| ᠮᠦᠡᠭᠭᠡᠨᠠᠰᠤᠨ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠂ 1961 ᠤᠨ ᠤ 1 ᠳ᠋ᠤᠭᠡᠷ ᠰᠠᠷᠠ ᠳᠤ ᠤᠳᠤᠭ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠠᠷᠪᠠᠰ ᠰᠤᠮᠤᠨ ᠤ ᠶᠡᠭᠡᠳᠠᠯᠠᠢ | ᠭᠠᠴᠠᠭᠠᠨ ᠳᠤ ᠲᠦᠷᠦᠵᠡᠢ᠃ ᠠᠪᠤ ᠡᠵᠢ ᠠᠴᠠ ᠪᠠᠨ ᠠᠬᠠ ᠲᠡᠭᠦᠦ ᠭᠤᠷᠪᠠᠭᠤᠯᠨ ᠵᠠᠶᠠᠭᠠᠵᠤ᠂ ᠭᠤᠷᠪᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠪᠠᠭᠠ ᠠᠪᠠᠭᠠ ᠶᠢᠨ ᠢᠶᠠᠨ ᠡᠭᠦᠳᠡᠨ ᠳᠤ | ᠡᠷᠭᠦᠮᠡᠯ ᠭᠦᠪᠡᠭᠦᠨ ᠨᠢ ᠪᠤᠯᠵᠠᠢ᠃ ᠨᠠᠢᠮᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠶᠡᠭᠡᠳᠡᠯᠡᠢ ᠭᠠᠴᠠᠭᠠᠨ ᠤ ᠠᠷᠠᠳ ᠠᠴᠠ ᠡᠷᠭᠢᠯᠡᠭᠰᠡᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠭᠠᠳ ᠠᠷᠠᠢ | ᠵᠢᠯ ᠪᠤᠯᠤᠭᠠᠳᠤᠢ ᠭᠡᠷ ᠲᠡᠭᠡᠨ ᠪᠤᠴᠠᠵᠤ᠂ ᠦᠭᠡᠷ ᠬᠠᠷᠢᠭᠤᠯᠵᠠᠢ᠃ ᠠᠷᠪᠠᠨ ᠲᠦᠷᠪᠡᠳᠡᠢ ᠠᠴᠠ ᠡᠭᠢᠯᠡᠵᠤ ᠲᠠᠭᠢᠨ ᠭᠤᠷᠪᠠᠨ ᠵᠢᠯ ᠪᠢᠴᠢᠭ ᠦᠵᠡᠴᠡᠭᠡᠳ ᠪᠠᠰᠠ ᠭᠡᠷ | ᠲᠡᠭᠡᠨ ᠪᠤᠴᠠᠵᠤ ᠦᠭᠡᠷ ᠢᠶᠠᠨ ᠬᠠᠷᠢᠭᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠶᠡᠭᠡᠳᠠᠯᠠᠢ ᠭᠠᠴᠠᠭᠠ ᠭᠡᠭᠴᠢ ᠮᠢᠩᠭᠠ ᠲᠤᠯᠤᠭᠠᠨ ᠵᠠᠭᠤ ᠭᠠᠷᠤᠢ ᠠᠳᠤᠭᠤ ᠲᠠᠢ᠂ ᠮᠢᠩᠭᠠ | ᠭᠠᠷᠤᠢ ᠦᠭᠡᠷ ᠲᠠᠢ ᠪᠠᠶᠠᠨ ᠭᠠᠴᠠᠭᠠ ᠪᠠᠶᠢᠵᠠᠢ᠃ ᠪᠡᠯᠴᠢᠭᠡᠷ ᠤᠰᠤ ᠰᠠᠶᠢᠨ ᠬᠤᠯᠨ ᠤᠶᠢᠷᠠ ᠳᠤ ᠨᠡᠷᠡ ᠲᠠᠢ ᠪᠠᠶᠢᠪᠠ᠃ ᠮᠦᠡᠭᠭᠡᠨᠠᠰᠤᠨ ᠤ ᠠᠪᠤ ᠨᠢ ᠭᠠᠴᠠᠭᠠᠨ ᠤ | ᠠᠳᠤᠭᠤᠴᠢᠨ ᠪᠠᠶᠢᠵᠤ᠂ ᠡᠳᠡᠨ ᠤ ᠬᠢᠨ ᠬᠠᠮᠳᠤ ᠶᠢᠨ ᠠᠳᠤᠭᠤ ᠶᠢ ᠴᠤ ᠬᠠᠷᠢᠭᠤᠯᠤᠨᠠ᠂ ᠦᠭᠡᠷ ᠢ ᠴᠤ ᠬᠠᠷᠢᠭᠤᠯᠤᠨᠠ᠃ ᠲᠡᠷᠨ 1980 ᠤᠨ ᠪᠤᠯᠳᠠᠯᠠ ᠬᠠᠮᠳᠤ | ᠨᠡᠶᠢᠳᠡ ᠶᠢᠨ ᠦᠭᠡᠷ ᠢ ᠬᠠᠷᠢᠭᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ | ᠶᠡᠭᠡ ᠬᠠᠮᠳᠤ ᠲᠡᠭᠦᠰᠴᠤ ᠡᠷᠦᠭᠡ ᠳᠤ ᠲᠠᠭᠠᠭᠠᠴᠢᠯᠠᠳᠠᠯᠠ ᠡᠳᠡᠨ ᠤ ᠬᠢᠨ ᠬᠤᠷᠢ ᠤᠷᠴᠢᠮ ᠦᠭᠡᠷ ᠪᠠ ᠠᠷᠪᠠᠭᠠᠳ ᠠᠳᠤᠭᠤ ᠲᠠᠢ ᠨᠠᠯᠢᠶᠠᠳ ᠴᠢᠨᠡᠭᠡᠯᠢᠭ ᠰᠢᠭ | ᠠᠶᠢᠯ ᠪᠠᠶᠢᠪᠠ᠃ ᠡᠳᠡᠨ ᠤ ᠬᠢᠨ ᠵᠢᠷᠤᠭᠠ ᠮᠤᠷᠢ ᠲᠠᠰᠤᠷᠠᠭᠰᠠᠨ ᠦᠭᠡᠢ ᠭᠡᠳᠡᠭ᠃ | 1999 ᠤᠨ ᠠᠴᠠ ᠡᠭᠢᠯᠡᠵᠤ᠂ ᠡᠯᠡ ᠱᠠᠳᠤᠨ ᠤ ᠮᠤᠷᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠱᠠᠩᠨᠠᠯ ᠭᠦᠭᠢᠭᠦᠯᠦᠯ ᠲᠤᠰᠬᠤ ᠪᠤᠯᠪᠠ᠃ ᠤᠷᠢᠳ ᠬᠤᠵᠢᠳ | ᠤᠳᠤᠭ ᠬᠤᠰᠢᠭᠤᠨ ᠤ ᠡᠯᠡ ᠰᠤᠮᠤ ᠪᠠᠯᠭᠠᠰᠤᠨ ᠤ ᠨᠠᠶᠢᠷ ᠨᠠᠭᠠᠳᠤᠮ᠂ ᠤᠷᠳᠤᠰ ᠬᠤᠳᠠ ᠶᠢᠨ ᠦᠤᠰᠢᠨ᠂ ᠬᠠᠨᠭ᠍ᠭᠢᠨ᠂ ᠡᠮᠦᠨᠡᠳᠥ ᠬᠤᠰᠢᠭᠤ᠂ ᠡᠵᠡᠨ ᠬᠤᠷᠤᠭᠠ | ᠵᠡᠷᠭᠡ ᠬᠤᠰᠢᠭᠤᠨ ᠤ ᠨᠠᠶᠢᠷ ᠴᠤᠭᠯᠠᠭᠠᠨ ᠪᠠ ᠤᠷᠤᠨ ᠤ ᠲᠦᠪ ᠭᠦᠭᠡᠬᠤᠳᠠ᠂ ᠪᠠᠶᠠᠨᠨᠠᠭᠤᠷ᠂ ᠲᠦᠷᠪᠡᠳ᠂ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ᠂ | ᠠᠯᠠᠱᠠ᠂ ᠶᠦᠨᠨᠡᠨ ᠵᠡᠷᠭᠡ ᠭᠠᠳᠠᠷ ᠲᠤᠳᠤᠷᠠ ᠤᠷᠤᠨ ᠤ ᠠᠯᠢ ᠤᠯᠠᠨ ᠨᠠᠶᠢᠷ ᠴᠤᠭᠯᠠᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠲᠡᠭᠦᠨ ᠤ ᠵᠢᠷᠤᠭᠠ ᠮᠤᠷᠢ ᠨᠢ ᠠᠯᠳᠠᠨ ᠮᠧᠳᠠᠯ᠂ | ᠮᠦᠡᠭᠭᠦᠨ ᠮᠧᠳᠠᠯ᠂ ᠭᠠᠤᠯᠢᠨ ᠮᠧᠳᠠᠯ ᠵᠡᠷᠭᠡ ᠱᠠᠩᠨᠠᠯ ᠭᠦᠭᠢᠭᠦᠯᠦᠯ ᠢ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠲᠤᠰᠴᠠᠢ᠃ ᠮᠦᠨ ᠴᠤ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠷᠢᠨ | ᠤᠷᠤᠯᠳᠤᠭᠠᠨ ᠤ ᠲᠡᠷᠢᠭᠦᠨ ᠱᠠᠩᠨᠠᠯ ᠬᠠᠮᠤᠭ ᠤᠯᠠᠨ ᠲᠤᠰᠤᠭᠰᠠᠨ ᠭᠦᠮᠦᠨ ᠤ ᠨᠢᠭᠡ ᠨᠢ ᠪᠤᠯᠵᠠᠢ᠃ ᠤᠳᠤ ᠲᠡᠷᠨ ᠤᠷᠳᠤᠰ ᠤᠨ ᠠᠵᠢᠨᠠᠢ ᠭᠦᠯᠦᠭ ᠪᠡᠶᠡ ᠲᠠᠮᠢᠷ | ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠳᠤ ᠪᠠᠶᠢᠵᠤ᠂ ᠤᠳᠤᠭ ᠤᠨ ᠠᠳᠤᠭᠤᠨ ᠰᠤᠶᠤᠯ ᠢ ᠲᠦᠯᠭᠢᠨ ᠠᠭᠢᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ | ᠪᠠᠶᠢᠨᠠ᠃ | | | ︽ᠤᠲᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠥᠪ︾ ᠪᠠᠢ ᠭᠡᠷᠡᠯᠲᠦ ᠭᠤᠤᠯᠯᠠᠨ | ᠨᠠᠶᠢᠷᠠᠭᠤᠯᠪᠠ ︵ᠤᠲᠤᠭ ᠬᠤᠰᠢᠭᠤᠨ ᠤ ᠤᠯᠤᠰ ᠲᠦᠷᠦ ᠶᠢᠨ ᠵᠥᠪᠯᠡᠯᠭᠡᠨ︶ |