| ᠤᠶᠤᠨᠠ᠂ ᠡᠮᠡᠭᠳᠡᠢ᠂ 1947 ᠤᠨ ᠤ 12 ᠰᠠᠷᠠ ᠶᠢᠨ 13 ᠤ ᠡᠳᠦᠷ ᠲᠤ ᠤᠳᠤᠭ ᠬᠤᠰᠢᠭᠤᠨ ᠤ ᠰᠢᠨᠡ ᠵᠤᠤ ᠰᠤᠮᠤᠨ ᠤ ᠪᠠᠶ᠋ᠬᠠᠤᠰᠤ ᠭᠠᠴᠠᠭᠠ ︵ | ᠤᠤᠯ ᠤᠨ ᠴᠠᠪ ᠤᠨ ᠪᠠᠶᠠᠨᠳᠤᠯᠤᠭᠠᠢ ᠭᠠᠴᠠᠭᠠ︶ ᠶᠢᠨ ᠵᠢᠷ ᠤᠨ ᠨᠢᠭᠡᠨ ᠮᠠᠯᠴᠢᠨ ᠠᠶᠢᠯ ᠳᠤ ᠵᠠᠶᠠᠭᠠᠵᠠᠢ᠃ ᠪᠠᠭᠠ ᠶᠢᠨ ᠨᠡᠷᠡ ᠭᠡᠰᠢᠭᠳᠦᠭ᠌ᠳᠠᠬᠤ ᠭᠡᠳᠡᠭ᠃ ᠬᠠᠷᠢᠨ | ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠤᠳᠤ ᠴᠤ ᠭᠡᠰᠡᠨ ᠭᠡᠰᠢᠭᠳᠦᠭ᠌ᠳᠠᠬᠤ ᠭᠡᠵᠤ ᠲᠠᠭᠤᠳᠠᠳᠠᠭ ᠨᠢ ᠭᠡᠰᠢᠭ ᠪᠤᠶᠠᠨ ᠢ ᠲᠤᠭᠳᠠᠭᠠᠵᠤ ᠰᠠᠶᠢᠨ ᠶᠠᠪᠤᠳᠤᠭᠠᠢ ᠭᠡᠰᠡᠨ ᠰᠠᠶᠢᠬᠠᠨ | ᠵᠦᠭᠨᠡᠯ ᠢᠶᠠᠨ ᠲᠠᠯᠪᠢᠵᠤ ᠪᠠᠶᠢᠭᠠ ᠴᠤ ᠪᠢᠯᠨ ᠤᠤ᠃ | 1956 ᠤᠨ ᠤ ᠨᠠᠮᠤᠷ ᠤᠶᠤᠨᠠ ᠤᠳᠤᠭ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠪᠠᠯᠭᠠᠰᠤ ᠳᠠᠬᠢ ᠮᠤᠩᠭᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠳᠠᠨ ᠪᠤᠱᠤᠭᠠ ᠶᠢ | ᠠᠩᠬᠠ ᠠᠯᠬᠤᠵᠤ᠂ ᠰᠤᠶᠤᠯ ᠤᠨ ᠰᠢᠮᠡ ᠶᠢ ᠭᠦᠷᠳᠡᠭᠰᠡᠨ ᠪᠠᠶᠢᠵᠠᠢ᠃ ᠲᠡᠷᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠰᠤᠶᠤᠯ᠂ ᠲᠠᠮᠢᠷ᠂ ᠤᠷᠠᠯᠢᠭ ᠲᠤ ᠲᠤᠷᠠ | ᠪᠠᠭ᠋ᠠᠷᠤᠯ ᠲᠠᠢ ᠪᠠᠶᠢᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠭᠯᠠᠯᠳᠠ ᠳᠤ ᠤᠯᠠᠨᠳᠠ ᠤᠷᠤᠯᠴᠠᠵᠤ ᠪᠠᠭᠰᠢ ᠰᠤᠷᠤᠭᠴᠢᠳ ᠤᠨ ᠤᠷᠮᠠ ᠶᠢ ᠭᠦᠭᠵᠢᠭᠡᠨ᠂ | ᠠᠩᠭᠢ ᠶᠢᠨ ᠤᠨᠴᠠ ᠰᠤᠷᠤᠯᠭᠠᠳᠠᠨ᠂ ︽ᠭᠤᠷᠪᠠᠨ ᠰᠠᠶᠢᠳᠠᠢ︾᠂ ︽ᠲᠠᠪᠤᠨ ᠰᠠᠶᠢᠳᠠᠢ︾ ᠰᠤᠷᠤᠭᠴᠢ ᠵᠡᠷᠭᠡ ᠪᠠᠷ ᠬᠤᠰᠢᠭᠤ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠲᠤᠪᠴᠢᠶᠠ | ᠪᠤᠯᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠱᠠᠩᠨᠠᠯ ᠭᠦᠭᠢᠭᠦᠯᠦᠯ ᠢ ᠤᠯᠠᠨᠳᠠ ᠭᠦᠷᠳᠡᠵᠤ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ 1962 ᠤᠨ ᠳᠤ ᠠᠩᠬᠠ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ | ᠤᠷᠤᠭᠰᠠᠨ ᠪᠤᠯᠪᠠᠴᠤ᠂ ᠤᠯᠠᠨ ᠵᠦᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠤᠭᠠᠳ ᠰᠤᠷᠤᠯᠭᠠ ᠪᠠᠨ ᠵᠠᠭᠤᠷᠮᠠᠭ ᠵᠤᠭᠰᠤᠭᠰᠠᠨ ᠨᠢ ᠲᠡᠭᠦᠨ ᠤ ᠨᠠᠰᠤᠨ ᠤ ᠬᠠᠷᠠᠮᠰᠠᠯ ᠪᠤᠯᠵᠤ | ᠪᠠᠶᠢᠨ ᠪᠠᠶᠢᠨ ᠵᠡᠭᠦᠳᠦᠯᠡᠵᠤ᠂ ᠵᠡᠭᠦᠳᠦᠨ ᠠᠴᠠ ᠪᠠᠨ ᠨᠢᠯᠪᠤᠰᠤ ᠲᠠᠢ ᠰᠤᠴᠢᠨ ᠰᠡᠷᠢᠳᠡᠭ ᠪᠢᠯᠨ᠃ | 1963 ᠤᠨ ᠳᠤ ᠡᠪ ᠬᠠᠮᠳᠤ ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠳᠤ ᠡᠯᠰᠡᠭᠳᠡᠵᠤ᠂ 1964 ᠤᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠠᠴᠠ 1970 ᠤᠨ ᠭᠦᠷᠳᠡᠯᠡ | ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠭᠠᠶᠢᠳᠤ ᠰᠤᠮᠤᠨ ᠤ ᠡᠮᠡᠭᠳᠡᠶᠢᠴᠤᠳ ᠤᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠭᠢᠪᠡ᠃ ᠡᠨ᠋ᠨ ᠭᠦ ᠬᠤᠭᠤᠴᠠᠭᠠᠨ ᠳᠤ ᠲᠡᠷᠢᠭᠦᠨ ᠤ ᠵᠢᠱᠢᠶᠡᠴᠢ | ᠠᠵᠢᠯᠳᠠᠨ ᠢᠶᠠᠷ ᠰᠤᠩᠭᠤᠭᠳᠠᠵᠤ᠂ ᠬᠤᠰᠢᠭᠤ ᠱᠠᠳᠤ ᠪᠤᠯᠤᠨ ᠰᠤᠮᠤᠨ ᠤ ᠱᠠᠩᠨᠠᠯ ᠭᠦᠭᠢᠭᠦᠯᠦᠯ ᠢ ᠭᠦᠷᠳᠡᠵᠤ ᠦᠡᠭᠭᠡᠷᠡᠪᠡ᠃ ᠡᠨ᠋ᠨ ᠭᠦ ᠬᠤᠭᠤᠴᠠᠭᠠᠨ ᠳᠤ 1966 | ᠤᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠳᠤ ᠡᠪ ᠬᠠᠮᠳᠤ ᠨᠠᠮ ᠳᠤ ᠡᠯᠰᠡᠭᠳᠡᠨ ᠤᠷᠤᠪᠠ᠃ | 1971 ᠤᠨ ᠤ 1 ᠳ᠋ᠤᠭᠡᠷ ᠰᠠᠷᠠ ᠠᠴᠠ 1973 ᠤᠨ ᠤ 10 ᠳ᠋ᠤᠭᠠᠷ ᠰᠠᠷᠠ ᠭᠦᠷᠳᠡᠯᠡ᠂ ᠦᠤᠰᠢᠨ ᠬᠤᠰᠢᠭᠤᠨ ᠤ ᠰᠢᠨᠬᠤᠸ᠋ᠨ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠤ | ᠠᠵᠢᠯᠯᠠᠵᠤ᠂ ᠨᠤᠮ ᠰᠤᠳᠤᠷ ᠲᠠᠢ ᠨᠦᠭᠦᠷᠯᠡᠪᠡ᠃ | 1973 ᠤᠨ ᠤ 10 ᠰᠠᠷᠠ ᠠᠴᠠ 1975 ᠤᠨ ᠪᠤᠯᠳᠠᠯᠠ ᠤᠳᠤᠭ ᠬᠤᠰᠢᠭᠤᠨ ᠤ ᠲᠠᠷᠢᠶᠠᠯᠠᠩ ᠮᠠᠰᠢᠨᠴᠢᠯᠠᠯᠳᠠ ᠶᠢᠨ ᠦᠷᠳᠡᠭᠡ ᠳᠤ ᠪᠡᠯᠨ ᠮᠦᠡᠭᠭᠦ | ᠬᠠᠮᠢᠶᠠᠷᠤᠭᠴᠢ ᠶᠢᠨ ᠠᠵᠢᠯ ᠢ ᠭᠠᠷᠳᠠᠨ ᠭᠢᠪᠡ᠃ ᠡᠨ᠋ᠨ ᠬᠤᠭᠤᠴᠠᠭᠠᠨ ᠳᠤ ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠠᠷ ᠰᠤᠩᠭᠤᠭᠳᠠᠵᠤ ᠱᠠᠩᠨᠠᠯ ᠤᠯᠵᠤ ᠦᠡᠭᠭᠡᠷᠡᠪᠡ᠃ | 1975 ᠤᠨ ᠠᠴᠠ 1980 ᠤᠨ ᠤ 10 ᠰᠠᠷᠠ ᠭᠦᠷᠳᠡᠯᠡ ᠤᠳᠤᠭ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠵᠤᠭᠢᠶᠠᠨ ᠪᠠᠶᠢᠭᠤᠯᠬᠤ ᠭᠡᠯᠳᠡᠰ ᠲᠤ | ᠠᠵᠢᠯᠯᠠᠪᠠ᠃ | 1980 ᠤᠨ ᠳᠤ ᠤᠤᠯ ᠤᠨ ᠤᠳᠤᠭ ᠬᠤᠰᠢᠭᠤ ᠶᠢ ᠤᠳᠤᠭ ᠬᠤᠰᠢᠭᠤ ᠪᠤᠯᠤᠨ ᠤᠳᠤᠭ ᠤᠨ ᠡᠮᠤᠨᠡᠳᠥ ᠬᠤᠰᠢᠭᠤ ᠭᠡᠵᠤ ᠬᠤᠶᠠᠷ ᠬᠤᠰᠢᠭᠤ ᠪᠤᠯᠭᠠᠨ | ᠬᠤᠪᠢᠶᠠᠬᠤ ᠳᠤ ᠤᠳᠤᠭ ᠤᠨ ᠡᠮᠤᠨᠡᠳᠥ ᠬᠤᠰᠢᠭᠤᠨ ᠤ ᠵᠤᠭᠢᠶᠠᠨ ᠪᠠᠶᠢᠭᠤᠯᠬᠤ ᠭᠡᠯᠳᠡᠰ ᠲᠤ ᠬᠤᠪᠢᠶᠠᠭᠳᠠᠨ ᠠᠵᠢᠯᠯᠠᠪᠠ᠃ | 1983 ᠤᠨ ᠠᠴᠠ 1994 ᠤᠨ ᠤ 10 ᠰᠠᠷᠠ ᠪᠤᠯᠳᠠᠯᠠ ᠤᠳᠤᠭ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠠᠯᠪᠠᠨ ᠭᠡᠷ ᠲᠤ ᠨᠢᠭᠤᠴᠠ ᠪᠢᠴᠢᠭ | ᠮᠠᠲ᠋ᠧᠷᠢᠶᠠᠯ ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠭᠢᠵᠤ ᠲᠡᠳ᠋ ᠰᠠᠯᠠᠭᠠᠨ ᠲᠡᠰ ᠤᠨ ᠲᠤᠰᠢᠶᠠᠯ ᠲᠠᠢ ᠪᠤᠯᠪᠠ᠃ | ᠤᠶᠤᠨᠠ ᠠᠵᠢᠯ ᠤᠨ ᠴᠢᠯᠦᠭᠡᠨ ᠳᠡᠭᠡᠨ ᠪᠠᠭᠠ ᠳᠤ ᠴᠡᠭᠡᠵᠢᠯᠡᠵᠤ ᠪᠠᠶᠢᠭᠰᠠᠨ ᠤᠨᠢᠰᠤᠭᠠ᠂ ᠦᠯᠢᠭᠡᠷ ᠲᠤᠮᠤᠭ ᠶᠠᠷᠢᠶᠠ ᠨᠤᠭᠤᠳ ᠢ ᠡᠮᠭᠢᠳᠭᠡᠨ ᠪᠢᠴᠢᠵᠤ ︽ | ᠲᠠᠯᠠᠢ ᠯᠠᠮᠨ ᠶᠢᠨ ᠰᠠᠭᠤᠭᠰᠠᠨ ᠬᠠᠰᠠᠭ ᠤᠨ ᠮᠦᠷ︾ ᠭᠡᠭᠦ ᠤᠬᠤᠷ ᠲᠤᠮᠤᠭ ᠶᠠᠷᠢᠶᠠ ᠪᠠᠨ 1984 ᠤᠨ ᠳᠤ ᠤᠳᠤᠭ ᠬᠤᠰᠢᠭᠤᠨ ᠤ ︽ᠤᠷᠠᠨ ᠲᠦᠰᠢ︾ | ᠰᠡᠳᠭᠦᠯ ᠤᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠ ᠳᠤ ᠨᠡᠶᠢᠳᠡᠯᠡᠭᠦᠯᠵᠤ᠂ ᠶᠡᠷᠡᠭᠡᠳ ᠤᠨ ᠠᠴᠠ ᠡᠭᠢᠯᠡᠵᠤ ᠦᠷᠭᠦᠯᠵᠢ ᠲᠤᠪᠴᠢ ᠮᠡᠳᠡᠭᠡ ᠪᠢᠴᠢᠵᠤ᠂ ᠤᠷᠳᠤᠰ ᠪᠠ ᠦᠪᠦᠷ | ᠮᠤᠩᠭᠤᠯ ᠤᠨ ᠰᠤᠨᠢᠨ ᠳᠤ ᠤᠯᠠᠨ ᠤᠳᠠᠭᠠ ᠨᠡᠶᠢᠳᠡᠯᠡᠭᠳᠡᠵᠤ ᠪᠠᠶᠢᠭᠰᠠᠨ ᠲᠤᠯᠨ ᠦᠪᠦᠷ ᠮᠤᠩᠭᠤᠯ ᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠬᠤᠷᠢᠶᠠ ᠠᠴᠠ ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢ | ᠪᠠᠷ ᠱᠠᠩᠨᠠᠨ ᠭᠦᠭᠢᠭᠦᠯᠵᠤ ᠦᠡᠭᠭᠡᠷᠡᠪᠡ᠃ | ᠤᠶᠤᠨᠠ ᠶᠢᠨ ᠨᠠᠭᠠᠴᠤ ᠡᠮᠡᠭᠡ ᠨᠢ ᠤᠷᠳᠤ ᠶᠢᠨ ᠲᠠᠭᠤᠤ ᠶᠢ ᠰᠠᠶᠢᠬᠠᠨ ᠲᠠᠭᠤᠯᠠᠳᠠᠭ ᠭᠦᠮᠦᠨ ᠪᠠᠶᠢᠵᠠᠢ᠃ ᠲᠡᠷᠨ ᠱᠠᠯᠠᠨ ᠭᠡᠷ ᠤᠨ ᠢᠶᠠᠨ ᠡᠭᠡᠭ ᠲᠤ | ᠰᠠᠭᠤᠴᠢᠭᠠᠳ᠂ ᠦᠢᠯᠨ ᠤᠳᠠᠰᠤ ᠪᠠᠨ ᠤᠶᠤᠵᠤ᠂ ︽ᠬᠤᠨᠢᠨ ᠴᠠᠭᠠᠨ ᠪᠠᠶᠢᠰᠢᠩ︾᠂ ︽ᠰᠠᠭᠯᠠᠭᠠᠷ ᠽᠠᠨᠳᠠᠨ ᠮᠤᠳᠤ︾ ᠭᠡᠭᠦ ᠮᠡᠳᠥ ᠶᠢᠨ ᠤᠷᠳᠤ ᠶᠢᠨ ᠲᠠᠭᠤᠤ | ᠶᠢ ᠤᠷᠠᠨ ᠵᠦᠭᠡᠯᠡᠨ ᠬᠤᠭᠤᠯᠠᠢ ᠪᠠᠷ ᠤᠶᠠᠰᠳᠠᠯᠠ ᠲᠠᠭᠤᠯᠠᠬᠤ ᠶᠢ ᠦᠷᠭᠦᠯᠵᠢ ᠰᠤᠨᠤᠰᠴᠤ᠂ ᠲᠡᠭᠦᠨ ᠤ ᠠᠩᠬᠠᠷᠤᠯ ᠢ ᠤᠨᠴᠠ ᠲᠠᠳᠠᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠲᠡᠭᠦᠨ ᠤ ᠠᠪᠤ ᠨᠢ ᠴᠤ ᠤᠷᠳᠤᠰ ᠠᠷᠠᠳ ᠤᠨ ᠲᠠᠭᠤᠤ ᠶᠢ ᠠᠷᠪᠢᠨ ᠮᠡᠳᠡᠳᠡᠭ ᠪᠦᠭᠡᠳ ᠬᠤᠨᠢ ᠮᠠᠯ ᠳᠠᠭᠠᠨ ᠶᠠᠪᠤᠭᠰᠠᠨ ᠴᠤ ᠲᠡᠷᠨ᠂ ᠬᠤᠷᠢᠮ ᠨᠠᠶᠢᠷ ᠤᠨ ᠭᠠᠵᠠᠷ | ᠤᠴᠢᠭᠰᠠᠨ ᠴᠤ ᠲᠡᠷᠨ᠂ ᠬᠤᠭᠤᠷ ᠭᠦᠭᠵᠢᠮ ︵ᠭᠤᠷᠪᠠᠨ ᠤᠳᠠᠰᠤᠳᠤ ᠭᠦᠭᠵᠢᠮ᠂ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ᠂ ᠯᠢᠩᠪᠤ ᠵᠡᠷᠭᠡ ᠶᠢ ᠭᠦᠭᠵᠢᠮᠳᠡᠵᠤ ᠪᠦᠷ | ᠴᠢᠳᠠᠨᠠ︶ ᠢᠶᠠᠨ ᠪᠠᠷᠢᠵᠤ ︽ᠡᠵᠡᠨ ᠪᠤᠭᠳᠠ ᠶᠢᠨ ᠬᠤᠶᠠᠷ ᠵᠠᠭᠠᠯ︾᠂ ︽ᠲᠠᠯᠠ ᠲᠤᠭᠤᠢ ᠰᠠᠷᠨ︾ ᠭᠡᠭᠦ ᠮᠡᠳᠥ ᠶᠢᠨ ᠲᠠᠭᠤᠤ ᠶᠢ ᠭᠦᠡᠭᠭᠢᠨᠡᠮᠡ ᠰᠠᠶᠢᠬᠠᠨ | ᠲᠠᠭᠤᠯᠠᠵᠤ᠂ ᠭᠦᠮᠦᠨ ᠪᠦᠭᠦᠨ ᠤ ᠪᠠᠭ᠋ᠠᠷᠤᠯ ᠢ ᠲᠠᠳᠠᠭᠰᠠᠨ ᠲᠠᠭᠤᠴᠢᠨ ᠪᠦᠭᠡᠳ ᠨᠠᠶᠢᠷᠴᠢᠨ ᠭᠦᠮᠦᠨ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ | ᠤᠶᠤᠨᠠ᠂ ᠨᠠᠭᠠᠴᠤ ᠡᠮᠡᠭᠡ ᠪᠤᠯᠤᠨ ᠠᠪᠤ ᠪᠠᠨ ᠶᠡᠭᠡᠳᠡ ᠪᠠᠭ᠋ᠠᠷᠤᠨ ᠪᠢᠰᠢᠷᠡᠳᠡᠭ᠂ ᠨᠢᠭᠡ ᠡᠳᠦᠷ ᠠᠪᠤ ᠠᠴᠠ ᠪᠠᠨ᠄ ︽ᠠᠪᠤ ᠡ︕ ᠲᠠ ᠶᠠᠭᠠᠭᠢᠭᠠᠳ ᠡᠶᠢᠮᠤ | ᠰᠠᠶᠢᠬᠠᠨ ᠲᠠᠭᠤᠯᠠᠭᠠᠳ ᠴᠢᠳᠠᠴᠢᠬᠠᠭᠰᠠᠨ ᠪᠤᠢ︖︾ ᠭᠡᠵᠤ ᠭᠠᠶᠢᠬᠠᠨ ᠠᠰᠠᠭᠤᠬᠤ ᠳᠤ ᠠᠪᠤ ᠨᠢ᠄ ︽ᠭᠡᠯᠡᠪᠡᠯ ᠦᠭᠡ ᠤᠷᠳᠤ ᠡ᠂ ᠪᠢ ᠡᠪᠦᠭᠡ ᠠᠪᠤ ᠠᠴᠠ ᠴᠢᠨᠢ | ᠰᠤᠷᠤᠭᠰᠠᠨ ᠶᠤᠮ᠂ ᠡᠪᠦᠭᠡ ᠴᠢᠨᠢ ᠠᠳᠤᠭᠤᠨ ᠳᠠᠭᠠᠨ ᠶᠠᠪᠤᠵᠤ᠂ ᠠᠡᠭ ᠭᠦᠷᠦᠭᠡ ᠭᠢᠭᠦ ᠳᠤ ᠦᠷᠭᠦᠯᠵᠢ ᠨᠠᠳᠠ ᠶᠢ ᠲᠠᠭᠠᠭᠤᠯᠵᠤ᠂ ᠲᠤᠵᠢ ᠶᠢᠨ ᠰᠢᠯᠢ ᠶᠢᠨ ᠤᠷᠤᠢ | ᠳᠤ ᠭᠦᠷᠪᠡᠯ ᠠᠳᠤᠭᠤ ᠪᠠᠨ ᠪᠠᠷᠠᠭᠠᠯᠠᠵᠤ᠂ ᠠᠮᠠᠷᠴᠤ ᠰᠠᠭᠤᠳᠠᠭ ᠶᠤᠮ᠂ ᠲᠤᠵᠢ ᠶᠢᠨ ᠰᠢᠯᠢ ᠪᠤᠯ ᠡᠵᠡᠨ ᠴᠢᠩᠭᠢᠰ ᠤᠨ ᠬᠤᠶᠠᠷ ᠵᠠᠭᠠᠯ ᠤᠨ ᠪᠡᠯᠴᠢᠭᠡᠷ ᠶᠤᠮ ᠡ᠂ | ᠡᠨ᠋ᠨ ᠲᠤᠬᠠᠢ ᠨᠠᠳᠠ ᠤᠯᠠᠨ ᠦᠯᠢᠭᠡᠷ ᠲᠤᠮᠤᠭ ᠢ ᠶᠠᠷᠢᠵᠤ ᠦᠭᠳᠡᠭ ᠪᠦᠭᠡᠳ ᠲᠠᠭᠤᠤ ᠶᠢ ᠨᠢ ᠲᠠᠭᠤᠯᠠᠨ ᠰᠠᠭᠤᠳᠠᠭ ᠪᠠᠶᠢᠭᠰᠠᠨ᠂ ᠤᠳᠤ ᠶᠢᠨ ᠮᠠᠨ ᠤ ᠲᠠᠭᠤᠯᠠᠵᠤ | ᠪᠠᠶᠢᠬᠤ ᠲᠠᠭᠤᠤ ᠪᠤᠯ ᠪᠦᠷ ᠮᠠᠨ ᠤ ᠦᠨᠳᠦᠰᠦᠳᠡᠨ ᠤ ᠠᠮᠢᠳᠤᠷᠠᠯ ᠲᠤᠮᠳᠠᠭᠢ ᠪᠤᠳᠠᠳᠤ ᠤᠴᠢᠷ ᠤᠳ ᠶᠤᠮ ᠰᠢᠤ᠂ ᠡᠨ᠋ᠨ ᠪᠤᠯ ᠮᠠᠨ ᠤ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ᠂ | ᠲᠡᠦᠭᠡ᠂ ᠭᠡᠦᠭᠡ ᠡ︕ ᠡᠨ᠋ᠨ ᠭᠦ ᠢᠵᠠᠭᠤᠷ ᠰᠤᠶᠤᠯ᠂ ᠲᠡᠦᠭᠡ ᠪᠠᠨ ᠦᠶᠡ ᠶᠢᠨ ᠦᠶᠡ ᠪᠠᠷ ᠵᠠᠯᠭᠠᠮᠵᠢᠯᠠᠨ ᠭᠦᠭᠵᠢᠭᠦᠯᠵᠤ᠂ ᠢᠷᠡᠭᠡᠳᠦᠢ ᠳᠤ ᠡᠭᠡ ᠤᠷᠤᠨ᠂ | ᠤᠯᠤᠰ ᠦᠨᠳᠦᠰᠦᠳᠡᠨ ᠳᠡᠭᠡᠨ ᠨᠢᠭᠡᠨ ᠰᠠᠶᠢᠨ ᠲᠤᠰᠠ ᠲᠠᠢ ᠭᠦᠮᠦᠨ ᠪᠤᠯᠵᠤ ᠶᠠᠪᠤᠬᠤ ᠭᠡᠷᠡᠭᠳᠡᠢ ᠰᠢᠥ︕︾ ᠭᠡᠵᠤ ᠡᠨᠡᠷᠢᠩᠭᠦᠢ ᠬᠠᠷᠠᠴᠠ ᠪᠠᠷ ᠭᠡᠦᠭᠡᠨ ᠢᠶᠠᠨ | ᠬᠠᠷᠠᠭᠠᠳ ︵ᠰᠢᠷᠳᠡᠭᠡᠳ︶ ᠦᠭᠡ ᠪᠠᠨ ᠲᠠᠰᠤᠯᠪᠠ᠃ | ᠪᠠᠭᠠ ᠶᠢᠨ ᠨᠠᠰᠤᠨ ᠤ ᠤᠭᠤᠷᠠᠭ ᠲᠠᠷᠢᠭᠢᠨ ᠳᠤ ᠨᠢ᠄ ︽ᠪᠢ ᠶᠡᠭᠡ ᠪᠤᠯᠪᠠᠯ ᠨᠠᠭᠠᠴᠤ ᠡᠮᠡᠭᠡ ᠪᠤᠯᠤᠨ ᠠᠪᠤ ᠲᠠᠢ ᠪᠠᠨ ᠠᠳᠠᠯᠢ ᠠᠷᠠᠳ ᠤᠨ ᠲᠠᠭᠤᠤ ᠶᠢ | ᠠᠷᠪᠢᠨ ᠰᠤᠷᠴᠤ᠂ ᠤᠷᠤᠰᠤᠮᠠ ᠰᠠᠶᠢᠬᠠᠨ ᠲᠠᠭᠤᠨ ᠬᠤᠭᠤᠯᠠᠢ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠷ ᠢᠶᠠᠨ ᠪᠤᠰᠤᠳ ᠠᠴᠠ ᠤᠷᠤᠶᠢᠯᠠᠵᠤ᠂ ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠪᠠᠨ | ᠶᠡᠭᠡ ᠤᠶᠢᠯᠡᠰ ᠤᠨ ᠲᠦᠯᠦᠭᠡ ᠭᠡᠶᠢᠮᠤᠷᠢ ᠴᠤᠭᠵᠢᠯ ᠲᠠᠢ ᠭᠡᠶᠢᠰᠭᠦᠯᠵᠤ ᠶᠠᠪᠤᠨᠠ︾ ᠭᠡᠵᠤ ᠪᠤᠳᠤᠳᠠᠭ ᠪᠠᠶᠢᠵᠠᠢ᠃ ᠮᠦᠨ ᠴᠤ ᠨᠠᠭᠠᠴᠤ ᠡᠮᠡᠭᠡ ᠪᠤᠯᠤᠨ ᠠᠪᠤ ᠪᠠᠨ | ᠲᠠᠭᠠᠵᠤ᠂ ᠲᠠᠭᠤᠤ ᠶᠢᠨ ᠠᠶᠠᠰ ᠢ ᠨᠢ ᠭᠡᠨᠭᠰᠢᠳᠡᠭ ᠠᠴᠠ ᠪᠠᠨ ᠲᠠᠭᠠᠭᠠᠳ ᠲᠠᠭᠤᠯᠠᠵᠤ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠳᠠᠭᠠᠨ ᠲᠤᠩ ᠪᠠᠶᠠᠷᠯᠠᠳᠠᠭ ᠪᠠᠶᠢᠪᠠ᠃ ᠬᠤᠵᠢᠮ ᠨᠢ | ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠤᠯᠠᠮ ᠠᠷᠪᠢᠨ ᠲᠠᠭᠤᠤ ᠶᠢ ᠮᠡᠳᠡᠭᠦ ᠪᠤᠯᠵᠤ᠂ ᠲᠠᠭᠤᠯᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨ᠋ᠨ ᠪᠦᠭᠦᠨ ᠨᠢ ᠪᠦᠷ ᠲᠡᠭᠦᠨ ᠤ ᠨᠠᠭᠠᠴᠤ ᠡᠮᠡᠭᠡ | ᠪᠤᠯᠤᠨ ᠠᠪᠤ ᠶᠢᠨ ᠭᠢᠨᠢ ᠦᠭᠭᠦᠭᠰᠡᠨ ᠨᠦᠯᠦᠭᠡ᠂ ᠪᠡᠶᠡ ᠪᠠᠷ ᠢᠶᠠᠨ ᠲᠠᠭᠤᠷᠢᠶᠠᠯ ᠪᠤᠯᠵᠤ ᠵᠢᠭᠠᠨ ᠭᠦᠮᠦᠵᠢᠭᠦᠯᠦᠭᠰᠡᠨ ᠤ ᠠᠴᠢ ᠲᠤᠰᠠ ᠪᠢᠯᠨ᠃ | ᠤᠶᠤᠨᠠ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠤ ᠲᠠᠷᠠᠭᠠ ᠦᠷᠭᠦᠯᠵᠢ ᠤᠯᠠᠨ ᠲᠦᠮᠡᠨᠴᠢ ᠰᠤᠶᠤᠯ ᠤᠷᠠᠯᠢᠭ ᠤᠨ ᠭᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠳᠠᠭ | ᠪᠤᠯᠪᠠ᠃ ᠶᠡᠷᠡᠭᠡᠳ ᠤᠨ ᠤ ᠰᠡᠭᠦᠯᠴᠢ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠤᠷᠳᠤᠨ ᠳᠤ ᠢᠳᠡᠷ ᠨᠠᠰᠤᠳᠠᠶᠢᠴᠤᠳ ᠤᠨ ᠭᠦᠳᠡᠯᠭᠡᠭᠡᠨ ᠤ ᠲᠦᠪ ᠪᠠᠶᠢᠭᠤᠯᠤᠭᠳᠠᠪᠠ᠃ | ᠦᠷᠯᠦᠭᠡ ᠪᠦᠷᠢ ᠪᠡᠶᠡ ᠪᠠᠨ ᠴᠢᠭᠢᠷᠠᠭᠵᠢᠭᠤᠯᠬᠤ ᠭᠦᠮᠦᠰ ᠤᠯᠠᠮ ᠠᠴᠠ ᠤᠯᠠᠮ ᠤᠯᠠᠰᠢᠷᠠᠵᠤ᠂ ᠭᠦᠳᠡᠯᠭᠡᠭᠡᠨ ᠤ ᠲᠦᠷᠦᠯ ᠵᠦᠢᠯ ᠳᠤ ᠶᠠᠩᠭᠠᠷ ᠪᠦᠵᠢᠭ᠂ ᠨᠡᠶᠢᠳᠡ | ᠶᠢᠨ ᠪᠦᠵᠢᠭ ᠪᠠᠶᠢᠪᠠ᠃ ᠰᠡᠭᠦᠯᠳᠡᠵᠤ ︽ᠤᠷᠳᠤᠰ ᠪᠦᠵᠢᠭ︾ ᠢ ᠦᠰᠦᠷᠳᠡᠭ ᠪᠤᠯᠪᠠ᠃ ᠲᠡᠭᠡᠭᠡᠳ ᠪᠠᠰᠠ ᠤᠯᠠᠨ ᠢᠶᠠᠷ ᠢᠶᠠᠨ ᠭᠦᠭᠵᠢᠮ ᠪᠤᠯᠪᠠᠰᠤᠷᠠᠬᠤ ᠨᠢ | ᠪᠤᠯᠪᠠᠰᠤᠷᠠᠵᠤ᠂ ᠲᠠᠭᠤᠤ ᠪᠦᠵᠢᠭ ᠵᠤᠭᠢᠶᠠᠬᠤ ᠨᠢ ᠵᠤᠭᠢᠶᠠᠵᠤ᠂ ᠲᠤᠩ ᠶᠠᠭᠠᠷᠠᠤ ᠪᠤᠯᠪᠠ᠃ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠠᠳᠠᠭᠤᠵᠢᠯᠳᠠᠢ ᠴᠢᠷᠮᠠᠶᠢᠯᠭᠠ ᠪᠠᠷ ᠤᠷᠢᠳ | ᠬᠤᠵᠢᠳ ︽ᠠᠨᠳᠠᠢ ᠪᠦᠵᠢᠭ︾᠂ ︽ᠪᠠᠶᠠᠰᠬᠤᠯᠠᠩᠳᠤ ᠪᠦᠵᠢᠭ︾᠂ ︽ᠮᠤᠷᠢᠳᠠᠨ ᠪᠦᠵᠢᠭ︾᠂ ︽ᠠᠯᠴᠢᠭᠤᠷ ᠪᠦᠵᠢᠭ︾ ᠪᠤᠯᠤᠨ ︽ᠰᠢᠨᠡ ᠵᠤᠤ ᠶᠢᠨ ᠰᠢᠯᠢ | ᠶᠢᠨ ᠪᠠᠭᠠᠳᠤᠷ ᠮᠠᠯᠴᠢᠳ︾ ᠭᠡᠭᠦ ᠲᠠᠭᠤᠤ ᠵᠡᠷᠭᠡ ᠶᠢ ᠦᠪᠡᠷ ᠢᠶᠠᠨ ᠨᠠᠶᠢᠷᠠᠭᠤᠯᠤᠨ ᠵᠤᠭᠢᠶᠠᠵᠤ ᠲᠤᠭᠯᠠᠭᠠᠳ ᠦᠵᠡᠭᠴᠢ ᠤᠯᠠᠨ ᠤ ᠬᠠᠷᠠᠭᠠ ᠶᠢ ᠪᠠᠶᠠᠰᠬᠠᠨ᠂ | ᠠᠩᠬᠠᠷᠤᠯ ᠢ ᠲᠠᠳᠠᠭᠰᠠᠨ ᠪᠠᠶᠢᠨᠠ᠃ | 2004 ᠤᠨ ᠠᠴᠠ ᠤᠳᠤᠭ ᠬᠤᠰᠢᠭᠤᠨ ᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ ᠠᠵᠢᠯᠳᠠᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠮᠤᠩᠭᠤᠯ ᠨᠠᠶᠢᠷ ᠤᠨ | ᠪᠦᠯᠭᠦᠮ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠡᠨ᠋ᠨ ᠪᠦᠯᠭᠦᠮ ᠳᠤ ᠢᠷᠡᠵᠤ ᠪᠦᠯᠭᠦᠮ ᠤᠨ ᠨᠦᠭᠦᠳ ᠲᠠᠢ ᠪᠠᠨ ᠬᠠᠮᠳᠤ ᠦᠨᠳᠦᠰᠦᠳᠡᠨ ᠤ ᠪᠠᠨ ᠲᠠᠭᠤᠤ ᠪᠦᠵᠢᠭ᠂ ᠭᠦᠭᠵᠢᠮ | ᠨᠠᠶᠢᠷ ᠲᠤ ᠢᠳᠡᠪᠭᠢᠳᠡᠢ ᠤᠷᠤᠯᠴᠠᠵᠤ᠂ 2010 ᠤᠨ ᠳᠤ ᠰᠢᠶᠠᠩᠭᠠᠡᠭ ᠳᠤ ᠪᠤᠯᠤᠭᠰᠠᠨ ᠤᠯᠠᠨ ᠤᠯᠤᠰ ᠤᠨ ᠨᠠᠰᠤᠳᠠᠶᠢᠴᠤᠳ ᠤᠨ ᠲᠠᠭᠤᠨ ᠤ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠭᠠᠳ ᠬᠠᠮᠳᠤ ᠪᠠᠷ ᠢᠶᠠᠨ ᠬᠠᠮᠤᠭ ᠤᠨ ᠲᠡᠭᠡᠳᠥ ︽ᠮᠠᠨᠳᠠᠷᠸᠠ︾ ᠨᠡᠷᠡᠮᠵᠢᠳᠥ ᠠᠯᠳᠠᠨ ᠱᠠᠩ ᠢ ᠲᠤᠰᠴᠤ᠂ ᠦᠨᠳᠦᠰᠦᠳᠡᠨ ᠤ ᠪᠠᠨ ᠢᠵᠠᠭᠤᠷ ᠰᠤᠶᠤᠯ | ᠤᠷᠠᠯᠢᠭ ᠤᠷᠳᠤ ᠶᠢᠨ ᠲᠠᠭᠤᠤ ᠪᠠᠨ ᠤᠷᠤᠨ ᠨᠤᠳᠤᠭ ᠠᠴᠠ ᠪᠠᠨ ᠠᠯᠬᠤᠮ ᠭᠠᠷᠴᠤ᠂ ᠪᠦᠭᠦ ᠤᠯᠤᠰ᠂ ᠲᠡᠯᠡᠭᠡᠢ ᠳᠤ ᠬᠠᠨᠭ᠍ᠭᠢᠨᠠᠭᠤᠯᠤᠨ ᠰᠤᠨᠤᠷᠳᠠᠭᠤᠯᠵᠤ ᠴᠢᠳᠠᠭᠰᠠᠨ | ᠨᠢ ᠦᠨᠳᠦᠰᠦᠳᠡᠨ ᠤ ᠪᠠᠨ ᠭᠡᠶᠢᠮᠤᠷᠢ ᠰᠦᠯᠳᠡ ᠶᠢ ᠮᠠᠨᠳᠤᠭᠤᠯᠵᠤ ᠶᠠᠪᠤᠭᠰᠠᠨ ᠲᠠᠶᠠᠭᠠᠷ ᠤᠨ ᠬᠠᠮᠳᠤ ᠶᠢᠨ ᠴᠢᠷᠮᠠᠶᠢᠯᠭᠠ ᠪᠦᠭᠡᠳ ᠨᠢᠭᠡᠨ ᠡᠭᠦᠳᠦᠯᠳᠡ᠂ ᠨᠡᠭᠡᠭᠡᠯᠳᠡ | ᠪᠤᠯᠤᠨᠠ᠃ ᠮᠦᠨ ᠴᠤ ᠪᠦᠯᠭᠦᠮ ᠤᠨ ᠨᠦᠭᠦᠳ ᠲᠠᠢ ᠪᠠᠨ ᠬᠠᠮᠳᠤ ᠪᠠᠨ ᠭᠡᠭᠡᠭᠳᠡᠮᠡᠷ ᠪᠤᠯᠵᠤ ᠪᠠᠶᠢᠭᠠ ᠤᠷᠳᠤᠰ ᠠᠷᠠᠳ ᠤᠨ ᠢᠵᠠᠭᠤᠷ ᠲᠠᠭᠤᠤ ᠪᠠᠨ ᠠᠪᠤᠷᠠᠨ | ᠴᠤᠭᠯᠠᠭᠤᠯᠵᠤ᠂ ᠦᠷᠡ ᠬᠤᠶᠢᠴᠢᠰ ᠲᠠᠭᠠᠨ ᠦᠯᠡᠳᠡᠭᠡᠨ ᠦᠭᠭᠦ ᠪᠠᠷ ᠵᠤᠷᠢᠯᠳᠠ ᠪᠠᠨ ᠪᠤᠯᠭᠠᠨ᠂ ᠤᠷᠳᠤᠰ ᠠᠷᠠᠳ ᠤᠨ ᠢᠵᠠᠭᠤᠷ ᠲᠠᠭᠤᠤ ᠶᠢᠨ ᠴᠤᠪᠤᠷᠠᠯ DVD | ᠪᠢᠴᠢᠯᠭᠡ ᠶᠢ ᠭᠤᠷᠪᠠ ᠤᠳᠠᠭᠠ ᠭᠠᠷᠭᠠᠵᠤ ᠲᠠᠷᠬᠠᠭᠠᠭᠰᠠᠨ ᠨᠢ ᠪᠦᠷ ᠠᠯᠤᠰ ᠭᠡᠳᠦ ᠶᠢᠨ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠪᠢᠯᠨ᠃ | ᠦᠨᠳᠦᠰᠦᠳᠡᠨ ᠤ ᠪᠠᠨ ᠲᠡᠦᠭᠡ᠂ ᠪᠤᠳᠠᠰ ᠤᠨ ᠪᠤᠰᠤ ᠢᠵᠠᠭᠤᠷ ᠰᠤᠶᠤᠯ ᠤᠨ ᠦᠪ ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠬᠠᠮᠠᠭᠠᠯᠠᠵᠤ᠂ ᠭᠦᠭᠵᠢᠭᠦᠯᠦᠨ ᠶᠠᠪᠤᠬᠤ ᠨᠢ ᠮᠠᠨ ᠤ | ᠢᠰᠡᠭᠡᠢ ᠲᠤᠭᠤᠷᠭᠠᠳᠠᠨ ᠪᠦᠭᠦᠨ ᠤ ᠲᠠᠷᠬᠠᠨ ᠡᠭᠦᠷᠭᠡ ᠪᠢᠯᠨ᠃ | ᠢᠷᠡᠭᠡᠳᠦᠢ ᠪᠤᠯ ᠭᠡᠭᠡᠨ ᠰᠠᠷᠠᠭᠤᠯ᠂ ᠮᠠᠨ ᠤ ᠦᠷᠡ ᠬᠤᠶᠢᠴᠢᠰ ᠶᠠᠭ ᠬᠤᠷᠠ ᠶᠢᠨ ᠲᠠᠷᠠᠭᠠᠭᠢ ᠬᠤᠯᠤᠰᠤᠨ ᠰᠤᠶᠤᠭᠠ ᠮᠡᠳᠥ ᠴᠤᠯᠭᠤᠷᠠᠨ ᠭᠠᠷᠴᠤ᠂ ᠦᠰᠦᠨ | ᠭᠦᠮᠦᠵᠢᠭᠳᠡᠵᠤ ᠪᠠᠶᠢᠭᠠ ᠶᠤᠮ᠂ ᠦᠨᠳᠦᠰᠦᠳᠡᠨ ᠤ ᠪᠠᠨ ᠲᠡᠦᠭᠡ᠂ ᠢᠵᠠᠭᠤᠷ ᠰᠤᠶᠤᠯ ᠤᠨ ᠦᠪ ᠢᠶᠠᠨ ᠡᠷᠭᠢᠮᠯᠡᠨ ᠲᠡᠭᠡᠳᠦᠯᠡᠵᠤ᠂ ᠤᠯᠤᠰ ᠭᠦᠷᠦᠨ ᠦᠨᠳᠦᠰᠦᠳᠡᠨ | ᠤ ᠪᠠᠨ ᠮᠠᠨᠳᠤᠨ ᠴᠡᠴᠡᠭᠯᠡᠭᠦ ᠠᠤᠭᠠ ᠦᠢᠯᠡᠰ ᠤᠨ ᠲᠦᠯᠦᠭᠡ ᠡᠭᠦᠷᠢᠳᠡ ᠤᠨᠳᠠᠷᠠᠰᠢ ᠦᠭᠡᠢ ᠠᠰᠢᠳᠠ ᠶᠢᠨ ᠨᠠᠷᠨ ᠮᠡᠳᠥ ᠭᠢᠯᠠᠷᠠᠭᠤᠯᠵᠤ ᠶᠠᠪᠤᠵᠠᠭᠠᠶᠠ᠃ |