ᠴᠡᠭᠡ ᠬᠤᠳᠠᠯᠳᠤᠵᠤ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠥᠭᠰᠡᠨ ᠰᠠᠭᠠᠯᠢᠴᠢᠨ ᠪᠥᠰᠡᠬᠦᠢ ᠬᠠᠰᠴᠢᠮᠡᠭ | | ᠥᠨᠢᠶᠠᠷᠳᠤᠨ ᠴᠡᠩᠬᠡᠷᠳᠤᠬᠦ ᠲᠥᠷᠪᠡᠨ ᠥᠨᠳᠤᠷ ᠤᠨ ᠰᠢᠯᠢ ᠶᠢᠨ ᠡᠩᠬᠡᠷ ᠲᠤ ᠰᠠᠭᠠᠯᠢᠴᠢᠨ ᠠᠶᠢᠯ ᠤᠨ | ᠲᠠᠩᠰᠤᠭ ᠵᠤᠰᠠᠯᠠᠩ ᠵᠢᠷᠪᠢᠯᠵᠠᠨ ᠬᠠᠷᠠᠭᠳᠠᠵᠥ᠂ ᠤᠨᠠᠭᠠ ᠬᠡᠬᠦᠥᠳ ᠤᠨ ᠢᠨᠴᠠᠭᠠᠬᠤ ᠲᠠᠭᠤᠨ ᠠᠮᠤᠭᠤᠯᠠᠩ | ᠨᠤᠳᠤᠭ ᠤᠨ ᠢᠷᠠᠭᠤ ᠡᠬᠡᠰᠢᠭ ᠪᠤᠯᠵᠥ ᠲᠡᠷᠳᠡᠭᠡ ᠳᠤ ᠤᠶᠠᠩᠭᠠᠷᠠᠨᠠ᠃ ᠰᠥ᠋ ᠴᠡᠭᠡ ᠶᠢᠨ ᠥᠨᠥᠷ ᠴᠡᠮᠴᠡᠬᠡᠨᠡᠭᠰᠡᠨ | ᠰᠠᠭᠠᠯᠢ ᠶᠢᠨ ᠵᠡᠯ ᠠ ᠲᠡᠭᠡᠷ ᠡ ᠬᠠᠰᠴᠢᠮᠠᠩ ᠬᠡᠬᠦᠥ ᠪᠠᠨ ᠰᠠᠭᠠᠭᠠᠳ ᠶᠠᠭᠠᠷᠠᠵᠤ ᠪᠠᠶᠢᠯ ᠠ᠃ | ᠬᠠᠰᠴᠢᠮᠡᠭ ᠤᠨ ᠬᠢ ᠬᠡᠵᠥ ᠡᠨᠡ ᠨᠤᠳᠤᠭ ᠲᠠᠭᠠᠨ ᠬᠠᠮᠤᠭ ᠡᠷᠳᠡ ᠬᠡᠬᠦᠥ ᠰᠠᠭᠠᠵᠥ ᠡᠬᠢᠯᠡᠭᠰᠡᠨ ᠮᠥᠷᠳᠡᠬᠡᠨ | ᠴᠡᠭᠡ ᠪᠤᠷᠤᠯᠠᠭᠤᠯᠬᠤ ᠬᠡᠪᠴᠢᠶ ᠡ ᠪᠠᠷ ᠬᠠᠮᠤᠭ ᠶᠡᠭᠡ ᠲᠤᠰᠬᠠᠢ ᠡᠷᠥᠬᠡ ᠠᠵᠢ᠃ ᠲᠡᠷᠡ ᠤᠳᠤᠭ ᠬᠤᠰᠢᠭᠤᠨ ᠤ | ᠤᠯᠠᠭᠠᠨᠪᠠᠯᠭᠠᠰᠤᠨ ᠤ ᠤᠯᠠᠭᠠᠨᠳᠤᠭ ᠭᠠᠴᠠᠭᠠ ᠪᠠᠷ ᠨᠤᠳᠤᠭ ᠲᠠᠢ᠂ ᠬᠡᠬᠦᠥ ᠰᠠᠭᠠᠵᠥ ᠴᠡᠭᠡ ᠬᠤᠳᠠᠯᠳᠤᠭᠠᠳ ᠨᠢᠬᠡᠨᠳᠡ | ᠬᠤᠷᠢᠭᠠᠳ ᠵᠢᠯ ᠤᠨ ᠬᠠᠪᠤᠷ ᠨᠠᠮᠤᠷ ᠢ ᠡᠯᠡᠬᠡᠵᠠᠢ᠃ ︽ᠮᠠᠨ ᠤ ᠴᠡᠭᠡ ᠶᠢᠨ ᠵᠢᠯ ᠤᠨ ᠪᠤᠷᠤᠯᠠᠭᠤᠯᠭᠠ ᠪᠠᠷᠤᠭ | 50000 ᠵᠢᠩ ᠬᠥᠷᠳᠡᠭ ᠶᠤᠮ᠃ ᠮᠠᠨ ᠤ ᠬᠢᠨ ᠤᠳᠤ ᠬᠤᠷᠢᠭᠠᠳ ᠠᠳᠤᠭᠤ ᠲᠠᠢ᠂ ᠠᠷᠪᠠᠨ ᠭᠤᠷᠪᠠᠨ ᠬᠡᠬᠦᠥ | ᠰᠠᠭᠠᠵᠥ ᠪᠠᠶᠢᠨᠠ᠃ ᠬᠡᠬᠦᠥ ᠪᠠᠨ ᠡᠳᠤᠷ ᠲᠤ 2 ᠴᠠᠭ ᠠᠯᠤᠰᠯᠠᠭᠤᠯᠤᠨ 4 ᠤᠳᠠᠭᠠ ᠰᠠᠭᠠᠳᠠᠭ ᠶᠤᠮ᠃ ᠬᠡᠬᠦᠥ | ᠪᠤᠯᠭᠠᠨ ᠠᠴᠠ ᠲᠡᠭᠰᠢᠳᠬᠡᠬᠡᠳ ᠡᠳᠤᠷ ᠪᠥᠷᠢ 5 ᠵᠢᠩ ᠤᠷᠴᠢᠮ ᠰᠥ᠋ ᠰᠠᠭᠠᠳᠠᠭ᠃ ᠮᠠᠨ ᠤ ᠬᠢᠨ ᠠᠳᠤᠭᠤᠨ ᠤ ᠪᠠᠨ | ᠪᠡᠯᠴᠢᠬᠡᠷ ᠤᠰᠤ ᠶᠢ ᠨᠢ ᠵᠦᠢᠳᠠᠢ ᠲᠤᠬᠢᠷᠠᠭᠤᠯᠵᠥ᠂ ᠲᠤᠬᠢᠷᠠᠮᠵᠢᠳᠠᠢ ᠰᠠᠭᠠᠳᠠᠭ ᠠᠴᠠ ᠴᠥᠬᠡᠨ ᠲᠤᠭᠠᠨ ᠤ ᠬᠡᠬᠦᠥ ᠴᠤ | ᠰᠠᠭᠠᠯᠢ ᠰᠠᠶᠢᠳᠠᠢ ᠶᠤᠮ︾ ᠬᠡᠵᠥ ᠬᠠᠰᠴᠢᠮᠠᠩ ᠪᠠᠶᠠᠷ ᠤᠨ ᠮᠥᠰᠢᠶᠡᠳᠤ ᠲᠤᠳᠤᠷᠠᠭᠤᠯᠤᠨ ᠶᠠᠷᠢᠯ ᠠ᠃ ᠲᠡᠳᠡᠨ ᠤ ᠬᠢᠨ | 2001 ᠤᠨ ᠳᠤ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠᠨ ᠤ ᠴᠡᠭᠡ ᠬᠠᠨᠭ᠍ᠭᠠᠬᠤ ᠴᠡᠭ ᠢᠶᠠᠷ | ᠲᠤᠭᠳᠠᠭᠠᠭᠳᠠᠵᠥ᠂ ᠴᠡᠭᠡ ᠤᠢᠢᠯᠡᠳᠪᠤᠷᠢᠯᠡᠬᠦ ᠲᠤᠰᠬᠠᠢ ᠡᠷᠤᠬᠡ ᠪᠤᠯᠵᠥ ᠬᠡᠬᠦᠥ ᠰᠠᠭᠠᠵᠥ ᠡᠬᠢᠯᠡᠭᠰᠡᠨ ᠪᠢᠯᠡ᠃ | ᠤᠳᠤᠬᠠᠨ ᠪᠤᠰᠤᠳ ᠬᠡᠬᠦᠥ ᠰᠠᠭᠠᠵᠥ ᠪᠠᠶᠢᠭᠠ ᠠᠶᠢᠯ ᠠᠴᠠ ᠴᠤ ᠰᠥ᠋ ᠬᠤᠳᠠᠯᠳᠤᠵᠥ ᠠᠪᠤᠭᠠᠳ ᠴᠡᠭᠡ ᠢᠰᠬᠡᠵᠥ | ᠬᠤᠳᠠᠯᠳᠤᠳᠠᠭ ᠶᠤᠮ᠃ ᠲᠡᠳᠡᠨ ᠤ ᠬᠢᠨ ᠰᠠᠭᠠᠵᠥ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠴᠠ ᠡᠬᠢᠯᠡᠬᠡᠳ ᠪᠤᠭᠤᠳᠠᠯᠯᠠᠵᠥ ᠬᠤᠳᠠᠯᠳᠤᠬᠤ | ᠬᠥᠷᠳᠡᠯ ᠡ ᠪᠥᠷ ᠥᠪᠡᠰᠦᠪᠡᠡ ᠬᠢᠵᠥ᠂ ᠴᠡᠭᠡ ᠪᠠᠨ ᠵᠢᠩ ᠪᠥᠷᠢ ᠳᠡᠭᠡᠨ 20 ᠲᠥᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠵᠥ᠂ | ᠵᠢᠯ ᠳᠡᠭᠡᠨ 10 ᠲᠥᠮᠡᠨ ᠲᠥᠬᠦᠷᠢᠭ ᠤᠨ ᠴᠡᠪᠡᠷ ᠤᠷᠤᠯᠭᠠ ᠡᠬᠦᠳᠴᠤ ᠪᠤᠢ᠃ ᠬᠠᠰᠴᠢᠮᠠᠩ᠄ ︽ᠤᠳᠤ ᠮᠠᠨ ᠤ | ᠤᠷᠳᠤᠰ ᠤᠨ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠳᠤ ᠵᠡᠬᠦᠨᠭᠠᠷ ᠢ ᠭᠠᠷᠭᠠᠪᠠᠯ ᠪᠤᠰᠤᠳ ᠨᠢ ᠪᠥᠷ ᠠᠳᠤᠭᠤ ᠲᠠᠢ ᠪᠤᠯᠵᠠᠢ᠃ | ᠴᠡᠭᠡ ᠢᠰᠬᠡᠵᠥ ᠪᠠᠶᠢᠬᠤ ᠡᠷᠤᠭᠡ ᠮᠡᠨ ᠤ ᠤᠳᠤᠭ ᠬᠤᠰᠢᠭᠤᠨ ᠳᠤ ᠴᠤ ᠠᠷᠪᠠᠨ ᠬᠡᠳᠤ ᠪᠠᠶᠢᠳᠠᠭ᠃ ᠨᠢᠬᠡ | ᠪᠤᠳᠤᠬᠤᠯᠠᠷ ᠶᠡᠭᠡ ᠪᠠᠶᠠᠰᠤᠯᠳᠠᠢ ᠤᠴᠢᠷ ᠪᠠᠶᠢᠨᠠ᠃ ᠮᠠᠨ ᠤ ᠠᠳᠤᠭᠤᠨ ᠤ ᠠᠰᠢᠭ ᠤᠷᠤᠯᠭᠠ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠠᠴᠠ | ᠭᠠᠳᠠᠨᠠ ᠬᠡᠷᠡᠭᠴᠡᠭᠡ ᠶᠢ ᠴᠤ ᠥᠷᠬᠡᠳᠬᠡᠵᠠᠢ︾ ᠬᠡᠵᠥ ᠶᠠᠷᠢᠯ ᠠ᠃ | ᠬᠡᠪᠡᠴᠤ ᠲᠤᠬᠠᠢ ᠶᠢᠨ ᠥᠶ ᠡ ᠳᠤ ᠤᠷᠳᠤᠰ ᠨᠤᠳᠤᠭ ᠲᠤ ᠴᠡᠭᠡ ᠲᠠᠰᠤᠷᠠᠭᠠᠳ ᠶᠡᠭᠡ ᠤᠳᠠᠭᠰᠠᠨ ᠪᠤᠯᠬᠤᠷ | ᠬᠠᠰᠴᠢᠮᠠᠩ ᠲᠡᠬᠦᠨ ᠢ ᠪᠤᠷᠤᠯᠠᠭᠤᠯᠬᠤ ᠲᠠᠯ ᠠ ᠪᠠᠷ ᠪᠠᠰᠠ ᠶᠡᠭᠡ ᠲᠥᠪᠡᠭᠳᠡᠯ ᠤᠴᠠᠷᠠᠵᠥ ᠪᠠᠶᠢᠭᠰᠨᠨ ᠪᠢᠯᠡ᠃ | ᠡᠬᠢᠨ ᠤ ᠵᠢᠯ ᠤᠳ ᠲᠤ ᠲᠡᠷᠡ ᠮᠥᠰᠥᠮᠡᠯᠵᠢ ᠬᠤᠳᠠᠯᠳᠤᠳᠠᠭ ᠬᠥᠮᠥᠨ ᠰᠢᠭ ᠠᠷᠤ ᠡᠮᠤᠨᠠ ᠪᠠᠨ ᠫᠠᠶᠢᠰᠠ ᠵᠡᠬᠦᠵᠥ᠂ | ᠤᠪᠤᠭᠠᠨ ᠨᠠᠭᠠᠳᠤᠮ ᠳᠤ ᠤᠴᠢᠵᠥ ᠴᠡᠭᠡ ᠪᠠᠨ ᠬᠤᠳᠠᠯᠳᠤᠳᠠᠭ ᠪᠠᠶᠢᠵᠠᠢ᠃ ᠨᠠᠭᠠᠳᠤᠮᠴᠢᠨ ᠮᠥᠷᠬᠦᠯᠴᠢᠳ | ᠰᠤᠨᠢᠭᠤᠴᠢᠯᠠᠵᠥ ᠤᠴᠢᠭᠠᠳ ︽ᠴᠡᠭᠡ ᠬᠡᠭᠴᠢ ᠨᠢ ᠶᠠᠭᠤ ᠪᠠᠶᠢᠨᠠ︖︾ ᠬᠡᠵᠥ ᠠᠰᠭᠤᠵᠥ ᠰᠤᠷᠠᠭᠯᠠᠳᠠᠭ ᠨᠢ | ᠪᠠᠶᠢᠬᠤ ᠳᠤ ᠪᠠᠰᠠ ᠵᠠᠷᠢᠮ ᠨᠢ ︽ᠡᠨᠡ ᠴᠢᠨᠢ ᠥᠨᠡᠨ ᠴᠤ ᠶᠤᠮ ᠤᠤ᠂ ᠬᠤᠳᠠᠯ ᠴᠤ ᠶᠤᠮ ᠤᠤ︾ ᠬᠡᠵᠥ | ᠰᠡᠵᠢᠭᠯᠡᠬᠡᠳ ᠬᠠᠵᠠᠭᠤ ᠳᠤᠨᠢ ᠤᠶᠠᠵᠥ ᠪᠠᠶᠢᠭᠠ ᠤᠨᠠᠭᠠ ᠬᠡᠬᠦᠥ ᠶᠢ ᠨᠢ ᠥᠵᠡᠪᠡᠯ ᠰᠡᠵᠢᠭ ᠨᠢ ᠪᠠᠭᠠ ᠠᠯᠳᠠᠷᠠᠳᠠᠭ | ᠴᠤ ᠪᠤᠷᠤᠯᠠᠭᠤᠯᠭᠠ ᠮᠠᠭᠤ ᠲᠠᠢ ᠪᠠᠶᠢᠭᠰᠠᠨ ᠬᠡᠨᠡ᠃ | ︽ᠲᠡᠷᠡ ᠥᠶ ᠡ ᠳᠤ ᠮᠠᠨ ᠤ ᠨᠤᠳᠤᠭ ᠤᠨ ᠬᠥᠮᠥᠰ ᠴᠡᠭᠡ ᠶᠢᠨ ᠲᠤᠬᠠᠢ ᠤᠢᠢᠯᠠᠭᠠᠯᠳᠡ ᠲᠤᠳᠠᠮᠠᠭ ᠪᠠᠶᠢᠭᠰᠠᠨ | ᠶᠤᠮ᠃ ᠮᠠᠨ ᠤ ᠨᠤᠳᠤᠭ ᠲᠤ ᠲᠠᠪᠢᠨ ᠬᠡᠳᠤᠨ ᠤᠨ ᠳᠤ ᠴᠡᠭᠡ ᠠᠷᠪᠢᠨ ᠪᠠᠶᠢᠭᠰᠠᠨ ᠬᠡᠵᠥ ᠬᠡᠯᠡᠯᠴᠡᠳᠡᠭ᠃ | ᠰᠡᠬᠦᠯᠡᠷ ᠨᠢ ᠨᠠᠶᠠᠨ ᠭᠤᠷᠪᠠᠨ ᠤᠨ ᠤ ᠶᠡᠭᠡ ᠲᠭᠠᠭᠠᠴᠢᠯᠠᠯᠳᠡ ᠪᠤᠯᠤᠭᠰᠠᠨ ᠠᠴᠠ ᠪᠠᠷᠤᠭ ᠠᠳᠤᠭᠤ ᠮᠠᠯ ᠴᠥᠬᠡᠷᠡᠵᠥ᠂ | ᠠᠳᠤᠭᠤᠨ ᠤ ᠤᠳᠤᠮ ᠲᠠᠰᠤᠷᠠᠬᠤ ᠬᠡᠮᠵᠢᠶᠠᠨ ᠳᠤ ᠬᠥᠷᠴᠠᠢ᠃ ᠪᠢ ᠴᠡᠭᠡ ᠬᠢᠵᠥ ᠡᠬᠢᠯᠡᠬᠦ ᠥᠶᠡᠰ ᠢᠶᠠᠷ ᠮᠠᠨ ᠤ | ᠤᠷᠳᠤᠰ ᠲᠤ ᠬᠡᠬᠦᠥ ᠰᠠᠭᠠᠳᠠᠭ ᠬᠥᠮᠤᠨ ᠪᠠᠶᠢᠳᠠᠭ ᠴᠤ ᠥᠬᠡᠢ᠃ ᠠᠭᠤᠰᠬᠢᠨ ᠤ ᠡᠪᠡᠳᠴᠢᠨ ᠲᠠᠢ ᠬᠥᠮᠥᠰ ᠪᠥᠷ | ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠤᠴᠢᠵᠥ ᠤᠤᠭᠤᠳᠠᠭ᠃ ᠲᠤᠬᠠᠢ ᠶᠢᠨ ᠥᠶ ᠡ ᠳᠤ ᠮᠠᠨᠤ ᠬᠤᠰᠢᠭᠤᠨ ᠤ ᠤᠳᠤᠷᠢᠳᠤᠯᠭᠠ | ᠲᠤᠭᠠ ᠪᠥᠷᠢᠳᠬᠡᠯ ᠬᠢᠵᠥ ᠶᠠᠪᠤᠬᠤ ᠳᠠᠭᠠᠨ ᠬᠡᠬᠦᠥ ᠰᠠᠭᠠᠳᠠᠭ ᠬᠥᠮᠤᠨ ᠪᠠᠶᠢᠪᠠᠯ ᠪᠤᠯᠤᠮᠠᠷ ᠪᠠᠶᠢᠨᠠ ᠬᠡᠰᠡᠨ ᠶᠠᠷᠢᠶ | ᠠ ᠶᠢ ᠨᠢ ᠰᠤᠨᠤᠰᠤᠭᠠᠳ ᠬᠡᠬᠦᠥ ᠰᠠᠭᠠᠬᠤ ᠪᠠᠷ ᠪᠤᠯᠵᠠᠢ︾ ᠬᠡᠵᠥ ᠬᠠᠰᠴᠢᠮᠡᠭ ᠬᠡᠬᠦᠥ ᠰᠠᠭᠠᠵᠥ ᠡᠬᠢᠯᠡᠭᠰᠡᠨ | ᠤᠴᠢᠷ ᠢᠶᠠᠨ ᠲᠤᠭᠠᠴᠠᠯ ᠠ᠃ ᠲᠡᠷᠡ ᠤᠤᠯ ᠨᠢ ᠰᠢᠤᠳᠠᠨ ᠲᠤᠪᠴᠢᠶᠠᠨ ᠳᠤ ᠠᠵᠢᠯᠯᠠᠵᠥ ᠪᠠᠶᠢᠭᠠᠳ ᠠᠵᠢᠯ ᠤᠨ | ᠪᠠᠶᠢᠷᠢ ᠠᠴᠠ ᠪᠠᠨ ᠪᠠᠭᠤᠭᠰᠠᠨ ᠪᠠᠶᠢᠵᠠᠢ᠃ ᠬᠡᠨᠡᠳᠳᠡ ᠶᠢᠨ ᠲᠤᠬᠢᠶᠠᠯᠳᠤᠯ ᠢᠶᠠᠷ ᠬᠡᠬᠦᠥ ᠰᠠᠭᠠᠬᠤ ᠠᠵᠢᠯ ᠢ | ᠬᠢᠭᠰᠡᠨ ᠨᠢ ᠲᠡᠬᠦᠨ ᠤ ᠠᠮᠢᠳᠤᠷᠠᠯ ᠤᠨ ᠵᠠᠮ ᠢ ᠨᠢ ᠬᠡᠷᠡᠯᠳᠥᠬᠦᠯᠵᠥ᠂ ᠠᠳᠤᠭᠤᠨ ᠤ ᠬᠡᠶᠢᠮᠥᠷᠢ ᠢᠪᠡᠬᠡᠭᠰᠡᠨ ᠪᠠᠶᠢᠯ ᠠ᠃ | ᠠᠩᠬᠠᠨ ᠤ ᠵᠢᠯ ᠳᠡᠭᠡᠨ ᠬᠠᠰᠴᠢᠮᠠᠩ ᠭᠤᠷᠪᠠᠭ᠋ᠠᠨ ᠬᠡᠬᠦᠥ ᠲᠠᠢ ᠪᠠᠶᠢᠵᠥ᠂ ᠠᠶᠢᠯ ᠰᠠᠭᠠᠬᠠᠯᠳᠡ ᠶᠢᠨ ᠬᠢᠨ ᠠᠴᠠ ᠪᠠᠨ | ᠲᠥᠷᠪᠡᠨ ᠬᠡᠬᠦᠥ ᠵᠢᠬᠡᠯᠡᠵᠥ ᠲᠤᠯᠤᠭᠠᠨ ᠬᠡᠬᠦᠥ ᠪᠤᠯᠭᠠᠵᠥ ᠰᠠᠭᠠᠭᠠᠳ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ | ᠬᠤᠷᠢᠶᠠᠨ ᠳᠤ 700 ᠵᠢᠩ ᠴᠡᠭᠡ ᠬᠤᠳᠠᠯᠳᠤᠴᠢᠬᠠᠵᠥ ᠪᠥᠬᠡᠮ ᠪᠠᠶᠠᠷ ᠪᠤᠯᠵᠥ ᠪᠠᠶᠢᠭᠰᠠᠨ ᠬᠡᠳᠡᠭ᠃ ᠲᠡᠷᠡ ᠥᠶ | ᠡ ᠳᠤ ᠵᠠᠬ ᠠ ᠲᠡᠯᠬᠡᠬᠦᠷ ᠤᠨ ᠪᠠᠶᠢᠴᠠᠭᠠᠯᠳᠠ ᠴᠤ ᠬᠢᠭᠰᠡᠨ ᠥᠬᠡᠢ᠂ ᠵᠠᠬ ᠠ ᠲᠡᠯᠬᠡᠬᠦᠷ ᠤᠨ ᠥᠨᠠ ᠬᠡᠳᠤᠢ ᠬᠥᠷᠴᠤ | ᠪᠠᠶᠢᠭᠰᠠᠨ ᠢ ᠴᠤ ᠮᠡᠳᠡᠯ ᠥᠬᠡᠢ᠂ ᠵᠢᠩ ᠪᠥᠷᠢ ᠶᠢ 7 ᠲᠥᠬᠦᠷᠢᠭ ᠢᠶᠠᠷ ᠬᠤᠳᠠᠯᠳᠤᠭᠰᠠᠨ ᠪᠠᠶᠢᠨᠠ᠃ ᠬᠠᠰᠴᠢᠮᠡᠭ | ᠴᠡᠭᠡ ᠶᠢᠨ ᠲᠠᠯᠠᠪᠠᠢ ᠨᠡᠬᠡᠬᠡᠵᠥ ᠡᠬᠢᠯᠡᠬᠦ ᠳᠤ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶ ᠠ ᠴᠡᠭᠡ | ᠬᠠᠨᠭ᠍ᠭᠠᠬᠤ ᠴᠡᠭ ᠢᠶᠠᠨ ᠪᠤᠯᠭᠠᠭᠰᠠᠨ ᠠᠴᠠ ᠲᠡᠬᠦᠨ ᠳᠤ ᠲᠦᠢᠯ ᠤᠨ ᠶᠡᠭᠡ ᠲᠡᠮᠵᠢᠯᠬᠡ ᠪᠤᠯᠵᠥ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠵᠠᠮ | ᠮᠥᠷ ᠲᠤᠨᠢ ᠤᠷᠤᠭᠤᠯᠵᠠᠢ᠃ ᠴᠡᠭᠡ ᠶᠢ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠᠨ ᠳᠤ ᠭᠤᠤᠯᠳᠠᠭᠤ ᠴᠡᠭᠡ ᠶᠢᠨ ᠵᠠᠰᠠᠯ ᠬᠢᠬᠦ ᠳᠤ | ᠬᠡᠷᠡᠭᠯᠡᠳᠡᠭ ᠪᠠᠶᠢᠨᠠ᠃ ᠡᠪᠡᠳᠴᠢᠳᠠᠨ ᠤ ᠪᠠᠶᠢᠳᠠᠯ ᠢ ᠨᠢ ᠥᠵᠡᠵᠥ ᠲᠤᠭᠳᠠᠭᠰᠠᠨ ᠡᠮᠴᠢᠯᠡᠬᠦ ᠬᠤᠭᠤᠴᠠᠭᠠ ᠳᠤ ᠴᠡᠭᠡ | ᠤᠤᠭᠤᠯᠭᠠᠬᠤ ᠶᠢᠨ ᠬᠠᠮᠳᠤ ᠡᠮ ᠬᠠᠪᠰᠤᠷᠠᠭᠠᠳᠠᠭ᠃ ᠴᠡᠭᠡ ᠶᠢᠨ ᠵᠠᠰᠠᠯ ᠨᠢ ᠴᠢᠰᠤᠨ ᠲᠠᠷᠤᠯᠳᠡ ᠥᠨᠳᠤᠷ᠂ | ᠠᠭᠤᠰᠬᠢᠨ ᠰᠥᠷᠢᠶ ᠡ᠂ ᠤᠳᠠᠭᠠᠨ ᠴᠢᠨᠠᠷᠳᠠᠢ ᠬᠤᠳᠤᠭᠤᠳᠤ ᠬᠡᠳᠡᠰᠤᠨ ᠥᠷᠪᠢᠰᠥᠯ᠂ ᠰᠢᠬᠢᠷ ᠰᠢᠵᠢᠩ ᠵᠡᠷᠬᠡ | ᠡᠪᠡᠳᠴᠢᠨ ᠳᠤ ᠤᠨᠴᠠ ᠲᠤᠬᠢᠷᠠᠳᠠᠭ᠃ ᠲᠤᠬᠠᠢ ᠶᠢᠨ ᠥᠶ ᠡ ᠳᠤ ᠴᠡᠭᠡ ᠰᠠᠪᠠᠯᠠᠬᠤ ᠯᠤᠩᠬᠤ ᠰᠠᠪᠠ ᠪᠠᠶᠢᠬᠤ ᠥᠬᠡᠢ | ᠂ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠᠨ ᠠᠴᠠ ᠬᠤᠪᠠᠨᠴᠢᠷ ᠲᠠᠭᠯᠠᠭᠠ ᠲᠠᠢ ᠰᠢᠯ ᠯᠤᠩᠬᠤ ᠶᠢ ᠠᠷᠢᠭᠠᠳᠬᠠᠴᠢᠬᠠᠭᠠᠳ ᠠᠪᠴᠢᠷᠠᠵᠥ | ᠥᠭᠳᠡᠭ᠃ ᠬᠡᠪᠡᠴᠤ ᠲᠡᠷᠡ ᠯᠤᠩᠬᠤ ᠨᠢ ᠥᠳᠡ ᠶᠢᠨ ᠬᠠᠯᠠᠭᠤᠨ ᠪᠤᠯᠤᠭᠰᠠᠭᠠᠷ ᠫᠤᠤᠵᠢᠩ ᠲᠠᠯᠪᠢᠵᠥ ᠪᠠᠶᠢᠬᠤ ᠰᠢᠭ᠋ | ᠲᠡᠯᠪᠡᠷᠡᠬᠡᠳ ᠶᠠᠪᠤᠴᠢᠬᠠᠳᠠᠭ ᠨᠢ ᠬᠠᠰᠴᠢᠮᠡᠭ ᠤᠨ ᠠᠷᠭᠠ ᠤᠬᠠᠭᠠᠨ ᠢ ᠨᠢ ᠰᠢᠯᠭᠠᠳᠠᠭ ᠪᠠᠶᠢᠯ ᠠ᠃ ᠰᠡᠬᠦᠯᠡᠷ ᠨᠢ | ᠤᠳᠤᠭ ᠬᠤᠰᠢᠭᠤᠨ ᠳᠠᠬᠢ ᠷᠠᠰᠢᠶᠠᠨ ᠤᠰᠤᠨ ᠤ ᠤᠢᠢᠯᠡᠳᠪᠤᠷᠢ ᠶᠢᠨ ᠯᠤᠩᠬᠤ ᠶᠢ ᠬᠡᠷᠡᠭᠯᠡᠳᠡᠭ ᠪᠤᠯᠤᠭᠰᠠᠨ ᠨᠢ ᠡᠨᠡ | ᠬᠦ ᠲᠥᠪᠡᠭᠳᠡᠯ ᠢ ᠰᠢᠢᠳᠪᠤᠷᠢᠯᠡᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠬᠠᠷ ᠠ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠬᠢᠵᠥ ᠡᠬᠢᠯᠡᠬᠦ ᠠᠴᠠ ᠬᠠᠰᠢᠷ | ᠲᠤᠷᠰᠢᠯᠭᠠ ᠲᠠᠢ ᠪᠤᠯᠳᠠᠯᠬᠢ ᠡᠳᠡᠬᠡᠷ ᠵᠢᠯ ᠤᠳ ᠲᠤ ᠨᠡᠶᠢᠬᠡᠮ ᠲᠡᠭᠡᠷ ᠠ ᠨᠡᠷ ᠡ ᠨᠥᠯᠥᠬᠡ ᠲᠠᠢ ᠪᠤᠯᠵᠥ ᠠᠰᠢᠭ | ᠤᠷᠤᠯᠭᠠ ᠴᠤ ᠵᠢᠯ ᠠᠴᠠ ᠵᠢᠯ ᠨᠡᠮᠡᠭᠳᠡᠵᠠᠢ᠃ | ᠬᠠᠰᠴᠢᠮᠠᠩ 2012 ᠤᠨ ᠳᠤ ︽ᠠᠷᠢᠭᠤᠨ ᠴᠡᠭᠡ︾ ᠲᠠᠸᠠᠷ ᠤᠨ ᠲᠡᠮᠳᠡᠭᠳᠤ ᠪᠠᠨ ᠲᠠᠩᠰᠠᠯᠠᠭᠤᠯᠵᠥ᠂ | ᠲᠠᠷᠠᠭᠠ ᠵᠢᠯ ᠨᠢ ᠲᠥᠷᠪᠡᠨ ᠮᠠᠯᠴᠢᠨ ᠡᠷᠤᠬᠡ ᠲᠠᠢ ᠬᠤᠯᠪᠤᠭᠠᠯᠠᠨ ︽ᠠᠷᠢᠭᠤᠨ ᠴᠡᠭᠡ︾ ᠨᠡᠷᠡᠮᠵᠢᠳᠤ ᠲᠤᠰᠬᠠᠢ | ᠬᠤᠷᠰᠢᠶᠠᠵᠢᠯ ᠢ ᠪᠠᠶᠢᠭᠤᠯᠵᠠᠢ᠃ ᠬᠤᠷᠰᠢᠶᠠᠵᠢᠯ ᠤᠨ ᠲᠠᠪᠤᠨ ᠠᠶᠢᠯ ᠨᠡᠶᠢᠯᠡᠬᠡᠳ ᠲᠠᠪᠢᠭᠠᠳ ᠬᠡᠬᠦᠥ ᠲᠠᠢ ᠪᠠᠶᠢᠵᠥ᠂ | ᠬᠠᠰᠴᠢᠮᠡᠭ ᠲᠡᠳᠡᠨ ᠤ ᠬᠡᠬᠦᠥ ᠶᠢᠨ ᠰᠥ᠋ ᠶᠢ ᠨᠢ ᠬᠤᠳᠠᠯᠳᠤᠵᠥ ᠠᠪᠤᠭᠠᠳ ᠴᠡᠭᠡ ᠪᠤᠯᠭᠠᠨ ᠢᠰᠬᠡᠵᠥ ᠬᠤᠳᠠᠯᠳᠤᠳᠠᠭ᠃ | ᠬᠠᠰᠴᠢᠮᠡᠭ ᠢᠳᠡᠬᠡᠮᠵᠢ᠂ ᠬᠠᠷᠢᠭᠤᠴᠠᠯᠭᠠ ᠶᠢ ᠡᠷᠬᠢᠮᠯᠡᠵᠥ᠂ ᠡᠴᠢᠨᠡᠭᠡᠨ ᠤᠯᠠᠨ ᠵᠢᠯ ᠴᠡᠭᠡ ᠶᠢᠨ ᠢᠶᠠᠨ ᠶᠠᠰᠣ ᠴᠢᠨᠠᠷ ᠢ | ᠪᠠᠳᠤᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠤᠴᠢᠷ ᠠᠴᠠ ᠤᠷᠳᠤᠰ ᠬᠤᠳᠠ ᠶᠢᠨ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶ ᠠ᠂ ᠠᠯᠠᠱᠠ | ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶ ᠠ᠂ ᠥᠥᠰᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶ ᠠ ᠵᠢᠯ | ᠲᠠᠷᠠᠭᠠᠯᠠᠨ ᠲᠡᠳᠡᠨ ᠤ ᠬᠢ ᠲᠠᠢ ᠬᠠᠮᠳᠤᠷᠠᠯᠴᠠᠨ᠂ ᠴᠡᠭᠡ ᠬᠠᠨᠭ᠍ᠭᠠᠬᠤ ᠭᠠᠵᠠᠷ ᠤᠨ ᠫᠠᠶᠢᠰᠠ ᠪᠠᠨ ᠡᠯᠬᠦᠵᠠᠢ᠃ | ᠲᠡᠷᠡ ᠵᠤᠨ ᠤ ᠠᠭᠤᠷ ᠤᠷᠤᠬᠤ ᠠᠴᠠ ᠨᠠᠮᠤᠷ ᠤᠨ ᠰᠡᠬᠦᠯᠴᠢ ᠬᠥᠷᠳᠡᠯ ᠠ ᠤᠳᠤᠷ ᠲᠠᠭᠠᠨ ᠠᠳᠤᠭᠤ ᠪᠠᠨ | ᠮᠠᠯᠵᠢᠵᠥ ᠰᠠᠭᠠᠯᠢ ᠬᠢᠳᠡᠭ᠃ ᠡᠪᠤᠯ ᠳᠡᠭᠡᠨ ᠠᠳᠤᠭᠤ ᠪᠠᠨ ᠬᠤᠰᠢᠭᠤᠨ ᠤ ᠲᠥᠪ ᠠᠴᠠ 50 ᠭᠠᠵᠠᠷ ᠵᠠᠶᠢᠳᠠᠢ | ᠪᠠᠶᠢᠭᠠ 4000 ᠭᠠᠷᠤᠢ ᠮᠥ ᠪᠡᠯᠴᠢᠬᠡᠷ ᠲᠡᠭᠡᠨ ᠮᠠᠯᠵᠢᠳᠠᠭ ᠪᠠᠶᠢᠨᠠ᠃ ᠲᠡᠳᠡᠨ ᠤ ᠬᠢᠨ ᠠᠳᠤᠭᠤ ᠪᠠᠨ ᠨᠡᠬᠦᠳᠡᠯᠯᠡᠵᠥ | ᠮᠠᠯᠵᠢᠳᠠᠭ ᠮᠥᠷᠳᠡᠬᠡᠨ ᠶᠠᠷᠤ ᠠᠴᠠ ᠪᠤᠷᠳᠤᠳᠠᠭ ᠥᠬᠡᠢ᠃ ᠤᠨᠴᠠᠭᠠᠢᠢᠯᠠᠨ ᠲᠡᠳᠡᠨ ᠤ ᠤᠳᠤᠷ ᠪᠤᠯᠬᠤ ᠲᠥᠷᠪᠡᠨ | ᠥᠨᠳᠤᠷ ᠤᠨ ᠰᠢᠯᠢ ᠳᠤ ᠠᠬᠢ ᠬᠢᠯᠠᠭᠠᠨᠠ ᠵᠡᠷᠬᠡ 200 ᠭᠠᠷᠤᠢ ᠲᠥᠷᠥᠯ ᠤᠨ ᠡᠪᠡᠰᠤ ᠲᠠᠢ ᠪᠠᠶᠢᠵᠥ᠂ ᠠᠳᠤᠭᠤᠨ ᠤ | ᠪᠡᠯᠴᠢᠬᠡᠷ ᠪᠤᠯᠬᠤ ᠳᠤ ᠮᠠᠰᠢ ᠲᠤᠬᠢᠷᠠᠳᠠᠭ᠃ ᠡᠶᠢᠮᠥ ᠠᠴᠠ ᠡᠳᠡᠨ ᠤ ᠬᠢᠨ ᠤ ᠴᠡᠭᠡ ᠴᠤᠯ ᠪᠠᠶᠢᠭᠠᠯᠢᠯᠢᠭ ᠮᠥᠷᠳᠡᠬᠡᠨ | ᠠᠮᠳᠠ ᠰᠢᠮᠳᠠ ᠨᠢ ᠰᠠᠶᠢᠬᠠᠨ ᠢᠶᠠᠷ ᠬᠤᠯᠠ ᠤᠢᠢᠷ ᠡ ᠳᠤ ᠠᠯᠳᠠᠷᠰᠢᠵᠠᠢ᠃ ᠤᠳᠤᠬᠠᠨ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ | ᠬᠤᠷᠢᠶ ᠠ ᠳᠤ ᠪᠤᠷᠤᠯᠠᠭᠤᠯᠳᠠᠭ ᠠᠴᠠ ᠭᠠᠳᠠᠨᠠ ᠪᠠᠰᠠ ᠨᠡᠶᠢᠬᠡᠮ ᠤᠨ ᠤᠯᠠᠨ ᠴᠤ ᠥᠷᠬᠡᠨ ᠢᠶᠠᠷ ᠬᠤᠳᠠᠯᠳᠤᠨ ᠠᠪᠬᠤ | ᠪᠤᠯᠵᠠᠢ᠃ ᠤᠢᠢᠷ ᠡ ᠬᠠᠵᠠᠭᠤ ᠶᠢᠨ ᠲᠡᠮᠡᠬᠡᠳᠤ ᠬᠤᠳᠠ᠂ ᠳ᠋ᠥᠩᠱᠸᠡᠭ ᠬᠤᠳᠠ᠂ ᠬᠥᠬᠡᠬᠤᠳᠠ ᠵᠡᠷᠬᠡ ᠭᠠᠵᠠᠷ | ᠤᠷᠤᠨ ᠤ ᠬᠡᠷᠡᠭᠯᠡᠭᠴᠢᠳ ᠴᠤ ᠠᠷᠪᠢᠨ ᠢᠷᠡᠵᠥ ᠬᠤᠳᠠᠯᠳᠤᠨ ᠠᠪᠳᠠᠭ ᠪᠠᠶᠢᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ | ᠤᠪᠤᠭᠠᠨ ᠨᠠᠶᠢᠷ ᠲᠤ ᠰᠥ᠋ ᠪᠠᠷ ᠨᠢ ᠬᠡᠷᠡᠭᠯᠡᠬᠦ ᠪᠤᠶᠤ ᠬᠤᠷᠢᠮ ᠨᠠᠶᠢᠷ ᠲᠤ ᠴᠡᠭᠡ ᠥᠷᠬᠡᠨ ᠢᠶᠠᠷ ᠬᠡᠷᠡᠭᠯᠡᠬᠦ | ᠪᠤᠯᠤᠭᠰᠠᠨ ᠠᠴᠠ ᠠᠰᠢᠭ ᠤᠷᠤᠯᠭᠠ ᠨᠢ ᠤᠯᠠᠮ ᠠᠴᠠ ᠰᠠᠶᠢᠵᠢᠷᠠᠵᠠᠢ᠃ ︽ᠠᠳᠤᠭᠤᠨ ᠤ ᠪᠠᠨ ᠪᠤᠶᠠᠨ ᠢᠶᠠᠷ ᠶᠠᠭᠤᠮ | ᠠ ᠪᠥᠬᠦᠨ ᠤᠷᠤᠭᠰᠢᠳᠠᠢ ᠪᠤᠯᠵᠠᠢ᠃ ᠪᠢ ᠥᠪᠡᠷ ᠢᠶᠠᠨ ᠡᠨᠡ ᠬᠦ ᠡᠷᠬᠢᠮᠰᠥᠭ ᠠᠵᠢᠯ ᠳᠠᠭᠠᠨ ᠤᠮᠤᠭᠰᠢᠵᠥ ᠶᠠᠪᠤᠳᠠᠭ᠃ | ᠬᠡᠳᠤᠢ ᠪᠠᠷ ᠨᠠᠷᠠ ᠰᠠᠯᠬᠢᠨ ᠳᠤ ᠰᠢᠷᠠᠭᠳᠠᠵᠥ ᠪᠤᠷᠤᠯᠠᠭᠰᠠᠨ ᠴᠤ ᠮᠠᠰᠢ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠳᠠᠢ᠂ ᠰᠡᠳᠬᠢᠯ | ᠲᠥᠬᠦᠷᠡᠩ ᠶᠤᠮ︾ ᠬᠡᠵᠥ ᠬᠠᠰᠴᠢᠮᠠᠩ ᠤᠯᠠᠨ ᠤᠳᠠᠭᠠ ᠰᠡᠳᠬᠢᠯ ᠲᠤᠭᠳᠤᠯᠤᠨ ᠶᠠᠷᠢᠯ ᠠ᠃ | ᠲᠡᠷᠡ ᠬᠡᠷᠡᠭᠯᠡᠭᠴᠢᠳ ᠤᠨ ᠱᠠᠭᠠᠷᠳᠠᠯᠭᠠ ᠶᠢ ᠨᠢ ᠥᠨᠳᠤᠰᠤᠯᠠᠨ ᠴᠡᠭᠡ ᠪᠠᠨ ᠴᠢᠩᠭᠠ ᠰᠤᠯᠠ ᠠᠮᠳᠠ ᠪᠠᠷ | ᠢᠰᠬᠡᠵᠥ᠂ ᠲᠡᠳᠡᠨ ᠤ ᠰᠠᠨᠠᠭᠠᠨ ᠳᠤᠨᠢ ᠨᠡᠶᠢᠴᠡᠭᠰᠡᠨ ᠪᠥᠳᠥᠬᠡᠭᠳᠡᠬᠦᠨ ᠢ ᠬᠠᠨᠭ᠍ᠭᠠᠳᠠᠭ ᠪᠠᠶᠢᠨᠠ᠃ ᠡᠨᠡ ᠵᠢᠯᠡᠴᠠ | ᠬᠠᠰᠴᠢᠮᠡᠭ ᠪᠠᠰᠠ ᠬᠤᠷᠢᠭᠠᠳ ᠲᠥᠮᠡᠨ ᠲᠥᠬᠦᠷᠢᠭ ᠤᠨ ᠪᠡᠯᠡ ᠤᠷᠤᠭᠤᠯᠵᠥ -5°C ᠤᠨ ᠬᠦᠢᠳᠡᠡᠳᠤ ᠬᠥᠯᠳᠡᠬᠦ | ᠥᠬᠡᠢ ᠴᠢᠳᠠᠪᠬᠢ ᠲᠠᠢ᠂ 3 ᠰᠠᠷ ᠠ ᠬᠢᠷᠢᠳᠠᠢ ᠰᠢᠨᠡ ᠰᠤᠷᠭᠤᠭ ᠢᠶᠠᠷ ᠬᠠᠳᠠᠭᠠᠯᠠᠵᠥ ᠲᠡᠶᠢᠯᠬᠦ ᠬᠥᠷᠥᠬᠡᠬᠦᠷ | ᠬᠤᠳᠠᠯᠳᠤᠨ ᠠᠪᠴᠤ᠂ ᠨᠡᠩ ᠤᠷᠳᠤ ᠴᠠᠭ ᠬᠠᠳᠠᠭᠠᠯᠠᠵᠥ ᠲᠡᠶᠢᠯᠬᠦ ᠪᠤᠯᠵᠠᠢ᠃ ᠬᠤᠶᠢᠰᠢᠳᠡ ᠬᠠᠰᠴᠢᠮᠡᠭ ᠡᠮᠨᠡᠯᠬᠡ ᠶᠢᠨ | ᠬᠤᠷᠢᠶ ᠠ ᠲᠠᠢ ᠬᠠᠮᠳᠤᠷᠠᠯᠴᠠᠨ ᠡᠮᠨᠡᠬᠦ ᠪᠠ ᠰᠤᠪᠢᠯᠠᠬᠤ ᠶᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠰᠤᠪᠢᠯᠠᠯᠳᠡ ᠶᠢᠨ ᠭᠠᠵᠠᠷ | ᠪᠠᠶᠢᠭᠤᠯᠵᠥ᠂ ᠴᠡᠭᠡ ᠶᠢᠨ ᠵᠠᠰᠠᠯ ᠬᠢᠬᠦ ᠵᠤᠷᠢᠯᠭᠠ ᠲᠠᠢ ᠪᠠᠶᠢᠯ ᠠ᠃ ᠠᠳᠤᠭᠤ ᠪᠠᠨ ᠬᠠᠶᠢᠷᠠᠯᠠᠵᠥ᠂ ᠡᠳ᠋ᠯᠡᠵᠥ᠂ | ᠰᠡᠳᠬᠢᠯ ᠬᠠᠨᠭ᠍ᠬᠤᠯᠤᠭᠤᠨ ᠶᠠᠪᠤᠬᠤ ᠨᠢ ᠰᠠᠭᠠᠯᠢᠴᠢᠨ ᠪᠥᠰᠡᠬᠦᠢ ᠬᠠᠰᠴᠢᠮᠡᠭ ᠤᠨ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ ᠤᠨ ᠬᠢᠨ | ᠤᠨᠳᠤᠷᠤᠯ ᠶᠤᠮᠰᠠᠨ ᠁ |