| ᠨᠠᠶᠠᠨᠭᠤᠷᠪᠠ᠂ ᠡᠮᠡᠭᠳᠡᠢ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠃ 1944 ᠤᠨ ᠳᠤ ᠤᠳᠤᠭ ᠤᠨ ᠡᠮᠤᠨᠡᠳᠥ | ᠬᠤᠰᠢᠭᠤᠨ ᠤ ᠮᠤᠭᠠᠶᠢᠳᠤ ᠰᠤᠮᠤᠨ ᠤ ᠠᠷᠠᠯᠠᠢ ᠭᠠᠴᠠᠭᠠᠨ ᠳᠤ ᠲᠦᠷᠦᠵᠡᠢ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠯᠢᠶᠠ | ᠲᠡᠭᠵᠢᠨ᠂ ᠰᠡᠴᠡᠨ ᠰᠡᠷᠭᠦᠯᠡᠩ ᠵᠠᠩ ᠠᠭᠠᠰᠢ ᠲᠠᠢ ᠪᠠᠷ ᠢᠶᠠᠨ ᠨᠤᠳᠤᠭ ᠤᠨ ᠤᠯᠠᠨ ᠠᠷᠪᠢᠨ ᠭᠦᠮᠦᠰ ᠤᠨ ᠮᠠᠭᠳᠠᠭᠠᠯ | ᠢ ᠤᠯᠵᠤ ᠶᠠᠪᠤᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ ᠠᠮᠢᠳᠤᠷᠠᠯ ᠤᠨ ᠭᠢᠵᠠᠭᠠᠷᠯᠠᠯ ᠵᠡᠷᠭᠡ ᠤᠯᠠᠨ ᠠᠷᠪᠢᠨ ᠲᠠᠯᠠ | ᠶᠢᠨ ᠨᠦᠯᠦᠭᠡ ᠠᠴᠠ ᠪᠤᠯᠵᠤ᠂ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ ᠪᠢᠴᠢᠭ ᠨᠤᠮ ᠦᠵᠡᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠨᠢ | ᠲᠡᠭᠦᠨ ᠤ ᠨᠢᠭᠡ ᠨᠠᠰᠤᠨ ᠤ ᠬᠠᠷᠠᠮᠰᠠᠯ ᠪᠤᠯᠵᠠᠢ᠃ ᠭᠡᠪᠡᠴᠤ ︽ᠭᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ ᠪᠠᠨ᠂ ᠭᠦᠯᠦᠭ ᠪᠤᠯᠬᠤ | ᠤᠨᠠᠭᠠᠨ ᠠᠴᠠ ᠪᠠᠨ︾ ᠭᠡᠳᠡᠭᠴᠢᠯᠡᠨ᠂ ᠤᠬᠠᠭᠠ ᠲᠤᠮᠤᠭᠠ ᠲᠠᠢ ᠨᠠᠶᠠᠨᠭᠤᠷᠪᠠ ᠠᠪᠤ ᠡᠵᠢ ᠪᠠᠨ ᠬᠠᠪᠰᠤᠷᠴᠤ᠂ ᠮᠠᠯ | ᠰᠦᠷᠦᠭ ᠬᠠᠷᠢᠭᠤᠯᠬᠤ᠂ ᠭᠡᠷ ᠤᠨ ᠠᠷ ᠰᠠᠷ ᠠᠵᠢᠯ ᠭᠢᠭᠦ ᠵᠡᠷᠭᠡ ᠦᠪᠡᠷ ᠤᠨ ᠭᠢᠵᠤ ᠴᠢᠳᠠᠬᠤ ᠠᠵᠢᠯ ᠢᠶᠠᠨ | ᠴᠢᠳᠠᠮᠠᠭᠠᠢ ᠰᠠᠶᠢᠬᠠᠨ ᠭᠢᠴᠢᠭᠡᠳᠡᠭ ᠪᠠᠶᠢᠪᠠ᠃ ᠲᠡᠭᠦᠨ ᠤ ᠠᠪᠤ ᠡᠵᠢ ᠨᠢ ᠨᠤᠮᠤᠬᠠᠨ ᠰᠢᠳᠤᠷᠭᠤ ᠮᠠᠯᠴᠢᠨ ᠭᠦᠮᠦᠨ | ᠪᠠᠶᠢᠵᠤ᠂ ᠮᠤᠩᠭᠤᠯ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠰᠠᠶᠢᠬᠠᠨ ᠲᠠᠭᠤᠯᠠᠳᠠᠭ ᠠᠴᠠ ᠬᠤᠯᠨ ᠤᠶᠢᠷᠠ ᠳᠠᠭᠠᠨ ᠨᠡᠯᠢᠶᠡᠳ | ᠨᠡᠷᠡ ᠲᠠᠢ ᠪᠠᠶᠢᠵᠠᠢ᠃ ᠨᠠᠩ ᠢᠯᠠᠩᠭᠤᠶᠠ ᠠᠪᠤ ᠨᠢ ᠤᠯᠠᠨ ᠠᠷᠪᠢᠨ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠰᠠᠶᠢᠬᠠᠨ ᠲᠠᠭᠤᠯᠠᠵᠤ᠂ | ᠭᠡᠦᠭᠡᠨ ᠨᠠᠶᠠᠨᠭᠤᠷᠪᠠ ᠶᠢᠨ ᠠᠩᠬᠠᠨ ᠤ ᠪᠠᠭᠰᠢ ᠨᠢ ᠪᠤᠯᠵᠠᠢ᠃ ᠡᠨ᠋ᠨ ᠦᠶᠡᠰ ᠨᠠᠶᠠᠨᠭᠤᠷᠪᠠ ᠠᠪᠤ ᠠᠴᠠ ᠪᠠᠨ ᠤᠯᠠᠨ | ᠠᠷᠪᠢᠨ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠰᠤᠷᠴᠤ᠂ ᠲᠠᠭᠤᠨ ᠤ ᠦᠭᠡ᠂ ᠡᠭᠡᠰᠢᠭ ᠠᠪᠢᠶᠠ᠂ ᠨᠤᠭᠤᠯᠪᠤᠷᠢ ᠭᠦᠷᠳᠡᠯᠡ | ᠨᠠᠷᠢᠨ ᠭᠢᠨᠠᠮᠠᠭᠠᠢ ᠰᠠᠶᠢᠬᠠᠨ ᠴᠡᠭᠡᠵᠢᠯᠡᠵᠤ ᠠᠪᠤᠭᠰᠠᠨ ᠶᠤᠮ᠃ ᠲᠡᠷᠨ ᠭᠦᠳᠡᠭᠡ ᠨᠤᠳᠤᠭ ᠲᠠᠭᠠᠨ ᠮᠠᠯ ᠬᠠᠷᠢᠭᠤᠯᠵᠤ | ᠶᠠᠪᠤᠬᠤ ᠳᠠᠭᠠᠨ ᠨᠤᠳᠤᠭ ᠤᠨ ᠢᠶᠠᠨ ᠦᠨᠳᠦᠷ ᠲᠤᠯᠤᠭᠠᠢ᠂ ᠡᠯᠡᠰᠤᠨ ᠭᠦᠨᠳᠡᠢ᠂ ᠵᠦᠯᠭᠡ ᠲᠠᠢ ᠲᠠᠯᠠ᠂ ᠰᠢᠯᠢ ᠶᠢᠨ | ᠲᠡᠨᠵᠢᠨ ᠲᠡᠭᠡᠷᠡ ᠪᠤᠯᠪᠠᠷᠠᠢ ᠴᠡᠴᠡᠭ ᠢ ᠢᠴᠢᠭᠡᠳᠡᠯᠡ᠂ ᠪᠤᠮ ᠰᠦᠷᠦᠭ ᠢ ᠤᠶᠠᠷᠠᠭᠤᠯᠳᠠᠯᠠ ᠤᠶᠠᠩᠭᠠᠳᠤ ᠲᠠᠭᠤᠤ ᠪᠠᠨ | ᠬᠠᠨᠭ᠍ᠭᠢᠨᠠᠭᠤᠯᠤᠭᠰᠠᠭᠠᠷ ᠶᠠᠪᠤᠳᠠᠭ ᠪᠢᠯᠨ᠃ | ᠠᠷᠪᠠᠨ ᠲᠠᠪᠤᠨ ᠨᠠᠰᠤᠳᠠᠢ ᠲᠡᠷᠨ ᠵᠢᠯ ᠪᠢᠯᠨ᠃ ᠠᠷᠠᠳ ᠤᠨ ᠭᠦᠡᠭᠱᠧ ᠨᠢ ᠤᠷᠠᠯᠢᠭ ᠤᠨ ᠪᠦᠯᠭᠦᠮ | ᠪᠠᠶᠢᠭᠤᠯᠵᠤ᠂ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠭᠯᠠᠭᠴᠢ ᠡᠯᠰᠡᠭᠦ ᠳᠤ ᠲᠡᠷᠨ ᠰᠢᠯᠭᠠᠭᠳᠠᠵᠤ᠂ ᠤᠷᠠᠯᠢᠭ ᠤᠨ ᠵᠠᠮ ᠢᠶᠠᠨ | ᠭᠦᠭᠡᠭᠡᠭᠦ ᠠᠩᠬᠠᠨ ᠤ ᠠᠯᠬᠤᠮ ᠢᠶᠠᠨ ᠡᠯᠭᠦᠵᠡᠢ᠃ ᠬᠤᠶᠠᠷ ᠵᠢᠯ ᠤᠨ ᠬᠢᠨ ᠲᠠᠷᠠᠭᠠ ᠬᠤᠰᠢᠭᠤ ᠤᠯᠠᠭᠠᠨᠮᠦ᠋ᠴᠢᠷ | ᠲᠤᠭᠯᠠᠭᠴᠢ ᠡᠯᠰᠡᠭᠦ ᠳᠤ ᠲᠡᠷᠨ ᠰᠢᠯᠢᠳᠡᠭ ᠪᠦᠳᠦᠮᠵᠢ ᠪᠠᠷ ᠵᠢᠩᠭᠢᠨᠢ ᠲᠤᠭᠯᠠᠭᠴᠢ ᠪᠤᠯᠵᠠᠢ᠃ ᠤᠷᠠᠯᠢᠭ ᠤᠨ ᠪᠦᠯᠭᠦᠮ | ᠳᠤ ᠠᠵᠢᠯᠯᠠᠭᠰᠠᠨ ᠲᠡᠷᠨ ᠴᠠᠭ ᠠᠴᠠ ᠪᠠᠨ ᠡᠭᠢᠯᠡᠵᠤ ᠪᠡᠶᠡ ᠪᠠᠨ ᠴᠢᠩᠭᠠ ᠱᠠᠭᠠᠷᠳᠠᠵᠤ᠂ ᠵᠠᠪᠰᠠᠷ ᠴᠢᠯᠦᠭᠡ ᠪᠠᠨ | ᠠᠰᠢᠭᠯᠠᠨ ᠨᠤᠮ ᠪᠢᠴᠢᠭ ᠦᠵᠡᠵᠤ᠂ ᠰᠤᠶᠤᠯ ᠤᠨ ᠭᠢᠷᠢ ᠭᠡᠮᠵᠢᠶᠡ ᠪᠠᠨ ᠲᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠨᠠᠩ | ᠢᠯᠠᠩᠭᠤᠶᠠ ᠲᠠᠭᠤᠯᠠᠬᠤ ᠮᠡᠷᠭᠡᠵᠢᠯ᠂ ᠲᠤᠭᠯᠠᠬᠤ ᠮᠡᠷᠭᠡᠵᠢᠯ ᠵᠡᠷᠭᠡ ᠤᠯᠠᠨ ᠲᠠᠯᠠ ᠶᠢᠨ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠨ | ᠤᠷᠠᠯᠢᠭᠴᠢᠨ ᠪᠤᠯᠬᠤ ᠤᠷᠠ ᠠᠪᠢᠶᠠᠰ ᠢᠶᠠᠨ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠵᠠᠢ᠃ ᠤᠷᠤᠭᠠ ᠪᠤᠰᠤᠭᠠ ᠤᠨ ᠵᠢᠯ ᠪᠠᠶᠢᠭᠰᠠᠨ | ᠪᠤᠯᠬᠤᠷ ᠤᠯᠠᠭᠠᠨᠮᠦ᠋ᠴᠢᠷ ᠲᠤ ᠠᠷᠪᠠᠨ ᠬᠤᠶᠠᠷᠬᠠᠨ ᠵᠢᠯ ᠠᠵᠢᠯᠯᠠᠭᠠᠳ᠂ 1972 ᠤᠨ ᠳᠤ ᠬᠤᠰᠢᠭᠤ ᠰᠢᠤᠳᠠᠨ | ᠲᠤᠪᠴᠢᠶᠠᠨ ᠳᠤ ᠠᠵᠢᠯ ᠰᠢᠯᠵᠢᠨ ᠤᠴᠢᠭᠠᠳ ᠲᠡᠨᠳᠡ 25 ᠵᠢᠯ ᠤᠨ ᠬᠠᠪᠤᠷ ᠨᠠᠮᠤᠷ ᠢ ᠦᠡᠭᠭᠡᠷᠡᠭᠡᠳ᠂ 1997 | ᠤᠨ ᠳᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠪᠠ᠃ | ᠲᠠᠭᠤᠨ ᠤ ᠲᠠᠯᠠᠢ᠂ ᠪᠦᠵᠢᠭ ᠤᠨ ᠦᠯᠦᠭᠡᠢ ᠭᠡᠰᠡᠨ ᠮᠤᠩᠭᠤᠯ ᠨᠤᠳᠤᠭ ᠲᠤ ᠦᠰᠦᠨ ᠪᠤᠶᠢᠵᠢᠵᠤ᠂ ᠬᠠᠷᠠᠬᠠᠨ ᠪᠠᠭᠠ | ᠠᠴᠠ ᠪᠠᠨ ᠢᠵᠠᠭᠤᠷ ᠤᠷᠠᠯᠢᠭ ᠢ ᠭᠦᠷᠳᠡᠨ᠂ ᠭᠠᠨᠭ᠍ᠭᠠᠡᠭ ᠵᠠᠯᠠᠭᠤ ᠳᠠᠭᠠᠨ ᠲᠤᠰᠬᠠᠢ ᠪᠤᠯᠪᠠᠰᠤᠷᠠᠯ ᠢ ᠭᠦᠷᠳᠡᠭᠰᠡᠨ | ᠨᠠᠶᠠᠨᠭᠤᠷᠪᠠ ᠭᠡᠳᠦᠶᠢᠪᠠᠷ ᠬᠤᠪᠢᠰᠬᠠᠯ ᠤᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠪᠤᠯᠪᠠᠴᠤ᠂ ᠮᠤᠩᠭᠤᠯ ᠤᠷᠠᠯᠢᠭ ᠠᠴᠠ | ᠪᠠᠨ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠨᠢ ᠦᠨᠡᠨ ᠶᠤᠮ᠃ | 2004 ᠤᠨ ᠳᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠤᠷᠠᠯᠢᠭ ᠲᠤ ᠪᠠᠭ᠋ᠠᠳᠠᠢ ᠭᠡᠳᠦᠨ ᠨᠠᠰᠤᠳᠠᠶᠢᠴᠤᠳ ᠲᠠᠢ | ᠬᠠᠮᠳᠤ ᠪᠠᠷ ᠵᠦᠪᠳᠡᠯᠴᠡᠨ ᠶᠠᠷᠢᠯᠴᠠᠭᠠᠳ᠂ ᠤᠳᠠᠭᠠᠨ ᠡᠳᠦᠷ ᠲᠦᠰᠦᠪᠯᠡᠵᠤ᠂ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ | ᠨᠠᠶᠢᠷ ᠤᠨ ᠴᠤᠭᠯᠠᠭᠠᠨ ᠢ ᠪᠠᠶᠢᠭᠤᠯᠵᠠᠢ᠃ ᠲᠡᠷᠨ ᠡᠨ᠋ᠨ ᠭᠦ ᠪᠦᠯᠭᠦᠮ ᠤᠨ ᠭᠡᠷᠡᠭ ᠡᠷᠭᠢᠯᠡᠭᠦ ᠭᠤᠤᠯ ᠲᠠᠷᠤᠭᠠ ᠪᠠᠷ | ᠠᠵᠢᠯᠯᠠᠵᠠᠢ᠃ ᠪᠦᠯᠭᠦᠮ ᠢᠶᠠᠨ ᠤᠯᠠᠮ ᠦᠷᠭᠡᠳᠭᠡᠨ ᠴᠢᠨᠠᠷᠯᠢᠭ ᠪᠤᠯᠭᠠᠬᠤ ᠪᠠᠷ ᠭᠦᠴᠦᠯᠡᠨ ᠴᠢᠷᠮᠠᠶᠢᠵᠤ᠂ ᠲᠠᠭᠤᠴᠢᠨ | ᠨᠠᠶᠢᠷᠴᠢᠨ ᠡᠯᠰᠡᠵᠤ᠂ ᠬᠠᠳᠠᠭᠤ ᠴᠢᠩᠭᠠ ᠪᠤᠯᠪᠠᠰᠤᠷᠠᠯ ᠢ ᠭᠢᠭᠰᠡᠨ ᠪᠠᠶᠢᠨᠠ᠃ ᠲᠡᠷᠨ ᠪᠠᠰᠠ ᠴᠢᠯᠦᠭᠡ ᠵᠠᠪ ᠢᠶᠠᠨ | ᠠᠰᠢᠭᠯᠠᠨ᠂ ᠤᠯᠠᠨ ᠠᠷᠪᠢᠨ ᠤᠷᠳᠤᠰ ᠠᠷᠠᠳ ᠤᠨ ᠢᠵᠠᠭᠤᠷ ᠲᠠᠭᠤᠤ ᠶᠢ ᠡᠮᠭᠢᠳᠭᠡᠨ ᠴᠤᠭᠯᠠᠭᠤᠯᠵᠤ᠂ ᠲᠠᠭᠤᠯᠠᠵᠤ | ᠲᠡᠯᠭᠡᠷᠡᠭᠦᠯᠵᠡᠢ᠃ ᠵᠢᠱᠢᠶᠡᠯᠡᠪᠡᠯ ᠠᠪᠤ ᠠᠴᠠ ᠪᠠᠨ ᠰᠤᠷᠤᠭᠰᠠᠨ ︽ᠡᠮᠡᠭᠡᠨ ᠤᠯᠤᠮ︾ ᠭᠡᠰᠡᠨ ᠲᠠᠭᠤᠤ ᠶᠢ ᠤᠷᠳᠤᠰ | ᠨᠤᠳᠤᠭ ᠲᠤ ᠠᠩᠬᠠ ᠤᠳᠠᠭᠠ ᠲᠠᠭᠤᠯᠠᠵᠤ ᠲᠡᠯᠭᠡᠷᠡᠭᠦᠯᠵᠡᠢ᠃ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠪᠠᠨ ᠢᠵᠠᠭᠤᠷ ᠲᠠᠭᠤᠤ | ᠪᠠᠨ ᠲᠠᠭᠤᠯᠠᠵᠤ᠂ ᠤᠯᠠᠮᠵᠢᠯᠠᠵᠤ ᠬᠠᠮᠠᠭᠠᠯᠠᠬᠤ ᠡᠭᠦᠳᠡᠨ ᠠᠴᠠ ᠪᠦᠯᠭᠦᠮ ᠤᠨ ᠨᠦᠭᠦᠳ ᠲᠠᠢ ᠪᠠᠨ ᠲᠤᠭᠯᠠᠯᠳᠠ | ᠭᠠᠷᠭᠠᠬᠤ ᠶᠢᠨ ᠲᠠᠭᠠᠤ ᠤᠷᠳᠤᠰ ᠠᠷᠠᠳ ᠤᠨ ᠲᠠᠭᠤᠨ ᠤ DVD ᠪᠦᠰᠡ ᠶᠢ ᠲᠦᠷᠪᠡ ᠤᠳᠠᠭᠠ ᠦᠢᠯᠡᠳᠴᠤ | ᠭᠡᠪᠯᠡᠭᠦᠯᠵᠡᠢ᠃ ︽ᠭᠠᠨᠳᠢ ᠶᠢᠨ ᠮᠤᠳᠤ︾᠂ ︽ᠲᠤᠭᠠᠷᠵᠠᠪ︾᠂ ︽ᠭᠡᠦᠭᠡᠨ ᠮᠤᠷᠳᠠᠭᠤᠯᠬᠤ ᠲᠠᠭᠤᠤ︾᠂ ︽ᠲᠤᠵᠢ | ᠶᠢᠨ ᠱᠠᠩ︾ ᠵᠡᠷᠭᠡ ᠪᠦᠳᠦᠭᠡᠯ ᠨᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠰᠤᠳᠤᠨ ᠲᠠᠭᠤᠨ ᠤ ᠴᠤᠪᠤᠷᠠᠯ ᠡᠮᠭᠢᠳᠭᠡᠯ | ᠳᠤ ᠰᠢᠯᠢᠭᠳᠡᠨ ᠤᠷᠤᠵᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠤᠨ ᠲᠧᠯᠸᠢᠰ ᠤᠨ ︽ᠮᠦᠡᠭᠭᠡ ᠶᠢᠨ ᠠᠶᠠᠯᠭᠤ︾ ᠳᠤ | MTV ᠪᠠᠷ ᠦᠢᠯᠡᠳᠳᠦᠭᠳᠦᠨ ᠤᠯᠠᠨᠳᠠ ᠨᠡᠪᠳᠡᠷᠡᠭᠦᠯᠵᠤ᠂ ᠦᠵᠡᠭᠴᠢ ᠲᠦᠮᠡᠨ ᠤ ᠬᠠᠯᠠᠭᠤᠨ ᠭᠦᠷᠢᠶᠡᠯᠡᠯ ᠢ | ᠤᠯᠵᠠᠢ᠃ ᠮᠤᠩᠭᠤᠯ ᠨᠠᠶᠢᠷ ᠤᠨ ᠴᠤᠭᠯᠠᠭᠠᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠠᠴᠠ ᠡᠳᠦᠭᠡ ᠪᠤᠯᠳᠠᠯᠠ 150 ᠭᠠᠷᠤᠢ ᠲᠠᠯᠠᠪᠠᠢ | 30 ᠲᠦᠮᠨ ᠭᠠᠷᠤᠢ ᠭᠦᠮᠦᠨ ᠤᠳᠠᠭᠠ ᠶᠢᠨ ᠲᠤᠭᠯᠠᠯᠳᠠ ᠭᠠᠷᠭᠠᠵᠤ᠂ ᠨᠡᠶᠢᠭᠡᠮ ᠤᠨ ᠡᠯᠡ ᠡᠳᠡᠭᠡᠳ ᠤᠨ ᠬᠠᠯᠠᠭᠤᠨ | ᠭᠦᠷᠢᠶᠡᠯᠡᠯ ᠢ ᠤᠯᠵᠤ ᠴᠢᠳᠠᠵᠠᠢ᠃ ᠲᠡᠭᠦᠨᠴᠢᠯᠡᠨ ᠰᠢᠷᠭᠠᠭᠤ ᠭᠦᠳᠡᠯᠮᠤᠷᠢ ᠶᠢᠨ ᠬᠠᠷᠢᠭᠤ ᠳᠤ ᠨᠠᠰᠤᠳᠠᠶᠢᠴᠤᠳ ᠤᠨ | ᠪᠦᠯᠭᠦᠮ ᠨᠢ ᠤᠷᠢᠳ ᠬᠤᠵᠢᠳ ᠬᠤᠰᠢᠭᠤ ᠲᠤᠭᠤᠷᠢᠭ᠂ ᠤᠷᠤᠨ ᠠᠶᠢᠮᠠᠭ᠂ ᠴᠢᠨᠠᠭᠰᠢᠯᠠᠪᠠᠯ ᠰᠢᠶᠠᠩᠭᠠᠡᠭ᠂ ᠤᠤᠮᠧᠨ | ᠂ ᠲᠠᠶᠢᠸᠠᠨ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠳᠤ ᠲᠤᠭᠯᠠᠯᠳᠠ ᠭᠠᠷᠭᠠᠬᠤ ᠪᠤᠶᠤ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠠᠳ ᠤᠯᠠᠨ | ᠠᠷᠪᠢᠨ ᠠᠯᠳᠠᠨ ᠮᠧᠲ᠋ᠠᠯ ᠢ ᠭᠦᠷᠳᠡᠵᠡᠢ᠃ | ᠮᠤᠩᠭᠤᠯ ᠤᠷᠠᠯᠢᠭ ᠢ ᠭᠦᠭᠵᠢᠭᠦᠯᠦᠨ ᠪᠠᠳᠠᠷᠠᠭᠤᠯᠬᠤ ᠳᠤ ᠭᠠᠭᠴᠠᠬᠠᠨ ᠲᠠᠭᠤᠯᠠᠭᠠᠳ ᠪᠤᠯᠬᠤ ᠶᠤᠮ ᠪᠢᠰᠢ᠂ | ᠬᠠᠷᠢᠨ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠨᠢ ᠲᠦᠢᠯ ᠤᠨ ᠴᠢᠬᠤᠯᠨ᠃ ᠭᠡᠦᠭᠡᠨ ᠡᠭᠦᠯᠡᠩᠬᠤᠸᠠᠷ ᠨᠢ ᠡᠵᠢ ᠶᠢᠨ ᠢᠶᠠᠨ | ᠤᠷᠠᠯᠢᠭ ᠤᠨ ᠤᠷᠠ ᠠᠪᠢᠶᠠᠰ ᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠴᠠ ᠡᠳᠦᠭᠡ ᠲᠤᠮᠳᠠᠳᠤ᠂ ᠴᠢᠨᠠᠭᠰᠢᠯᠠᠪᠠᠯ ᠲᠡᠯᠡᠭᠡᠢ ᠳᠤ | ᠠᠯᠳᠠᠷᠰᠢᠭᠰᠠᠨ ︽ᠭᠠᠷᠤᠳᠢ ᠭᠠᠯᠪᠢᠡᠭᠭᠠ ᠶᠢᠨ ᠲᠤᠮᠤᠭ︾ ᠬᠠᠮᠳᠤᠯᠢᠭ ᠢ ᠡᠭᠦᠰᠭᠡᠨ ᠪᠠᠶᠢᠭᠤᠯᠤᠭᠠᠳ ᠠᠯᠳᠠᠷ ᠨᠡᠷᠡ | ᠪᠠᠨ ᠲᠡᠯᠡᠭᠡᠢ ᠳᠤ ᠮᠠᠨᠳᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ 2012 ᠤᠨ ᠳᠤ ᠨᠢᠭᠡ ᠯᠠ ᠰᠦᠨᠢ ᠶᠢᠨ ᠬᠤᠭᠤᠷᠤᠨᠳᠤ ᠢᠨᠲ᠋ᠧᠷ | ᠰᠦᠯᠵᠢᠶᠡᠨ ᠳᠤ ᠭᠦᠷ ᠭᠦᠭᠵᠢᠶᠡᠨᠳᠡᠢ ᠲᠡᠯᠭᠡᠷᠡᠭᠰᠡᠨ ︽ᠦᠨᠳᠦᠰᠦᠳᠡᠨ ᠤ ᠭᠢᠯᠠᠯᠵᠠᠭᠰᠠᠨ ᠦᠡᠭᠭᠡ ᠵᠢᠪᠬᠤᠭᠠ︾ ᠭᠡᠭᠦ | ᠲᠠᠭᠤᠤ ᠨᠢ ᠭᠡᠳᠦᠨ ᠵᠠᠭᠤᠨ ᠭᠡᠪᠯᠡᠯ ᠢᠶᠠᠷ ᠦᠭᠡᠷᠡᠴᠢᠯᠡᠨ ᠨᠠᠶᠢᠷᠠᠭᠤᠯᠤᠭᠳᠠᠵᠤ ᠲᠠᠭᠤᠯᠠᠭᠳᠠᠭᠰᠠᠨ ᠪᠠ ᠢᠨᠢᠶᠡᠳᠤᠮᠳᠡᠢ | ᠸᠢᠳᠢᠣ᠋ ᠨᠢ ᠲᠡᠯᠡᠭᠡᠢ ᠲᠠᠶᠠᠭᠠᠷ ᠤᠨ ᠲᠤᠮᠳᠠᠳᠤᠴᠤᠳ ᠤᠨ ᠲᠤᠮᠳᠠ ᠨᠡᠶᠢᠳᠡᠮ ᠲᠠᠷᠬᠠᠭᠠᠭᠳᠠᠨ ᠲᠡᠯᠭᠡᠷᠡᠪᠡ᠃ ᠲᠤᠰ | ᠲᠠᠭᠤᠤ ᠨᠢ ᠮᠦᠨ ᠴᠤ ᠠᠮᠧᠷᠢᠺᠠᠴᠤᠳ ᠤᠨ ᠪᠡᠶᠡ ᠴᠢᠭᠢᠷᠠᠭᠵᠢᠭᠤᠯᠬᠤ ᠪᠦᠵᠢᠭ ᠤᠨ ᠠᠶᠠ ᠪᠤᠯᠵᠤ᠂ ᠵᠠᠯᠭᠠᠭᠠᠳ | ᠠᠮᠧᠷᠢᠺᠠ ᠶᠢᠨ NBA ᠰᠠᠭᠰᠤᠨ ᠪᠦᠮᠪᠦᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠲᠠᠯᠠᠪᠠᠢ ᠳᠤ ᠲᠠᠭᠤᠯᠠᠭᠳᠠᠬᠤ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠲᠤᠰ ᠲᠠᠭᠤᠤ ᠭᠢᠳᠠᠳ ᠭᠡᠯᠡᠨ ᠤ ᠤᠷᠤᠰᠬᠠᠯ ᠲᠠᠭᠤᠤ ᠶᠢᠨ ᠠᠯᠢ ᠤᠯᠠᠨ ᠭᠠᠶᠢᠬᠠᠮᠰᠢᠭ ᠢ ᠡᠭᠦᠳᠦᠭᠰᠡᠨ | ᠶᠤᠮ᠃ ᠡᠶᠢᠮᠤ ᠬᠤᠶᠢᠴᠢᠰ ᠢ ᠭᠦᠮᠦᠵᠢᠭᠦᠯᠦᠭᠰᠡᠨ ᠨᠠᠶᠠᠨᠭᠤᠷᠪᠠ ᠤᠮᠤᠭᠰᠢᠬᠤ ᠶᠤᠮ᠃ ᠲᠡᠷᠨ ᠤᠳᠤ ᠤᠷᠤᠨ ᠤ | ᠲᠡᠰ ᠤᠨ ᠤᠷᠳᠤᠰ ᠨᠠᠶᠢᠷ ᠤᠨ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠡᠷᠭᠦᠮᠵᠢᠯᠡᠭᠳᠡᠵᠤ᠂ ᠤᠯᠠᠨ ᠠᠷᠪᠢᠨ ᠢᠵᠠᠭᠤᠷ ᠲᠠᠭᠤᠤ ᠪᠠᠨ | ᠡᠮᠭᠢᠳᠭᠡᠨ ᠴᠤᠭᠯᠠᠭᠤᠯᠤᠨ᠂ ᠦᠨᠳᠦᠰᠦᠳᠡᠨ ᠤ ᠪᠠᠨ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠪᠠᠷ ᠦᠷᠭᠦᠯᠵᠢᠯᠡᠨ | ᠴᠢᠷᠮᠠᠶᠢᠨ ᠵᠢᠳᠭᠦᠭᠰᠡᠭᠡᠷ ᠪᠠᠶᠢᠨᠠ᠃ |