| ᠠᠷᠪᠢᠨ᠂ ᠡᠷᠡᠭᠲᠡᠶ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ 1952 ᠣᠨ ᠤ 10 ᠰᠠᠷᠠ ᠳᠤ ᠳᠦᠷᠦᠵᠡᠶ᠂ ᠨᠠᠮ ᠪᠤᠰᠤ᠂ ᠣᠲᠤᠭ ᠬᠤᠰᠢᠭᠤᠨ ᠤ ᠴᠢ ᠫᠠᠨ ᠵᠢᠩ | ᠪᠠᠯᠭᠠᠰᠤᠨ ᠤ ᠠᠶᠢᠯ ᠨᠡᠶᠢᠭᠡᠮ ᠲᠣᠭᠤᠷᠢᠭ ᠤᠨ ᠰᠠᠭᠤᠭᠠᠯᠢ ᠠᠷᠠᠳ᠂ 2018 ᠣᠨ ᠤ ︽ᠣᠷᠳᠣᠰ ᠤᠨ ᠰᠠᠶᠢᠨ ᠬᠥᠮᠦᠨ︾᠂ 2020 ᠣᠨ ᠤ ︽ᠥᠪᠥᠷ | ᠮᠣᠩᠭᠤᠯ ᠤᠨ ᠰᠠᠶᠢᠨ ᠬᠥᠮᠦᠨ︾ ᠢᠶᠠᠷ ᠦᠨᠡᠯᠡᠭᠳᠡᠵᠦ ᠥᠩᠭᠡᠷᠡᠵᠡᠶ᠃ | ᠶᠠᠩᠬᠢᠷ ᠯᠤᠭᠠ ᠶᠢᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ | 2010 ᠣᠨ ᠤ ᠬᠠᠪᠤᠷ᠂ ᠵᠢᠷᠤᠭ ᠰᠡᠭᠦᠳᠡᠷᠯᠡᠬᠦ ᠳᠤ ᠪᠠᠬᠠ ᠲᠠᠢ ᠠᠷᠪᠢᠨ ᠨᠠᠰᠤᠲᠠᠨ ᠬᠡᠷ ᠠᠴᠠ ᠪᠠᠨ ᠠᠷᠪᠠᠨ ᠬᠡᠳᠦᠨ ᠺᠢᠯᠣᠮᠧᠲᠷ ᠵᠠᠶᠢᠲᠠᠶ ᠬᠠᠷᠠᠩᠭᠤᠢ | ᠶᠢᠨ ᠠᠭᠤᠯᠠᠨ ᠳᠤ ᠬᠡᠷᠡᠯ ᠵᠢᠷᠤᠭ ᠰᠡᠭᠦᠳᠡᠷᠯᠡᠬᠦ ᠳᠡᠭᠡᠨ ᠰᠠᠨᠠᠮᠰᠠᠷ ᠥᠬᠡᠶ ᠪᠠᠷ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠭᠤᠤᠯᠳᠠᠯᠭᠠ ᠲᠠᠢ ᠬᠠᠮᠠᠭᠠᠯᠠᠬᠤ ᠠᠮᠢᠲᠠᠨ | ᠶᠠᠩᠬᠢᠷ ᠢ ᠵᠢᠷᠤᠭᠯᠠᠵᠠᠶ᠃ ᠲᠡᠷᠡ ᠮᠠᠰᠢ ᠪᠠᠶᠠᠷᠯᠠᠵᠤ᠂ ᠳᠣᠭᠳᠣᠯᠤᠭᠰᠠᠨ ᠰᠡᠳᠬᠢᠯᠭᠡ ᠪᠠᠨ ᠳᠠᠷᠤᠵᠤ ᠶᠠᠳᠠᠨ ᠬᠥᠭᠰᠡᠵᠦ᠂ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠶᠠᠩᠬᠢᠷ ᠲᠠᠢ | ᠰᠠᠯᠤᠰᠢ ᠥᠬᠡᠶ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠣᠯᠵᠠᠶ᠃ | ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠠᠢ ᠤᠰᠤ ᠬᠦᠷᠭᠡᠬᠦ ᠵᠠᠮ | ᠰᠠᠨᠠᠮᠰᠠᠷ ᠦᠭᠡᠢ ᠪᠠᠷ ᠶᠠᠩᠬᠢᠷ ᠣᠯᠵᠤ ᠬᠠᠷᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠲᠡᠷᠡ ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠪᠠᠷ ᠶᠠᠩᠭᠢᠷ ᠢ ᠮᠥᠷᠳᠡᠨ ᠰᠡᠭᠦᠳᠡᠷᠯᠡᠬᠦ ᠪᠤᠯᠵᠠᠢ᠃ ᠪᠠᠶᠢᠩᠭᠤ | ᠰᠡᠭᠦᠳᠡᠷᠯᠡᠳᠡᠭ ᠪᠤᠯᠬᠤᠷ ᠠᠷᠪᠢᠨ ᠡᠮᠡ ᠶᠠᠩᠭᠢᠷ ᠤᠨ ᠭᠥᠭᠦᠭᠦᠯᠬᠦ ᠬᠤᠭᠤᠴᠠᠭᠠᠨ ᠤ ᠰᠦ ᠨᠢ ᠪᠠᠷᠤᠭᠲᠠᠢ᠂ ᠢᠰᠢᠭᠡ ᠨᠢ ᠦᠷᠭᠦᠯᠵᠢ ᠴᠠᠳᠬᠤ ᠥᠬᠡᠶ ᠪᠠᠶᠢᠬᠤ ᠶᠢ | ᠮᠡᠳᠡᠪᠡ᠃ ᠠᠵᠢᠭᠯᠠᠵᠤ ᠪᠠᠶᠢᠪᠠᠯ ᠠᠭᠤᠯᠠᠨ ᠳᠣᠲᠣᠷᠠ ᠭᠠᠩ ᠬᠠᠭᠤᠷᠠᠶ ᠤᠰᠤ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠪᠣᠯᠵᠣ ᠶᠠᠩᠭᠢᠷ ᠢᠮᠠᠭᠠᠨ ᠤ ᠰᠦ ᠨᠢ ᠪᠠᠭᠠ ᠪᠣᠯᠤᠭᠰᠠᠨ | ᠭᠡᠵᠦ ᠪᠤᠳᠤᠭᠠᠳ ᠶᠠᠩᠬᠢᠷ ᠲᠤ ᠤᠰᠤ ᠬᠦᠷᠭᠡᠬᠦ ᠪᠣᠳᠣᠯ ᠣᠷᠣᠵᠠᠶ᠃ | ᠤᠰᠤ ᠬᠦᠷᠭᠡᠬᠦ ᠭᠡᠪᠡᠯ ᠶᠠᠩᠬᠢᠷ ᠢᠮᠠᠭᠠ ᠶᠢᠨ ᠤᠰᠤ ᠤᠤᠭᠤᠬᠤ ᠳᠤ ᠲᠣᠬᠢᠷᠠᠮᠵᠢᠲᠠᠶ ᠭᠠᠵᠠᠷ ᠢ ᠡᠷᠢᠵᠦ ᠤᠯᠬᠤ ᠬᠡᠷᠡᠭᠲᠡᠶ᠂ ᠠᠷᠪᠢᠨ ᠠᠭᠤᠯᠠ ᠬᠠᠳᠠ ᠪᠠᠷ | ᠲᠤᠭᠤᠷᠢᠵᠤ ᠪᠠᠶᠢᠭᠠᠳ ᠨᠢᠭᠡᠨ ᠭᠦᠢᠬᠡᠨ ᠰᠢᠭ ᠬᠠᠳᠠᠨ ᠬᠤᠩᠭᠢᠯ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ᠂ ᠤᠰᠤ ᠬᠠᠳᠠᠭᠠᠯᠠᠬᠤ ᠳᠤ ᠲᠣᠬᠢᠷᠠᠮᠵᠢᠲᠠᠶ ᠪᠣᠯᠬᠤᠷ ᠶᠠᠩᠬᠢᠷ ᠲᠤ ᠤᠰᠤ | ᠬᠦᠷᠭᠡᠬᠦ ︽ᠠᠵᠢᠯ︾ ᠢᠶᠠᠨ ᠬᠢᠵᠦ ᠡᠬᠢᠯᠡᠵᠡᠶ᠃ ᠠᠩᠬᠠᠨ ᠳᠤ ᠪᠠᠨ ᠠᠷᠪᠢᠨ ᠳᠠᠮᠨᠠᠭᠤᠷ ᠢᠶᠠᠷ ᠬᠤᠷᠢᠨ ᠵᠢᠩ ᠤᠨ ᠤᠰᠤᠨ ᠰᠠᠭᠤᠯᠠᠭᠠ ᠳᠠᠮᠨᠠᠵᠤ ᠠᠭᠤᠯᠠᠨ ᠬᠤᠷᠮᠣᠶ | ᠠᠴᠠ ᠠᠭᠤᠯᠠᠨ ᠣᠷᠣᠶ ᠳᠤ ᠠᠪᠠᠷᠢᠵᠤ ᠭᠠᠷᠳᠠᠭ ᠪᠠᠶᠢᠵᠠᠢ᠂ ᠠᠭᠤᠯᠠᠨ ᠵᠠᠮ ᠢᠶᠠᠷ ᠶᠡᠭᠡ ᠪᠠᠭᠠ ᠴᠢᠯᠠᠭᠤ ᠤᠯᠠᠨ᠂ ᠬᠦᠳᠦᠭᠦᠷ ᠬᠤᠳᠤᠭᠤᠷ ᠨᠠᠷᠢᠨ ᠵᠥᠷᠢᠭ ᠢᠶᠠᠷ 60 | ᠨᠠᠰᠤ ᠶᠢ ᠬᠡᠲᠦᠯᠵᠦ ᠶᠠᠪᠤᠭᠠ ᠠᠷᠪᠢᠨ ᠨᠠᠰᠤᠲᠠᠨ ᠨᠡᠯᠢᠶᠡᠳ ᠭᠦᠴᠢᠷᠳᠡᠵᠦ᠂ ᠵᠠᠭᠤᠭᠠᠳ ᠠᠯᠬᠤᠮ ᠶᠠᠪᠤᠬᠤ ᠪᠦᠷᠢ ᠲᠠᠪᠤᠨ ᠮᠢᠨᠦ᠋ᠲ ᠰᠠᠭᠤᠵᠤ ᠠᠮᠠᠷᠠᠨᠠ᠂ | ᠳᠠᠬᠢᠭᠠᠳ ᠰᠠᠭᠤᠯᠠᠭᠠ ᠲᠠᠢ ᠤᠰᠤ ᠪᠠᠨ ᠲᠠᠮᠨᠠᠵᠤ ᠦᠷᠭᠦᠯᠵᠢᠯᠡᠨ ᠳᠡᠭᠡᠭᠰᠢ ᠠᠪᠠᠷᠢᠨᠠ᠂ ᠠᠭᠤᠯᠠᠨ ᠬᠤᠷᠮᠣᠶ ᠠᠴᠠ ᠠᠭᠤᠯᠠᠨ ᠣᠷᠣᠶ ᠳᠡᠭᠡᠷᠡ ᠭᠠᠷᠲᠠᠯᠠ ᠬᠠᠭᠠᠰ | ᠴᠠᠭ ᠢᠯᠡᠭᠦᠦ ᠵᠠᠷᠤᠴᠠᠭᠤᠯᠳᠠᠭ ᠪᠠᠶᠢᠵᠠᠢ᠃ | ᠳᠠᠮᠨᠠᠭᠤᠷ ᠢᠶᠠᠷ ᠤᠰᠤ ᠳᠠᠮᠨᠠᠵᠤ ᠠᠭᠤᠯᠠᠨ ᠳᠤ ᠭᠠᠷᠭᠠᠬᠤ ᠳᠤ᠂ ᠰᠠᠭᠤᠯᠠᠭᠠ ᠠᠮᠠᠷᠬᠠᠨ ᠰᠠᠵᠢᠯᠠᠨ ᠬᠠᠳᠠ ᠴᠢᠯᠠᠭᠤ ᠲᠠᠢ ᠮᠥᠷᠭᠦᠵᠦ᠂ ᠤᠰᠤ ᠨᠢ | ᠠᠰᠬᠠᠭᠳᠠᠨᠠ᠂ ᠶᠡᠭᠡ ᠰᠠᠯᠬᠢᠨ ᠲᠠᠢ ᠪᠤᠯ ᠰᠠᠭᠤᠯᠠᠭᠠ ᠨᠢ ᠨᠡᠩ ᠠᠮᠠᠷᠬᠠᠨ ᠰᠠᠵᠢᠯᠠᠵᠤ᠂ ᠤᠰᠤ ᠨᠢ ᠴᠦ ᠨᠡᠩ ᠢᠯᠡᠭᠦᠦ ᠠᠰᠬᠠᠭᠳᠠᠳᠠᠭ᠃ ᠢᠩᠬᠢᠭᠡᠳ ᠠᠷᠪᠢᠨ | ᠰᠠᠭᠤᠯᠠᠭᠠ ᠪᠠᠷ ᠤᠰᠤ ᠵᠥᠭᠡᠭᠡᠬᠦ ᠪᠠᠨ ᠪᠤᠯᠢᠵᠤ᠂ ᠲᠠᠭᠯᠠᠭᠠ ᠲᠠᠢ ᠤᠰᠤᠨ ᠰᠠᠭᠤᠯᠠᠭᠠ ᠶᠢ ᠬᠤᠶᠠᠷ ᠭᠠᠷᠳᠠᠨ ᠪᠠᠷᠢᠵᠤ ᠠᠭᠤᠯᠠᠨ ᠳᠤ ᠭᠠᠷᠭᠠᠳᠠᠭ ᠪᠤᠯᠪᠠ᠃ ᠠᠰᠬᠠ | ᠬᠠᠳᠠ᠂ ᠭᠦᠨ ᠭᠤᠤ ᠠᠷᠪᠢᠨ ᠨᠠᠰᠤᠲᠠᠨ ᠤ ᠶᠠᠩᠭᠢᠷ ᠤᠰᠤᠯᠠᠬᠤ ᠵᠤᠷᠢᠭ ᠢ ᠮᠤᠬᠤᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠭᠡᠴᠢᠨᠡᠨ ᠤᠳᠠᠭᠠ ᠬᠠᠳᠠ ᠴᠢᠯᠠᠭᠤᠨ ᠳᠤ | ᠲᠡᠭᠡᠭᠡᠭᠯᠡᠭᠳᠡᠵᠦ ᠤᠶᠢᠴᠢᠭᠰᠠᠨ ᠴᠦ᠂ ᠰᠢᠷᠬᠠ ᠰᠤᠷᠪᠢ ᠤᠯᠤᠭᠰᠠᠨ ᠴᠦ᠂ ᠠᠷᠪᠢᠨ ᠨᠠᠰᠤᠲᠠᠨ ᠠᠭᠤᠯᠠᠨ ᠤᠷᠤᠢ ᠳᠤ ᠳᠠᠪᠠᠵᠤ ᠭᠠᠷᠤᠭᠠᠳ ᠡᠭᠦᠷᠴᠦ ᠢᠷᠡᠭᠰᠡᠨ | ᠤᠰᠤ ᠪᠠᠷ ᠢᠶᠠᠨ ᠶᠠᠩᠭᠢᠷ ᠤᠨ ᠰᠦᠷᠦᠭ ᠢ ᠤᠰᠤᠯᠠᠨᠠ᠃ | ᠤᠰᠤ ᠬᠦᠷᠭᠡᠬᠦ ᠵᠠᠮ ᠳᠡᠭᠡᠷᠡ ᠮᠡᠷᠭᠡᠨ ᠠᠷᠭᠠ ᠪᠤᠳᠤᠪᠠ | 2012 ᠣᠨ ᠤ ᠵᠤᠨ ᠪᠣᠯᠲᠠᠯᠠ ᠠᠷᠪᠢᠨ ᠶᠠᠪᠠᠭᠠᠨ ᠢᠶᠠᠷ ᠶᠠᠩᠬᠢᠷ ᠲᠤ ᠤᠰᠤ ᠬᠦᠷᠭᠡᠵᠦ᠂ ᠰᠡᠭᠦᠯᠡᠷ ᠨᠢ ᠨᠠᠰᠤ ᠶᠠᠪᠤᠬᠤ ᠲᠤᠲᠤᠮ ᠶᠡᠭᠡ ᠪᠣᠯᠵᠤ᠂ ᠲᠠᠮᠢᠷ | ᠲᠡᠩᠬᠡᠭᠡ ᠴᠦ ᠠᠭᠠᠵᠢᠮ ᠢᠶᠠᠷ ᠮᠠᠭᠤᠳᠠᠨ᠂ ᠶᠠᠪᠠᠭᠠᠨ ᠢᠶᠠᠷ ᠤᠰᠤ ᠬᠦᠷᠭᠡᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠤᠯᠵᠠᠢ᠃ ᠶᠠᠩᠬᠢᠷ ᠲᠤ ᠦᠷᠭᠦᠯᠵᠢᠯᠡᠨ ᠤᠰᠤ ᠬᠦᠷᠭᠡᠬᠦ ᠶᠢᠨ | ᠲᠥᠯᠥᠭᠡ᠂ ᠲᠡᠷᠡ ᠲᠤᠰᠬᠠᠶᠢᠯᠠᠨ ᠨᠢᠭᠡ ᠠᠭᠤᠯᠠᠨ ᠭᠠᠵᠠᠷ ᠤᠨ ᠮᠣᠲ᠋ᠣᠷ ᠬᠤᠳᠠᠯᠳᠤᠨ ᠠᠪᠴᠤ ᠤᠰᠤ ᠪᠠᠨ ᠠᠴᠢᠵᠤ ᠠᠭᠤᠯᠠᠨ ᠳᠤ ᠭᠠᠷᠪᠠ᠂ ᠡᠨᠡ ᠬᠤᠭᠤᠴᠠᠭᠠᠨ | ᠳᠤ ᠬᠤᠶᠠᠷ ᠮᠤᠲ᠋ᠤᠷ ᠡᠪᠳᠡᠯᠡᠵᠦ᠂ ᠳᠥᠷᠪᠡᠨ ᠲᠣᠰᠣᠨ ᠬᠠᠶᠢᠷᠴᠠᠭ ᠰᠣᠯᠢᠵᠠᠶ᠃ | 2012 ᠣᠨ ᠤ ᠵᠣᠨ ᠤ ᠰᠡᠭᠦᠯᠴᠢ ᠨᠠᠮᠤᠷ ᠤᠨ ᠡᠬᠢ ᠪᠠᠷ᠂ ᠠᠷᠪᠢᠨ ᠤᠰᠤ ᠬᠦᠷᠭᠡᠬᠦ ︽ᠰᠢᠨᠡ ᠠᠷᠭᠠ︾ ᠪᠤᠳᠤᠵᠤ ᠤᠯᠪᠠ᠂ ᠳᠠᠷᠤᠶ ᠬᠤᠭᠤᠯᠠᠶ ᠪᠠᠷ ᠤᠰᠤ | ᠬᠦᠷᠭᠡᠵᠦ᠂ ᠬᠤᠭᠤᠯᠠᠶ ᠶᠢ ᠠᠭᠤᠯᠠᠨ ᠣᠷᠣᠶ ᠠᠴᠠ ᠰᠢᠭᠤᠳ ᠠᠭᠤᠯᠠᠨ ᠭᠤᠤ ᠶᠢᠨ ᠤᠰᠤᠨ ᠨᠦᠬᠡᠨ ᠳᠤ ᠣᠷᠣᠭᠤᠯᠤᠨᠠ᠂ ᠢᠩᠭᠢᠪᠡᠯ ᠡᠳᠦᠷ ᠪᠦᠷᠢ ᠤᠰᠤ ᠶᠢ | ᠠᠭᠤᠯᠠᠨ ᠣᠷᠣᠶ ᠳᠤ ᠲᠠᠲᠠᠵᠤ ᠭᠠᠷᠭᠠᠭᠠᠳ᠂ ᠳᠠᠬᠢᠨ ᠠᠭᠤᠯᠠᠨ ᠣᠷᠣᠶ ᠶᠢᠨ ᠬᠤᠭᠤᠯᠠᠶ ᠪᠠᠷ ᠤᠰᠤ ᠶᠢ ᠬᠠᠳᠠᠨ ᠨᠦᠬᠡᠨ ᠳᠤ ᠳᠠᠮᠵᠢᠭᠤᠯᠪᠠᠯ ᠪᠤᠯᠴᠢᠬᠠᠨᠠ᠃ | ᠤᠰᠤ ᠬᠦᠷᠭᠡᠬᠦ ᠡᠶᠢᠮᠦᠷᠬᠦ ᠠᠷᠭᠠ ᠨᠢ ᠨᠠᠰᠢ ᠴᠠᠰᠢ ᠤᠰᠤ ᠵᠥᠭᠡᠭᠡᠬᠦ ᠴᠢᠬᠤᠯᠠ ᠦᠭᠡᠢ ᠮᠥᠷᠲᠡᠭᠡᠨ ᠤᠰᠤ ᠴᠦ ᠰᠠᠵᠢᠯᠠᠭᠳᠠᠨ ᠠᠰᠬᠠᠭᠳᠠᠬᠤ ᠠᠴᠠ ᠵᠠᠶᠢᠯᠠᠰᠬᠢᠵᠤ | ᠴᠢᠳᠠᠵᠠᠢ᠃ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠬᠤᠭᠤᠯᠠᠶ ᠪᠠᠷ ᠤᠰᠤ ᠬᠦᠷᠭᠡᠬᠦ ᠶᠢᠨ ᠠᠷᠭᠠ ᠥᠬᠡᠶ ᠪᠣᠯᠣᠭᠠᠳ᠂ ᠠᠷᠪᠢᠨ ᠬᠡᠷ ᠲᠡᠭᠡᠨ ᠮᠥᠰᠥ ᠬᠥᠯᠳᠡᠭᠡᠵᠦ᠂ ᠮᠥᠰᠥ ᠶᠢ | ᠬᠡᠮᠬᠡᠯᠦᠭᠰᠡᠨ ᠤ ᠳᠠᠷᠠᠭᠠ ᠳᠠᠬᠢᠨ ᠤᠰᠤᠨ ᠨᠦᠬᠡᠨ ᠳᠤ ᠬᠦᠷᠭᠡᠵᠦ᠂ ᠶᠠᠩᠭᠢᠷ ᠢᠮᠠᠭᠠ ᠮᠥᠰᠥ ᠶᠢ ᠨᠢ ᠢᠳᠡᠳᠡᠭ ᠪᠠᠶᠢᠵᠠᠢ᠃ | ᠬᠠᠷᠠᠮ ᠦᠭᠡᠢ ᠵᠢᠳᠬᠦᠭᠰᠡᠨ ᠴᠦ ᠵᠢᠷᠭᠠᠯᠲᠠᠢ ᠰᠠᠨᠠᠭᠳᠠᠨᠠ | ᠤᠰᠤ ᠪᠠᠨ ᠬᠠᠳᠠᠨ ᠬᠤᠩᠭᠢᠯ ᠳᠤ ᠬᠢᠭᠰᠡᠨ ᠤ ᠳᠠᠷᠠᠭᠠ ᠠᠷᠪᠢᠨ ᠬᠡᠵᠢᠶᠡᠳᠡ ᠤᠰᠤᠨ ᠠᠴᠠ 50 ᠮᠧᠲᠷ ᠵᠠᠶᠢᠲᠠᠶ ᠪᠠᠶᠢᠭᠠ ᠵᠢᠵᠢᠭ ᠴᠢᠯᠠᠭᠤᠨ ᠠᠭᠤᠶ ᠳᠤ | ᠨᠢᠭᠤᠭᠳᠠᠵᠤ᠂ ᠶᠠᠩᠬᠢᠷ ᠢ ᠰᠡᠭᠦᠳᠡᠷᠯᠡᠨ᠂ ᠲᠡᠳᠡᠨ ᠤ ᠦᠶᠯᠡ ᠬᠥᠳᠡᠯᠦᠯ ᠢ ᠠᠵᠢᠭᠯᠠᠵᠤ᠂ ᠠᠮᠢᠳᠤᠷᠠᠯ ᠤᠨ ᠵᠠᠩ ᠠᠷᠠᠨᠰᠢᠨ ᠢ ᠨᠢ ᠣᠶᠢᠯᠠᠭᠠᠳᠠᠭ᠂ ᠡᠨᠡ ᠦᠶᠡ ᠳᠤ | ᠠᠷᠪᠢᠨ ᠬᠠᠮᠤᠭ ᠤᠨ ᠵᠣᠯ ᠵᠢᠷᠭᠠᠯ ᠲᠠᠢ᠂ ᠬᠠᠮᠤᠭ ᠤᠨ ᠪᠠᠶᠠᠷ ᠬᠥᠷ ᠲᠠᠢ ᠪᠠᠶᠢᠳᠠᠭ ᠠᠵᠠᠢ᠃ ᠲᠡᠷᠡ ᠶᠠᠩᠬᠢᠷ ᠢᠮᠠᠭᠠᠳ ᠥᠪᠡᠷ ᠤᠨ ᠬᠢᠨᠢ ᠠᠪᠴᠢᠷᠠᠭᠰᠠᠨ ᠤᠰᠤ ᠶᠢ | ᠲᠠᠭᠠᠲᠠᠢ ᠰᠡᠯᠡᠭᠦᠬᠡᠨ ᠤᠤᠭᠤᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ᠂ ᠶᠠᠭᠠᠬᠢᠵᠤ ᠶᠠᠳᠠᠷᠠᠵᠤ ᠵᠦᠳᠡᠷᠡᠭᠰᠡᠨ ᠢᠶᠠᠨ ᠮᠠᠷᠲᠠᠨ ᠪᠠᠶᠠᠰᠤᠨᠠ᠃ ᠡᠲᠡᠭᠡᠷ ᠵᠢᠯ ᠤᠳ ᠲᠤ ᠲᠡᠷᠡ ᠬᠡᠷᠡᠯ | ᠵᠢᠷᠤᠭ ᠤᠨ ᠮᠠᠰᠢᠨ ᠢᠶᠠᠷ ᠶᠠᠩᠬᠢᠷ ᠤᠨ ᠵᠢᠵᠢᠭ ᠰᠠᠵᠢᠭ ᠵᠦᠶᠯ ᠢ ᠲᠡᠮᠳᠡᠭᠯᠡᠵᠦ᠂ ᠶᠠᠩᠬᠢᠷ ᠢ ᠰᠡᠭᠦᠳᠡᠷᠯᠡᠭᠰᠡᠨ ᠵᠢᠷᠤᠭᠲᠤ ᠳᠡᠪᠲᠡᠷ ᠨᠢ ᠨᠢᠭᠡᠨᠲᠡ 11 ᠳᠡᠪᠲᠡᠷ ᠪᠣᠯᠵᠠᠶ | ᠃ ᠠᠷᠪᠢᠨ᠄ ︽ᠡᠲᠡᠭᠡᠷ ᠬᠤᠪᠣᠷ ᠨᠠᠨᠳᠢᠨ ᠵᠢᠷᠤᠭᠲᠤ ᠳᠡᠪᠲᠡᠷ ᠲᠠᠢ ᠪᠣᠯᠴᠢᠬᠠᠪᠠᠯ᠂ ᠠᠯᠢ ᠨᠢᠭᠡ ᠡᠳᠦᠷ ᠠᠭᠤᠯᠠ ᠠᠪᠠᠷᠢᠵᠤ ᠳᠡᠶᠢᠯᠬᠦ ᠥᠬᠡᠶ ᠪᠣᠯᠪᠠᠯ᠂ ᠬᠡᠷ ᠲᠡᠭᠡᠨ | ᠰᠠᠭᠤᠭᠠᠳ ᠡᠲᠡᠭᠡᠷ ᠵᠢᠷᠤᠭᠲᠤ ᠳᠡᠪᠲᠡᠷ ᠢ ᠤᠷᠪᠠᠭᠤᠯᠵᠤ ᠦᠵᠡᠨᠡ᠂ ᠶᠠᠭ ᠯᠠ ᠥᠪᠡᠷ ᠤᠨ ᠬᠡᠦᠬᠡᠳ ᠢᠶᠠᠨ ᠦᠵᠡᠵᠦ ᠪᠠᠶᠢᠬᠤ ᠰᠢᠭ︾ ᠬᠡᠮᠡᠨ ᠶᠠᠷᠢᠵᠤ ᠪᠠᠶᠢᠯᠠ᠃ | 2010 ᠣᠨ ᠠᠴᠠ ᠤᠳᠤ ᠪᠣᠯᠲᠠᠯᠠ᠂ ᠠᠷᠪᠢᠨ ᠤᠳᠤᠭ ᠬᠤᠰᠢᠭᠤᠨ ᠤ ᠴᠢ ᠫᠠᠨ ᠵᠢᠩ ᠪᠠᠯᠭᠠᠰᠤᠨ ᠤ ᠬᠠᠷᠠᠩᠭᠤᠢ ᠶᠢᠨ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠶᠠᠩᠬᠢᠷ ᠲᠤ | ᠤᠰᠤ ᠬᠦᠷᠭᠡᠵᠦ᠂ 2900 ᠭᠠᠷᠤᠢ ᠡᠳᠦᠷ ᠬᠤᠨᠤᠭ ᠲᠤ ᠰᠠᠯᠬᠢ ᠪᠣᠷᠣᠭᠠᠨ ᠳᠤ ᠰᠠᠭᠠᠲᠠᠯ ᠦᠭᠡᠢ ᠲᠡᠮᠡᠴᠡᠵᠦ᠂ 30000 ᠭᠠᠷᠤᠢ ᠺᠢᠯᠤᠮᠧᠲᠷ ᠠᠶᠠᠯᠠᠪᠠ᠃ | ᠨᠠᠰᠤᠲᠠᠨ ᠤ ᠵᠢᠳᠬᠦᠯ ᠴᠢᠷᠮᠠᠶᠢᠯᠭᠠ ᠪᠠᠷ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠶᠠᠩᠬᠢᠷ ᠤᠨ ᠲᠤᠭᠠ ᠨᠢ ᠬᠡᠳᠦᠨ ᠠᠷᠪᠠ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠣᠲᠣ ᠬᠡᠳᠦᠨ ᠵᠠᠭᠤ ᠪᠣᠯᠵᠣ᠂ | ᠬᠠᠷᠠᠩᠭᠤᠢ ᠶᠢᠨ ᠠᠭᠤᠯᠠ ᠴᠦ ᠶᠠᠩᠭᠢᠷ ᠤᠨ ᠰᠦᠷᠦᠭ ᠤᠨ ᠴᠢᠯᠦᠭᠡᠲᠡᠢ ᠪᠡᠯᠴᠢᠭᠡᠷᠯᠡᠬᠦ ᠨᠤᠲᠤᠭ ᠪᠣᠯᠵᠠᠶ᠃ ᠡᠨᠡᠬᠦ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤᠨ ᠳᠤᠷᠰᠢᠬᠢ | ᠬᠠᠮᠠᠭᠠᠯᠠᠯᠲᠠ ᠠᠷᠠᠴᠢᠯᠠᠯᠲᠠ ᠪᠣᠯ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠭᠰᠠᠨ᠂ ᠠᠮᠢ ᠨᠠᠰᠤ ᠶᠢ ᠳᠡᠭᠡᠳᠦᠯᠡᠭᠰᠡᠨ᠂ ᠬᠥᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠡᠶᠡ ᠵᠣᠬᠢᠴᠠᠯ ᠢ | ᠬᠥᠭᠡᠭᠡᠴᠡᠯᠳᠦᠭᠰᠡᠨ ᠰᠠᠶᠢᠨ ᠰᠠᠶᠢᠬᠠᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠮᠥᠨ᠃ |