠬᠠᠨ ᠳᠠᠭᠤᠰᠤᠭᠠᠳᠤᠢ ᠪᠠᠶᠢᠭᠰᠠᠨ ᠲᠤᠯᠠ ᠦᠨᠳᠦᠷ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠬᠡᠮᠵᠢᠶᠡᠨ ᠤ ᠰᠤᠶᠤᠯ ᠰᠤᠷᠤᠯᠭᠠ ᠬᠦᠷᠲᠡᠭᠰᠡᠨ ᠬᠦᠮᠦᠰ ᠢ ᠦᠯᠡᠳᠡᠭᠡᠯ ᠦᠭᠡᠢ ᠴᠦᠮ ︽ᠰᠡᠭᠡᠭᠡᠲᠡᠨ ᠵᠠᠯᠠᠭᠤ︾ | ᠪᠤᠯᠭᠠᠵᠤ᠂ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨ ᠳᠤ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ ᠪᠠᠭᠤᠯᠭᠠᠵᠤ᠂ ︽ᠳᠠᠪᠲᠠᠨ | ᠪᠤᠯᠪᠠᠰᠤᠷᠠᠭᠤᠯᠬᠤ︾ ᠪᠤᠶᠤ ︽ᠳᠠᠬᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠬᠦᠷᠲᠡᠬᠦ︾ ᠭᠡᠰᠡᠨ ᠨᠡᠷᠡ ᠪᠠᠷ ᠪᠦᠯᠦᠭ | ᠪᠦᠯᠦᠭ ᠢᠶᠠᠷ ᠳᠤᠷᠤᠭᠰᠢ ᠶᠠᠪᠤᠭᠤᠯᠵᠤ ᠪᠠᠶᠢᠪᠠ᠃ 1974 ᠤᠨ ᠤ 3 ᠰᠠᠷᠠ ᠳᠤ ᠤᠳᠤᠨᠴᠢᠮᠡᠭ ᠴᠤ ᠡᠨᠡ ᠬᠦ ︽ | ᠰᠠᠯᠬᠢ︾ ᠳᠤᠨᠢ ᠳᠠᠭᠤᠭᠳᠠᠵᠤ ᠬᠦᠨᠵᠢᠯᠡ ᠳᠡᠪᠢᠰᠬᠡᠷ ᠢᠶᠠᠨ ︽ᠤᠯᠠᠭᠠᠨ ᠴᠡᠷᠢᠭ︾ ᠰᠢᠭ ᠳᠦᠷᠪᠡᠯᠵᠢᠭᠦᠯᠦᠨ | ᠪᠠᠭᠯᠠᠵᠤ ᠡᠭᠦᠷᠦᠭᠡᠳ ᠴᠡᠷᠢᠭ ᠤᠨ ᠨᠤᠭᠤᠭᠠᠨ ᠪᠤᠭᠴᠤ ᠪᠠᠨ ᠮᠦᠷᠦᠯᠡᠵᠦ ᠬᠠᠮᠳᠤ ᠨᠦᠭᠦᠳ ᠲᠠᠢ ᠪᠠᠨ ᠴᠤᠭ ᠤᠲᠤᠭ | ᠬᠤᠰᠢᠭᠤᠨ ᠤ ᠬᠠᠮᠤᠭ ᠤᠨ ᠪᠤᠶᠢᠳᠠ ᠪᠦᠭᠯᠡᠭᠦᠦ ᠠᠭᠤᠯᠠᠷᠬᠠᠭ ᠤᠷᠤᠨ ᠪᠤᠯᠬᠤ ᠠᠷᠪᠠᠰ ᠭᠦᠩᠱᠧ ᠶᠢᠨ ᠤᠷᠠᠨᠳᠦ᠋ᠰᠢ | ᠪᠠᠷᠢᠭᠠᠳᠠ ᠳᠤ ︽ᠬᠦᠮᠦᠵᠢᠯ ᠬᠦᠷᠲᠡᠵᠦ᠂ ᠬᠦᠳᠡᠯᠮᠦᠷᠢ ᠳᠤ ᠳᠠᠪᠳᠠᠭᠳᠠᠬᠤ︾ ᠪᠠᠷ ᠬᠦᠷᠴᠦ ᠤᠴᠢᠵᠠᠢ᠃ ᠲᠡᠷᠡ | ᠡᠷᠦᠭᠡ ᠶᠢᠨ ᠴᠡᠷᠢᠭ ᠤᠨ ︽ᠪᠠᠶᠢᠯᠳᠤᠭᠴᠢᠳ︾ ᠲᠠᠢ ᠬᠠᠮᠳᠤ ᠦᠶᠡᠷ ᠤᠨ ᠭᠤᠤ ᠬᠠᠰᠢᠵᠤ ᠤᠰᠤᠨ ᠴᠦᠬᠦᠷᠦᠮ | ᠭᠠᠷᠭᠠᠨ ᠰᠢᠭᠡᠭ ᠪᠤᠷᠳᠤᠭᠤᠷ ᠵᠦᠭᠡᠭᠡᠪᠦᠷᠢᠯᠡᠵᠦ ᠤᠰᠤᠨ ᠲᠠᠷᠢᠶᠠ ᠲᠠᠷᠢᠪᠠ᠃ ︽ᠲᠠᠷᠢᠶᠠᠯᠠᠩ ᠳ᠋ᠠᠵᠠᠢ ᠠᠴᠠ | ᠰᠤᠷᠤᠯᠴᠠᠬᠤ︾ ᠬᠦᠳᠡᠯᠭᠡᠭᠡᠨ ᠳᠤᠨᠢ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠵᠤ ᠬᠠᠳᠠ ᠬᠠᠭᠠᠯᠤᠨ ᠭᠠᠵᠠᠷ ᠲᠡᠭᠰᠢᠯᠡᠪᠡ᠃ ︽ | ᠲᠦᠷᠪᠡᠨ ᠬᠦᠮᠦᠨ ᠤ ᠪᠦᠯᠦᠭ︾ ᠢ ᠤᠨᠠᠨ ᠤᠨᠠᠲᠠᠯᠠ ︽ᠬᠤᠪᠢᠰᠬᠠᠯ ᠤᠨ ᠡᠩᠨᠡᠭᠡᠨ ᠤ ᠲᠦᠷᠦᠭᠦᠨ︾ ᠳᠤ | ᠬᠤᠰᠢᠭᠤᠴᠢᠯᠠᠵᠤ ︽ᠠᠯᠬᠤᠮ ᠳᠠᠪᠰᠢᠪᠠ︾᠃ ᠡᠨᠡ ᠪᠤᠯ ᠲᠡᠷᠡ ᠦᠶᠡ ᠶᠢᠨ ᠡᠳᠡᠨ ᠤ ᠨᠠᠰᠤᠨ ᠤ ᠵᠠᠯᠠᠭᠤᠰ ᠤᠨ | ᠬᠠᠮᠲᠤ ᠶᠢᠨ ᠦᠩᠭᠡᠷᠡᠯᠲᠡ ᠮᠦᠨ᠃ | 1977 ᠤᠨ ᠤ ᠡᠪᠦᠯ᠃ ᠪᠦᠬᠦ ᠤᠯᠤᠰ ᠲᠤ ︽ᠰᠢᠯᠭᠠᠯᠲᠠ ᠶᠢᠨ ᠲᠦᠷᠢᠮ︾ ᠳᠠᠬᠢᠨ ᠰᠡᠷᠭᠦᠭᠡᠭᠳᠡᠵᠦ | ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠ ᠵᠡᠷᠭᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ ᠴᠦᠮ ᠰᠢᠯᠭᠠᠯᠲᠠ ᠪᠠᠷ ᠳᠠᠮᠵᠢᠨ | ᠰᠤᠷᠤᠭᠴᠢ ᠡᠯᠰᠡᠬᠦ ᠪᠤᠯᠪᠠ᠃ ᠤᠳᠤᠨᠴᠢᠮᠡᠭ ᠡᠨᠡ ᠬᠦ ᠵᠠᠪᠰᠢᠶᠠᠨ ᠢ ᠠᠯᠳᠠᠯ ᠦᠭᠡᠢ ᠨᠡᠷᠡ ᠮᠡᠳᠡᠭᠦᠯᠵᠦ ᠬᠦᠰᠦᠨᠦᠭ | ᠲᠠᠭᠯᠠᠨ᠂ ᠰᠢᠯᠭᠠᠯᠲᠠ ᠳᠤᠨᠢ ᠤᠷᠤᠭᠰᠠᠨ ᠪᠤᠶᠤ ︽ᠤᠯᠤᠰ ᠲᠦᠷᠦ ᠶᠢᠨ ᠤᠬᠠᠮᠰᠠᠷ︾ ᠭᠡᠬᠦ ᠰᠢᠯᠭᠠᠯᠲᠠ ᠶᠢᠨ | ᠳᠠᠪᠠᠭᠠ ᠶᠢ ᠬᠠᠷᠢᠨ ᠵᠦᠳᠡᠨ ᠶᠠᠳᠠᠨ ᠪᠠᠶᠢᠵᠤ ᠦᠩᠭᠡᠷᠡᠭᠦᠯᠪᠡ᠃ ᠲᠡᠷᠡ ᠵᠢᠯ ᠪᠦᠬᠦ ᠤᠲᠤᠭ ᠬᠤᠰᠢᠭᠤᠨ ᠠᠴᠠ | ᠵᠠᠭᠤᠨ ᠬᠤᠷᠢ ᠭᠠᠷᠤᠢ ᠰᠢᠯᠭᠠᠭᠤᠯᠤᠭᠰᠠᠳ ᠤᠨ ᠳᠤᠲᠤᠷᠠ ᠠᠴᠠ ᠲᠠᠪᠤᠨ ᠨᠡᠷᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ | ᠡᠯᠰᠡᠭᠳᠡᠭᠰᠡᠨ ᠬᠦᠮᠦᠨ ᠤ ᠳᠤᠮᠳᠠ ᠤᠳᠤᠨᠴᠢᠮᠡᠭ ᠭᠠᠭᠴᠠ ᠪᠦᠰᠡᠭᠦᠢ ᠪᠠᠶᠢᠯᠠ᠃ ᠲᠡᠷᠡ᠂ ᠦᠪᠦᠷ ᠮᠤᠩᠭᠤᠯ ᠤᠨ | ᠡᠮᠨᠡᠯᠭᠡ ᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠮᠳᠠᠳᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠰᠠᠯᠪᠤᠷᠢ ᠳᠤ ᠰᠢᠯᠭᠠᠭᠳᠠᠨ | ᠤᠷᠤᠵᠤ ᠰᠤᠷᠤᠯᠴᠠᠵᠠᠢ᠃ ᠶᠡᠷᠦᠩᠬᠡᠢ ᠠᠩᠭᠢ ᠶᠢᠨ ᠲᠠᠪᠤᠨ ᠵᠢᠯ ᠤᠨ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠶᠢ ᠪᠡᠷᠬᠡ | ᠬᠠᠳᠠᠭᠤᠵᠢᠯᠲᠠᠢ ᠡᠳᠦᠷ ᠬᠤᠨᠤᠭ ᠤᠨ ᠳᠤᠮᠳᠠ ᠦᠩᠭᠡᠷᠡᠭᠦᠯᠵᠦ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠨᠡᠯᠢᠶᠡᠳ ᠰᠢᠰᠲ᠋ᠧᠮ ᠲᠠᠢ | ᠵᠢᠩᠬᠢᠨᠢ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠵᠦ ᠠᠪᠴᠠᠢ᠃ ᠠᠷᠤ ᠭᠡᠷ ᠲᠤᠨᠢ ᠠᠬᠠᠰᠢᠷᠠᠭᠠ ᠬᠤᠶᠠᠷ ᠨᠠᠰᠤᠳᠠᠨ ᠠᠩᠭᠠ ᠪᠢᠴᠢᠬᠠᠨ | ᠳᠡᠭᠦᠦ ᠨᠠᠷ ᠲᠠᠢ᠃ ᠠᠮᠢᠳᠤᠷᠠᠯ ᠤᠨ ᠳᠠᠷᠤᠭᠠᠰᠤ ᠬᠦᠨᠳᠦ ᠭᠡᠳᠡᠭ ᠢᠶᠠᠨ ᠤᠳᠤᠨᠴᠢᠮᠡᠭ ᠠᠯᠳᠠᠯ ᠦᠭᠡᠢ ᠮᠡᠳᠡᠨᠡ᠃ | ᠤᠷᠳᠤᠰ ᠤᠨ ᠰᠤᠨᠢᠨ ᠤ ᠬᠤᠷᠢᠶᠠᠨ ᠳᠤ ᠠᠵᠢᠯ ᠠᠯᠪᠠ ᠲᠠᠢ ᠪᠠᠶᠢᠭᠰᠠᠨ ᠠᠬᠠ ᠠᠶᠤᠩᠭᠠ ︵ᠡᠳᠦᠭᠡ ᠶᠢᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠲᠡᠷᠢᠭᠦᠯᠡᠭᠴᠢ︶ ᠶᠢᠨ ᠬᠢᠨᠢ ᠠᠵᠤ ᠠᠬᠤᠢ ᠶᠢᠨ | ᠳᠡᠮᠵᠢᠯᠭᠡ ᠬᠢᠭᠡᠳ ᠠᠯᠲᠠᠨ ᠠᠴᠠ ᠦᠨᠡᠲᠡᠢ ᠰᠤᠷᠭᠠᠯ ᠢ ᠨᠢ ᠲᠡᠷᠡ ᠬᠠᠳᠠᠨ ᠪᠠᠳᠤ ᠴᠡᠭᠡᠵᠢᠯᠡᠵᠦ ᠴᠢᠩᠳᠠ ᠰᠡᠳᠬᠢᠯ | ᠴᠢᠩ ᠵᠤᠷᠢᠭ ᠢ ᠪᠠᠷᠢᠵᠤ ᠪᠠᠶᠢᠮᠠᠨᠵᠢᠨ 1982 ᠤᠨ ᠤ ᠳᠤᠤᠷᠠ ᠬᠠᠭᠠᠰ ᠵᠢᠯ ᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰ | ᠠᠮᠵᠢᠯᠲᠠ ᠲᠠᠢ ᠲᠡᠭᠦᠰᠬᠡᠵᠦ ᠪᠢᠯᠡ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠠᠩᠭᠢ ᠶᠢᠨ ᠨᠦᠬᠦᠳ ᠲᠠᠢ ᠪᠠᠨ ᠬᠠᠮᠳᠤ ᠰᠢᠯᠢ ᠶᠢᠨ | ᠭᠤᠤᠯ ᠠᠶᠢᠮᠠᠭ ᠤᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠫᠠᠷᠠᠺᠲ᠋ᠢᠭ ᠬᠢᠵᠦ ᠰᠢᠯᠢ ᠶᠢᠨ ᠭᠤᠤᠯ ᠨᠤᠲᠤᠭᠲᠠᠢ ᠠᠯᠳᠠᠷᠳᠤ | ᠠᠬᠠᠮᠠᠳ ᠮᠤᠩᠭᠤᠯ ᠡᠮᠴᠢ ᠨᠤᠷᠫᠢᠯ ᠭᠤᠸᠠᠢ ᠠᠴᠠ ᠡᠮᠴᠢ ᠬᠦᠮᠦᠨ ᠤ ᠠᠩᠬᠠᠨ ᠤ ᠭᠠᠷ ᠤᠨ ᠠᠪᠤᠯᠭᠠ᠂ ᠰᠤᠳᠠᠯ | ᠰᠢᠨᠵᠢᠯᠡᠵᠦ ᠡᠪᠡᠳᠴᠢᠨ ᠤᠨᠤᠰᠢᠯᠠᠬᠤ ᠮᠡᠷᠭᠡᠵᠢᠯ ᠢ ᠨᠡᠯᠢᠶᠡᠳ ᠭᠦᠨᠵᠡᠭᠡᠢ ᠰᠤᠷᠴᠠᠢ᠃ ᠲᠤᠰ ᠵᠢᠯ ᠲᠡᠷᠡ ᠤᠲᠤᠭ | ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠠᠵᠢᠯ ᠤᠨ ᠬᠤᠪᠢᠶᠠᠷᠢ ᠲᠤᠰᠴᠤ ᠤᠲᠤᠭ ᠨᠤᠲᠤᠭ ᠤᠨ | ᠦᠪᠡᠷ ᠤᠨ ᠬᠢᠨᠢ ᠤᠤᠭᠠᠨ ᠡᠮᠡᠭᠲᠡᠢ ᠤᠶᠤᠲᠠᠨ ᠡᠮᠴᠢ ᠪᠤᠯᠪᠠ᠃ ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠤᠲᠤᠭ ᠬᠤᠰᠢᠭᠤᠨ ᠤ | ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠡᠳᠦᠨ ᠨᠡᠷᠡ ᠠᠬᠠᠮᠠᠳ ᠯᠠᠮᠠ ᠡᠮᠴᠢ ᠶᠢ ᠭᠠᠷᠭᠠᠪᠠᠯ ᠴᠦᠭᠡᠨ ᠬᠡᠳᠦᠨ | ᠰᠤᠷᠭᠠᠭᠤᠯᠢ ᠠᠴᠠ ᠭᠠᠷᠴᠤ ᠢᠷᠡᠭᠡᠳ ᠤᠳᠠᠭᠠᠳᠤᠢ ᠵᠠᠯᠠᠭᠤ ᠡᠮᠴᠢ ᠨᠠᠷ ᠲᠠᠢ ᠪᠠᠶᠢᠵᠤ ᠡᠮᠴᠢ ᠶᠢᠨ ᠡᠭᠦᠷᠭᠡᠯᠡᠯ ᠬᠦᠨᠳᠦ | ᠂ ᠠᠵᠢᠯ ᠶᠠᠭᠠᠷᠠᠤ᠂ ᠬᠦᠮᠦᠨ ᠪᠠ ᠪᠤᠳᠠᠰ ᠤᠨ ᠨᠦᠬᠦᠴᠡᠯ᠂ ᠲᠦᠬᠦᠭᠡᠷᠦᠮᠵᠢ ᠴᠦᠮ ᠲᠤᠳᠠᠭᠤ᠃ ᠤᠳᠤᠨᠴᠢᠮᠡᠭ ᠡᠮᠴᠢ | ᠭᠡᠭᠦᠳᠡᠭ ᠲᠦᠭᠦᠷᠡᠩ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠠᠷ ᠲᠤᠰ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠡᠮᠴᠢᠯᠡᠭᠡᠨ ᠤ | ᠲᠠᠰᠤᠭ ᠢ ᠬᠠᠮᠢᠶᠠᠷᠬᠤ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠢ ᠡᠭᠦᠷᠭᠡᠯᠡᠵᠦ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠳᠤᠲᠤᠷ ᠰᠠᠯᠠᠭᠠ ︵ | ᠭᠤᠤᠯᠳᠠᠯᠭᠠ ᠲᠠᠢ ᠡᠯᠢᠭᠡ᠂ ᠰᠦᠰᠦ᠂ ᠠᠭᠤᠰᠬᠢ᠂ ᠵᠢᠷᠦᠬᠡ᠂ ᠬᠤᠳᠤᠭᠠᠳᠤ ᠶᠢ ᠡᠮᠨᠡᠬᠦ︶ ᠪᠤᠯᠤᠨ | ᠡᠮᠡᠭᠲᠡᠶᠢᠴᠦᠳ ᠤᠨ ᠰᠠᠯᠠᠭᠠᠨ ᠤ ᠡᠮᠴᠢᠯᠡᠭᠡᠨ ᠤ ᠠᠵᠢᠯ ᠢ ᠳᠠᠪᠬᠤᠷᠯᠠᠨ ᠬᠠᠷᠢᠭᠤᠴᠠᠵᠤ ᠪᠠᠶᠢᠪᠠ᠃ ᠲᠡᠷᠡ ᠲᠤᠰ | ᠬᠤᠷᠢᠶᠠᠨ ᠤ ᠠᠬᠠᠮᠠᠳ ᠡᠮᠴᠢ ᠲᠤᠭᠮᠢᠳ ᠪᠠᠭᠰᠢ ᠠᠴᠠ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠠᠷ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ | ᠤᠯᠠᠮᠵᠢᠯᠠᠯᠲᠤ ᠡᠮᠴᠢᠯᠡᠭᠡᠨ ᠤ ᠮᠡᠷᠭᠡᠵᠢᠯᠢ ᠰᠤᠷᠤᠯᠴᠠᠨ ᠡᠵᠡᠮᠰᠢᠵᠦ ᠤᠨᠴᠠᠭᠠᠶᠢᠯᠠᠨ ᠪᠠᠴᠢᠮ ᠠᠪᠤᠷᠠᠯᠲᠠ ᠬᠢᠬᠦ | ᠲᠠᠯᠠ ᠪᠠᠷ ᠬᠢ ᠳᠤᠷᠰᠢᠯᠭᠠ ᠶᠢ ᠭᠡᠭᠡᠭᠳᠡᠭᠦᠯᠦᠯ ᠦᠭᠡᠢ ᠡᠵᠡᠮᠰᠢᠵᠦ ᠠᠪᠴᠠᠢ᠃ ᠲᠡᠷᠡ ᠪᠠᠰᠠ ᠨᠤᠲᠤᠭ ᠤᠨ | ᠠᠷᠭᠠ ᠪᠠᠷ ᠡᠪᠡᠳᠴᠢᠲᠡᠨ ᠢ ᠡᠮ ᠪᠤᠶᠤ ᠲᠤᠮ ᠵᠠᠰᠠᠯ ᠢ ᠬᠠᠪᠰᠤᠷᠭᠠᠨ ᠤᠶᠠᠯᠳᠤᠭᠤᠯᠵᠤ ᠡᠮᠴᠢᠯᠡᠬᠦ ᠲᠠᠯᠠ ᠪᠠᠷ ᠨᠠᠷᠢᠨ | ᠭᠡᠭᠴᠢ ᠰᠤᠷᠤᠯᠴᠠᠵᠤ ᠰᠤᠳᠤᠯᠤᠨ᠂ ᠨᠡᠯᠢᠶᠡᠳ ᠠᠮᠵᠢᠯᠲᠠ ᠶᠢ ᠤᠯᠵᠠᠢ᠃ ᠪᠤᠷᠤᠬᠤᠰᠢᠭᠤ ᠨᠤᠲᠤᠭ ᠤᠨ ᠨᠡᠷᠡᠲᠡᠢ | ᠠᠬᠠᠮᠠᠳ ᠵᠠᠶᠢᠷᠠᠩ ︵ᠢᠲᠤᠭᠠᠨ︶ ᠽᠠᠮᠪᠤᠯᠢᠩ ᠤᠨ ᠳᠤ ᠬᠤᠨᠤᠭᠤᠳᠠ ᠦᠨᠵᠢᠭᠦᠳᠡ ᠪᠠᠷ ᠬᠡᠳᠦᠨᠳᠡ ᠬᠦᠷᠴᠦ | ᠪᠠᠷᠠᠳᠠᠨ ᠰᠠᠭᠤᠵᠤ ᠪᠦᠰᠡᠭᠦᠶᠢᠴᠦᠳ ᠤᠨ ᠬᠡᠪᠡᠯᠢ ᠲᠤᠩᠰᠢᠬᠤ᠂ ᠬᠦᠯ ᠨᠢᠷᠤᠭᠤ ᠡᠪᠡᠳᠴᠦ ᠬᠠᠪᠤᠳᠬᠤ᠂ ᠲᠠᠷᠢᠬᠢᠨ ᠤ | ᠳᠤᠷᠭᠢᠯᠲᠠᠶᠢ ᠳᠤᠮᠨᠠᠬᠤ ᠮᠡᠷᠭᠡᠵᠢᠯ ᠢ ᠬᠦᠴᠦ ᠲᠠᠯᠪᠢᠵᠤ ᠰᠤᠷᠤᠯᠴᠠᠭᠰᠠᠨ ᠪᠠᠶᠢᠨᠠ᠃ ᠽᠠᠮᠪᠤᠯᠢᠩ ᠨᠠᠰᠤᠳᠠᠨ ᠪᠤᠯ | ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠤᠲᠤᠭ ᠤᠨ ᠤᠷᠳᠤ ᠪᠡᠶᠡ ᠳᠤ ᠨᠡᠷᠡᠲᠡᠢ ᠵᠠᠶᠢᠷᠠᠩ ᠪᠠᠶᠢᠵᠤ ᠬᠡᠪᠡᠯᠢ ᠶᠢᠨ ᠳᠤᠲᠤᠷᠠ | ᠭᠡᠮᠳᠦᠵᠦ ᠦᠬᠦᠭᠰᠡᠨ ᠨᠢᠯᠬᠠ ᠶᠢ ᠰᠤᠶᠢᠯᠠᠨ ᠭᠠᠷᠭᠠᠬᠤ ︵ᠳᠤᠯᠢᠶᠠᠪᠤᠷ ᠡᠷᠡᠬᠡᠢ ᠬᠤᠶᠠᠷ ᠬᠤᠷᠤᠭᠤᠨ ᠤ ᠪᠠᠨ | ᠵᠠᠪᠰᠠᠷ ᠲᠤ ᠵᠢᠵᠢᠭ ᠤᠨᠤᠪᠴᠢ ᠬᠠᠪᠴᠢᠭᠤᠯᠤᠨ ᠪᠦᠰᠡᠭᠦᠶᠢᠴᠦᠳ ᠤᠨ ᠬᠡᠪᠡᠯᠢᠨ ᠳᠡᠭᠡᠨ ᠦᠬᠦᠭᠰᠡᠨ ᠨᠢᠯᠬᠠ ᠶᠢ | ᠳᠤᠶᠠᠴᠢᠨ ᠰᠠᠯᠭᠠᠵᠤ ᠡᠬᠡ ᠶᠢ ᠨᠢ ᠠᠪᠤᠷᠠᠨ ᠠᠪᠴᠤ ᠪᠠᠶᠢᠭᠰᠠᠨ︶᠂ ᠵᠦᠭᠰᠢᠷᠡᠭᠦᠯᠵᠦ ᠰᠢᠬᠠᠬᠤ᠂ ᠲᠦᠷᠢᠯᠭᠡ ᠦᠭᠡᠢ | ᠪᠤᠯᠤᠭᠰᠠᠨ ᠪᠦᠰᠡᠭᠦᠢ ᠶᠢ ᠰᠤᠭᠰᠤᠷᠴᠤ ᠲᠤᠮᠨᠤᠬᠤ ᠪᠤᠶᠤ ᠡᠷᠲᠡ ᠤᠷᠤᠭ ᠤᠨᠠᠭᠠᠬᠤ ᠠᠶᠤᠯᠲᠡᠢ ᠪᠦᠰᠡᠬᠦᠶᠢᠴᠦᠳ ᠢ | ᠴᠢᠳᠦᠷᠯᠡᠬᠦ ᠵᠡᠷᠭᠡ ᠠᠷᠭᠠ ᠪᠠᠷ ᠬᠡᠥᠬᠡᠳ ᠤᠨ ᠲᠤᠭᠳᠠᠴᠠ ᠶᠢ ᠨᠢ ᠬᠠᠮᠠᠭᠠᠯᠠᠬᠤ ᠤᠨᠴᠠᠭᠠᠢ ᠮᠡᠷᠭᠡᠵᠢᠯ ᠲᠠᠢ ᠬᠦᠮᠦᠨ | ᠪᠠᠶᠢᠵᠤ ᠢᠯᠢᠨ ᠲᠤᠮᠨᠤᠬᠤ᠂ ᠰᠤᠭᠰᠤᠷᠴᠤ ᠵᠦᠭᠰᠢᠷᠡᠭᠦᠯᠬᠦ ᠠᠷᠭᠠ ᠪᠠᠷ ᠡᠬᠡ ᠦᠷᠡ ᠶᠢ ᠴᠤᠭ ᠲᠤᠨᠢ ᠮᠡᠨᠳᠦ | ᠰᠠᠯᠭᠠᠭᠰᠠᠨ ᠲᠡᠥᠬᠡ ᠤᠯᠠᠨ ᠲᠠᠢ᠃ | 1984 ᠤᠨ ᠤ ᠨᠠᠮᠤᠷ ᠤᠨ ᠨᠢᠭᠡᠨ ᠡᠳᠦᠷ᠃ ᠤᠳᠤᠨᠴᠢᠮᠡᠭ ᠡᠮᠴᠢ ᠶᠠᠭ ᠰᠠᠶᠢᠬᠠᠨ ᠪᠤᠢ ᠪᠦᠬᠦᠢ ᠠᠵᠢᠯ ᠤᠨ | ᠤᠴᠢᠷ ᠢᠶᠠᠨ ᠵᠦᠭᠰᠢᠷᠡᠭᠦᠯᠴᠢᠭᠡᠭᠡᠳ ᠦᠳᠡ ᠶᠢᠨ ᠠᠮᠠᠷᠠᠯᠲᠠ ᠳᠠᠭᠠᠨ ᠪᠠᠭᠤᠶᠠ ᠭᠡᠵᠦ ᠪᠠᠶᠢᠳᠠᠯᠠ ᠮᠤᠩᠭᠤᠯ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠠᠶᠠᠨᠰᠡᠷᠡᠩ ᠪᠢᠴᠢᠬᠠᠨ ᠬᠦᠪᠡᠭᠦᠨ ᠢᠶᠠᠨ ᠪᠠᠭᠯᠠᠵᠤ ᠡᠭᠦᠷᠴᠢᠬᠡᠭᠰᠡᠨ ᠳᠤᠭᠤᠢ ᠲᠡᠷᠭᠡ ᠪᠠᠷ | ᠳᠠᠪᠬᠢᠨ ᠢᠷᠡᠬᠦ ᠲᠠᠢ ᠶᠠᠪ ᠴᠠᠭ ᠬᠠᠷᠭᠤᠪᠠ᠃ | ᠪᠠᠶᠠᠨᠰᠡᠷᠡᠩ ᠪᠠᠭᠰᠢ ᠤᠳᠤᠨᠴᠢᠮᠡᠩ ᠢ ᠦᠵᠡᠮᠡᠭᠴᠡ ᠪᠠᠨ᠄ | ︽ᠡᠮᠴᠢ ᠡ︕ ᠡᠨᠡ ᠬᠡᠥᠭᠡᠳ ᠪᠤᠯᠬᠤ ᠪᠠᠨ ᠪᠠᠶᠢᠴᠢᠬᠠᠯᠠ᠃ ᠲᠠ ᠲᠦᠷᠭᠡᠨ ᠦᠵᠡᠭᠡᠳ ᠠᠯᠢ ᠁︾ | ᠭᠡᠵᠦ ᠬᠤᠭᠤᠯᠠᠢ ᠨᠢ ᠡᠷᠢᠶᠡᠨᠲᠦᠨ ᠦᠬᠦᠯᠡᠨᠡ᠃ ᠤᠳᠤᠨᠴᠢᠮᠡᠭ ᠡᠮᠴᠢ ᠨᠢᠭᠡᠨᠲᠠ ᠲᠠᠶᠢᠯᠤᠭᠰᠠᠨ ᠬᠠᠯᠠᠲ᠋ᠤ᠋ ᠪᠠᠨ | ᠬᠠᠯᠠᠬᠤ ᠶᠢᠨ ᠵᠠᠪ ᠦᠭᠡᠢ ᠪᠠᠷ ᠤᠭᠲᠤᠨ ᠤᠴᠢᠵᠤ ᠮᠠᠨᠴᠤᠢ ᠲᠠᠢ ᠨᠢᠯᠬᠠ ᠶᠢ ᠲᠤᠰᠤᠨ ᠠᠪᠤᠮᠠᠭᠴᠠ ᠲᠦᠷᠭᠡᠨ | ᠠᠪᠤᠷᠠᠯᠲᠠ ᠶᠢᠨ ᠳᠠᠰᠤᠯᠭᠠᠨ ᠳᠠᠭᠠᠨ ᠠᠪᠴᠤ ᠤᠷᠤᠪᠠ᠃ ᠮᠠᠨᠴᠤᠢ ᠶᠢ ᠨᠢ ᠵᠠᠳᠠᠯᠤᠭᠠᠳ ᠦᠵᠡᠪᠡᠯ ᠡᠨᠡ ᠬᠦ ᠤᠢ | ᠳᠠᠭᠠᠨ ᠠᠷᠠᠢ ᠬᠦᠷᠪᠡ ᠤᠤ ᠭᠡᠮᠡᠷ ᠪᠢᠴᠢᠬᠠᠨ ᠬᠦᠪᠡᠭᠦᠨ ᠤ ᠨᠢᠭᠤᠷ ᠴᠢᠷᠠᠢ ᠦᠨᠡᠰᠦᠨ ᠬᠦᠬᠡ ᠪᠠᠷ ᠰᠠᠭᠠᠷᠠᠯᠳᠤᠵᠤ | ᠠᠮᠢᠰᠬᠤᠯ ᠦᠭᠡᠢ ᠪᠤᠯᠴᠢᠬᠠᠭᠰᠠᠨ ᠪᠦᠭᠡᠳ ᠵᠢᠷᠦᠬᠡᠨ ᠴᠤᠬᠢᠯᠭᠠ ᠨᠢ ᠠᠷᠠᠢ ᠮᠠᠷ ᠮᠠᠷ ᠬᠡᠮᠡᠷ ᠶᠠᠭᠤᠮᠠ ᠮᠡᠳᠡᠭᠳᠡᠬᠦ ᠶᠢᠨ | ᠲᠡᠳᠦᠢ ᠯᠠ ᠪᠠᠶᠢᠪᠠ᠃ ᠤᠳᠤᠨᠴᠢᠮᠡᠭ ᠡᠮᠴᠢ ᠨᠢᠭᠡ ᠲᠠᠯᠠ ᠪᠠᠷ ᠢᠶᠠᠨ ᠡᠪᠡᠳᠴᠢᠲᠡᠨ ᠤ ᠠᠬᠠᠮᠠᠳ ᠢ ᠦᠭᠡ ᠪᠠᠷ | ᠳᠠᠶᠢᠳᠬᠤᠷᠤᠭᠤᠯᠤᠨ ᠰᠡᠳᠬᠢᠯ ᠢ ᠨᠢ ᠲᠦᠭᠡᠷᠢᠭᠳᠡᠭᠦᠯᠵᠦ ᠨᠦᠬᠦᠭᠡ ᠲᠠᠯᠠ ᠪᠠᠷ ᠢᠶᠠᠨ ᠲᠤᠭᠮᠢᠳ ᠪᠠᠭᠰᠢ ᠶᠢᠨ ᠢᠶᠠᠨ | ᠵᠢᠭᠠᠭᠰᠠᠨ ︽ᠬᠡᠥᠬᠡᠳ ᠢ ᠪᠠᠷᠢᠬᠤ︾ ᠠᠷᠭᠠ ︵ᠪᠠᠯᠴᠢᠷ ᠢ ᠨᠢ ᠬᠦᠨᠳᠡᠵᠦ ᠨᠤᠬᠤᠯᠤᠨ ᠪᠠᠷᠢᠬᠤ ᠪᠠᠷ | ᠰᠢᠪᠳᠤᠷᠠᠭᠤᠯᠤᠨ ᠢᠯᠢᠭᠡᠳ ᠳᠠᠬᠢᠨ ᠬᠠᠭᠤᠷᠠᠢ ᠵᠡᠭᠦᠦ ᠪᠠᠷ ᠴᠢᠬᠤᠯᠠ ᠪᠠᠯᠴᠢᠷ ᠲᠤᠨᠢ ᠬᠦᠨᠳᠡᠯᠭᠡ ᠬᠢᠭᠰᠡᠨ ᠳᠤ ᠡᠨᠡ | ᠬᠦ ᠮᠠᠨᠠᠷᠠᠭᠰᠠᠨ ᠨᠢᠯᠬᠠ ᠲᠦᠳᠡᠯ ᠦᠭᠡᠢ ᠨᠢᠳᠦ ᠨᠢ ᠨᠡᠭᠡᠭᠡᠨ ᠠᠮᠢᠰᠬᠤᠯ ᠤᠷᠤᠭᠰᠠᠨ ᠪᠠᠶᠢᠯᠠ᠃ | 1992 ᠤᠨ ᠤ ᠬᠠᠪᠤᠷ᠃ ᠰᠦᠮᠡᠳᠦ ᠰᠤᠮᠤᠨ ᠤ ᠪᠠᠭᠠ ᠡᠷᠬᠡᠲᠦ ᠭᠠᠴᠠᠭᠠᠨ ᠤ ᠲᠠᠪᠢ ᠭᠠᠷᠤᠢ ᠨᠠᠰᠤᠲᠠᠢ | ᠪᠤᠤᠰᠤᠸᠠᠷ ᠭᠡᠭᠴᠢ ᠪᠦᠰᠡᠬᠦᠢ ᠶᠢᠨ ᠠᠭᠤᠰᠬᠢᠨ ᠬᠠᠪᠤᠩ ᠨᠢ ᠶᠡᠬᠡᠳᠴᠦ ᠭᠠᠳᠠᠨᠠ ᠤᠷᠤᠨ ᠢᠶᠠᠷ ᠦᠵᠡᠭᠦᠯᠦᠭᠡᠳ ᠪᠦᠷ | ᠳᠤᠰᠠ ᠦᠭᠡᠢ ᠪᠤᠯᠵᠤ ᠬᠠᠷᠢᠵᠤ ᠢᠷᠡᠵᠡᠢ᠃ ᠭᠡᠪᠡᠴᠦ ᠲᠡᠭᠦᠨ ᠤ ᠭᠡᠷ ᠪᠦᠯᠢ ᠶᠢᠨ ᠬᠢᠨ ᠪᠠᠶᠢᠮ ᠨᠢᠭᠡᠨ ᠬᠦᠮᠦᠨ ᠢᠶᠠᠨ | ᠪᠠᠷᠬᠢᠷᠠᠭᠤᠯᠵᠤ ᠪᠠᠶᠢᠭᠠᠳ ᠦᠬᠦᠭᠦᠯᠵᠦ ᠪᠤᠯᠬᠤ ᠦᠭᠡᠢ ᠲᠤᠯᠠ ᠰᠤᠷᠠᠭᠯᠠᠭᠰᠠᠭᠠᠷ ᠪᠠᠶᠢᠭᠠᠳ ᠤᠳᠤᠨᠴᠢᠮᠡᠭ ᠡᠮᠴᠢ ᠪᠠᠷ | ᠨᠢᠭᠡ ᠮᠦᠷ ᠦᠵᠡᠭᠦᠯᠵᠦ ᠶᠠᠭᠤ ᠪᠤᠯ ᠶᠠᠭᠤ ᠪᠤᠯᠤᠭ ᠭᠡᠳ ᠳᠠᠳᠠᠵᠤ ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ᠃ ᠤᠳᠤᠨᠴᠢᠮᠡᠭ ᠡᠮᠴᠢ | ᠲᠤᠰ ᠡᠪᠡᠳᠴᠢᠲᠡᠨ ᠤ ᠪᠠᠶᠢᠳᠠᠯ ᠢ ᠨᠠᠷᠢᠨ ᠨᠢᠮᠪᠠᠢ ᠠᠵᠢᠭᠯᠠᠨ ᠰᠢᠨᠵᠢᠯᠡᠭᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠳᠤᠰᠬᠠᠢ ᠵᠤᠷ | ᠵᠤᠷᠯᠠᠵᠤ ᠰᠠᠷᠠ ᠭᠠᠷᠤᠢ ᠡᠮᠴᠢᠯᠡᠭᠰᠡᠨ ᠳᠤ ᠢᠯᠡᠷᠬᠡᠢ ᠰᠠᠶᠢᠵᠢᠷᠠᠵᠤ ᠲᠡᠩᠭᠡᠷᠡᠭᠰᠡᠨ ᠮᠦᠷᠳᠡᠭᠡᠨ ᠶᠠᠪᠤᠵᠤ ᠰᠠᠭᠤᠬᠤ | ᠲᠠᠢ ᠪᠤᠯᠵᠤ ᠦᠭᠡ ᠳᠠᠭᠤᠨ ᠨᠢ ᠴᠤ ᠤᠯᠠᠰᠢᠷᠠᠨ ᠡᠷᠡᠭᠦᠯᠵᠢᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ ᠢᠩᠬᠢᠭᠡᠳ ᠤᠳᠤᠨᠴᠢᠮᠡᠭ | ᠡᠮᠴᠢ ᠡᠨᠡ ᠬᠦᠮᠦᠨ ᠳᠤ ᠭᠤᠷᠪᠠᠨ ᠰᠠᠷᠠ ᠡᠮ ᠤᠤᠭᠤᠯᠭᠠᠭᠠᠳ ᠵᠤᠨ ᠪᠤᠯᠬᠤ ᠳᠤ ᠰᠠᠭᠠᠯᠢ ᠶᠢᠨ ᠳᠤ ᠭᠠᠷᠭᠠᠵᠤ | ᠰᠤᠪᠢᠯᠠᠯᠲᠠ ᠬᠢᠬᠦ ᠶᠢ ᠰᠠᠨᠠᠭᠤᠯᠤᠭᠠᠳ ᠭᠡᠷ ᠲᠤᠨᠢ ᠬᠠᠷᠢᠭᠤᠯᠵᠠᠢ᠃ ᠲᠤᠰ ᠡᠪᠡᠳᠴᠢᠲᠡᠨ ᠰᠡᠭᠦᠯ ᠳᠤᠨᠢ ᠪᠦᠷᠢᠮᠦᠰᠦᠨ | ᠡᠳᠡᠭᠡᠷᠡᠭᠡᠳ ᠤᠳᠤ ᠪᠤᠯᠲᠠᠯᠠ ᠪᠠᠨ ᠠᠮᠢᠳᠤ ᠪᠠᠶᠢᠭᠰᠠᠭᠠᠷ᠃ ᠴᠠᠪ ᠤᠨ ᠰᠢᠨᠡ ᠴᠢᠷᠭᠠ ᠭᠡᠰᠡᠨ ᠭᠠᠵᠠᠷ ᠲᠤ | ᠰᠡᠷᠭᠦᠯᠡᠩ ᠭᠡᠳᠡᠭ ᠦᠷᠡ ᠬᠡᠥᠭᠡᠳ ᠦᠭᠡᠢ ᠳᠠᠯᠠ ᠭᠠᠷᠤᠭᠰᠠᠨ ᠡᠪᠦᠭᠡᠨ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠪᠦᠬᠦᠯᠢ ᠪᠡᠶᠡ ᠨᠢ | ᠡᠪᠡᠳᠴᠢᠨ ᠠᠷᠬᠠᠭ ᠲᠤ ᠳᠠᠷᠤᠭᠳᠠᠨ ᠪᠦᠲᠦᠨ ᠵᠢᠯ ᠳᠤᠷᠰᠢ ᠡᠮ ᠢᠶᠠᠷ ᠭᠦᠴᠦᠯᠡᠳᠡᠭ᠃ ᠤᠳᠤᠨᠴᠢᠮᠡᠭ ᠡᠮᠴᠢ ᠠᠴᠠ | ᠡᠮ ᠤᠤᠭᠤᠵᠤ ᠡᠬᠢᠯᠡᠭᠰᠡᠨ ᠤ ᠳᠠᠷᠠᠭᠠ ᠡᠮ ᠨᠢ ᠰᠦᠷᠡᠬᠡᠢ ᠵᠤᠬᠢᠷᠠᠵᠤ ᠴᠢᠪ ᠰᠡᠭᠦᠯ ᠳᠡᠭᠡᠨ ᠤᠳᠤᠨᠴᠢᠮᠡᠭ | ᠡᠮᠴᠢ ᠠᠴᠠ ᠪᠤᠰᠤᠳ ᠦᠭᠡᠷᠡ ᠬᠡᠨ ᠠᠴᠠ ᠴᠤ ᠡᠮ ᠤᠤᠭᠤᠬᠤ ᠦᠭᠡᠢ ᠭᠡᠳᠡᠭ ᠪᠤᠯᠪᠠ᠃ ᠤᠤᠯ ᠨᠢ ᠪᠠᠭᠠ ᠰᠠᠭᠠ | ᠮᠠᠯ ᠤᠨ ᠤᠷᠤᠯᠭᠠ ᠵᠤᠭᠤᠰ ᠮᠦᠩᠭᠦ ᠪᠠᠨ ᠤᠳᠠᠢ᠂ ᠭᠦᠮᠪᠦᠮ ᠳᠤ ᠠᠪᠠᠴᠢᠵᠤ ᠡᠷᠭᠦᠯᠭᠡ ᠪᠠᠷᠢᠯᠭᠠ ᠳᠤ | ᠵᠠᠷᠤᠴᠠᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠤᠯ ᠬᠤᠵᠢᠮ ᠨᠢ ᠪᠤᠷᠬᠠᠨ ᠢᠶᠠᠨ ᠭᠡᠷ ᠠᠴᠠ ᠪᠠᠨ ᠶᠤᠰᠤᠨ ᠲᠡᠳᠦᠢ ᠳᠠᠬᠢᠵᠤ ᠶᠡᠬᠡᠩᠬᠢ | ᠵᠤᠭᠤᠰ ᠮᠦᠩᠭᠦ ᠪᠠᠨ ᠪᠡᠶᠡ ᠪᠠᠨ ᠰᠤᠪᠢᠯᠠᠬᠤ᠂ ᠶᠠᠪᠤᠳᠠᠯ ᠮᠦᠷ ᠢᠶᠠᠨ ᠬᠡᠮᠵᠢᠶᠡᠯᠡᠬᠦ᠂ ᠤᠬᠠᠪᠤᠷᠢᠲᠠᠢ ᠪᠠᠷ ᠡᠮᠴᠢᠯᠡᠯ | ᠠᠮᠢᠳᠤᠷᠠᠯ ᠢᠶᠠᠨ ᠳᠤᠬᠢᠷᠠᠭᠤᠯᠬᠤ ᠳᠡᠭᠡᠷᠡ ᠵᠠᠷᠤᠳᠠᠭ ᠪᠤᠯᠵᠤ ᠭᠡᠷ ᠤᠨ ᠬᠢᠨᠢ ᠠᠮᠢᠳᠤᠷᠠᠯ ᠨᠢ ᠴᠤ ᠳᠡᠭᠡᠭᠰᠢᠯᠡᠭᠰᠡᠨ | ᠮᠦᠷᠳᠡᠭᠡᠨ ᠨᠠᠶᠠ ᠭᠠᠷᠳᠠᠯᠠ ᠲᠡᠶᠢᠮᠦ ᠶᠡᠭᠡ ᠵᠤᠪᠠᠵᠤ ᠵᠦᠳᠡᠷᠡᠯ ᠦᠭᠡᠢ ᠪᠠᠷ ᠤᠳᠤᠨᠴᠢᠮᠡᠭ ᠡᠮᠴᠢ ᠶᠢᠨ ᠳᠤᠰᠬᠠᠢ | ᠨᠠᠶᠢᠷᠠᠭᠤᠯᠤᠭᠰᠠᠨ ᠵᠤᠷ ᠢ ᠤᠤᠭᠤᠵᠤ ᠪᠠᠶᠢᠭᠠᠳ ᠨᠠᠰᠤᠨ ᠤ ᠲᠠᠭᠠᠯᠠᠯ ᠢᠶᠠᠨ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | ᠤᠳᠤᠨᠴᠢᠮᠡᠭ ᠡᠮᠴᠢ ᠤᠲᠤᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠭᠤᠤᠯᠯᠠᠬᠤ ᠡᠷᠬᠢᠯᠡᠭᠴᠢ | ᠪᠠᠶᠢᠲᠠᠯᠠ ᠪᠠᠨ 1984 ᠤᠨ ᠠᠴᠠ1999 ᠤᠨ ᠬᠦᠷᠲᠡᠯᠡ ︽ᠮᠤᠩᠭᠤᠯ ᠡᠮᠴᠢ ᠨᠠᠷ ᠢ ᠳᠠᠪᠲᠠᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠰᠤᠷᠭᠠᠭᠤᠯᠢ︾ ᠲᠤ ᠪᠡᠯᠡᠳᠬᠡᠯ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠷ ᠤᠯᠠᠨ ᠬᠤᠭᠤᠴᠠᠭᠠᠨ ᠤ | ᠡᠮᠴᠢ ᠶᠢᠨ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠳᠤ ᠪᠡᠶᠡ ᠪᠠᠷ ᠢᠶᠠᠨ ᠤᠷᠤᠯᠴᠠᠵᠤ ᠪᠢᠯᠡ᠃ ᠲᠡᠷᠡ1987 ᠤᠨ ᠠᠴᠠ 2003 | ᠤᠨ ᠪᠤᠯᠲᠠᠯᠠ ᠤᠲᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠡᠳ᠋ ᠳᠠᠷᠤᠭᠠ᠂ ᠡᠮᠴᠢᠯᠡᠭᠡᠨ ᠤ | ᠰᠠᠯᠠᠭᠠ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠷ ᠠᠵᠢᠯᠯᠠᠵᠤ ᠪᠦᠬᠦ ᠬᠦᠯᠢᠶᠡᠨ ᠠᠪᠴᠤ ᠦᠵᠡᠭᠰᠡᠨ ᠡᠪᠡᠳᠴᠢᠲᠡᠨ ᠤ ᠲᠤᠭᠠ 10 | ᠭᠠᠷᠤᠢ ᠲᠦᠮᠡᠨ ᠬᠦᠮᠦᠨ ︵ᠤᠳᠠᠭᠠ︶ ᠳᠤ ᠬᠦᠷᠴᠦ᠂ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠨᠠᠨ ᠪᠠᠶᠢᠴᠠᠭᠠᠵᠤ | ᠡᠪᠡᠳᠴᠢᠲᠡᠨ ᠤ ᠨᠠᠮᠲᠠᠷ ᠢ ᠨᠢ ᠪᠢᠴᠢᠵᠦ ᠦᠯᠡᠳᠡᠭᠡᠭᠰᠡᠨ ᠬᠦᠮᠦᠨ ᠤ ᠲᠤᠭᠠ ᠬᠤᠶᠠᠷ ᠲᠦᠮᠡ ᠶᠢ ᠳᠠᠪᠠᠭᠰᠠᠨ ᠪᠠᠶᠢᠨᠠ | ᠃ ᠲᠡᠷᠡ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠠᠭᠠᠨ ᠭᠤᠤᠯᠯᠠᠭᠴᠢ ᠨᠢᠷᠤᠭᠤᠪᠴᠢ ᠶᠢᠨ ᠦᠢᠯᠡᠳᠦᠯ ᠢ ᠪᠠᠳᠠᠷᠠᠭᠤᠯᠵᠤ | 1987 ᠤᠨ ᠠᠴᠠ 2002 ᠤᠨ ᠪᠤᠯᠳᠠᠯᠠ ᠭᠤᠷᠪᠠᠨ ᠵᠠᠭᠤ ᠰᠢᠬᠠᠮ ᠬᠤᠪᠢ ︽ᠬᠢᠵᠢᠭ ᠬᠢᠭᠡᠳ ᠬᠠᠯᠳᠠᠪᠤᠷᠢᠳᠤ | ᠡᠪᠡᠳᠴᠢᠨ ᠤ ᠳᠤᠬᠠᠢ ᠮᠡᠳᠡᠭᠦᠯᠦᠯᠲᠡ︾ ᠶᠢ ᠪᠢᠴᠢᠵᠦ ᠦᠪᠡᠷ ᠤᠨ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠠᠵᠢᠯ ᠢᠶᠠᠨ ᠲᠦᠪᠡᠭᠰᠢᠶᠡᠯ | ᠦᠭᠡᠢ ᠪᠠᠷ ᠪᠡᠶᠡᠯᠡᠭᠦᠯᠵᠦ ᠠᠶᠢᠮᠠᠭ ᠱᠠᠲᠤᠨ ᠤ ᠬᠤᠰᠢᠭᠤ ᠰᠢᠶᠠᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠤᠳᠤᠷᠠ ᠪᠠᠨ | ᠤᠯᠠᠨᠲᠠ ᠦᠨᠳᠦᠷ ᠦᠨᠡᠯᠡᠭᠳᠡᠨ ᠬᠦᠬᠢᠭᠦᠯᠦᠭᠳᠡᠵᠦ ᠦᠩᠭᠡᠷᠡᠵᠡᠢ᠃ ᠤᠳᠤᠨᠴᠢᠮᠡᠭ ᠡᠮᠴᠢ 1995 ᠤᠨ ᠤ 9 | ᠰᠠᠷᠠ ᠠᠴᠠ 1996 ᠤᠨᠤ 7 ᠰᠠᠷᠠ ᠪᠤᠯᠲᠠᠯᠠ ᠦᠪᠦᠷ ᠮᠤᠩᠭᠤᠯ ᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠺᠠᠳ᠋ᠷ ᠤᠨ ᠳᠠᠪᠲᠠᠨ | ᠪᠤᠯᠪᠠᠰᠤᠷᠠᠬᠤ ᠬᠦᠷᠢᠶᠡᠯᠡᠩ ᠤᠨ ︽ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ᠢ ᠰᠤᠳᠤᠯᠬᠤ ᠠᠩᠭᠢ︾ ᠲᠤ | ᠰᠤᠷᠤᠯᠴᠠᠭᠠᠳ ᠦᠪᠡᠷ ᠤᠨ ᠠᠵᠢᠯ ᠤᠨ ᠳᠤᠷᠰᠢᠯᠭᠠ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠤ ᠨᠡᠯᠢᠶᠡᠳ ᠬᠤᠪᠢ ᠦᠨᠡ ᠴᠠᠨᠠ | ᠲᠠᠢ ᠦᠭᠦᠯᠡᠯ ᠢ ᠪᠢᠴᠢᠵᠦ ᠤᠷᠤᠨ᠂ ᠠᠶᠢᠮᠠᠭ ᠤᠨ ᠰᠤᠨᠢᠨ ᠰᠡᠳᠬᠦᠯ ᠤᠳ ᠳᠡᠭᠡᠷᠡ ᠨᠡᠶᠢᠳᠡᠯᠡᠭᠦᠯᠪᠡ᠃ ᠡᠭᠦᠨ ᠳᠤ ︽ | ᠡᠮᠡᠭᠲᠡᠢ ᠶᠢᠨ ᠡᠪᠡᠳᠴᠢᠨ ᠢ ᠳᠤᠮ ᠵᠠᠰᠠᠯ ᠢᠶᠠᠷ ᠡᠮᠴᠢᠯᠡᠬᠦ ᠳᠤᠬᠠᠢ ᠦᠭᠦᠯᠡᠬᠦ ᠨᠢ︾᠂ ︽ᠳᠤᠲᠤᠷ ᠡᠪᠡᠳᠴᠢᠨ ᠤ | ᠤᠨᠤᠰᠢᠯᠠᠯ ᠤᠨ ᠳᠤᠬᠠᠢ︾᠂ ︽ᠴᠠᠭ ᠠᠭᠤᠷ ᠪᠠ ᠡᠮ ᠡᠮᠨᠡᠯᠭᠡ︾ ᠭᠡᠬᠦ ᠮᠡᠳᠦ ᠶᠢᠨ ᠳᠤᠷᠪᠢᠲᠠᠢ ᠪᠦᠳᠦᠭᠡᠯ ᠪᠠᠶᠢᠬᠤ | ᠮᠦᠷᠳᠡᠭᠡᠨ ᠤᠨᠴᠠᠭᠠᠶᠢᠯᠠᠨ ︽ᠬᠦᠮᠦᠨ ᠤ ᠪᠡᠶᠡ ᠳᠠᠬᠢ ᠪᠦᠭᠡᠰᠦᠨ ᠤ ᠡᠭᠦᠰᠦᠯ ᠦᠢᠯᠡᠳᠦᠯ ᠤᠨ ᠳᠤᠬᠠᠢ ᠠᠵᠢᠭᠯᠠᠯᠲᠠ | ︾ ᠭᠡᠬᠦ ᠦᠭᠦᠯᠡᠯ ᠨᠢ ᠠᠷᠠᠳ ᠤᠨ ᠵᠠᠩ ᠦᠢᠯᠡ᠂ ᠠᠮᠠᠨ ᠶᠠᠷᠢᠶᠠ ᠲᠠᠢ ᠬᠤᠯᠪᠤᠭᠳᠠᠵᠤ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠤᠨ | ᠠᠩᠬᠠᠷᠤᠯ ᠢ ᠭᠦᠴᠦᠲᠡᠢ ᠳᠠᠲᠠᠭᠰᠠᠨ ᠳᠤᠰᠬᠠᠢ ᠰᠡᠳᠦᠪ ᠤᠨ ᠰᠢᠪᠳᠤᠯᠤᠯᠲᠠ ᠪᠤᠯᠤᠭᠰᠠᠨ ᠶᠤᠮ᠃ ᠲᠡᠷᠡ ︽ | ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠤᠬᠠᠢ︾ ᠬᠡᠭᠦ ᠰᠡᠳᠦᠪ ᠤᠨ ᠯᠧᠺᠼ ᠶᠢ 600 ᠭᠠᠷᠤᠢ ᠬᠤᠪᠢ ᠪᠢᠴᠢᠵᠦ | ᠲᠡᠭᠦᠨ ᠤ ᠪᠦᠬᠦ ᠲᠤᠭᠤᠷᠪᠢᠭᠰᠠᠨ ᠦᠭᠦᠯᠡᠯ᠂ ᠲᠡᠮᠳᠡᠭᠯᠡᠯ᠂ ᠺᠤᠨ᠋ᠼᠫᠧᠺᠲ ᠮᠡᠳᠡᠭᠦᠯᠦᠯᠲᠡ ᠨᠢ 100 ᠲᠦᠮᠡᠨ | ᠦᠰᠦᠭ ᠢ ᠳᠠᠪᠠᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠤᠷᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠦᠢᠯᠡᠰ ᠲᠤ | ᠭᠦᠢᠴᠡᠳ ᠵᠤᠷᠢᠭᠤᠯᠵᠤ 1993 ᠤᠨ ᠠᠴᠠ 2001 ᠤᠨ ᠬᠦᠷᠳᠡᠯᠡ ᠶᠢᠰᠦᠨ ᠵᠢᠯ ᠤᠰᠤᠯᠳᠠᠯ ᠦᠭᠡᠢ ᠺᠠᠳ᠋ᠷ ᠢ | ᠦᠨᠡᠯᠡᠨ ᠰᠢᠯᠭᠠᠬᠤ ᠶᠠᠪᠤᠴᠠ ᠳᠤ ︽ᠰᠢᠯᠢᠳᠡᠭ︾ ᠦᠨᠡᠯᠡᠯᠲᠡ ᠶᠢ ᠬᠦᠷᠲᠡᠵᠦ ᠭᠤᠷᠪᠠ ᠤᠳᠠᠭᠠ ᠴᠠᠯᠢᠩ | ᠦᠰᠬᠡᠭᠰᠡᠨ ᠬᠦᠬᠢᠭᠦᠯᠦᠯ ᠢ ᠤᠯᠵᠠᠢ᠃ | ᠤᠳᠤᠨᠴᠢᠮᠡᠭ ᠡᠮᠴᠢ ᠬᠤᠷᠢᠨ ᠬᠡᠳᠦᠨ ᠵᠢᠯ ᠤᠨ ᠳᠤᠷᠰᠢ ᠨᠢᠭᠡ ᠰᠡᠳᠬᠢᠯ ᠭᠠᠭᠴᠠ ᠵᠤᠷᠢᠭ ᠢᠶᠠᠷ ︽ | ᠪᠧᠲ᠋ᠢᠶᠦ᠋ᠨ ᠡᠮᠴᠢ︾ ᠰᠢᠭ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠦᠴᠦᠬᠡᠨ ᠴᠤ ᠬᠠᠶᠢᠬᠤᠷᠤᠯ ᠦᠭᠡᠢ ᠪᠤᠰᠤᠳ ᠤᠨ ᠲᠦᠯᠦᠭᠡ | ᠦᠢᠯᠡᠴᠢᠯᠡᠵᠦ ᠦᠢ ᠤᠯᠠᠨ ᠡᠪᠡᠳᠴᠢᠲᠡᠨ ᠢ ᠦᠬᠦᠯ ᠤᠨ ᠳᠠᠪᠠᠭᠠᠨ ᠠᠴᠠ ᠡᠷᠬᠢᠭᠦᠯᠦᠨ ᠠᠪᠴᠢᠷᠠᠵᠤ ᠡᠷᠡᠭᠦᠯ | ᠡᠩᠭᠡ ᠶᠢᠨ ᠵᠠᠮ ᠳᠤ ᠬᠦᠳᠦᠯᠦᠨ ᠤᠷᠤᠭᠤᠯᠤᠭᠰᠠᠨ ᠢ ᠮᠢᠨᠦ ᠮᠤᠬᠤᠷ ᠪᠢᠷ ᠠᠳᠡ ᠲᠡᠮᠳᠡᠭᠯᠡᠨ ᠪᠢᠴᠢᠭᠡᠳ ᠲᠡᠶᠢᠯᠬᠦ | ᠶᠤᠮ ᠪᠢᠰᠢ᠃ ᠬᠠᠷᠢᠨ ᠲᠡᠷᠡ ᠮᠠᠨᠢ ᠨᠢᠭᠡᠨ ᠪᠡᠶᠡ ᠡᠪᠡᠳᠴᠢᠨ ᠬᠠᠭᠤᠴᠢ ᠲᠠᠢ ᠪᠤᠯᠵᠤ ᠠᠷᠭᠠ ᠪᠤᠰᠤ ᠠᠵᠢᠯ ᠤᠨ | ᠪᠠᠶᠢᠷᠢ ᠠᠴᠠ ᠪᠠᠨ ᠪᠠᠭᠤᠭᠰᠠᠨ ᠪᠠᠶᠢᠬᠤ ᠳᠤ 2005 ᠤᠨ ᠤ 9 ᠰᠠᠷᠠ ᠳᠤ ᠬᠠᠶᠢᠷᠠᠳᠤ ᠠᠮᠠᠷᠠᠭ ᠨᠦᠬᠦᠷ | ᠪᠠᠳᠤᠪᠦ᠋ᠬᠡ ᠨᠢ ᠨᠢᠭᠡᠨ ᠠᠭᠤᠷᠬᠠᠢ ᠶᠢᠨ ᠠᠵᠢᠯᠴᠢᠨ ᠤ ᠲᠡᠰᠦᠷᠡᠬᠦ ᠲᠡᠷᠢ ᠪᠦᠰᠡᠯᠡᠨ ᠵᠦᠷᠢᠴᠡᠯ ᠲᠠᠢ ᠬᠦᠮᠦᠨ ᠢᠶᠠᠨ | ᠬᠤᠤᠷᠯᠠᠬᠤ ᠪᠠᠷ ᠳᠠᠭᠠᠷᠢᠯᠲᠠ ᠬᠢᠭᠰᠡᠨ ᠢ ᠬᠤᠷᠢᠭᠯᠠᠬᠤ ᠶᠠᠪᠤᠳᠠ ᠳᠤ ︽ᠪᠤᠰᠤᠳ ᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ | ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ︾ ᠪᠠᠶᠢᠭᠠᠳ ᠦᠩᠭᠡ ᠭᠡᠷᠡᠯᠲᠡᠢ ᠪᠠᠷ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠲᠡᠭᠦᠨ ᠳᠤ | ᠴᠡᠯᠮᠡᠭ ᠡᠳᠦᠷ ᠠᠶᠤᠩᠭᠠ ᠨᠢᠷᠭᠡᠭᠰᠡᠨ ᠶᠠᠪᠤᠳᠠᠯ ᠪᠤᠯᠵᠤ ᠤᠢ ᠤᠬᠠᠭᠠᠨ᠂ ᠤᠶᠤᠨ ᠪᠢᠯᠢᠭ᠂ ᠪᠡᠶᠡ ᠰᠡᠳᠬᠢᠯᠭᠡᠨ | ᠳᠤᠨᠢ ᠯᠤᠳᠤ ᠶᠡᠭᠡ ᠳᠠᠷᠴᠢᠯᠭᠠᠯ ᠢ ᠠᠪᠴᠢᠷᠠᠵᠤ ᠦᠭᠴᠡᠢ᠃ ᠤᠳᠤ ᠲᠡᠷᠡ ᠳᠤᠲᠤᠭᠠᠳᠤ ᠰᠡᠳᠬᠢᠯᠭᠡ ᠪᠠᠨ | ᠲᠡᠩᠴᠡᠭᠦᠷᠢᠲᠡᠢ ᠪᠠᠶᠢᠯᠭᠠᠵᠤ᠂ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠦᠳᠡᠯᠡ ᠨᠠᠰᠤᠨ ᠳᠠᠭᠠᠨ ᠨᠡᠩ | ᠤᠯᠠᠨ ᠡᠪᠡᠳᠴᠢᠲᠡᠨ ᠢ ᠵᠤᠪᠠᠯᠠᠩ ᠤᠨ ᠳᠠᠯᠠᠢ ᠠᠴᠠ ᠰᠠᠯᠭᠠᠬᠤ ᠪᠠᠷ ᠵᠤᠷᠢᠯᠲᠠ ᠪᠠᠨ ᠪᠤᠯᠭᠠᠨ ᠦᠷᠯᠦᠭᠡ ᠦᠳᠡᠰᠢ ᠶᠢ | ᠲᠡᠮᠡᠴᠡᠵᠦ ᠪᠤᠢ᠃ | ᠤᠳᠤᠨᠴᠢᠮᠡᠭ ᠪᠤᠯ ︽ᠳᠤᠮᠳᠠᠳᠤ ᠤᠯᠤᠰ ᠤᠨ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨ ᠤ ᠨᠡᠶᠢᠬᠡᠮᠯᠢᠭ ᠤᠨ ᠭᠡᠰᠢᠭᠦᠨ︾᠂ ︽ | ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠨᠡᠶᠢᠬᠡᠮᠯᠢᠭ ᠤᠨ ᠭᠡᠰᠢᠭᠦᠨ︾ | ᠪᠦᠭᠡᠳ 1989 ᠤᠨ ᠠᠴᠠ 2007 ᠤᠨ ᠪᠤᠯᠲᠠᠯᠠ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ︵ᠤᠷᠳᠤᠰ ᠬᠤᠲᠠ︶ ᠤᠯᠤᠰ | ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠦᠷᠪᠡᠨ ᠬᠤᠭᠤᠴᠠᠭᠠᠨ ᠤ ᠭᠡᠰᠢᠭᠦᠨ᠂ ᠤᠲᠤᠭ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠦ ᠶᠢᠨ | ᠵᠦᠪᠯᠡᠯᠭᠡᠨ ᠤ ᠨᠠᠢᠮᠠ᠂ ᠶᠢᠰᠦ᠂ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠭᠡᠰᠢᠭᠦᠨ ᠮᠦᠨ᠃ | |