ᠮᠠᠩᠯᠠᠶᠢᠪᠠᠭᠠᠳᠤᠷ᠂ ᠡᠷᠡᠭᠳᠠᠢ᠂ ᠮᠤᠩᠭᠤᠯ᠂ 1959 ᠤᠨ ᠤ 12 ᠰᠠᠷᠠᠶᠢᠨ 21 ᠳᠤ ᠲᠦᠷᠦᠵᠢ᠂ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠰᠤᠶᠤᠯ ᠤᠨ ᠬᠡᠮᠵᠢᠶᠡ ᠲᠠᠢ ᠃ ᠤᠲᠤᠭ ᠬᠤᠰᠢᠭᠤᠨ ᠤ ᠰᠦᠮᠡᠲᠤ ᠰᠤᠮᠤᠨ ᠤ ᠰᠦᠮᠡᠲᠤ | ᠰᠠᠭᠤᠭᠠᠯᠢ ᠲᠤᠭᠤᠷᠢᠭ ︵ᠡᠯᠡᠰᠦᠨ ᠦᠢᠯᠡᠰ ᠤᠨ ᠨᠡᠭᠡᠭᠡᠯᠲᠡ ᠶᠢᠨ ᠤᠷᠤᠨ︶ ᠤᠨ ᠮᠠᠯᠴᠢᠨ᠃ ᠦᠪᠦᠷ ᠮᠤᠩᠭᠤᠯ | ᠤᠨ ᠤᠷᠲᠤ ᠶᠢᠨ ᠲᠠᠭᠤᠨ ᠤ ᠰᠤᠯᠢᠯᠴᠠᠨ ᠰᠤᠳᠤᠯᠤᠬᠤ ᠨᠡᠶᠢᠬᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠤᠷᠳᠤᠰ ᠤᠨ ᠰᠢᠯᠢᠳᠡᠭ | ᠤᠯᠠᠮᠵᠢᠯᠯᠲᠤ ᠠᠷᠠᠳ ᠤᠨ ᠤᠷᠯᠢᠭᠴᠢᠨ᠃ | ᠮᠠᠩᠯᠠᠶᠢᠪᠠᠭᠠᠳᠤᠷ᠂ 1959 ᠤᠨ ᠤ 12 ᠰᠠᠷᠠᠶᠢᠨ 21 ᠳᠤ ᠤᠲᠤᠭ ᠬᠤᠰᠢᠭᠤᠨ ᠤ ᠰᠦᠮᠡᠲᠤ ᠰᠤᠮᠤᠨ | ᠤ ᠪᠠᠭᠠ ᠡᠷᠬᠡᠲᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠤᠶᠠᠨᠰᠠᠳᠤᠨ ︵ᠰᠤᠷᠪᠤᠯᠵᠢᠲᠤ ᠡᠮᠴᠢ︶᠂ ᠰᠠᠶᠢᠪᠠᠯ ᠬᠤᠶᠠᠷ ᠤᠨ | ᠭᠦᠪᠡᠭᠦᠨ ᠪᠤᠯᠵᠤ ᠵᠠᠶᠠᠭᠠᠵᠤ᠂ ᠵᠢᠷᠭᠤᠭᠠᠨ ᠰᠠᠷᠠ ᠲᠠᠢ ᠪᠤᠯᠬᠤ ᠳᠤ ᠮᠠᠯᠴᠢᠨ ᠲᠤᠪᠳᠠᠨ᠂ ᠰᠠᠶᠢᠸ᠋ᠨᠵᠢ ︵ᠨᠤᠲᠤᠭ ᠤᠨ | ᠤᠷᠲᠤ ᠶᠢᠨ ᠳᠠᠭᠤᠴᠢᠨ︶ ᠬᠤᠶᠠᠷ ᠡᠷᠭᠦᠨ ᠳᠡᠵᠢᠭᠡᠵᠤ ᠠᠪᠴᠠᠢ᠃ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠳᠠᠭᠠᠨ ᠲᠡᠵᠢᠭᠡᠪᠦᠷᠢ | ᠮᠦᠮᠦ ᠠᠴᠠ ᠪᠠᠨ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ ᠰᠤᠷᠴᠤ ᠡᠬᠢᠯᠡᠵᠠᠢ᠂ ᠶᠢᠰᠦᠨ ᠨᠠᠰᠤᠲᠠᠢ ᠳᠠᠭᠠᠨ ᠰᠦᠮᠡᠲᠤ | ᠰᠤᠮᠤᠨ ᠤ ᠪᠠᠭᠠ ᠡᠷᠬᠡᠲᠤ ᠭᠠᠴᠠᠭᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠠᠢ᠃ ᠠᠷᠪᠠᠨ ᠬᠤᠶᠠᠷ ᠨᠠᠰᠤᠨ ᠠᠴᠠ ᠪᠠᠨ | ᠡᠬᠢᠯᠡᠵᠤ ᠠᠮᠠᠨ ᠬᠤᠭᠤᠷ᠂ ᠰᠧ ᠬᠤ᠋᠂ ᠰᠠᠨ ᠱᠢᠶᠠᠨ᠂ ᠪᠢᠰᠢᠭᠦᠷ᠂ ᠶᠠᠨᠴᠢᠨ ᠵᠡᠷᠭᠡ ᠭᠦᠭᠵᠢᠮ ᠤᠨ ᠪᠠᠭᠠᠵᠢ ᠶᠢ | ᠤᠷᠤᠯᠳᠤᠨ ᠰᠤᠷᠴᠤ᠂ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠠᠴᠠ ᠡᠬᠢᠯᠡᠵᠤ ᠠᠶᠢᠯ ᠠᠶᠢᠮᠠᠭ ᠲᠦᠷᠦᠯ ᠰᠠᠳᠤᠨ ᠤ ᠨᠠᠶᠢᠷ | ᠴᠤᠭᠯᠠᠭᠠᠨ ᠳᠤ ᠤᠷᠢᠭᠳᠠᠨ ᠨᠠᠶᠢᠷ ᠤᠷᠯᠢᠭ ᠲᠤ ᠤᠷᠤᠯᠴᠠᠵᠤ ᠡᠬᠢᠯᠡᠵᠠᠢ᠃ ᠬᠤᠷᠢᠨ ᠬᠤᠶᠠᠷ ᠨᠠᠰᠤᠨ ᠳᠠᠭᠠᠨ | ᠨᠠᠰᠤᠲᠠᠢ ᠡᠮᠴᠢ ᠶᠤᠨᠳᠤᠨ(2010 ᠤᠨ ᠳᠤ ᠨᠠᠰᠤ ᠪᠠᠷᠠᠵᠠᠢ︶ ᠢ ᠪᠠᠭᠰᠢ ᠪᠠᠷᠢᠵᠤ ᠤᠯᠠᠮᠵᠢᠯᠠᠯᠲᠤ ᠮᠤᠩᠭᠤᠯ | ᠡᠮᠨᠡᠯᠡᠭᠡ ᠰᠤᠷᠴᠤ᠂1987 ᠤᠨ ᠤ 7 ᠰᠠᠷᠠ ᠳᠤ ︽ᠭᠦᠳᠡᠭᠡ ᠳᠤᠰᠬᠤᠨ ᠤ ᠡᠮᠴᠢ ᠶᠢᠨ ᠦᠨᠡᠮᠯᠡᠯ︾ ᠢ ᠰᠢᠯᠭᠠᠨ | ᠠᠪᠴᠠᠢ᠂ 1991 ᠤᠨ ᠤ 5 ᠰᠠᠷᠠ ᠳᠤ ︽ᠭᠦᠳᠡᠭᠡ ᠳᠤᠰᠬᠤᠨ ᠤ ᠡᠮᠴᠢ ᠶᠢᠨ ᠬᠡᠷᠢ ᠬᠡᠮ ᠤᠨ ᠦᠨᠡᠮᠯᠡᠯ︾ | ᠲᠠᠢ ᠪᠤᠯᠵᠤ᠂ ᠤᠳᠤ ᠳᠤᠮᠳᠠᠳᠤ ᠤᠯᠤᠰ ᠤᠨ ᠭᠦᠳᠡᠭᠡ ᠳᠤᠰᠬᠤᠨ ᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠨᠡᠶᠢᠬᠡᠮᠯᠡᠭ ᠤᠨ | ᠭᠡᠰᠢᠭᠦᠨ ᠢᠶᠠᠷ ᠪᠠᠶᠢᠵᠤ᠂ ᠨᠢᠭᠡᠨᠲᠡ 25 ᠵᠢᠯ ᠡᠮᠴᠢ ᠬᠢᠵᠠᠢ᠃ | ᠮᠠᠩᠯᠠᠶᠢᠪᠠᠭᠠᠳᠤᠷ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠤᠷᠳᠤᠰ ᠨᠠᠶᠢᠷ ᠲᠤ ᠲᠤᠶᠢᠯ ᠤᠨ | ᠳᠤᠷᠠ ᠪᠠᠬᠠ ᠲᠠᠢ ᠪᠠᠶᠢᠵᠤ᠂ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠳᠠᠭᠠᠨ ᠲᠡᠵᠢᠭᠡᠪᠦᠷᠢ ᠮᠦᠮᠦ ᠰᠠᠶᠢᠸ᠋ᠨᠵᠢ ᠠᠴᠠ ᠤᠷᠳᠤᠰ ᠠᠷᠠᠳ | ᠤᠨ ᠳᠠᠭᠤᠤ ᠰᠤᠷᠴᠤ ᠡᠬᠢᠯᠡᠭᠦ ᠶᠢᠨ ᠳᠠᠭᠠᠭᠤ ᠲᠡᠵᠢᠭᠡᠪᠦᠷᠢ ᠡᠭᠡᠴᠢ ᠲᠦᠪᠰᠢᠡᠭᠡᠷᠡᠯ ᠠᠴᠠ ᠳᠠᠴᠢᠨ ᠭᠦᠭᠵᠢᠮ ᠢ | ᠰᠤᠷᠴᠤ ᠡᠬᠢᠯᠡᠵᠠᠢ᠃ ᠳᠤᠯᠤᠭᠠᠨ ᠨᠠᠰᠤ ᠭᠦᠷᠭᠦ ᠳᠤ ︽ᠳᠤᠭᠤᠢ ᠮᠠᠯᠠᠭᠠᠢ》᠂ ︽ᠲᠤᠵᠢ ᠶᠢᠨ ᠱᠠᠩ︾ ᠵᠡᠷᠭᠡ | ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠠᠤᠤ ᠨᠤᠭᠤᠳ ᠢ ᠴᠠᠭᠠᠷᠲᠠᠯᠠ ᠭᠦᠭᠵᠢᠮᠳᠡᠨ ᠳᠠᠭᠤᠯᠠᠵᠤ ᠴᠢᠳᠠᠬᠤ ᠪᠤᠯᠵᠤ᠂ ᠠᠶᠢᠯ | ᠰᠠᠬᠠᠭᠠᠯᠲᠠ ᠳᠠᠭᠠᠨ ︽ᠪᠢᠴᠢᠬᠠᠨ ᠤᠷᠯᠢᠭᠴᠢᠨ︾ ᠭᠡᠮᠡᠨ ᠠᠯᠳᠠᠷᠰᠢᠵᠠᠢ᠃ ᠲᠡᠵᠢᠭᠡᠪᠦᠷᠢ ᠡᠭᠡᠴᠢ ᠲᠦᠪᠰᠢᠡᠭᠡᠷᠡᠯ ᠶᠢᠨ | ᠨᠦᠯᠦᠭᠡ ᠪᠠᠷ᠂ ᠠᠷᠪᠠᠨ ᠬᠤᠶᠠᠷ ᠨᠠᠰᠤᠨ ᠠᠴᠠ ᠪᠠᠨ ᠡᠬᠢᠯᠡᠵᠤ ᠠᠮᠠᠨ ᠬᠤᠭᠤᠷ᠂ ᠰᠧ ᠬᠤ᠋᠂ ᠰᠠᠨ ᠱᠢᠶᠠᠨ᠂ | ᠪᠢᠰᠢᠭᠦᠷ᠂ ᠶᠠᠨᠴᠢᠨ ᠵᠡᠷᠭᠡ ᠭᠦᠭᠵᠢᠮ ᠤᠨ ᠪᠠᠭᠠᠵᠢ ᠶᠢ ᠤᠷᠤᠯᠳᠤᠨ ᠰᠤᠷᠴᠤ᠂ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠠᠴᠠ | ᠡᠬᠢᠯᠡᠵᠤ ᠠᠶᠢᠯ ᠠᠶᠢᠮᠠᠭ ᠲᠦᠷᠦᠯ ᠰᠠᠳᠤᠨ ᠤ ᠨᠠᠶᠢᠷ ᠴᠤᠭᠯᠠᠭᠠᠨ ᠳᠤ ᠤᠷᠢᠭᠳᠠᠨ ᠨᠠᠶᠢᠷ ᠤᠷᠯᠢᠭ ᠲᠤ ᠤᠷᠤᠯᠴᠠᠵᠤ | ᠡᠬᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠰᠤᠮᠤ᠂ ᠬᠤᠰᠢᠭᠤ ᠵᠢᠴᠢ ᠭᠦᠷᠰᠢ ᠵᠡᠷᠭᠡᠯᠳᠡᠭᠡ ᠰᠤᠮᠤ᠂ ᠬᠤᠰᠢᠭᠤᠨ ᠤ ᠶᠡᠭᠡ ᠪᠠᠭᠠ | ᠳᠠᠭᠤᠤ ᠤᠷᠯᠢᠭ ᠤᠨ ᠤᠷᠤᠯᠳᠤᠭᠠᠨ᠂ ᠤᠷᠠᠨ ᠰᠠᠶᠢᠬᠠᠨ ᠤ ᠳᠤᠭᠯᠠᠯᠲᠠ᠂ ᠦᠳᠡᠰᠢᠯᠡᠭᠡ ᠵᠡᠷᠭᠡ ᠤᠷᠯᠢᠭ ᠤᠨ | ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠵᠤ᠂ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠤᠯᠠᠨ ᠳᠦᠮᠡᠨ ᠤ ᠰᠤᠶᠤᠯ ᠤᠨ ᠠᠮᠢᠳᠤᠷᠠᠯ ᠢ | ᠪᠠᠶᠠᠯᠢᠭᠵᠢᠭᠤᠯᠬᠤ ᠶᠢᠨ ᠬᠠᠮᠳᠤ ᠦᠪᠡᠷ ᠤᠨ ᠤᠷᠯᠢᠭ ᠤᠷᠠ ᠶᠢᠨ ᠬᠡᠷᠢ ᠬᠡᠮᠵᠢᠶᠡ ᠪᠠᠨ ᠴᠦ ᠳᠠᠰᠤᠷᠠᠯᠲᠠ ᠦᠭᠡᠢ | ᠨᠡᠮᠡᠭᠳᠡᠭᠦᠯᠵᠦ ᠳᠡᠭᠡᠭᠰᠢᠯᠡᠭᠦᠯᠵᠠᠢ᠃ | ᠮᠠᠩᠯᠠᠶᠢᠪᠠᠭᠠᠳᠤᠷ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ ᠭᠦᠭᠵᠢᠮ ᠳᠤ ᠲᠤᠶᠢᠯ ᠤᠨ ᠳᠤᠷᠠ ᠪᠠᠭ᠋ᠠᠲᠠᠢ ᠪᠠᠶᠢᠵᠤ᠂ | ᠰᠢᠨᠵᠢᠨ ᠰᠤᠷᠤᠯᠴᠠᠬᠤ ᠬᠢᠬᠡᠳ ᠳᠤᠭᠯᠠᠯᠲᠠ ᠳᠤ ᠤᠷᠤᠯᠴᠠᠬᠤ ᠳᠤᠮᠳᠠ ᠪᠠᠨ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠠᠤᠤ | ᠭᠦᠭᠵᠢᠮ ᠤᠨ ᠠᠶᠢᠵᠢᠮ ᠴᠤᠬᠢᠯᠭᠠ ᠨᠢ ᠪᠤᠷᠤ ᠪᠤᠷᠤᠭᠵᠢᠭᠤᠨ᠂ ᠳᠠᠲᠠᠯᠠᠭᠠ ᠨᠢ ᠤᠷᠳᠤ ᠨᠤᠭᠤᠯᠠᠭᠠ ᠨᠢ ᠤᠭᠵᠢᠮ᠂ | ᠰᠡᠳᠭᠢᠯᠡᠭᠡ ᠨᠢ ᠤᠷᠭᠢᠯᠤᠮᠠ ᠵᠡᠷᠭᠡ ᠢᠯᠡ ᠳᠤᠳᠤ ᠤᠷᠯᠢᠭ ᠤᠨ ᠤᠨᠴᠠᠯᠢᠭ ᠬᠢᠭᠡᠳ ᠨᠤᠲᠤᠭ ᠤᠷᠤᠨ ᠤ ᠦᠨᠦᠷ | ᠠᠮᠲᠠ ᠶᠢ ᠦᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠰᠢᠩᠭᠡᠭᠡᠨ ᠠᠪᠴᠤ ᠴᠢᠳᠠᠭᠰᠠᠨ ᠶᠤᠮ᠃ ᠳᠡᠷᠡ ᠪᠤᠯ ᠨᠢᠭᠡᠨ ᠦᠯᠢᠶᠡᠬᠦ᠂ | ᠳᠠᠲᠠᠬᠤ᠂ ᠳᠡᠯᠡᠳᠬᠦ᠂ ᠳᠠᠭᠤᠯᠠᠬᠤ ᠵᠡᠷᠭᠡ ᠤᠷᠯᠢᠭ ᠤᠨ ᠤᠷᠠ ᠳᠡᠮ ᠢ ᠤᠷᠭᠠᠭᠠᠨᠢᠭ ᠢᠶᠠᠷ ᠤᠶᠠᠯᠳᠠᠭᠤᠯᠤᠨ | ᠨᠢᠭᠡᠳᠭᠡᠵᠤ ᠴᠢᠳᠠᠭᠰᠠᠨ ᠠᠷᠠᠳ ᠤᠨ ᠤᠷᠯᠢᠭᠴᠢᠨ ᠪᠤᠯᠤᠨᠠ᠃ ᠲᠡᠷᠡ ᠠᠮᠠᠨ ᠬᠤᠭᠤᠷ᠂ ᠰᠧ ᠬᠤ᠋᠂ ᠰᠠᠨ ᠱᠢᠶᠠᠨ᠂ | ᠪᠢᠰᠢᠭᠦᠷ᠂ ᠶᠠᠨᠴᠢᠨ᠂ ᠳᠠᠴᠢᠨ ᠵᠡᠷᠭᠡ ᠭᠦᠭᠵᠢᠮ ᠤᠨ ᠪᠠᠭᠠᠵᠢ ᠶᠢ ᠰᠤᠷᠮᠠᠭᠠᠢ ᠭᠦᠭᠵᠢᠮᠳᠡᠵᠤ ᠴᠢᠳᠠᠬᠤ ᠮᠦᠷᠳᠡᠭᠡᠨ | ᠬᠤᠪᠢᠷᠠᠭᠠᠨ ᠬᠦᠭᠵᠢᠮᠳᠡᠭᠦ᠂ ᠳᠠᠭᠤᠯᠠᠬᠤ ᠬᠦᠭᠵᠢᠮᠳᠡᠬᠦ ᠶᠢ ᠬᠠᠪᠰᠤᠷᠭᠠᠬᠤ᠂ ᠬᠦᠭᠵᠢᠮ ᠦᠭᠡᠢ ᠳᠠᠭᠤᠯᠠᠬᠤ ᠵᠡᠷᠭᠡ ᠳᠤ | ᠴᠠᠭᠠᠷᠠᠵᠤ᠂ ᠳᠤᠭᠯᠠᠯᠲᠠ ᠶᠢᠨ ᠶᠠᠪᠤᠴᠠ ᠳᠤ ᠭᠦᠭᠵᠢᠮᠳᠡᠨ ᠳᠠᠭᠤᠯᠠᠬᠤ ᠦᠢᠯᠡ ᠬᠦᠳᠦᠯᠦᠯ ᠨᠢ ᠬᠡᠪ ᠨᠠᠮᠪᠠ ᠲᠠᠢ᠂ | ᠳᠦᠷᠢ ᠳᠦᠷᠬᠦ ᠨᠢ ᠤᠷᠢᠶᠠᠯᠠᠭ᠂ ᠰᠡᠳᠭᠢᠴᠡ ᠶᠢᠨ ᠢᠯᠡᠷᠡᠭᠦᠯᠦᠯᠳᠡ ᠢᠶᠠᠷ ᠪᠠᠶᠠᠯᠢᠭ᠂ ᠠᠶᠠᠯᠠᠭᠤ ᠶᠢᠨ ᠳᠠᠲᠠᠯᠠᠭᠠ | ᠨᠤᠭᠤᠯᠠᠭᠠ ᠨᠢ ᠬᠦᠡᠭᠭᠦᠨᠡᠮᠡ ᠰᠤᠨᠤᠰᠪᠤᠷᠢᠲᠠᠢ ᠪᠠᠶᠢᠵᠤ᠂ ᠪᠤᠷᠤ ᠪᠤᠷᠤᠭᠵᠢᠭᠤᠨ ᠪᠠᠶᠢᠭᠠᠯᠢᠯᠠᠭ ᠨᠠᠷᠢᠯᠢᠭ ᠠᠶᠠ | ᠴᠤᠬᠢᠯᠠᠭᠠ ᠶᠢᠨ ᠦᠡᠭᠭᠡ ᠶᠢ ᠳᠤᠪᠤᠶᠢᠯᠠᠭᠠᠨ ᠭᠠᠷᠭᠠᠵᠤ᠂ ᠳᠠᠭᠤᠯᠠᠬᠤ ᠠᠷᠭᠠ ᠳᠡᠮ ᠪᠠ ᠦᠭᠡ ᠠᠶᠠ ᠵᠤᠬᠢᠴᠢᠭᠤᠯᠬᠤ | ᠵᠡᠷᠭᠡ ᠨᠢ ᠤᠷᠳᠤᠰ ᠮᠤᠩᠭᠤᠯ ᠤᠨ ᠨᠠᠶᠢᠷ ᠤᠷᠯᠢᠭ ᠤᠨ ᠬᠦᠡᠭᠭᠦᠨᠡᠮᠡ ᠠᠭᠤᠵᠢᠭᠤ᠂ ᠪᠤᠷᠤ ᠬᠦᠳᠡᠭᠡᠯᠢᠭ ᠤᠨᠴᠠᠯᠢᠭ | ᠶᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠳᠠᠭ᠃ | ᠤᠯᠠᠨ ᠵᠢᠯ ᠤᠨ ᠳᠤᠷᠰᠢ᠂ ᠮᠠᠩᠯᠠᠶᠢᠪᠠᠭᠠᠳᠤᠷ ᠤᠷᠳᠤᠰ ᠮᠤᠩᠭᠤᠯ ᠠᠷᠠᠳ ᠤᠨ ᠳᠠᠭᠤᠤ ᠭᠦᠭᠵᠢᠮ ᠢ | ᠳᠡᠯᠭᠡᠷᠡᠭᠦᠯᠡᠨ ᠭᠦᠭᠵᠢᠭᠦᠯᠬᠦ ᠦᠢᠯᠡᠰ ᠲᠤ ᠭᠦᠴᠦ ᠬᠠᠨᠳᠢᠪ ᠪᠠᠨ ᠪᠠᠶᠢᠡᠭᠭᠤ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠠᠴᠠ ᠤᠯᠠᠨ | ᠠᠷᠪᠢᠨ ᠱᠠᠩᠨᠠᠯ ᠬᠦᠬᠢᠭᠦᠯᠡᠯ ᠢ ᠭᠦᠷᠲᠡᠵᠤ ᠶᠠᠪᠤᠵᠠᠢ᠃ ᠮᠠᠩᠯᠠᠶᠢᠪᠠᠭᠠᠳᠤᠷ ᠤᠨ ᠤᠯᠵᠤ ᠬᠦᠷᠳᠡᠭᠰᠡᠨ ᠪᠤᠳᠠᠳᠠᠢ | ᠱᠠᠩᠨᠠᠯ ᠬᠦᠬᠢᠭᠦᠯᠡᠯ ᠢ ᠨᠢ ᠵᠢᠡᠡᠰᠠᠭᠠᠪᠠᠯ᠄ | 1983 ᠤᠨ᠂ ᠰᠦᠮᠡᠲᠤ ᠰᠤᠮᠤᠨ ᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠠᠷᠠᠳ ᠤᠨ ᠬᠦᠭᠵᠢᠮ ᠤᠨ ᠶᠡᠭᠡ | ᠤᠷᠤᠯᠳᠤᠭᠠᠨ ᠤ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠱᠠᠩᠨᠠᠯ᠃ | 2005 ᠤᠨ᠂ ᠤᠳᠤᠭ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠳᠠᠭᠤᠨ ᠤ ᠶᠡᠭᠡ ᠤᠷᠤᠯᠳᠤᠭᠠᠨ ᠤ ᠰᠢᠯᠢᠳᠡᠭ | ᠱᠠᠩᠨᠠᠯ᠃ | 2006 — 2007 ᠤᠨ᠂ ᠤᠳᠤᠭ ᠬᠤᠰᠢᠭᠤᠨ ᠤ ︽ᠮᠠᠯ ᠠᠵᠤ ᠠᠬᠤᠢ ᠬᠤᠨᠳᠠᠭᠠᠲᠤ︾ ᠠᠷᠠᠳ | ᠤᠨ ᠳᠠᠭᠤᠨ ᠤ ᠶᠡᠭᠡ ᠤᠷᠤᠯᠳᠤᠭᠠᠨ ᠤ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠱᠠᠩᠨᠠᠯ᠃ | 2006 ᠤᠨ᠂ ᠤᠷᠳᠤᠰ ᠬᠤᠳᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ᠮᠠᠯ ᠠᠵᠤ ᠠᠬᠤᠢ | ᠬᠤᠨᠳᠠᠭᠠᠲᠤ︾ ᠮᠠᠯᠴᠢᠳ ᠶᠢᠨ ᠳᠠᠭᠤᠤ ᠤᠷᠠᠯᠢᠭ ᠤᠨ ᠴᠤᠭᠯᠠᠭᠠᠨ ︵ᠠᠷᠠᠳ ᠤᠨ ᠳᠠᠭᠤᠨ ᠤ ᠳᠤᠭᠤᠶᠢᠯᠠᠩ︶ ᠤ | ᠰᠢᠯᠢᠳᠡᠭ ᠱᠠᠩᠨᠠᠯ᠃ | 2007 ᠤᠨ᠂ ᠤᠷᠳᠤᠰ ᠬᠤᠳᠠ ᠶᠢᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠮᠤᠩᠭᠤᠯ ᠨᠠᠰᠤᠲᠠᠶᠢᠴᠤᠳ ᠤᠨ | ᠠᠷᠠᠳ ᠤᠨ ᠳᠠᠭᠤᠨ ᠤ ᠤᠷᠠ ᠳᠤᠭᠯᠠᠯᠲᠠ ᠶᠢᠨ ᠴᠤᠭᠯᠠᠭᠠᠨ ᠤ ᠬᠦᠭᠵᠢᠮ ᠤᠨ ᠪᠠᠭᠠᠵᠢ ᠶᠢᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ | ᠱᠠᠩᠨᠠᠯ᠃ | 2007 ᠤᠨ᠂ ᠤᠷᠳᠤᠰ ᠬᠤᠳᠠ ᠶᠢᠨ ᠨᠠᠰᠤᠲᠠᠶᠢᠴᠤᠳ ᠤᠨ ᠰᠢᠨᠡ ᠵᠢᠯ ᠤᠨ ᠦᠳᠡᠰᠢᠯᠡᠭᠡ ᠶᠢᠨ ᠰᠠᠨ | ᠱᠢᠶᠠᠨ ᠬᠦᠭᠵᠢᠮ ᠤᠨ ᠳᠤᠰᠭᠠᠷ ᠬᠦᠭᠵᠢᠮᠳᠡᠯᠡᠭᠡ ᠶᠢᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠱᠠᠩᠨᠠᠯ᠃ | 2008 ᠤᠨ᠂ ᠤᠷᠳᠤᠰ ᠬᠤᠳᠠ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠳᠡᠯᠡᠬᠡᠢ ᠨᠡᠶᠢᠲᠡ ᠶᠢᠨ ᠰᠤᠶᠤᠯ | ᠤᠨ ᠴᠢᠭᠤᠯᠭᠠᠠᠨ ᠤ ︽ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠨ ᠤ ᠶᠡᠭᠡ ᠤᠷᠤᠯᠳᠤᠭᠠᠨ︾ ᠤ ᠰᠢᠯᠢᠳᠡᠭ ᠱᠠᠩᠨᠠᠯ᠃ | 2011 ᠤᠨ᠂ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ᠠᠷᠵᠠᠢ ᠬᠤᠨᠳᠠᠭᠠᠳᠤ》ᠤᠷᠳᠤᠰ ᠤᠷᠳᠤ ᠶᠢᠨ | ᠳᠠᠭᠤᠨ ᠤ ᠲᠧᠯᠸᠢᠰ ᠱᠠᠩᠨᠠᠯᠲᠤ ᠤᠷᠤᠯᠳᠤᠭᠠᠨ ᠬᠠᠮᠳᠤᠯᠢᠭ ᠤᠨ ᠳᠦᠷᠦᠯ ᠤᠨ ᠰᠢᠯᠢᠳᠡᠭ ᠱᠠᠩᠨᠠᠯ᠃ | ᠰᠤᠮᠤ᠂ ᠬᠤᠰᠢᠭᠤ ᠵᠢᠴᠢ ᠭᠦᠷᠰᠢ ᠵᠡᠷᠭᠡᠯᠳᠡᠭᠡ ᠰᠤᠮᠤ᠂ ᠬᠤᠰᠢᠭᠤᠨ ᠤ ᠶᠡᠭᠡ ᠪᠠᠭᠠ ᠳᠠᠭᠤᠤ ᠤᠷᠯᠢᠭ ᠤᠨ | ᠤᠷᠤᠯᠳᠤᠭᠠᠨ᠂ ᠤᠷᠠᠨ ᠰᠠᠶᠢᠬᠠᠨ ᠤ ᠳᠤᠭᠯᠠᠯᠲᠠ᠂ ᠦᠳᠡᠰᠢᠯᠡᠭᠡ ᠵᠡᠷᠭᠡ ᠤᠷᠯᠢᠭ ᠤᠨ ᠠᠵᠢᠯᠯᠠᠭᠠ ᠳᠤ ᠤᠯᠠᠨ | ᠤᠳᠠᠭᠠ ᠤᠷᠤᠯᠴᠠᠵᠤ᠂ 2006 ᠤᠨ — 2012 ᠤᠨ ᠪᠤᠯᠲᠠᠯᠠ᠂ ᠤᠳᠤᠭ ᠬᠤᠰᠢᠭᠤᠨ ᠤ ᠰᠢᠨᠡ ᠵᠢᠯ ᠤᠨ | ᠤᠷᠠᠨ ᠰᠠᠶᠢᠬᠠᠨ ᠤ ᠦᠳᠡᠰᠢᠯᠡᠭᠡ ᠳᠤ ᠵᠠᠯᠭᠠᠪᠠᠷ ᠳᠤᠯᠤᠭᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠳᠠᠭᠠᠤᠤ ᠭᠦᠭᠵᠢᠮ ᠤᠨ ᠳᠤᠭᠯᠠᠯᠲᠠ | ᠤᠷᠤᠯᠴᠠᠵᠠᠢ᠃ | 2011 ᠤᠨ ᠳᠤ ︽ᠤᠷᠳᠤᠰ ᠤᠨ ᠰᠢᠯᠢᠳᠡᠭ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ︾ ᠢᠶᠠᠷ ᠴᠤᠯᠠᠯᠠᠭᠳᠠᠵᠠᠢ᠃ | ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠤᠭᠴᠢᠳ ᠤᠨ ᠠᠷᠠᠳ ᠤᠨ ᠳᠠᠭᠠᠤᠤ ᠬᠦᠭᠵᠢᠮ ᠤᠨ ᠵᠢᠭᠠᠭᠠᠨ ᠵᠢᠯᠤᠭᠤᠳᠤᠭᠴᠢ ᠪᠠᠷ ᠤᠷᠢᠭᠳᠠᠵᠤ ᠪᠠᠶᠢᠨᠠ᠃ | 2005 ᠤᠨ ᠳᠤ ᠤᠷᠳᠤᠰ ᠬᠤᠳᠠ ᠠᠴᠠ ᠤᠳᠤᠭ ᠬᠤᠰᠢᠭᠤᠨ ᠳᠤ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠠᠩᠬᠠᠳᠤᠭᠠᠷ | ᠬᠤᠭᠤᠴᠠᠭᠠᠨ ᠤ ︽ᠲᠡᠭᠷᠢ ᠮᠤᠩᠭᠤᠯ ᠬᠦᠮᠦᠨ ᠬᠤᠨᠳᠠᠭᠠᠳᠤ︾ ᠪᠦᠬᠦ ᠬᠤᠳᠠ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠤᠭᠴᠢᠳ ᠤᠨ ᠤᠷᠠ ᠤᠷᠠᠯᠢᠭ ᠤᠨ ᠤᠷᠤᠯᠳᠤᠭᠠᠨ ᠤ ᠠᠷᠠᠳ ᠤᠨ ᠳᠠᠭᠤᠨ ᠤ ᠵᠢᠭᠠᠭᠠᠨ ᠵᠢᠯᠤᠭᠤᠳᠤᠭᠴᠢ ᠪᠠᠷ | ᠤᠷᠢᠭᠳᠠᠵᠤ᠂ ᠤᠯᠠᠨ ᠨᠡᠷᠡ ᠰᠤᠷᠤᠭᠴᠢᠳ ᠡᠯᠡ ᠵᠦᠢᠯ ᠤᠨ ᠱᠠᠩᠨᠠᠯ ᠤᠯᠵᠤ᠂ ᠡᠭᠦᠪᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠶᠢᠨ ᠰᠤᠷᠤᠭᠴᠢᠳ ᠤᠨ ᠤᠷᠠ ᠤᠷᠠᠯᠢᠭ ᠤᠨ ᠬᠡᠷᠢ ᠬᠡᠮᠵᠢᠶᠡ ᠶᠢ ᠶᠡᠬᠡᠪᠡᠷ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠳᠡᠲᠡᠨ ᠤ ᠬᠤᠵᠢᠮ | ᠤᠷᠠ ᠤᠷᠠᠯᠢᠭ ᠤᠨ ᠳᠠᠯᠠ ᠪᠠᠷ ᠰᠤᠷᠤᠯᠴᠠᠨ ᠳᠡᠭᠡᠭᠰᠢᠯᠡᠬᠦ ᠳᠤ ᠰᠠᠭᠤᠷᠢ ᠲᠠᠯᠪᠢᠵᠠᠢ᠃ | 2008 ᠤᠨ ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠴᠢᠩᠭᠢᠰ ᠤᠨ ᠤᠡᠭᠭᠤᠨ ᠳᠤ | ᠶᠠᠪᠤᠭᠳᠠᠭᠤᠯᠤᠭᠰᠠᠨ ︽ᠭᠤᠷᠪᠠᠨ ᠳᠠᠪᠠᠭᠠ︾ ᠳᠤᠰᠬᠠᠢ ᠳᠡᠯᠭᠡᠴᠡ ᠳᠤ ᠤᠷᠤᠯᠴᠠᠵᠤ᠂ ᠠᠷᠠᠳ ᠤᠨ ᠳᠠᠭᠤᠤ ︽ | ᠳᠦᠡᠭᠭᠦᠷ ᠮᠠᠮᠠ︾ ᠶᠢ ᠳᠠᠭᠤᠯᠠᠵᠤ ᠪᠦᠬᠦ ᠤᠷᠤᠨ ᠳᠤ ᠠᠯᠳᠠᠷᠰᠢᠵᠠᠢ ᠃ | 2007 ᠤᠨ᠂ ︽ᠪᠦᠬᠦ ᠤᠯᠤᠰ ᠤᠨ ᠠᠷᠠᠳ ᠤᠨ ᠳᠠᠭᠤᠨ ᠤ ᠶᠢᠷᠲᠢᠨᠴᠦ︾ — ᠳᠤᠮᠤ ᠬᠡᠯᠪᠡᠷᠢ ᠶᠢᠨ | ᠠᠷᠠᠳ ᠤᠨ ᠳᠠᠭᠤᠨ ᠤ ᠪᠤᠳᠢᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠰᠤᠳᠤᠯᠤᠯ ᠤᠨ ᠬᠤᠷᠠᠯ ᠳᠤ ᠤᠷᠢᠯᠠᠭᠠ | ᠪᠠᠷ ᠤᠷᠤᠯᠴᠠᠵᠤ᠂ ᠲᠦᠪ ᠤᠨ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠶᠠᠷᠢᠯᠴᠠᠭᠠᠨ ᠤ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠦᠯᠭᠡ ᠶᠢᠨ ᠳᠡᠯᠭᠡᠴᠡ | ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠲᠦᠪ ᠤᠨ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ᠪᠦᠬᠦ ᠤᠯᠤᠰ ᠴᠢᠨᠠᠭᠰᠢᠯᠠᠨ ᠳᠡᠯᠡᠬᠡᠢ | ᠶᠢᠨ 53 ᠤᠯᠤᠰ ᠪᠠ ᠭᠠᠵᠠᠷ ᠤᠷᠤᠨ ᠲᠤ ᠬᠠᠨᠳᠤᠭᠤᠯᠤᠭᠰᠠᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠦᠯᠭᠡ ᠪᠠᠷ ᠳᠠᠮᠵᠢᠭᠤᠯᠠᠨ | ᠳᠠᠴᠢᠨ ᠭᠦᠭᠵᠢᠮ ᠂ ᠰᠠᠨ ᠱᠢᠶᠠᠨ ᠬᠦᠭᠵᠢᠮ ᠭᠦᠭᠵᠢᠮᠳᠡᠵᠤ᠂ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠤ ︽ᠠᠯᠲᠠᠨ ᠤ | ᠰᠠᠯᠠᠭᠠ︾ ᠶᠢ ᠳᠠᠭᠤᠯᠠᠭᠠᠳ ᠤᠷᠳᠤᠰ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠢᠭ ᠤᠨ ᠭᠦᠨ ᠵᠤᠵᠠᠭᠠᠨ ᠦᠨᠦᠷ ᠠᠮᠲᠠ | ᠪᠠ ᠭᠦᠮᠦᠨ ᠶᠢ ᠰᠤᠭᠳᠤᠭᠤᠷᠠᠭᠤᠯᠠᠮᠠ ᠬᠡᠷᠡᠯ ᠭᠢᠯᠪᠠᠭᠠ ᠶᠢ ᠤᠯᠠᠨ ᠳᠠᠶᠠᠭᠠᠷ ᠲᠤ ᠭᠠᠶᠢᠠᠭᠤᠯᠵᠤ᠂ ᠠᠷᠠᠳ ᠤᠨ | ᠳᠠᠭᠤᠨ ᠤ ᠸᠠᠩ ᠭᠡᠮᠡᠨ ᠨᠡᠷᠡᠶᠢᠳᠦᠭᠳᠡᠵᠠᠢ᠃ | 2010 ᠤᠨ ᠳᠤ ︽ᠦᠪᠦᠷ ᠮᠤᠩᠭᠤᠯ ᠤᠨ ᠤᠷᠳᠤ ᠶᠢᠨ ᠳᠠᠭᠤᠨ ᠤ ᠤᠷᠠᠯᠢᠭ ᠰᠤᠯᠢᠯᠴᠡᠨ ᠰᠤᠳᠤᠯᠤᠬᠤ | ᠨᠡᠶᠢᠬᠡᠮᠯᠡᠭ︾ ᠤᠨ ᠭᠡᠰᠢᠭᠦᠨ ᠪᠤᠯᠵᠠᠢ᠃ | ᠮᠠᠩᠯᠠᠶᠢᠪᠠᠭᠠᠳᠤᠷ ᠭᠡᠷ ᠲᠡᠭᠡᠨ ᠠᠮᠠᠨ ᠬᠤᠭᠤᠷ᠂ ᠰᠧ ᠬᠤ᠋᠂ ᠰᠠᠨ ᠱᠢᠶᠠᠨ᠂ ᠪᠢᠰᠢᠭᠦᠷ᠂ ᠶᠠᠨᠴᠢᠨ ᠵᠡᠷᠭᠡ | ᠭᠦᠭᠵᠢᠮ ᠤᠨ ᠪᠠᠭᠠᠵᠢ ᠲᠠᠢ ᠪᠠᠶᠢᠵᠤ᠂ ᠮᠢᠩᠭᠠ ᠭᠠᠷᠤᠢ ᠠᠷᠠᠳ ᠤᠨ ᠳᠠᠭᠤᠨ ᠤ ᠦᠭᠡ᠂ ᠠᠶᠠ ᠶᠢ ᠪᠠᠭᠲᠠᠭᠠᠭᠰᠠᠨ | 8 ᠳᠡᠪᠲᠡᠷ ᠤᠷᠳᠤᠰ ᠠᠷᠠᠳ ᠤᠨ ᠳᠠᠭᠤᠨ ᠤ ᠨᠤᠮ ᠳᠡᠪᠳᠡᠷ ᠨᠠᠩᠳᠢᠩᠨᠠᠨ ᠬᠠᠳᠠᠭᠠᠯᠠᠵᠤ ᠪᠠᠶᠢᠨᠠ᠃ | | ︽ᠤᠲᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠣᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ | ᠥᠪ︾ ᠪᠠᠢ ᠭᠡᠷᠡᠯᠲᠦ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠪᠠ ︵ᠤᠲᠤᠭ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠥ ᠶᠢᠨ ᠵᠥᠪᠯᠡᠯᠭᠡᠨ︶ | |