| ᠬᠤᠨᠢᠨ ᠤ ᠴᠡᠴᠡᠭ ᠡᠪᠡᠳᠴᠢᠨ ᠤ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ ᠲᠤᠬᠠᠢ | ︽ᠮᠠᠯ ᠤᠨ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨ ᠤ ᠤᠬᠠᠭᠠᠨ︾ | | ᠡᠩ ᠤᠨ ᠴᠠᠭ ᠤᠨ ᠠᠷᠠᠴᠢᠯᠠᠯᠳᠠ ᠬᠠᠮᠢᠶᠠᠷᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠨ ᠨᠠᠮᠤᠷ ᠤᠨ ᠲᠠᠷᠭᠤ ᠶᠢ ᠨᠢ ᠪᠠᠳᠤᠯᠠᠵᠤ᠂ | ᠤᠨᠴᠠᠭᠠᠶᠢᠯᠠᠨ ᠡᠪᠤᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠡᠪᠡᠰᠤ ᠪᠤᠷᠳᠤᠭᠠ ᠦᠭᠬᠦ ᠶᠢ ᠨᠢ ᠲᠤᠬᠢᠷᠠᠭᠤᠯᠵᠤ᠂ ᠡᠪᠤᠯ ᠤᠨ | ᠬᠠᠬᠢᠷ ᠬᠦᠢᠳᠡᠨ ᠠᠴᠠ ᠬᠠᠮᠠᠭᠠᠯᠠᠨ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠳᠡᠢ᠃ ᠬᠤᠨᠢᠨ ᠤ ᠴᠡᠴᠡᠭ ᠡᠪᠡᠳᠴᠢᠨ ᠥᠷᠭᠦᠯᠵᠢ ᠡᠭᠦᠰᠳᠡᠭ | ᠭᠠᠵᠠᠷ ᠤᠷᠤᠨ ᠤ ᠬᠤᠨᠢᠨ ᠰᠥᠷᠥᠭ ᠲᠤ ᠵᠢᠯ ᠪᠥᠷᠢ ᠲᠤᠭᠳᠠᠭᠰᠠᠨ ᠬᠤᠭᠤᠴᠠᠭᠠ ᠲᠠᠢ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠬᠢᠵᠦ | ᠂ ᠨᠢᠭᠡᠨᠳᠡ ᠡᠪᠡᠳᠴᠢᠨ ᠡᠭᠦᠰᠥᠭᠰᠡᠨ ᠪᠠᠶᠢᠪᠠᠯ ᠡᠪᠡᠳᠴᠢᠯᠡᠭᠰᠡᠨ ᠬᠤᠨᠢ ᠶᠢ ᠲᠤᠰᠠᠭᠠᠷᠯᠠᠨ ᠰᠠᠯᠭᠠᠵᠤ᠂ | ᠡᠪᠡᠳᠴᠢᠯᠡᠭᠡᠳᠦᠢ ᠬᠤᠨᠢ ᠪᠤᠶᠤ ᠤᠶᠢᠷᠠ ᠬᠠᠪᠢ ᠶᠢᠨ ᠬᠢᠵᠢᠭ ᠤᠨ ᠰᠦᠷᠳᠡᠭᠦᠯᠥᠯ ᠳᠤ ᠤᠴᠠᠷᠠᠵᠤ ᠮᠡᠳᠡᠬᠦ ᠬᠤᠨᠢᠨ | ᠰᠥᠷᠥᠭ ᠲᠤ ᠲᠠᠬᠢᠶᠠᠨ ᠬᠦᠪᠥᠷᠡᠯ ᠢᠶᠠᠷ ᠬᠤᠤᠷ ᠰᠤᠯᠠᠷᠠᠭᠤᠯᠤᠭᠰᠠᠨ ᠬᠤᠨᠢᠨ ᠤ ᠴᠡᠴᠡᠭ ᠤᠨ ᠸᠠᠺᠽᠢᠨ ᠢᠶᠠᠷ ᠪᠠᠴᠢᠮ | ᠲᠠᠷᠢᠯᠭᠠ ᠬᠢᠬᠦ ᠬᠡᠷᠡᠭᠳᠡᠢ᠃ ᠬᠤᠨᠢᠨ ᠤ ᠪᠥᠳᠥᠭᠦᠨ ᠪᠠᠭᠠ ᠶᠢ ᠬᠠᠮᠢᠶᠠᠷᠤᠯ ᠦᠭᠡᠢ ᠴᠥᠮ ᠰᠡᠭᠦᠯ ᠤᠨ ᠬᠡᠰᠡᠭ ᠪᠤᠶᠤ | ᠴᠠᠪᠢᠨ ᠤ ᠬᠢᠨᠢ ᠲᠤᠳᠤᠷᠠ ᠲᠠᠯᠠ ᠶᠢᠨ ᠠᠷᠠᠰᠤᠨ ᠳᠤᠤᠷᠠ ᠨᠢ 0.5ml ᠸᠠᠺᠽᠢᠨ ᠲᠠᠷᠢᠨᠠ᠃ ᠲᠠᠷᠢᠯᠭᠠ ᠬᠢᠭᠰᠡᠨ ᠤ | ᠰᠡᠭᠦᠯᠡᠷ 4～6 ᠡᠳᠥᠷ ᠲᠤ ᠨᠠᠶᠢᠳᠠᠪᠤᠷᠢᠳᠠᠢ ᠡᠭᠡᠭᠡᠯᠯᠡᠪᠥᠷᠢ ᠶᠢᠨ ᠭᠥᠴᠥᠨ ᠡᠭᠦᠰᠬᠦ ᠮᠥᠷᠳᠡᠭᠡᠨ ᠡᠭᠡᠭᠡᠯᠯᠡᠪᠥᠷᠢ ᠶᠢᠨ | ᠬᠤᠭᠤᠴᠠᠭᠠ ᠨᠢ ᠨᠢᠭᠡ ᠵᠢᠯ ᠥᠷᠭᠦᠯᠵᠢᠯᠡᠨᠡ᠃ ᠡᠪᠡᠳᠴᠢᠯᠡᠭᠰᠡᠨ ᠬᠤᠨᠢ ᠶᠢ ᠲᠤᠰᠠᠭᠠᠷᠯᠠᠵᠤ᠂ ᠪᠢᠳᠡᠭᠦᠮᠵᠢᠯᠡᠬᠦ ᠪᠠ | ᠠᠷᠢᠭᠤᠳᠬᠠᠯ ᠬᠢᠨᠡ᠃ ᠡᠪᠡᠳᠴᠢᠯᠡᠭᠡᠳ ᠥᠬᠦᠭᠰᠡᠨ ᠬᠤᠨᠢᠨ ᠤ ᠬᠡᠭᠦᠷ ᠢ ᠭᠥᠨ ᠪᠤᠯᠠᠪᠠᠯ ᠵᠤᠬᠢᠨᠠ᠃ ᠬᠡᠷᠪᠡ | ᠠᠷᠠᠰᠤ ᠶᠢ ᠨᠢ ᠥᠪᠴᠢᠵᠤ ᠬᠡᠷᠡᠭᠯᠡᠪᠡᠯ ᠠᠷᠢᠭᠤᠳᠬᠠᠯ ᠬᠢᠵᠤ ᠬᠢᠵᠢᠭ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ ᠠᠪᠴᠢᠯ ᠢ ᠠᠩᠬᠠᠷᠴᠤ᠂ | ᠸᠢᠷᠥ᠋ᠰ ᠥᠷᠭᠡᠵᠢᠨ ᠲᠠᠷᠬᠠᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠳᠡᠢ᠃ ᠲᠤᠰ ᠡᠪᠡᠳᠴᠢᠨ ᠢ ᠲᠤᠰᠬᠠᠶᠢᠯᠠᠨ ᠵᠠᠰᠠᠬᠤ ᠡᠮ ᠦᠭᠡᠢ | ᠪᠤᠯᠬᠤᠷ ᠥᠷᠭᠦᠯᠵᠢ ᠰᠢᠨᠵᠢ ᠲᠡᠮᠳᠡᠭ ᠲᠤᠨᠢ ᠲᠤᠬᠢᠷᠠᠭᠤᠯᠵᠤ ᠶᠡᠷᠦᠩᠬᠡᠶᠢᠯᠡᠨ ᠵᠠᠰᠠᠬᠤ ᠠᠷᠭᠠ ᠬᠡᠷᠡᠭᠯᠡᠳᠡᠭ᠃ | ᠴᠡᠴᠡᠭ ᠤᠨ ᠪᠢᠵᠢᠷᠠᠤ ᠡᠭᠦᠰᠦᠭᠰᠡᠨ ᠤ ᠰᠡᠭᠦᠯᠡᠷ ᠪᠢᠵᠢᠷᠠᠤ ᠲᠠᠢ ᠬᠡᠰᠡᠭ ᠲᠤᠨᠢ 0.1% ᠶᠢᠨ ᠳᠡᠭᠡᠳᠤ ᠮᠠᠩᠭᠠᠨ | ᠭᠦᠴᠢᠯ ᠤᠨ ᠺᠠᠯᠢ ᠶᠢᠨ ᠠᠭᠤᠰᠤᠮᠠᠯ ᠢᠶᠠᠷ ᠤᠬᠢᠶᠠᠯᠭᠠ ᠬᠢᠵᠤ᠂ ᠵᠥᠯᠭᠦᠵᠦ ᠬᠠᠳᠠᠭᠠᠭᠰᠠᠨ ᠤ ᠳᠠᠷᠠᠭᠠ ᠪᠤᠷᠤ ᠤᠰᠤᠨ | ᠡᠮ ᠪᠤᠶᠤ ᠢᠤᠳ᠋ᠳᠤ ᠭᠯᠢᠽᠧᠷᠢᠨ ᠲᠥᠷᠬᠢᠨᠡ᠃ ᠡᠷᠡᠭᠦᠯᠵᠢᠭᠰᠡᠨ ᠬᠤᠨᠢᠨ ᠤ ᠴᠢᠰᠤᠨ ᠴᠠᠶᠢᠪᠠᠩ ᠨᠢ ᠨᠡᠯᠢᠶᠡᠳ ᠰᠠᠶᠢᠨ | ᠰᠡᠷᠭᠡᠶᠢᠯᠡᠨ ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠤ᠂ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠲᠠᠷᠢᠯᠭᠠ ᠬᠢᠬᠦ ᠳᠤ ᠨᠠᠰᠤ ᠭᠦᠢᠴᠡᠭᠰᠡᠨ | ᠬᠤᠨᠢᠨ ᠳᠤ 5～10ml᠂ ᠬᠤᠷᠠᠭᠠ ᠳᠤ 2.5～5ml ᠤᠨ ᠬᠡᠮᠵᠢᠶᠡ ᠪᠠᠷ ᠲᠠᠷᠢᠯᠭᠠ ᠬᠢᠵᠤ᠂ ᠡᠮᠴᠢᠯᠡᠨ | ᠵᠠᠰᠠᠬᠤ ᠲᠠᠷᠢᠯᠭᠠ ᠬᠢᠬᠦ ᠭᠡᠪᠡᠯ ᠬᠡᠮᠵᠢᠶᠡ ᠶᠢ ᠨᠢ ᠨᠢᠭᠡ ᠲᠠᠬᠢᠨ ᠢᠶᠠᠷ ᠨᠡᠮᠡᠭᠳᠡᠭᠦᠯᠵᠤ ᠠᠷᠠᠰᠤᠨ ᠳᠤᠤᠷᠠ ᠨᠢ ᠲᠠᠷᠢᠨᠠ᠃ | ᠬᠡᠷᠪᠡ ᠨᠢᠭᠡᠨᠳᠡ ᠢᠳᠡᠭᠡᠳᠤ ᠴᠥᠪᠥᠷᠢᠭᠦᠦ ᠪᠤᠯᠤᠭᠰᠠᠨ ᠪᠤᠯ ᠬᠡᠮᠵᠢᠶᠡ ᠶᠢ ᠨᠢ ᠪᠠᠰᠠ ᠶᠡᠬᠡᠰᠬᠡᠵᠤ ᠪᠤᠯᠤᠨᠠ᠃ ᠬᠡᠷᠪᠡ | ᠡᠭᠡᠭᠡᠯᠯᠡᠪᠥᠷᠢ ᠶᠢᠨ ᠴᠢᠰᠤᠨ ᠴᠠᠶᠢᠪᠠᠩ ᠬᠡᠷᠡᠭᠯᠡᠪᠡᠯ ᠥᠷᠡ ᠪᠥᠳᠥᠮᠵᠢ ᠨᠢ ᠤᠯᠠᠮ ᠰᠠᠶᠢᠨ ᠪᠠᠶᠢᠳᠠᠭ᠃ ᠪᠠᠺᠲ᠋ᠧᠷᠢ | ᠡᠰᠡᠷᠭᠦᠴᠡᠬᠦ ᠡᠮ ᠨᠢ ᠴᠡᠴᠡᠭ ᠡᠪᠡᠳᠴᠢᠨ ᠳᠤ ᠦᠢᠯᠡᠳᠦᠯ ᠦᠭᠡᠢ᠂ ᠭᠡᠪᠡᠴᠤ ᠥᠷᠭᠦᠯᠵᠢᠯᠡᠨ ᠬᠤᠶᠠᠳᠠᠭᠴᠢ ᠴᠢᠨᠠᠷᠳᠠᠢ | ᠬᠠᠯᠳᠠᠪᠤᠷᠢ ᠡᠭᠦᠰᠬᠦ ᠶᠢ ᠰᠡᠷᠭᠡᠶᠢᠯᠡᠵᠤ ᠳᠡᠶᠢᠯᠬᠦ ᠪᠤᠯᠬᠤᠷ ᠪᠤᠳᠠᠳᠠᠢ ᠪᠠᠶᠢᠳᠠᠯ ᠢᠶᠠᠨ ᠥᠨᠳᠥᠰᠥᠯᠡᠵᠤ ᠵᠤᠬᠢᠰᠳᠠᠢ | ᠬᠡᠷᠡᠭᠯᠡᠵᠤ ᠪᠤᠯᠤᠨᠠ᠃ | |