| ᠨᠤᠮ ᠪᠤᠯ ᠤᠬᠠᠭᠠᠨ ᠪᠢᠯᠢᠭ ᠤᠨ ᠭᠡᠭᠡᠨ ᠵᠤᠯᠠ᠂ ᠤᠶᠤᠨ ᠰᠠᠨᠠᠭᠠᠨ ᠤ ᠰᠢᠮᠡᠲᠦ ᠷᠠᠰᠢᠶᠠᠨ᠃ ᠨᠤᠮ | ᠤᠩᠰᠢᠬᠤ ᠲᠠᠯᠠ ᠪᠠᠷ ᠢᠪᠷᠡᠶᠢᠴᠦᠳ ᠳᠡᠯᠡᠬᠡᠢ ᠳᠤ ᠲᠡᠷᠢᠬᠦᠯᠡᠵᠦ ᠪᠤᠢ᠂ ᠲᠡᠭᠰᠢᠳᠭᠡᠭᠡᠳ ᠬᠦᠮᠦᠨ ᠪᠦᠷᠢ ᠵᠢᠯ ᠳᠤ | 64 ᠲᠡᠪᠲᠡᠷ ᠨᠤᠮ ᠤᠩᠰᠢᠳᠠᠭ᠃ ᠲᠡᠳᠡ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠬᠦ ᠳᠡᠭᠡᠨ ᠡᠳ᠋ ᠤᠨ ᠪᠠᠶᠠᠯᠢᠭ ᠢ | ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠬᠤ ᠪᠢᠰᠢ᠂ ᠬᠠᠷᠢᠨ ︽ᠨᠤᠮ ᠪᠤᠯ ᠮᠡᠳᠡᠯᠭᠡ ᠶᠢᠨ ᠬᠦᠮᠦᠷᠭᠡ᠂ ᠮᠡᠳᠡᠯᠬᠡ ᠪᠤᠯ ᠵᠤᠭᠤᠰ | ᠮᠦᠩᠬᠦ᠂ ᠠᠯᠮᠠᠰ ᠴᠢᠯᠠᠭᠤ ᠠᠴᠠ ᠴᠤ ᠦᠨᠡ ᠴᠡᠨᠡ ᠲᠠᠢ ᠶᠤᠮ᠂ ᠴᠢᠨᠦ ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠶᠢ ᠬᠡᠨ ᠬᠦᠮᠦᠨ | ᠴᠤ ᠪᠤᠯᠢᠶᠠᠨ ᠠᠪᠴᠤ ᠴᠢᠳᠠᠬᠤ ᠦᠭᠡᠢ ᠶᠤᠮ︾ ᠬᠡᠵᠦ ᠲᠦᠪ ᠴᠢᠩᠭᠠ ᠪᠠᠷ ᠰᠤᠷᠭᠠᠵᠤ ᠲᠡᠭᠦᠨ ᠤ ᠷᠢᠳᠢ ᠰᠢᠳᠢ ᠶᠢ | ᠬᠡᠦᠬᠡᠳ ᠤᠨ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠨᠢ ᠮᠡᠳᠡᠷᠡᠭᠦᠯᠳᠡᠭ ᠶᠤᠮ᠃ | ᠮᠤᠩᠭᠤᠯᠴᠤᠳ ᠴᠤ ᠡᠷᠳᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠨᠤᠮ ᠪᠢᠴᠢᠭ ᠢ ᠬᠦᠨᠳᠦᠳᠭᠡᠨ ᠦᠵᠡᠵᠦ᠂ ᠲᠤᠭᠤᠰᠤ | ᠰᠢᠷᠤᠢ ᠳᠤ ᠲᠠᠷᠤᠭᠳᠠᠭᠤᠯᠬᠤ ᠦᠭᠡᠢ᠂ ᠤᠷᠠᠵᠤ ᠲᠠᠰᠤᠳᠠᠬᠤ ᠦᠬᠡᠢ᠂ ᠭᠠᠵᠠᠷ ᠬᠦᠰᠡᠷ ᠬᠠᠶᠠᠵᠤ ᠰᠢᠳᠡᠬᠦ ᠦᠬᠡᠢ᠂ | ᠬᠠᠷᠢᠨ ᠲᠡᠭᠡᠳᠦ ᠬᠡᠮᠵᠢᠶᠡ ᠪᠠᠷ ᠡᠷᠬᠢᠮᠯᠡᠨ ᠬᠦᠨᠳᠦᠳᠭᠡᠵᠦ ᠦᠵᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠲᠦᠮᠡᠨ ᠤ | ᠮᠢᠨᠢ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠡᠶᠢᠮᠦᠷᠬᠦᠤ ᠰᠠᠶᠢᠬᠠᠨ ᠵᠠᠩᠰᠢᠯ ᠦᠨᠦᠲᠦᠷ ᠮᠠᠨ ᠳᠤ ᠶᠠᠭᠤ ᠨᠢᠭᠡ ᠶᠢ | ᠰᠡᠷᠡᠭᠳᠡᠭᠦᠯᠵᠦ ᠰᠡᠩᠬᠡᠷᠡᠭᠦᠯᠵᠦ ᠪᠤᠢ᠃ ᠨᠤᠮ ᠤᠩᠰᠢᠬᠤ ᠪᠤᠯ ᠪᠢᠳᠡᠨ ᠤ ᠮᠡᠳᠡᠯᠭᠡ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠶᠢ | ᠦᠷᠭᠡᠳᠭᠡᠨ ᠲᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠴᠢᠬᠤᠯᠠ ᠨᠢ ᠤᠢ ᠪᠢᠯᠢᠭ ᠢ ᠴᠢᠨᠢ ᠬᠤᠷᠴᠠᠯᠠᠵᠤ᠂ ᠰᠡᠳᠭᠢᠯ | ᠰᠠᠨᠠᠭᠠ ᠶᠢ ᠠᠷᠢᠭᠤᠰᠬᠠᠨ᠂ ᠪᠤᠳᠤᠯ ᠤᠬᠠᠭᠠᠨ ᠢ ᠴᠢᠨᠢ ᠰᠠᠷᠠᠭᠤᠯᠵᠢᠭᠤᠯᠬᠤ ᠶᠤᠮ᠃ | ᠨᠤᠮ ᠤᠩᠰᠢᠬᠤ ᠪᠠᠷ ᠨᠢ ᠦᠭᠡᠰ ᠤᠨ ᠰᠠᠩ ᠪᠠᠶᠠᠯᠢᠭᠵᠢᠵᠤ᠂ ᠮᠡᠳᠡᠯᠭᠡ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠦᠷᠭᠡᠵᠢᠨ | ᠬᠠᠷᠠᠭᠠ ᠲᠡᠯᠡᠭᠳᠡᠨᠡ᠃ ᠨᠤᠮ ᠤᠩᠰᠢᠭᠰᠠᠨ ᠬᠦᠮᠦᠨ ᠪᠠ ᠨᠤᠮ ᠤᠩᠰᠢᠭᠰᠠᠨ ᠦᠭᠡᠢ ᠬᠦᠮᠦᠨ ᠤ ᠵᠦᠷᠢᠶᠡ ᠲᠤᠩ | ᠶᠡᠭᠡ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠭᠡ ᠡᠷᠳᠡᠮᠳᠡᠨ ᠴ᠊ · ᠳᠠᠮᠳᠢᠨᠰᠦ᠋ᠷᠦᠩ᠄ ︽ᠨᠤᠮ ᠤᠨ ᠤᠳᠬᠠ ᠠᠨᠤ | ᠲᠡᠭᠷᠢ ᠮᠡᠲᠦ ᠠᠭᠤᠤ᠂ ᠲᠡᠯᠡᠬᠡᠢ ᠮᠡᠲᠦ ᠦᠷᠭᠡᠨ᠂ ᠲᠠᠯᠠᠢ ᠮᠡᠲᠦ ᠭᠦᠨ᠂ ᠨᠤᠮ ᠢ ᠤᠩᠰᠢᠬᠤ ᠠᠨᠤ ᠲᠡᠭᠷᠢ ᠳᠤ | ᠨᠢᠰᠴᠤ᠂ ᠲᠡᠯᠡᠬᠡᠢ ᠶᠢ ᠲᠤᠭᠤᠷᠢᠵᠤ᠂ ᠲᠠᠯᠠᠢ ᠳᠤ ᠬᠦᠪᠬᠦ ᠮᠡᠲᠦ︾ ᠭᠡᠵᠦ ᠲᠡᠬᠦᠨ ᠤ ᠰᠢᠳᠢ ᠬᠦ᠋ᠴᠦᠨ ᠢ ᠤᠳᠬᠠ | ᠭᠦᠨ ᠳ᠋ᠦᠩᠨᠡᠭᠰᠡᠨ ᠪᠠᠶᠢᠳᠠᠭ᠃ ᠭᠠᠭᠴᠠ ᠬᠦ ᠨᠤᠮ ᠤᠨ ᠤᠬᠠᠭᠠᠨ ᠢ ᠤᠯᠵᠤ ᠨᠤᠮ ᠤᠨ ᠰᠢᠮᠡ ᠶᠢ ᠬᠦᠷᠲᠡᠵᠦ | ᠴᠢᠳᠠᠭᠰᠠᠨ ᠬᠦᠮᠦᠨ ᠰᠠᠶ᠋ᠢ ᠡᠬᠦᠨ ᠢ ᠴᠠᠭᠠᠨᠠᠬᠢ ᠤᠳᠬᠠ ᠶᠢ ᠬᠦᠨᠵᠡᠬᠡᠢ ᠤᠶᠢᠢᠯᠠᠭᠠᠵᠤ ᠴᠢᠳᠠᠨᠠ᠃ | ᠨᠤᠮ ᠤᠩᠰᠢᠬᠤ ᠪᠠᠷ ᠬᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠰᠠᠶᠢᠵᠢᠷᠠᠵᠤ ᠬᠡᠯᠡᠨ ᠤ ᠴᠢᠳᠠᠪᠬᠢ ᠲᠡᠭᠡᠭᠰᠢᠯᠡᠨᠡ᠃ ᠨᠤᠮ ᠰᠠᠶᠢᠨ | ᠤᠩᠰᠢᠳᠠᠭ ᠬᠦᠮᠦᠨ ᠬᠡᠯᠡᠨ ᠤ ᠲᠤᠬᠠᠢ ᠶᠢᠨ ᠤᠷᠴᠢᠨ ᠳᠤ ᠤᠳᠠᠭᠠᠨ ᠲᠠᠪᠳᠠᠭᠳᠠᠳᠠᠭ ᠪᠤᠯᠬᠤᠷ ᠬᠡᠯᠡᠨ ᠤ ᠲᠤᠬᠠᠢ | ᠮᠡᠳᠡᠷᠡᠮᠵᠢ ᠰᠠᠶᠢᠳᠠᠢ ᠪᠤᠯᠵᠤ ᠤᠩᠰᠢᠭᠰᠠᠨ ᠶᠠᠭᠤᠮᠠᠨ ᠤ ᠪᠠᠨ ᠲᠤᠬᠠᠢ ᠭᠦᠨᠵᠡᠭᠡᠢ ᠰᠡᠳᠭᠢᠵᠦ ᠨᠡᠪᠲᠡᠷᠬᠡᠢ ᠤᠶᠢᠯᠠᠭᠠᠵᠤ | ᠴᠢᠳᠠᠨᠠ᠂ ᠢᠩᠭᠢᠬᠦ ᠲᠤᠰᠤᠮ ᠢᠶᠠᠨ ᠬᠡᠯᠡᠨ ᠳᠤ ᠤᠯᠠᠮ ᠴᠠᠭᠠᠷᠠᠵᠤ ᠪᠣᠯᠪᠠᠰᠣᠷᠠᠵᠣ ᠬᠡᠯᠡ ᠶᠢ ᠬᠡᠷᠡᠭᠯᠡᠬᠦ ᠳᠡᠭᠡᠨ | ᠵᠢᠷᠤᠭᠠ ᠮᠤᠷᠢᠨ ᠳᠤ ᠲᠠᠰᠢᠭᠤᠷ ᠦᠭᠬᠦ ᠠᠳᠠᠯᠢ ᠬᠦᠩᠭᠡᠨ ᠪᠤᠯᠳᠠᠭ᠃ ᠨᠤᠮ ᠵᠤᠬᠢᠶᠠᠯ ᠲᠠᠢ ᠢᠯᠡᠭᠦᠬᠡᠨ ᠤᠶᠢᠷᠠᠳᠤᠳᠠᠭ | ᠬᠦᠮᠦᠨ ᠪᠢᠷ ᠪᠠᠷᠢᠭᠠᠳ ᠨᠢᠭᠡ ᠶᠠᠭᠤᠮᠠ ᠪᠢᠴᠢᠬᠦ ᠪᠠᠷ ᠨᠢ ᠤᠰᠤᠨ ᠤ ᠤᠷᠤᠰᠬᠠᠯ ᠲᠠᠭᠠᠤ ᠤᠩᠭᠤᠴᠠ ᠰᠡᠯᠢᠵᠦ | ᠪᠠᠶᠢᠭᠠ ᠠᠳᠠᠯᠢ ᠢᠯᠳᠠᠮᠬᠠᠨ ᠪᠤᠯᠵᠤ ᠢᠷᠡᠳᠡᠭ᠃ | ᠨᠤᠮ ᠤᠩᠰᠢᠬᠤ ᠪᠠᠷ ᠰᠡᠳᠭᠢᠯ ᠠᠷᠢᠭᠤᠰᠴᠤ ᠤᠬᠠᠭᠠᠨ ᠰᠠᠷᠠᠭᠤᠯ ᠪᠤᠯᠤᠨᠠ᠃ ᠨᠢᠭᠡ ᠲᠡᠪᠳᠡᠷ ᠰᠠᠶᠢᠨ ᠨᠤᠮ | ᠪᠤᠯ ᠴᠢᠨᠦ ᠰᠡᠳᠭᠢᠯ ᠤᠨ ᠴᠢᠨᠢ ᠢᠲᠡᠭᠡᠯᠲᠦ ᠨᠦᠬᠦᠷ᠂ ᠦᠪᠡᠷ ᠤᠨ ᠲᠤᠭᠤᠵᠤ ᠪᠠᠭ᠋ᠠᠷᠬᠠᠭᠰᠠᠨ ᠨᠤᠮ ᠢᠶᠠᠨ ᠤᠯᠵᠤ | ᠤᠩᠰᠢᠬᠤ ᠭᠡᠳᠡᠭ ᠪᠤᠯ ᠨᠢᠭᠡ ᠵᠦᠢᠯ ᠤᠨ ᠵᠢᠷᠭᠠᠯ᠃ ᠤᠷᠤᠢ ᠶᠢᠨ ᠨᠠᠮ ᠵᠢᠮ ᠴᠠᠭ ᠢᠶᠠᠷ᠂ ᠡᠰᠡᠭᠦᠯᠡ ᠪᠤᠷᠤᠭᠠᠨ | ᠰᠢᠪᠡᠷᠡᠭᠰᠡᠨ ᠦᠳᠡ ᠶᠢᠨ ᠬᠤᠶᠢᠨᠠ᠂ ᠡᠰᠡᠭᠦᠯᠡ ᠨᠤᠮ ᠤᠨ ᠰᠠᠩ ᠤᠨ ᠰᠡᠯᠡᠬᠦᠬᠡᠨ ᠦᠷᠦᠭᠡᠨ ᠳᠤ᠂ ᠡᠰᠡᠬᠦᠯᠡ | ᠤᠶᠢᠳᠬᠠᠷ ᠪᠤᠬᠢᠨᠢᠳᠤᠯ ᠰᠡᠳᠭᠢᠯ ᠰᠠᠨᠠᠭᠠ ᠶᠢ ᠣᠶᠢᠮᠦᠷᠠᠭᠤᠯᠣᠭᠰᠠᠨ ᠦᠶᠡ ᠳᠤ ᠨᠤᠮ ᠤᠩᠰᠢᠬᠤ ᠨᠢ ᠴᠢᠨᠦ ᠰᠡᠳᠭᠢᠯ | ᠰᠠᠨᠠᠭᠠ ᠶᠢ ᠲᠠᠶᠢᠪᠤᠩ ᠪᠤᠯᠭᠠᠵᠤ᠂ ᠠᠯᠢ ᠪᠠᠶᠢᠭᠰᠠᠨ ᠭᠤᠨᠢᠭ ᠤᠶᠢᠳᠬᠠᠷ᠂ ᠰᠡᠳᠭᠢᠯ ᠳᠤ ᠲᠠᠭᠠᠯᠠᠮᠵᠢ ᠦᠭᠡᠢ | ᠵᠦᠢᠯ ᠤᠳ ᠢ ᠦᠯᠦ ᠮᠡᠳᠡᠬᠦ ᠶᠢᠨ ᠵᠠᠪᠰᠠᠷ ᠠᠷᠢᠯᠭᠠᠵᠤ᠂ ᠰᠡᠳᠭᠢᠯ ᠰᠠᠨᠠᠭᠠᠨ ᠤ ᠲᠠᠶᠢᠳᠬᠤᠷᠠᠯ ᠢ ᠤᠯᠬᠤ ᠮᠦᠷᠲᠡᠭᠡᠨ | ᠦᠪᠡᠷ ᠢ ᠪᠠᠨ ᠵᠢᠩᠬᠢᠨᠢ ᠲᠠᠨᠢᠵᠤ ᠡᠬᠢᠯᠡᠳᠡᠭ᠃ ᠨᠤᠮ ᠲᠠᠢ ᠨᠦᠬᠦᠷᠯᠡᠵᠦ ᠴᠢᠳᠠᠭᠰᠠᠨ ᠬᠦᠮᠦᠨ ᠤ ᠰᠠᠨᠠᠭᠠ | ᠠᠷᠢᠭᠤᠰᠴᠤ ᠰᠡᠳᠭᠢᠯ ᠲᠠᠯᠪᠢᠭᠤᠷᠠᠭᠠᠳ ᠶᠢᠷᠲᠢᠨᠴᠤ ᠶᠢᠨ ᠶᠠᠭᠤᠮᠠ ᠪᠦᠬᠦᠨ ᠢ ᠲᠤᠩᠭᠠᠯᠠᠭ ᠬᠠᠷᠠᠵᠤ ᠴᠢᠳᠠᠬᠤ | ᠪᠤᠯᠤᠨᠠ᠃ | ᠤᠳᠤᠬᠠᠨ ᠳᠤ ᠲᠡᠯᠡᠬᠡᠢ ᠳ᠋ᠠᠬᠢᠨ ᠢᠶᠠᠷ ᠢᠶᠠᠨ ᠨᠤᠮ ᠤᠩᠰᠢᠬᠤ ᠰᠢᠨᠡ ᠦᠷᠨᠢᠯᠳᠡ ᠭᠠᠷᠴᠤ ᠪᠤᠢ᠃ ᠤᠯᠠᠨ | ᠤᠯᠤᠰ ᠤᠨ ᠬᠤᠯᠪᠤᠭᠠᠳᠤ ᠪᠠᠶᠢᠭᠤᠯᠭᠠ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠤᠶᠤᠯ ᠤᠨ ᠵᠤᠬᠢᠶᠠᠨ | ᠪᠠᠶᠢᠭᠤᠯᠤᠯᠳᠠ ᠠᠴᠠ 1995 ᠤᠨ ᠳᠤ ᠵᠢᠯ ᠪᠦᠷᠢ ᠶᠢᠨ 4 ᠰᠠᠷᠠ ᠶᠢᠨ 23 ᠤ ᠡᠳᠦᠷ ᠢ ︽ᠲᠡᠯᠡᠬᠡᠢ ᠶᠢᠨ ᠨᠤᠮ | ᠤᠩᠰᠢᠬᠤ ᠡᠳᠦᠷ︾ ᠭᠡᠵᠦ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ ᠦᠨᠦᠳᠦᠷ ᠲᠤᠤᠷ ᠰᠦᠯᠵᠢᠶᠡ ᠲᠦᠭᠡᠮᠡᠯᠵᠢᠵᠦ ᠭᠠᠷ | ᠤᠳᠠᠰᠤ ᠭᠠᠵᠠᠷ ᠠᠪᠴᠤ ᠪᠠᠶᠢᠭᠠ ᠴᠠᠭ ᠲᠤ ᠨᠤᠮ ᠤᠩᠰᠢᠬᠤ ᠠᠵᠢᠯᠯᠠᠭᠠ ᠶᠢ ᠣᠷᠢᠶᠠᠯᠠᠬᠤ ᠨᠢ ᠴᠠᠭ ᠦᠶᠡ ᠳᠡᠭᠡᠨ | ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠤᠬᠢᠷᠠᠭᠰᠠᠨ ᠪᠦᠭᠡᠳ ᠵᠠᠪᠠᠯ ᠢᠩᠭᠢᠵᠦ ᠬᠢᠬᠦ ᠴᠢᠬᠤᠯᠠ ᠲᠠᠢ ᠪᠤᠯᠵᠠᠢ᠃ | ︽ᠨᠤᠮ ᠤᠩᠰᠢᠬᠤ ᠦᠭᠡᠢ ᠪᠤᠯ ᠤᠬᠠᠭᠠᠨ ᠠᠳᠠᠷᠰᠢᠨᠠ᠂ ᠪᠢᠴᠢᠭ ᠰᠤᠷᠬᠤ ᠦᠭᠡᠢ ᠪᠤᠯ ᠪᠢᠯᠢᠭ ᠠᠳᠠᠷᠰᠢᠨᠠ | ︾ ᠭᠡᠳᠡᠭ᠃ ᠵᠠᠯᠠᠭᠤᠴᠤᠤᠨ ᠪᠠᠭᠠᠴᠤᠳ ᠮᠢᠨᠢ᠂ ᠨᠤᠮ ᠲᠠᠢ ᠢᠯᠡᠭᠦᠬᠡᠨ ᠤᠶᠢᠷᠠᠳᠴᠤ᠂ ᠨᠤᠮ ᠲᠠᠢ ᠨᠦᠬᠦᠷᠯᠡᠵᠤ᠂ | ᠨᠤᠮ ᠢᠶᠠᠷ ᠪᠠᠭᠰᠢ ᠪᠠᠷᠢᠵᠤ᠂ ᠨᠤᠮ ᠤᠨ ᠤᠬᠠᠭᠠᠨ ᠢᠶᠠᠷ ᠦᠪᠡᠷ ᠢ ᠪᠠᠨ ᠰᠠᠷᠠᠭᠤᠯᠵᠢᠭᠤᠯᠵᠤ ᠶᠠᠪᠤᠭᠠᠷᠠᠢ︕ |