ᠪᠢᠳᠠᠨ ᠤ ᠤᠯᠤᠰ ᠡᠪ ᠰᠠᠨᠠᠯ ᠢ ᠨᠢᠭᠡᠳᠬᠡᠨ᠂ ᠨᠡᠶᠢᠲᠡ ᠨᠢᠭᠡᠨ ᠭᠦᠴᠦᠨ ᠢ ᠨᠡᠶᠢᠯᠡᠭᠦᠯᠦᠨ ᠨᠢᠭᠡᠨ ᠵᠡᠷᠭᠡ ᠪᠠᠷ ᠵᠤᠷᠢᠭᠯᠠᠨ ᠬᠦᠳᠡᠯᠪᠡᠰᠤ ᠦᠯᠦ ᠬᠦᠷᠬᠦ ᠭᠠᠵᠠᠷ | ᠦᠭᠡᠢ ᠪᠦᠭᠡᠳ ᠮᠡᠳᠡᠬᠦ ᠦᠭᠡᠢ ᠴᠢᠳᠠᠬᠤ ᠦᠭᠡᠢ ᠶᠠᠪᠤᠳᠠᠯ ᠤᠭᠲᠤ ᠦᠭᠡᠢ ᠪᠤᠯᠵᠤ ᠴᠡᠩᠭᠡᠯ ᠤᠨ ᠮᠠᠩᠯᠠᠢ ᠶᠢ ᠤᠯᠵᠤ ᠪᠤᠯᠬᠤ ᠶᠢ ᠳᠠᠩ ᠭᠠᠭᠴᠠ ᠪᠢᠳᠠᠨ ᠤ | ᠰᠡᠳᠬᠢᠯ ᠤᠨ ᠴᠢᠩ ᠵᠤᠷᠢᠭ ᠮᠡᠳᠡᠨᠡ᠃ | — ᠳ᠋᠊· ᠰᠦᠬᠡᠪᠠᠭᠠᠲᠤᠷ ᠤᠨ ᠬᠦᠰᠢᠶᠡ ᠳᠤᠷᠠᠰᠬᠠᠯ ᠤᠨ ᠡᠨᠡ ᠬᠦ ᠪᠢᠴᠢᠭ ᠡᠷᠬᠢᠮᠵᠢᠷᠭᠠᠯ ᠤᠨ ᠠᠯᠪᠠᠨ ᠭᠡᠷ ᠤᠨ ᠬᠠᠨᠠᠨ ᠳᠤ ᠡᠯᠭᠦᠭᠡᠰᠦᠲᠡᠢ ᠪᠤᠢ | 1982 ᠤᠨ ᠤ ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠰᠢᠨᠡ ᠰᠤᠷᠤᠯᠭᠠ ᠶᠢᠨ ᠤᠨ ᠡᠬᠢᠯᠡᠬᠦ ᠪᠤᠯᠬᠤ ᠳᠤ ᠤᠲᠤᠭ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ | ︵ᠡᠳᠦᠭᠡ ᠶᠢᠨ ᠮᠤᠩᠭᠤᠯ ᠳᠤᠷᠰᠢᠯᠲᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ︶ ᠶᠢᠨ ᠬᠦᠷᠢᠶᠡᠨ ᠳᠤ ᠨᠢᠭᠡᠨ ᠦᠨᠳᠦᠷ ᠪᠡᠶᠡ ᠲᠠᠢ ᠵᠠᠯᠠᠭᠤ ᠪᠠᠭᠰᠢ ᠰᠢᠨᠡ ᠪᠠᠷ ᠢᠷᠡᠭᠰᠡᠨ ᠨᠢ | ᠤᠯᠠᠨ ᠤ ᠠᠩᠬᠠᠷᠤᠯ ᠢ ᠲᠤᠩ ᠭᠦᠴᠦᠲᠡᠢ ᠳᠠᠲᠠᠵᠤ ᠪᠠᠶᠢᠯᠠ᠃ ᠬᠦᠩᠭᠢᠨᠡᠮᠡ ᠴᠤᠤᠷᠠᠶᠢᠯᠢᠭ ᠬᠤᠭᠤᠯᠠᠢ ᠲᠠᠢ᠂ ᠦᠭᠡ ᠶᠢ ᠲᠤᠰ ᠬᠢᠲᠡᠯᠡ ᠬᠡᠯᠡᠵᠦ ᠬᠢᠴᠢᠶᠡᠯ ᠢ ᠮᠠᠰᠢ | ᠡᠪᠯᠢᠭᠦᠨ ᠤᠷᠤᠰᠤᠮᠠ ᠡᠨᠡ ᠬᠦ ᠪᠠᠭᠰᠢ ᠲᠠᠢ ᠪᠦᠬᠦ ᠰᠤᠷᠭᠠᠭᠤᠯᠢ ᠶᠢᠨ ᠡᠯᠡ ᠲᠦᠷᠦᠯ ᠤᠨ ᠬᠢᠴᠢᠶᠡᠯ ᠢ ᠪᠦᠷ ᠡᠭᠦᠷᠭᠡᠯᠡᠵᠦ ᠲᠡᠶᠢᠯᠦᠨᠡ᠃ ᠡᠨᠡ ᠬᠦ ᠠᠪᠢᠶᠠᠰ | ᠤᠨᠴᠠᠯᠢᠭ ᠲᠤᠨᠢ ᠲᠠᠭᠠᠷᠠᠭᠤᠯᠤᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠨ ᠳᠤ ᠳᠠᠭᠤᠤ᠂ ᠵᠢᠷᠤᠭ ᠠᠴᠠ ᠪᠤᠰᠤ ᠬᠢᠴᠢᠶᠡᠯ ᠪᠦᠬᠦᠨ ᠢ ᠳᠤᠬᠢᠷᠠᠭᠤᠯᠵᠤ ᠦᠵᠡᠯᠡ᠃ ᠲᠡᠷᠡ ᠪᠠᠭᠰᠢ | ᠪᠤᠯᠵᠤ ᠬᠡᠥᠭᠡᠳ ᠢ ᠰᠤᠷᠭᠠᠬᠤ ᠡᠨᠡ ᠠᠵᠢᠯ ᠢᠶᠠᠨ ᠮᠠᠰᠢᠳᠠ ᠨᠠᠨᠳᠢᠩᠨᠠᠨ ᠬᠠᠶᠢᠷᠠᠯᠠᠵᠤ ᠬᠢᠴᠢᠶᠡᠯ ᠪᠦᠬᠦᠨ ᠢ ᠦᠨᠳᠦᠷ ᠬᠢᠷᠢ ᠪᠦᠲᠦᠮᠵᠢ ᠲᠠᠢ ᠤᠷᠤᠵᠤ ᠢᠷᠡᠵᠡᠢ᠃ | 1984 ᠤᠨ ᠤ ᠨᠠᠮᠤᠷ ᠪᠤᠯᠬᠤ ᠳᠤ ᠲᠡᠷᠡ ᠡᠩ ᠤᠨ ᠪᠠᠭᠰᠢ ᠠᠴᠠ ᠪᠠᠨ ᠨᠢᠭᠡ ᠯᠠ ᠳᠡᠭᠡᠷᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠬᠤ ᠶᠢ ᠵᠢᠯᠤᠭᠤᠳᠬᠤ ᠭᠠᠵᠠᠷ ᠤᠨ ᠬᠢᠴᠢᠶᠡᠯ | ᠬᠦᠮᠦᠵᠢᠯ ᠤᠨ ᠡᠷᠬᠢᠯᠡᠭᠴᠢ ᠪᠠᠷ ᠳᠡᠪᠰᠢᠭᠦᠯᠦᠭᠳᠡᠪᠡ᠃ ᠭᠠᠷᠠᠭ ᠲᠤ ᠠᠷᠪᠠᠨ ᠨᠠᠢᠮᠠᠨ ᠬᠢᠴᠢᠶᠡᠯ ᠢ ᠡᠭᠦᠷᠭᠡᠯᠡᠵᠦ ᠳᠡᠭᠡᠷᠡ ᠨᠢ ᠪᠦᠬᠦ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ | ᠰᠤᠷᠭᠠᠯᠲᠠ᠂ ᠬᠢᠴᠢᠯᠯᠡᠭᠡ ᠰᠢᠯᠭᠠᠯᠲᠠ ᠶᠢ ᠳᠤᠬᠢᠷᠠᠭᠤᠯᠤᠨ ᠬᠠᠮᠢᠶᠠᠷᠴᠤ᠂ ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠬᠦᠳᠡᠯᠭᠡᠭᠡᠨ ᠢ ᠡᠷᠴᠢᠮᠲᠠᠢ ᠶᠠᠪᠤᠭᠳᠠᠭᠤᠯᠤᠨᠠ | ᠃ ᠡᠳᠦᠷᠵᠢᠨ ᠨᠠᠷᠠ ᠭᠠᠷᠬᠤ ᠠᠴᠠ ᠠᠪᠤᠭᠠᠳ ᠨᠠᠷᠠ ᠵᠢᠷᠭᠠᠲᠠᠯᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠲᠡᠭᠦᠨ ᠤ ᠦᠨᠳᠦᠷ ᠰᠦᠷᠯᠢᠭ ᠪᠠᠷᠠ ᠬᠠᠷᠠᠭᠳᠠᠵᠤ ᠯᠠ ᠪᠠᠶᠢᠳᠠᠭ | ᠃ ᠰᠤᠷᠤᠭᠴᠢᠳ ᠲᠠᠭᠠᠨ ᠡᠯᠧᠺᠲᠷᠣᠨ ᠬᠦᠭᠵᠢᠮ ᠰᠤᠷᠭᠠᠬᠤ ᠳᠤᠰᠬᠠᠢ ᠲᠦᠬᠦᠭᠡᠷᠦᠮᠵᠢ ᠠᠪᠬᠤ ᠭᠡᠳ ᠵᠢᠷᠭᠠᠯᠠᠩ ᠪᠠᠭᠰᠢ ᠲᠠᠢ ᠬᠤᠶᠠᠭᠤᠯᠠ ᠢᠷᠭᠠᠢ᠂ ᠯᠠᠨᠵᠸᠤ ᠪᠠᠷ | ᠶᠠᠪᠤᠯᠠ᠃ ᠴᠢᠨᠠᠷᠯᠢᠭ ᠮᠦᠷᠲᠡᠭᠡᠨ ᠤᠯᠠᠨ ᠬᠡᠷᠡᠭᠴᠡᠭᠡᠲᠦ ᠦᠨᠡ ᠬᠢᠮᠳᠠ ᠬᠦᠭᠵᠢᠮ ᠤᠨ ᠪᠠᠭᠠᠵᠢ ᠤᠯᠬᠤ ᠶᠢᠨ ᠲᠦᠯᠦᠭᠡ ᠭᠠᠯᠲᠤ ᠲᠡᠷᠭᠡᠨ ᠤ ᠬᠠᠳᠠᠭᠤ ᠰᠠᠭᠤᠳᠠᠯ ᠳᠤ | ᠰᠠᠭᠤᠵᠤ᠂ ᠬᠢᠮᠳᠠ ᠦᠨᠡ ᠶᠢᠨ ᠪᠠᠭᠤᠳᠠᠯ ᠳᠤ ᠬᠤᠨᠤᠭᠯᠠᠨ ᠠᠷᠪᠠᠨ ᠴᠠᠭᠠᠨ ᠬᠤᠳᠤᠩ ᠪᠤᠭᠤᠷᠰᠤᠭ ᠢᠶᠠᠷ ᠨᠢᠭᠡ ᠭᠠᠷᠠᠭ ᠢ ᠦᠩᠭᠡᠷᠡᠭᠦᠯᠦᠭᠰᠡᠨ ᠦᠯᠢᠭᠡᠷ ᠪᠤᠢ᠃ | ᠯᠠᠨᠵᠸᠤ ᠬᠤᠲᠠᠨᠠ ︽ᠪᠠᠷᠠᠭᠤᠨ ᠬᠤᠶᠢᠳᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ︾ ᠳᠤ ᠬᠦᠷᠴᠦ ᠮᠤᠩᠭᠤᠯ ᠪᠠᠭᠰᠢ ᠬᠢᠭᠡᠳ ᠤᠶᠤᠲᠠᠳ ᠲᠠᠢ ᠤᠴᠠᠷᠠᠨ | ᠮᠤᠩᠭᠤᠯ ᠰᠤᠶᠤᠯ ᠤᠨ ᠢᠶᠠᠨ ᠳᠤᠬᠠᠢ ᠰᠠᠨᠠᠯ ᠰᠤᠯᠢᠯᠴᠠᠵᠤ ᠶᠠᠪᠤᠭᠰᠠᠨ ᠲᠡᠥᠬᠡ ᠪᠤᠢ᠃ | 1985 ᠤᠨ ᠤ ᠵᠤᠨ ︽ᠦᠪᠦᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ︾ ᠶᠢᠨ ᠮᠤᠩᠭᠤᠯ ᠬᠡᠯᠡ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠠᠯᠪᠤᠷᠢ ᠳᠤ ᠦᠨᠳᠦᠷ | ᠬᠤᠪᠢ ᠪᠠᠷ ᠰᠢᠯᠭᠠᠭᠤᠯᠤᠨ ᠤᠷᠤᠬᠤ ᠳᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠤᠪᠴᠢᠶᠠ ᠨᠢ ᠡᠷᠬᠢᠮᠵᠢᠷᠭᠠᠯ ᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠭᠡᠵᠦ ᠴᠠᠯᠢᠩ ᠮᠦᠩᠭᠦ ᠶᠢ ᠨᠢ ᠬᠤᠶᠠᠷ ᠵᠢᠯ | ᠳᠠᠷᠤᠵᠤ ᠲᠠᠯᠪᠢᠭᠰᠠᠨ ᠦᠩᠭᠡᠷᠡᠯᠲᠡ ᠪᠤᠢ᠃ ᠲᠡᠭᠦᠨ ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠨᠢᠭᠡᠨ ᠤᠳᠠᠭᠠ ᠲᠡᠮᠡᠭᠡ ᠤᠨᠤᠵᠤ ᠠᠪᠤ ᠬᠤᠶᠠᠭᠤᠯᠠ ᠪᠠᠨ ᠭᠡᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠨᠠᠬᠢ | ︽ᠬᠠᠳᠠᠳᠤ ᠶᠢᠨ ᠭᠤᠤᠯ︾ ᠪᠠᠷ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠴᠠᠬᠢᠷ ᠬᠠᠲᠠᠭᠤ ᠬᠠᠳᠠᠨ ᠨᠠᠯᠠᠤ ᠳᠡᠭᠡᠷᠡ ᠲᠡᠮᠡᠭᠡᠨ ᠮᠦᠷ ᠠᠴᠠ ᠶᠡᠭᠡ᠂ ᠳᠠᠬᠢᠶᠠᠨ ᠰᠠᠪᠠᠷ ᠰᠢᠭ᠋ ᠠᠮᠢᠲᠠᠨ ᠤ | ᠮᠦᠷ ᠰᠤᠪᠤᠷᠠᠨ ᠶᠠᠪᠤᠭᠰᠠᠨ ᠢ ᠠᠪᠤ ᠨᠢ ᠵᠢᠭᠠᠵᠤ᠄ ︽ᠡᠨᠡ ᠪᠤᠯ ᠬᠠᠨ ᠭᠠᠷᠤᠳᠢ ᠰᠢᠪᠠᠭᠤ ᠶᠢᠨ ᠮᠦᠷ ᠭᠡᠨᠡ᠃ ᠮᠠᠨ ᠤ ᠨᠤᠲᠤᠭ ᠲᠤ ᠬᠡᠴᠢᠨᠡᠭᠡᠨ ᠲᠦᠮᠡᠨ ᠵᠢᠯ ᠤᠨ | ᠤᠷᠢᠳ ᠬᠠᠨ ᠭᠠᠷᠤᠳᠢ ᠰᠢᠪᠠᠭᠤ ᠶᠢᠨ ᠮᠦᠷ ᠭᠡᠨᠡ᠃ ᠮᠠᠨ ᠤ ᠨᠤᠲᠤᠭ ᠲᠤ ᠭᠡᠴᠢᠨᠡᠭᠡᠨ ᠲᠦᠮᠡᠨ ᠵᠢᠯ ᠤᠨ ᠤᠷᠢᠳ ᠬᠠᠨ ᠭᠠᠷᠤᠳᠢ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ | ᠬᠤᠵᠢᠮ ᠨᠢ ᠬᠠᠨ ᠭᠠᠷᠤᠳᠢ ᠨᠢ ᠲᠡᠮᠡᠭᠡ ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ ᠡᠶᠢᠮᠦ ᠠᠴᠠ ᠮᠠᠨ ᠤ ᠲᠤᠯᠢ ᠨᠤᠲᠤᠭ ᠲᠤ ᠲᠡᠮᠡᠭᠡ ᠤᠯᠠᠨ ᠭᠠᠷᠳᠠᠭ ᠨᠢ ᠤᠳᠤᠮ ᠰᠤᠳᠤᠷ ᠲᠠᠢ | ᠶᠤᠮ ᠰᠢᠤ︕︾ ᠭᠡᠵᠦ ᠬᠡᠯᠡᠭᠰᠡᠨ ᠢ ᠡᠷᠬᠢᠮᠵᠢᠷᠭᠠᠯ ᠶᠡᠬᠡᠳᠡ ᠰᠤᠨᠢᠭᠤᠴᠢᠷᠬᠠᠵᠤ᠂ ᠬᠡᠵᠢᠶᠡ ᠨᠢᠭᠡᠨ ᠡᠳᠦᠷ ᠡᠨᠡ ᠤᠨᠢᠰᠤᠭᠠ ᠶᠢ ᠳᠡᠶᠢᠯᠵᠦ ᠮᠡᠳᠡᠬᠦ ᠶᠢ ᠬᠦᠰᠡᠵᠦ | ᠰᠠᠭᠤᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠨᠠ᠂ ᠶᠡᠭᠡ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠨᠡ ᠭᠡᠬᠦ ᠬᠦᠭᠡᠭᠡᠴᠡᠯᠳᠦᠯ ᠬᠤᠷᠢᠨ ᠬᠤᠶᠠᠷᠬᠠᠨ ᠨᠠᠰᠤᠲᠠᠢ ᠡᠨᠡ ᠬᠦ | ᠵᠠᠯᠠᠭᠤ ᠶᠢ ᠡᠵᠡᠮᠳᠡᠨ ᠬᠢᠴᠢᠶᠡᠯ ᠲᠦᠷᠦᠯ ᠪᠦᠬᠦᠨ ᠳᠤᠨᠢ ᠰᠢᠪᠠᠳᠠᠨ ᠰᠢᠮᠲᠠᠭᠤᠯᠵᠤ ᠪᠢᠯᠡ᠃ | ᠲᠡᠷᠡ ᠤᠳᠤ ᠨᠤᠲᠤᠭ ᠤᠨ ᠬᠢᠨᠢ ᠨᠤᠷᠠ ᠳᠤ ᠪᠠᠶᠢᠳᠠᠭ ᠤᠯᠠ ᠮᠦᠷ ᠪᠤᠯ ᠴᠠᠷᠳᠠ ᠶᠢᠨ ᠭᠠᠯᠪᠠ ᠶᠢᠨ ᠦᠶᠡ ᠶᠢᠨ ︽ᠠᠪᠤᠷᠭᠤ ᠭᠦᠷᠪᠡᠯ︾ ᠤᠨ ᠮᠦᠷ ᠭᠡᠭᠴᠢ ᠶᠢ | ᠤᠶᠢᠯᠠᠭᠠᠨ ᠮᠡᠳᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠭᠦᠨ ᠠᠴᠠ ᠴᠠᠭᠠᠰᠢ ᠮᠠᠰᠢ ᠤᠯᠠᠨ ᠮᠡᠳᠡᠭᠡ ᠦᠭᠡᠢ ᠵᠦᠢᠯ ᠢ ᠮᠡᠳᠡᠵᠦ ᠲᠡᠨᠢᠭᠡᠷ ᠬᠠᠷᠠᠭᠠ ᠪᠠᠨ ᠲᠡᠯᠡᠷᠡᠭᠦᠯᠵᠦ ᠠᠪᠤᠯᠠ᠃ | 1987 ᠤᠨ ᠤ ᠵᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠬᠡᠵᠦ ᠬᠠᠷᠢᠵᠤ ᠢᠷᠡᠭᠡᠳ ᠮᠦᠨ ᠬᠦ ᠤᠤᠯ ᠤᠨ ᠮᠤᠩᠭᠤᠯ ᠳᠤᠷᠰᠢᠯᠲᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠠᠭᠠᠨ | ᠬᠢᠴᠢᠶᠡᠯ ᠬᠦᠮᠦᠵᠢᠯ ᠤᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠬᠢᠯᠡ᠃ ᠲᠠᠮᠷᠢᠨ ᠵᠠᠬᠢᠷᠤᠯ ᠢ ᠳᠠᠭᠠᠵᠤ ᠵᠡᠭᠦᠨ ᠤᠷᠤᠨ ᠳᠤ ᠬᠦᠷᠴᠦ ︽ᠨᠤᠮ ᠵᠠᠯᠠᠯᠠ︾᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯᠴᠤᠳ ᠤᠨ ᠬᠠᠮᠤᠭ ᠤᠨ ᠤᠯᠠᠨ ᠲᠦᠪᠯᠡᠷᠡᠭᠦᠯᠦᠭᠰᠡᠨ ᠵᠢᠷᠢᠮ ᠠᠶᠢᠮᠠᠭ ᠲᠤ ᠮᠤᠩᠭᠤᠯ ᠰᠤᠶᠤᠯ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠤᠬᠠᠢ | ᠳᠤᠷᠰᠢᠯᠭᠠ᠂ ᠡᠷᠢᠯᠬᠢᠯᠳᠡ ᠶᠢ ᠬᠠᠶᠢᠵᠤ ︽ᠭᠠᠳᠠ ᠮᠠᠶᠢᠷᠠᠨ︾ ᠤ ᠨᠤᠲᠤᠭ ᠤᠨ ᠬᠦᠮᠦᠰ ᠤᠨ ᠬᠠᠳᠠᠨ ᠵᠤᠷᠢᠭ ᠢ ᠪᠢᠰᠢᠷᠡᠵᠦ ᠶᠠᠪᠤᠯᠠ᠃ ᠲᠡᠭᠦᠨ ᠤ ᠭᠠᠷ ᠳᠡᠭᠡᠷᠡ | ᠤᠲᠤᠭ ᠤᠨ ᠮᠤᠩᠭᠤᠯ ᠳᠤᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠳᠤᠷᠠ ᠰᠤᠨᠢᠷᠬᠠᠯ ᠤᠨ ᠬᠢᠴᠢᠶᠡᠯ ᠢ ᠨᠡᠮᠡ ᠤᠷᠤᠭᠰᠠᠨ ᠪᠤᠶᠤ ︽ | ᠪᠠᠭᠠᠴᠤᠳ ᠤᠨ ᠬᠠᠨᠢ︾ ᠰᠤᠨᠢᠨ ᠢ ᠤᠯᠠᠨ ᠬᠤᠭᠤᠴᠠᠭᠠ ᠶᠡᠭᠡ ᠠᠮᠵᠢᠯᠲᠠ ᠲᠠᠢ ᠡᠷᠬᠢᠯᠡᠵᠦ ᠪᠢᠯᠡ᠃ | 1990 ᠤᠨ ᠳᠤ ᠡᠷᠬᠢᠮᠵᠢᠷᠭᠠᠯ ᠢ ᠳᠡᠭᠡᠳᠦ ᠱᠠᠲᠤᠨ ᠠᠴᠠ ︽ᠤᠲᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ︾ ᠳᠤ | ᠵᠠᠬᠢᠷᠤᠯ ᠢᠶᠠᠷ ᠲᠤᠮᠢᠯᠠᠨ ᠤᠴᠢᠭᠤᠯᠵᠠᠢ᠃ ᠲᠡᠷᠡ᠂ ᠨᠢᠭᠡᠨ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢ ᠠᠳᠬᠤᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠡᠲᠦᠭᠡ | ᠨᠢᠭᠡᠨ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ᠂ ᠳᠤᠰᠬᠠᠶᠢᠵᠢᠭᠰᠠᠨ ᠤᠨᠴᠠᠯᠢᠭ ᠪᠦᠬᠦᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠦᠬᠦ ᠲᠠᠯᠠ ᠶᠢᠨ ᠠᠵᠢᠯ ᠢ ᠬᠠᠮᠢᠶᠠᠷᠬᠤ ᠪᠤᠯᠵᠠᠢ᠃ | ᠦᠩᠭᠡᠷᠡᠭᠰᠡᠨ ᠳᠤ ᠲᠡᠭᠦᠨ ᠤ ᠤᠳᠤᠷᠢᠳᠤᠯᠭᠠ ᠶᠢ ᠬᠦᠯᠢᠶᠡᠳᠡᠭ ᠨᠢ ᠳᠤᠮᠳᠠᠳᠤ ᠵᠡᠷᠭᠡ ᠶᠢᠨ ᠳᠤᠰᠬᠠᠢ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠭᠦᠰᠬᠡᠵᠦ ᠢᠷᠡᠭᠰᠡᠨ | ᠠᠬᠠᠮᠠᠳ ᠪᠠᠭᠰᠢ᠂ ᠡᠮᠡᠭᠲᠡᠢ ᠪᠠᠭᠰᠢ ᠨᠠᠷ ᠭᠤᠤᠯᠳᠠᠭᠤ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠡᠷᠬᠢᠮᠵᠢᠷᠭᠠᠯ ᠤᠨ ᠡᠮᠦᠨᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠶᠡᠷᠦᠩᠬᠡᠢ ᠠᠩᠭᠢ ᠲᠡᠭᠦᠰᠦᠭᠰᠡᠨ | ᠂ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠴᠢᠳᠠᠪᠤᠷᠢ ᠲᠠᠢ ᠰᠢᠷᠳ᠋ ᠭᠡᠰᠡᠨ ᠤᠮᠤᠭ ᠲᠠᠢ ᠵᠠᠯᠠᠭᠤᠰ ᠤᠴᠠᠷᠠᠬᠤ ᠪᠤᠯᠤᠯᠠ᠃ ᠬᠦᠮᠦᠨ ᠢ ᠵᠠᠬᠢᠷᠬᠤ ᠳᠤ ᠬᠦᠮᠦᠨ ᠠᠴᠠ ᠳᠠᠪᠠᠭᠰᠠᠨ | ᠮᠡᠳᠡᠯᠭᠡ ᠪᠠ ᠬᠢᠷᠢ ᠬᠡᠮ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠭᠡᠳᠡᠭ ᠢ ᠲᠡᠷᠡ ᠲᠤᠩ ᠬᠤᠷᠳᠤᠨ ᠰᠠᠷᠡᠵᠦ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠶᠡᠷᠦᠩᠬᠡᠢ ᠠᠩᠭᠢ ᠶᠢᠨ ᠰᠡᠭᠦᠯᠴᠢ ᠶᠢᠨ | ᠬᠤᠭᠤᠴᠠᠭᠠᠨ ᠤ ᠬᠢᠴᠢᠶᠡᠯ ᠢ ᠠᠵᠢᠯ ᠤᠨ ᠪᠠᠶᠢᠷᠢᠨ ᠳᠡᠭᠡᠷᠡ ᠠᠴᠠ ᠪᠠᠨ ᠰᠤᠷᠴᠤ ᠵᠠᠯᠭᠠᠭᠠᠳ ︽ᠲᠦᠪ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ︾ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠤᠬᠠᠭᠠᠨ ᠤ ᠠᠰᠫᠢᠷᠠᠨᠲ ᠤᠨ ᠰᠤᠷᠤᠯᠭᠠ ᠶᠢ ᠵᠠᠪᠳᠤᠨ ᠭᠦᠢᠴᠡᠳᠬᠡᠵᠡᠢ᠃ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ ᠳᠡᠭᠡᠳᠦᠯᠡᠵᠦ᠂ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ | ᠲᠦᠰᠢᠵᠦ ᠶᠠᠪᠤᠬᠤ ᠪᠠᠨ ᠲᠡᠷᠡ ᠤᠭᠲᠤ ᠤᠭᠤᠷᠤᠭᠠ ᠦᠭᠡᠢ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠳᠤᠬᠠᠢ ᠲᠠᠨᠢᠯᠲᠠ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ | ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠢ ᠨᠢ ᠦᠨᠳᠦᠷᠵᠢᠭᠦᠯᠬᠦ ᠡᠭᠦᠳᠡᠨ ᠠᠴᠠ ᠲᠡᠷᠡ 1991 ᠤᠨ ᠳᠤ ︽ᠪᠦᠬᠦ ᠠᠶᠢᠮᠠᠭ ᠤᠨ ᠵᠠᠯᠠᠭᠤᠴᠤᠳ ᠤᠨ ᠨᠤᠮ ᠤᠩᠰᠢᠭᠰᠠᠨ | ᠮᠡᠳᠡᠯᠭᠡ ᠶᠢᠨ ᠶᠠᠷᠢᠶᠠ ᠢᠯᠡᠳᠬᠡᠯ ᠤᠨ ᠤᠷᠤᠯᠳᠤᠭᠠᠨ︾ ᠳᠤ ︽ᠲᠠᠯᠠ ᠨᠤᠲᠤᠭ ᠤᠨ ᠮᠠᠯᠵᠢᠬᠤ ᠰᠤᠶᠤᠯ︾ ᠭᠡᠬᠦ ᠰᠡᠳᠦᠪ ᠢᠶᠠᠷ ᠤᠷᠤᠯᠴᠠᠭᠠᠳ ᠵᠠᠭᠤ ᠭᠠᠷᠤᠢ | ᠦᠷᠢᠰᠦᠯᠳᠦᠭᠴᠢᠳ ᠤᠨ ᠢᠶᠠᠨ ᠳᠤᠮᠳᠠ ᠤᠷᠤᠶᠢᠯᠠᠵᠤ ᠰᠢᠯᠢᠳᠡᠭ ᠱᠠᠩ ᠢ ᠳᠤᠰᠴᠠᠢ᠃ ᠲᠡᠷᠡ ᠵᠠᠬᠢᠷᠤᠯ ᠤᠨ ᠪᠠᠶᠢᠷᠢᠨ ᠳᠡᠭᠡᠷᠡ ᠪᠠᠨ ᠰᠠᠭᠤᠪᠠᠴᠤ ᠪᠠᠰᠠ ᠬᠢᠴᠢᠶᠡᠯ | ᠤᠷᠤᠬᠤ ᠪᠠᠨ ᠤᠷᠭᠢᠭᠠ ᠦᠭᠡᠢ᠃ 1993 ᠤᠨ ᠳᠤ ᠪᠦᠬᠦ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠵᠢᠭᠠᠬᠤ ᠶᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠳᠤ ︽ᠮᠤᠩᠭᠤᠯ | ᠬᠡᠯᠡ ᠶᠢ ᠵᠢᠭᠠᠨ ᠰᠤᠷᠭᠠᠬᠤ ᠴᠢᠳᠠᠪᠤᠷᠢᠳᠠᠨ︾ ᠪᠤᠯᠤᠭᠰᠠᠨ ᠪᠠ ᠤᠷᠤᠨ ᠤ ᠲᠡᠰ ᠤᠨ ᠰᠢᠯᠢᠳᠡᠭ ᠵᠠᠯᠠᠭᠤ ᠪᠠᠭᠰᠢ ᠶᠢᠨ ᠬᠦᠬᠢᠭᠦᠯᠦᠯ ᠢ ᠤᠯᠵᠠᠢ᠃ 1996 ᠤᠨ ᠳᠤ | ᠲᠡᠭᠦᠨ ᠪᠢᠴᠢᠭᠰᠡᠨ ︽ᠬᠢᠴᠢᠶᠡᠯ ᠤᠨ ᠲᠢᠩᠬᠢᠮ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠶᠠᠰᠤ ᠴᠢᠨᠠᠷ ᠢ ᠬᠡᠷᠬᠢᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠳᠤᠬᠠᠢ ᠪᠤᠳᠤᠯᠬᠢᠯᠠᠯ︾ ᠭᠡᠬᠦ ᠦᠭᠦᠯᠡᠯ ᠨᠢ | ᠪᠦᠬᠦ ᠠᠶᠢᠮᠠᠭ ᠤᠨ ᠵᠢᠭᠠᠨ ᠰᠤᠷᠭᠠᠬᠤ ᠠᠵᠢᠯ ᠤᠨ ᠬᠤᠷᠠᠯᠳᠤᠭᠠᠨ ᠳᠡᠭᠡᠷᠡ ᠲᠡᠷᠢᠭᠦᠨ ᠱᠠᠩ ᠢ ᠠᠪᠤᠪᠠ᠃ 2003 ᠤᠨ ᠳᠤ ᠪᠤᠰᠤᠳ ᠲᠠᠢ ᠬᠠᠮᠲᠤᠷᠠᠨ ᠬᠤᠷᠢᠨ | ᠲᠦᠮᠡᠨ ᠦᠰᠦᠭ ᠪᠦᠬᠦᠢ ︽ᠰᠤᠷᠤᠯᠴᠠᠬᠤ ᠠᠷᠭᠠ ᠪᠠ ᠤᠶᠤᠨ ᠴᠢᠳᠠᠪᠤᠷᠢ︾ ᠭᠡᠬᠦ ᠨᠤᠮ ᠢ ᠪᠢᠴᠢᠵᠦ ᠬᠡᠪᠯᠡᠭᠦᠯᠦᠭᠰᠡᠨ ᠪᠠ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠲᠤ | ᠵᠤᠷᠢᠭᠤᠯᠤᠭᠰᠠᠨ ᠠᠷᠪᠠᠨ ᠲᠦᠷᠪᠡᠨ ᠲᠦᠮᠡᠨ ᠦᠰᠦᠭ ᠤᠨ ︽ᠪᠠᠶᠠᠵᠢᠯ ᠤᠨ ᠬᠠᠷᠭᠤᠢ︾ ᠭᠡᠬᠦ ᠨᠤᠮ ᠨᠢ ᠪᠦᠬᠦ ᠤᠷᠳᠤᠰ ᠬᠤᠲᠠ ᠶᠢᠨ ᠳᠤᠮᠳᠠᠳᠤ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠡᠯ ᠤᠨ ᠪᠢᠴᠢᠭ ᠤᠨ ᠯᠠᠪᠯᠠᠯᠲᠠ ᠳᠤ ᠬᠡᠷᠡᠭᠯᠡᠭᠳᠡᠬᠦ ᠪᠤᠯᠪᠠ᠃ ᠡᠷᠬᠢᠮᠵᠢᠷᠭᠠᠯ 2004 ᠤᠨ ᠳᠤ ᠤᠷᠳᠤᠰ ᠬᠤᠲᠠ ᠶᠢᠨ ᠮᠤᠩᠭᠤᠯ ᠬᠡᠯᠡ ᠶᠢ | ᠰᠤᠷᠴᠤ ᠬᠡᠷᠡᠭᠯᠡᠭᠰᠡᠨ ᠰᠠᠶᠢᠴᠤᠤᠯ ᠤᠨ ᠬᠤᠷᠠᠯ︾ ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠪᠠ᠃ | ᠡᠷᠬᠢᠮᠵᠢᠷᠭᠠᠯ ᠪᠦᠰᠡᠬᠦᠢ ᠽᠠᠨᠳᠠᠨ ᠬᠤᠶᠠᠭᠤᠯᠠ ᠪᠠᠨ ᠬᠤᠶᠠᠷ ᠰᠠᠶᠢᠬᠠᠨ ᠬᠦᠪᠡᠭᠦᠨ ᠲᠠᠢ᠃ ᠽᠠᠨᠳᠠᠨ ᠨᠢ ᠮᠦᠨ ᠪᠠᠭᠰᠢ ᠶᠢᠨ ᠠᠵᠢᠯ ᠲᠠᠢ᠃ ᠠᠵᠢᠯᠴᠢ | ᠪᠤᠷᠤᠭᠵᠢᠭᠤᠨ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠬᠡᠪ ᠰᠤᠷᠲᠠᠯ ᠡᠨᠡ ᠨᠢᠭᠡᠨ ᠬᠠᠯᠠᠭᠤᠨ ᠭᠡᠷ ᠪᠦᠯᠢ ᠳᠤ ᠨᠡᠶᠢᠲᠡᠮ ᠪᠢᠯᠬᠠᠵᠤ᠂ ᠡᠶᠡᠯᠳᠡᠭ ᠳᠤᠲᠤᠨᠤ ᠶᠠᠷᠢᠶᠠ ᠬᠦᠭᠡᠷᠦᠭᠡ | ᠦᠷᠭᠦᠯᠵᠢ ᠳᠠᠰᠤᠯᠳᠠᠳᠠᠭ ᠦᠭᠡᠢ᠃ ᠡᠷᠬᠢᠮᠵᠢᠷᠭᠠᠯ ᠦᠷᠯᠦᠭᠡ ᠪᠦᠷᠢ ᠡᠷᠲᠡ ᠪᠤᠰᠬᠤ ᠵᠠᠩᠰᠢᠯ ᠲᠠᠢ᠃ | ᠲᠡᠭᠡᠭᠡᠳ ︽ᠡᠳᠦᠷ ᠪᠤᠯᠭᠠᠨ ᠤᠤᠭᠠᠨ ᠪᠠᠶᠠᠷᠲᠠᠢ᠂ ᠤᠶᠤᠨ ᠪᠤᠳᠤᠯ ᠢ ᠰᠢᠨᠡᠴᠢᠯᠡᠬᠦ ᠡᠷᠳᠡᠮ ᠲᠠᠢ ᠁︾ | ᠲᠡᠷᠡ ᠡᠨᠡ ᠬᠦ ︽ᠦᠢᠯᠡᠰ ᠤᠨ ᠰᠠᠶᠢᠬᠠᠨ ᠤᠯᠠᠭᠠᠨᠪᠠᠭᠠᠲᠤᠷ︾ ᠭᠡᠬᠦ ᠢᠳᠡᠷᠡᠭᠦᠨ ᠵᠢᠪᠬᠤᠭᠠᠯᠢᠭ ᠳᠠᠭᠤᠤ ᠶᠢ ᠦᠷᠭᠦᠯᠵᠢ ᠳᠠᠭᠤᠯᠠᠵᠤ ᠶᠠᠪᠤᠨᠠ᠃ ᠡᠨᠡ ᠬᠦ | ᠳᠠᠭᠤᠤ ᠶᠢᠨ ᠠᠶᠠᠯᠭᠤᠨ ᠳᠤᠮᠳᠠᠭᠤᠷ ᠮᠤᠩᠭᠤᠯ ᠰᠤᠶᠤᠯ ᠤᠨ ᠪᠠᠷᠲᠠᠭᠠᠳᠤ ᠬᠠᠷᠭᠤᠢ ᠪᠠᠷ ᠨᠢᠭᠡᠨ ᠦᠨᠳᠦᠷ ᠪᠡᠶᠡ ᠲᠠᠢ ᠬᠦᠮᠦᠨ ᠡᠨᠡᠬᠡᠨ ᠳᠡᠯᠡᠬᠡᠢ ᠶᠢᠨ ᠦᠨᠴᠦᠭ | ᠪᠤᠯᠤᠩ ᠪᠦᠬᠦᠨ ᠠᠴᠠ ᠴᠤᠭᠯᠠᠭᠤᠯᠤᠨ ᠠᠷᠠᠢ ᠮᠢᠩᠭᠠᠨ ᠲᠦᠮᠡ ᠴᠤ ᠬᠦᠷᠬᠦ ᠦᠭᠡᠢ ᠮᠤᠩᠭᠤᠯ ᠲᠤᠭᠠᠲᠠᠨ ᠤ ᠪᠤᠰᠤᠭᠠ ᠦᠨᠳᠦᠷ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ | ᠲᠦᠰᠢᠭᠰᠡᠭᠡᠷ ᠠᠶᠠᠯᠠᠨᠠ᠃ | ᠲᠡᠭᠦᠨ ᠤ ᠠᠶᠠᠨ ᠤ ᠦᠷᠲᠡᠭᠡ ᠨᠡᠩ ᠤᠷᠳᠤ᠂ ᠨᠡᠩ ᠬᠤᠯᠠ ᠪᠠᠶᠢᠭᠠ ᠶᠤᠮ ᠰᠢᠤ᠃ | ᠤᠯᠠᠭᠠᠨ ᠨᠤᠬᠠᠢ ᠵᠢᠯ ᠤᠨ ᠡᠪᠦᠯ ᠤᠨ ᠳᠤᠮᠳᠠ ᠰᠠᠷᠠ᠂ ᠤᠯᠠᠭᠠᠨᠪᠠᠯᠭᠠᠰᠤ ᠳᠤ | ︽ᠨᠤᠲᠤᠭ ᠤᠨ ᠴᠡᠩᠭᠡᠷ ᠠᠭᠤᠯᠠᠰ︾ ᠠ᠊ ᠴᠤᠭᠵᠢᠯ ᠵᠤᠬᠢᠶᠠᠪᠠ ︵ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ︶ |