ᠴᠢᠩᠬᠢᠰ ᠬᠠᠭᠠᠨ ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠᠨᠠ ᠭᠠᠷᠴᠤ ᠨᠠᠷᠠᠨ ᠰᠥᠷᠭᠡᠦ ᠰᠥᠭᠦᠳᠴᠦ ᠪᠦᠰᠡ ᠪᠠᠨ ᠬᠦᠵᠦᠭᠦᠨ | ᠳᠡᠭᠡᠨ ᠵᠡᠭᠦᠵᠦ᠂ ᠮᠠᠯᠠᠭᠠᠢ ᠪᠠᠨ ᠠᠪᠤᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠴᠡᠭᠡᠵᠢ ᠪᠠᠨ ᠳᠠᠷᠤᠨ ᠵᠠᠯᠪᠠᠷᠢᠵᠤ ᠲᠡᠭᠷᠢ ᠶᠢᠰᠦᠨᠲᠡ | ᠮᠥᠷᠭᠦᠭᠡᠳ᠄ | ᠰᠤᠯᠤᠩᠭᠠ ᠮᠡᠲᠦ ᠰᠤᠨᠤᠰᠬᠤ | ᠰᠤᠷᠭᠤᠭ ᠬᠤᠸᠠᠭᠴᠢᠨ ᠤ ᠰᠤᠨᠤᠷ ᠤᠨ ᠬᠦᠴᠦ ᠪᠠᠷ | ᠦᠶᠡᠩ ᠮᠡᠲᠦ ᠦᠵᠡᠬᠦ ᠦᠨᠡᠨᠴᠢ ᠬᠤᠸᠠᠭᠴᠢᠨ ᠤ | ᠦᠵᠡᠭᠰᠡᠨ ᠤ ᠠᠴᠢ ᠪᠠᠷ | ᠠᠶᠤᠯᠲᠤ ᠳᠠᠶᠢᠰᠤᠨ ᠠᠴᠠ ᠠᠮᠵᠢᠨ ᠳᠤᠲᠠᠭᠠᠵᠤ | ᠪᠥᠲᠥᠨ ᠪᠡᠶᠡ ᠪᠠᠨ ᠪᠥᠭᠭᠦᠨ ᠨᠢᠭᠤᠭᠳᠠᠵᠤ | ᠪᠦᠳᠡᠭᠢ ᠵᠠᠮ ᠢ ᠮᠥᠷᠳᠡᠨ ᠳᠠᠭᠠᠵᠤ | ᠪᠤᠭᠤ ᠶᠢᠨ ᠮᠥᠷ ᠢ ᠮᠦᠰᠬᠢᠨ ᠬᠥᠭᠡᠭᠡᠵᠦ | ᠪᠤᠷᠭᠠᠰᠤᠨ ᠭᠡᠷ ᠲᠤ ᠪᠤᠷᠤᠭᠤᠯᠠᠨ ᠨᠢᠭᠤᠭᠳᠠᠵᠤ | ᠪᠤᠷᠬᠠᠨ ᠬᠠᠯᠲᠤᠨ ᠳᠤ ᠠᠮᠢ ᠬᠤᠷᠭᠤᠳᠠᠪᠠ | ᠬᠠᠷᠢ ᠶᠢᠨ ᠳᠠᠶᠢᠰᠤᠨ ᠬᠠᠯᠳᠠᠨ ᠳᠤᠪᠲᠤᠯᠬᠤ ᠳᠤ | ᠬᠠᠷᠴᠠᠭᠠᠢ ᠠᠴᠠ ᠳᠤᠲᠠᠭᠠᠭᠰᠠᠨ ᠪᠤᠯᠵᠤᠮᠤᠷ ᠮᠡᠲᠦ | ᠬᠠᠨᠳᠠᠭᠠᠢ ᠪᠤᠭᠤ ᠶᠢᠨ ᠮᠥᠷ ᠢ ᠳᠠᠭᠠᠵᠤ | ᠬᠠᠳᠠ ᠬᠠᠪᠴᠢᠯ ᠠᠴᠠ ᠰᠥᠪᠡ ᠶᠢ ᠡᠷᠢᠵᠦ | ᠬᠠᠯᠲᠤᠨ ᠠᠭᠤᠯᠠᠨ ᠳᠤ ᠳᠤᠲᠠᠭᠠᠵᠤ ᠢᠷᠡᠭᠡᠳ | ᠬᠠᠯᠢᠰᠤ ᠬᠤᠯᠲᠤᠰᠤ ᠪᠠᠷ ᠭᠡᠷ ᠪᠠᠷᠢᠵᠤ | ᠬᠠᠯᠠᠭᠤᠨ ᠠᠮᠢ ᠪᠠᠨ ᠬᠠᠮᠠᠭᠠᠯᠠᠪᠠ ᠪᠢ | ᠪᠥᠭᠯᠡᠭᠦᠦ ᠤᠶᠢᠲᠤ ᠪᠤᠷᠬᠠᠨ ᠠᠭᠤᠯᠠ | ᠪᠥᠭᠡᠰᠦᠨ ᠴᠢᠨᠡᠭᠡ ᠠᠮᠢ ᠶᠢ ᠮᠢᠨᠢ ᠪᠥᠭᠡᠴᠡᠶᠢᠯᠡᠨ ᠠᠪᠤᠷᠠᠵᠤ | ᠪᠥᠭᠡᠷᠡ ᠶᠢᠨ ᠴᠢᠨᠡᠭᠡ ᠪᠡᠶᠡ ᠶᠢ ᠮᠢᠨᠢ | ᠪᠥᠲᠥᠨ ᠮᠡᠨᠳᠦ ᠦᠯᠡᠳᠡᠭᠡᠪᠡ | ᠥᠰᠢᠶᠡᠲᠦ ᠳᠠᠶᠢᠰᠤᠨ ᠠᠴᠠ ᠥᠷᠥᠰᠢᠶᠡᠨ ᠠᠪᠤᠷᠠᠵᠤ | ᠥᠨᠥᠴᠢᠨ ᠪᠢᠳᠠᠨ ᠤ ᠥᠮᠥᠭ ᠪᠤᠯᠤᠭᠰᠠᠨ | ᠦᠨᠳᠦᠷ ᠳᠡᠭᠡᠳᠦ ᠪᠤᠷᠬᠠᠨ ᠬᠠᠯᠳᠤᠨ ᠴᠢᠮᠠᠢᠢ | ᠥᠷᠯᠦᠭᠡ ᠪᠦᠷᠢ ᠮᠢᠯᠢᠶᠠᠵᠤ ᠪᠠᠶᠢᠶᠠ | ᠡᠳᠦᠷ ᠪᠦᠷᠢ ᠳᠠᠬᠢᠵᠤ ᠪᠠᠶᠢᠶᠠ | ᠦᠷᠡ ᠶᠢᠨ ᠦᠷᠡ ᠳᠤ ᠡᠭᠦᠷᠢᠳᠡ ᠳᠠᠬᠢᠵᠤ | ᠦᠶᠡ ᠳᠤᠲᠤᠮ ᠦᠷᠭᠦᠯᠵᠢ ᠰᠢᠳᠦᠶᠡ︕ ᠭᠡᠵᠦ | ᠥᠴᠢᠯ ᠥᠴᠢᠨ ᠰᠠᠴᠤᠯᠢ ᠡᠷᠭᠦᠪᠡ᠃ | | ︵︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ︾ ᠴ᠊ · ᠳᠠᠮᠳᠢᠨᠰᠦ᠋ᠷᠦᠩ ᠤᠨ ᠤᠷᠴᠢᠭᠤᠯᠭᠠ ᠠᠴᠠ︶ |