ᠪᠡᠯᠭᠡ ᠳᠡᠮᠪᠡᠷᠢᠯ ᠢ ᠡᠷᠬᠢᠮᠯᠡᠳᠡᠭ ᠪᠠᠭᠠᠷᠢᠨᠴᠤᠳ ᠤᠤᠯ ᠳᠠᠭᠠᠨ ᠠᠶᠠᠨ ᠵᠢᠩ ᠳᠤ ᠶᠠᠪᠤᠬᠤ᠂ ᠠᠪᠠ ᠭᠦᠷᠦᠭᠡ ᠳᠤ ᠭᠠᠷᠬᠤ᠂ ᠨᠤᠳᠤᠭ ᠤᠰᠤ ᠰᠡᠯᠭᠦᠨ ᠨᠡᠭᠦᠭᠦ | ᠵᠡᠷᠭᠡ ᠳᠤ ᠴᠦᠮ ᠰᠠᠴᠤᠯᠢ ᠡᠷᠭᠦᠳᠡᠭ ᠵᠠᠩᠰᠢᠯ ᠲᠠᠢ ᠪᠦᠭᠡᠳ ᠳᠠᠯᠠᠯᠭᠠ ᠳᠠᠯᠠᠯᠳᠠᠭ ᠵᠤᠷᠰᠢᠯ ᠲᠠᠢ ᠪᠢᠯᠡ᠃ ᠡᠭᠦᠨ ᠤ ᠭᠦᠢᠴᠡᠳᠭᠡᠯ ᠨᠢ ᠳᠤᠩ ᠳᠦᠭᠦᠮ᠃ | ᠮᠤᠷᠳᠠᠭᠰᠠᠳ ᠶᠠᠪᠤᠭᠰᠠᠳ ᠪᠡᠶᠡ ᠪᠠᠨ ᠠᠷᠢᠭᠤᠯᠠᠨ᠂ ᠭᠦᠯᠦᠭ ᠤᠨᠤᠭᠠ᠂ ᠡᠳ᠋ᠯᠡᠯ ᠭᠡᠷᠡᠭᠯᠡᠯ ᠢᠶᠠᠨ ᠮᠢᠯᠢᠶᠠᠭᠠᠳ ᠰᠠᠴᠤᠯᠢ ᠪᠠᠨ ᠡᠷᠭᠦᠪᠡᠯ ᠳᠠᠭᠤᠰᠴᠢᠬᠠᠳᠠᠭ᠃ ᠭᠡᠳᠡᠯᠡ | ᠳᠠᠯᠠᠯᠭᠠ ᠠᠪᠬᠤ ᠵᠠᠩ ᠦᠢᠯᠡ ᠨᠢ ᠤᠯᠠᠷᠢᠯ ᠤᠨ ᠰᠤᠯᠢᠭᠳᠠᠯ᠂ ᠡᠰᠢ ᠡᠷᠭᠡᠳᠡᠨ ᠤ ᠡᠭᠡᠯᠵᠢᠯᠡᠯ᠂ ᠡᠷᠬᠢᠯᠡᠵᠤ ᠵᠤᠷᠢᠭᠰᠠᠨ ᠭᠦᠰᠡᠯ ᠵᠡᠷᠭᠡ ᠪᠠᠷ ᠰᠢᠯᠳᠠᠭᠠᠯᠠᠭᠳᠠᠨ ᠦᠪᠡᠷ | ᠦᠪᠡᠷ ᠤᠨ ᠵᠠᠩ ᠦᠢᠯᠡ ᠲᠠᠢ ᠪᠠᠶᠢᠳᠠᠭ᠃ ᠳᠠᠯᠠᠯᠭᠠ ᠶᠢ ᠡᠶᠢᠮᠦ ᠭᠡᠳᠦᠨ ᠵᠦᠢᠯ ᠢᠶᠠᠷ ᠢᠯᠭᠠᠵᠤ ᠪᠤᠯᠤᠨᠠ᠃ ᠡᠩ ᠤᠨ ᠳᠠᠯᠠᠯᠭᠠ᠂ ᠡᠩ ᠤᠨ ᠳᠠᠯᠠᠯᠭᠠ ᠶᠢ ᠠᠳᠠᠯᠢ | ᠪᠤᠰᠤ ᠠᠶᠢᠮᠠᠭ ᠤᠪᠤᠭ ᠤᠨ ᠬᠢᠨ᠂ ᠡᠰᠢ ᠡᠷᠭᠡᠳᠡᠨ ᠤ ᠡᠭᠡᠯᠵᠢᠯᠡᠯᠳᠡ᠂ ᠳᠠᠷᠤᠢ ᠭᠦᠭᠡ ᠬᠤᠯᠤᠭᠠᠨᠠ᠂ ᠰᠢᠷᠠᠭᠴᠢᠨ ᠦᠭᠡᠷ ᠡᠳᠦᠷ᠂ ᠰᠠᠷᠠ ᠪᠦᠷᠢ ᠶᠢᠨ ᠰᠢᠨᠡ ᠶᠢᠨ | ᠨᠢᠭᠡᠨ᠂ ᠠᠷᠪᠠᠨ ᠳᠠᠪᠤᠨ᠂ ᠬᠤᠷᠢᠨ ᠳᠠᠪᠤᠨ ᠪᠤᠶᠤ ᠪᠢᠳᠡᠭᠦᠨ ᠳᠤ ᠳᠠᠯᠠᠯᠳᠠᠭ᠃ ᠡᠩ ᠤᠨ ᠳᠠᠯᠠᠯᠭᠠ ᠶᠢᠨ ᠵᠠᠩ ᠦᠢᠯᠡ ᠳᠤ᠂ ᠭᠡᠷ ᠤᠨ ᠡᠵᠡᠨ᠂ ᠡᠵᠡᠭᠳᠡᠢ ᠪᠦᠰᠡᠭᠦᠢ | ᠂ ᠭᠤᠯᠤᠮᠳᠠ ᠵᠠᠯᠭᠠᠬᠤ ᠭᠦᠦ ᠭᠤᠤᠯᠯᠠᠵᠤ᠂ ᠭᠡᠷ ᠬᠤᠪᠢ ᠪᠠᠷ ᠢᠶᠠᠨ ᠤᠷᠤᠯᠴᠠᠨ᠂ ᠡᠷᠭᠦᠯᠳᠡ ᠰᠠᠴᠤᠯᠢ᠂ ᠳᠠᠯᠠᠯᠭᠠ ᠬᠤᠷᠦ᠋ᠢᠯᠭᠠ ᠪᠠᠨ ᠭᠦᠢᠴᠡᠳᠭᠡᠭᠡᠳ᠂ | ᠬᠠᠮᠳᠤ ᠪᠠᠷ ᠢᠶᠠᠨ ᠬᠤᠭᠤᠯᠠ ᠴᠠᠢ ᠭᠦᠷᠳᠡᠵᠤ ᠤᠮᠳᠠᠯᠠᠪᠠᠯ ᠪᠠᠷᠠᠴᠢᠬᠠᠳᠠᠭ᠃ ᠳᠤᠰᠬᠠᠢ ᠳᠠᠯᠠᠯᠭᠠ ᠡᠭᠦᠨ ᠳᠤ ᠭᠠᠯ ᠤᠨ ᠳᠠᠯᠠᠯᠭᠠ᠂ ᠮᠠᠯ ᠤᠨ ᠭᠡᠰᠢᠭ ᠤᠨ ᠳᠠᠯᠠᠯᠭᠠ᠂ | ᠠᠶᠠᠨ ᠵᠢᠩ ᠤᠨ ᠳᠠᠯᠠᠯᠭᠠ᠂ ᠠᠪᠠ ᠭᠦᠷᠦᠭᠡ ᠶᠢᠨ ᠳᠠᠯᠠᠯᠭᠠ᠂ ᠮᠤᠷᠳᠠᠭᠤᠯᠭᠠ ᠶᠢᠨ ᠳᠠᠯᠠᠯᠭᠠ᠂ ᠰᠦᠨᠡᠰᠦᠨ ᠤ ᠳᠠᠯᠠᠯᠭᠠ᠂ ᠰᠦᠯᠳᠡ ᠶᠢᠨ ᠳᠠᠯᠠᠯᠭᠠ᠂ ᠤᠪᠤᠭᠠ | ᠱᠠᠩᠰᠢ ᠶᠢᠨ ᠳᠠᠯᠠᠯᠭᠠ ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠳᠠᠯᠠᠯᠭᠠ ᠶᠢᠨ ᠵᠠᠩ ᠦᠢᠯᠡ ᠨᠢ ᠳᠤᠰ ᠳᠤᠰ ᠲᠠᠭᠠᠨ ᠤᠨᠴᠠᠯᠢᠭ ᠲᠠᠢ᠃ ᠭᠠᠯ ᠤᠨ ᠳᠠᠯᠠᠯᠭᠠ ᠶᠢ ᠤᠯᠠᠷᠢᠯ | ᠪᠦᠷᠢ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠳᠤ᠂ ᠢᠯᠠᠩᠭᠤᠶᠠ ᠡᠪᠦᠯ ᠤᠨ ᠰᠡᠭᠦᠯ ᠰᠠᠷᠠ ᠮᠤᠷᠳᠠᠬᠤ ᠤᠨᠤᠭᠠ ᠭᠦᠰᠭᠡ ᠶᠢ ᠵᠦᠪ ᠢᠶᠠᠷ ᠭᠤᠷᠪᠠ ᠳᠤᠭᠤᠷᠢᠨ ᠬᠤᠷᠦ᠋ᠢᠯᠠᠳᠠᠭ᠃ | ᠡᠶᠢᠮᠦ ᠠᠴᠠ ᠮᠤᠷᠳᠠᠭᠰᠠᠨ ᠭᠡᠤᠭᠡᠨ ᠳᠦᠷᠭᠦᠮᠯᠡᠪᠡᠯ ᠬᠤᠳᠤᠭᠤᠳᠤ ᠦᠭᠭᠦ ᠦᠭᠡᠢ ᠴᠡᠭᠡᠷ ᠲᠠᠢ ᠪᠢᠯᠡ᠃ | ᠰᠦᠨᠡᠰᠦᠨ ᠳᠠᠯᠠᠯᠭᠠ ᠳᠤ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠨᠢᠭᠡ ᠨᠢ᠂ ᠭᠡᠤᠭᠡᠳ ᠤᠨ ᠰᠦᠨᠡᠰᠦᠨ ᠤ ᠳᠠᠯᠠᠯᠭᠠ ᠶᠢ ᠡᠭᠡ ᠶᠢᠨ ᠬᠢᠨᠢ ᠳᠤᠳᠤᠷ ᠬᠤᠪᠴᠠᠰᠤ᠂ ᠭᠦᠭᠦ᠂ | ᠳᠤᠷᠠᠳᠠᠢ ᠬᠠᠶᠢᠷᠠᠳᠠᠢ ᠡᠮᠦᠰᠬᠡᠯ ᠢᠶᠠᠷ ᠨᠢ ᠳᠠᠯᠠᠯᠳᠠᠭ᠃ ᠱᠠᠰᠢᠨ ᠰᠢᠳᠦᠯᠭᠡ ᠶᠢᠨ ᠡᠷᠭᠡ ᠪᠠᠷ ᠫᠠᠶᠢᠰᠠᠨ ᠳᠡᠭᠡᠷᠡ ᠨᠡᠷᠡ ᠶᠢ ᠨᠢ ᠪᠢᠴᠢᠵᠤ ᠳᠤᠯᠤᠮ ᠳᠤ ᠠᠬᠤᠭᠤᠯᠤᠭᠠᠳ | ᠂ ᠬᠤᠳᠠ ᠡᠷᠬᠢᠭᠦᠯᠭᠦ᠂ ᠨᠤᠮ ᠤᠩᠰᠢᠵᠤ ᠳᠤᠭᠤᠭᠠ ᠲᠠᠢ ᠤᠰᠤᠨ ᠳᠤ ᠮᠤᠳᠤᠨ ᠠᠶᠠᠭᠠ ᠲᠠᠢ ᠵᠤᠯᠠ ᠡᠷᠬᠢᠭᠦᠯᠭᠦ ᠮᠡᠳᠤ ᠪᠠᠷ ᠳᠠᠯᠠᠯᠤᠨ ᠳᠠᠭᠤᠳᠠᠳᠠᠭ᠃ ᠨᠦᠭᠦᠭᠡ ᠨᠢ | ᠂ ᠪᠡᠶᠡ ᠦᠷᠡᠭᠳᠡᠭᠰᠡᠳ ᠢ ᠭᠠᠳᠠᠭᠰᠢᠯᠠᠭᠤᠯᠬᠤ ᠦᠶᠡ ᠳᠤ ᠦᠷᠡ ᠭᠡᠤᠭᠡᠳ ᠨᠢ ᠬᠠᠶᠢᠷᠠᠳᠠᠢ ᠬᠤᠪᠴᠠᠰᠤ᠂ ᠳᠤᠷᠠᠳᠠᠢ ᠢᠳᠡᠭᠡᠨ ᠢᠶᠠᠷ ᠨᠢ ᠳᠠᠯᠠᠯᠠᠳᠠᠭ᠃ ᠡᠳᠡᠭᠡᠷ ᠢ | ᠰᠦᠨᠡᠰᠦᠨ ᠤ ᠳᠠᠯᠠᠯᠠᠭᠠ ᠭᠡᠳᠡᠭ ᠪᠢᠯᠡ᠃ ᠰᠦᠯᠳᠡ ᠶᠢᠨ ᠳᠠᠯᠠᠯᠭᠠ ᠶᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠤ ᠵᠢᠯ ᠤᠨ ᠡᠬᠢᠨ ᠳᠤ᠂ ᠬᠤᠨᠢᠨ ᠤ ᠴᠢᠨᠠᠭᠰᠠᠨ | ᠪᠦᠭᠦᠯᠢ ᠡᠷᠡᠤ ᠪᠠᠷ ᠠᠪᠳᠠᠭ᠃ ᠤᠪᠤᠭᠠ ᠱᠠᠩᠰᠢ ᠶᠢᠨ ᠳᠠᠯᠠᠯᠭᠠ ᠳᠤ ᠳᠠᠬᠢᠭᠴᠢᠳ ᠪᠦᠭᠦᠳᠡᠭᠡᠷ ᠤᠷᠤᠯᠴᠠᠨ᠂ ᠡᠷᠭᠦᠴᠡ ᠳᠤ ᠠᠪᠠᠴᠢᠭᠰᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠤ | ᠵᠦᠢᠯ ᠢᠶᠠᠷ ᠢᠶᠠᠨ ᠳᠠᠭᠠᠳᠬᠠᠯ ᠳᠠᠯᠠᠯᠭᠠ ᠠᠪᠳᠠᠭ᠃ ᠡᠩ ᠤᠨ ᠳᠠᠯᠠᠯᠭᠠ ᠪᠠ ᠳᠤᠰᠬᠠᠢ ᠳᠠᠯᠠᠯᠭᠠ ᠶᠢ ᠭᠡᠷ ᠤᠨ ᠡᠵᠡᠨ ᠪᠤᠶᠤ ᠠᠬᠠᠮᠠᠳ ᠳᠦᠷᠦᠭᠦᠳᠡᠨ ᠠᠴᠠ ᠭᠡᠷ | ᠪᠦᠯᠢ ᠪᠠ ᠤᠯᠠᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠵᠠᠩ ᠦᠢᠯᠡ ᠶᠢ ᠭᠦᠢᠴᠡᠳᠭᠡᠳᠡᠭ᠃ ᠳᠠᠯᠠᠯᠭᠠ ᠶᠢᠨ ᠭᠡᠰᠢᠭ ᠭᠡᠵᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠳᠦᠭᠡᠭᠡᠳᠡᠭ ᠪᠦᠭᠡᠳ ᠮᠠᠩᠯᠠᠢ | ᠳᠡᠷᠢᠭᠦᠯᠡᠭᠴᠢᠳ ᠲᠤ ᠱᠠᠩᠨᠠᠳᠠᠭ᠃ ᠪᠠᠭᠠᠷᠢᠨᠴᠤᠳ ᠳᠠᠯᠠᠯᠭᠠ ᠬᠤᠷᠦ᠋ᠢᠯᠭᠠ ᠳᠤ ᠡᠷᠳᠡᠨ ᠤ ᠮᠤᠩᠭᠤᠯ ᠤᠨ ᠵᠠᠩ ᠰᠤᠷᠳᠠᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠪᠠᠷᠢ᠊ᠮᠳᠠᠯᠠᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠰᠢᠷᠠ ᠶᠢᠨ ᠱᠠᠰᠢᠨ ᠨᠡᠪᠳᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠳᠦᠪᠡᠳ ᠨᠤᠮ ᠪᠤᠶᠤ ᠳᠡᠭᠦᠨ ᠢ ᠤᠷᠴᠢᠭᠤᠯᠤᠭᠰᠠᠨ ᠮᠤᠩᠭᠤᠯ ᠰᠠᠩ ᠤᠩᠰᠢᠭᠤᠯᠤᠨ ᠳᠠᠯᠪᠢᠬᠤ | ᠪᠤᠯᠵᠠᠢ᠃ ᠳᠤᠭᠳᠠᠭᠠᠯ ᠲᠠᠢ ᠶᠡᠭᠡ ᠳᠠᠯᠠᠯᠭᠠ ᠳᠤ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠡᠪᠦᠯ ᠬᠠᠪᠤᠷ ᠤᠨ ᠬᠠᠷᠠᠰᠤ ᠵᠤᠳᠠᠷᠠᠭᠤ ᠤᠯᠠᠷᠢᠯ ᠢ ᠳᠤᠭᠤᠯᠵᠤ᠂ ᠮᠠᠯ ᠳᠡᠩᠭᠡᠷᠡᠨ ᠳᠦᠯ | ᠳᠤᠷᠨᠢᠵᠤ᠂ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠬᠤᠷᠦ᠋ᠢᠯᠠᠳᠠᠭ ᠢ ᠬᠠᠪᠤᠷ ᠤᠨ ᠳᠠᠯᠠᠯᠭᠠ ᠭᠡᠳᠡᠭ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠤᠯᠤᠭᠠᠨ ᠰᠠᠷᠠ ᠶᠢᠨ | ᠰᠡᠭᠦᠯᠴᠢ ᠪᠤᠶᠤ ᠨᠠᠶᠢᠮᠠᠨ ᠰᠠᠷᠠ ᠳᠤ ᠠᠪᠳᠠᠭ ᠢ ᠨᠠᠮᠤᠷ ᠤᠨ ᠳᠠᠯᠠᠯᠭᠠ ᠭᠡᠳᠡᠭ᠃ ᠬᠠᠪᠤᠷ ᠤᠨ ᠳᠠᠯᠠᠯᠭᠠ ᠶᠢ ︽ᠴᠢᠩ ᠴᠠᠭᠠᠨ ᠰᠢᠪᠠᠭᠤ ᠢᠷᠡᠭᠦ ᠳᠤ᠂ ᠴᠡᠴᠡᠭ | ᠨᠠᠪᠴᠢ ᠳᠡᠯᠭᠡᠷᠡᠭᠦ ᠳᠤ᠂ ᠴᠠᠭᠠᠭᠴᠢ ᠭᠡᠭᠦᠦ ᠤᠨᠠᠭᠠᠯᠠᠬᠤ ᠳᠤ᠂ ᠴᠠᠭᠯᠠᠰᠢ ᠦᠭᠡᠢ ᠳᠠᠯᠠᠯᠳᠠᠭ︾ ᠭᠡᠳᠡᠭ᠃ ᠨᠠᠮᠤᠷ ᠤᠨ ᠳᠠᠯᠠᠯᠭᠠ ᠳᠤ ︽ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤ | ᠪᠤᠴᠠᠬᠤ ᠳᠤ᠂ ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠤᠷᠤᠬᠤ ᠳᠤ᠂ ᠨᠡᠶᠢᠳᠡ ᠤᠯᠠᠨ ᠢᠶᠠᠷ ᠢᠶᠠᠨ ᠴᠤᠭᠯᠠᠷᠠᠵᠤ᠂ ᠨᠠᠨᠳᠢᠨ ᠭᠡᠰᠢᠭ ᠢ ᠳᠠᠯᠠᠯᠵᠠᠭᠠᠶᠠ︕︾ ᠭᠡᠳᠡᠭ᠃ | ᠡᠭᠦᠨ ᠳᠤ ᠡᠷᠦᠭᠡ ᠶᠢᠨ ᠡᠵᠡᠨ ᠳᠦᠷᠦᠭᠦᠯᠡᠨ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠯ ᠳᠡᠭᠷᠢ ᠳᠤ ᠰᠠᠴᠤᠯᠢ ᠡᠷᠭᠦᠨ ᠳᠠᠯᠠᠯᠭᠠ ᠠᠪᠴᠤ᠂ ᠮᠠᠯ ᠢᠶᠠᠨ ᠠᠷᠢᠭᠤᠯᠠᠨ ᠤᠩᠭᠤᠨ | ᠰᠠᠳᠠᠷ ᠢᠶᠠᠨ ᠰᠡᠷᠭᠦᠭᠡᠭᠡᠳ ᠳᠠᠯᠠᠯᠭᠠ ᠶᠢᠨ ᠭᠡᠰᠢᠭ ᠢ ᠭᠦᠷᠳᠡᠪᠡᠯ ᠳᠠᠭᠤᠰᠴᠢᠬᠠᠳᠠᠭ ᠪᠠᠶᠢᠵᠠᠢ᠃ ᠰᠢᠷᠠ ᠶᠢᠨ ᠱᠠᠰᠢᠨ ᠨᠡᠪᠳᠡᠷᠡᠭᠰᠡᠨ ᠠᠴᠠ ᠬᠤᠶᠢᠨᠠ᠂ ᠯᠠᠮᠠ ᠵᠠᠯᠠᠵᠤ | ᠰᠠᠩ ᠳᠠᠯᠪᠢᠭᠤᠯᠤᠨ ᠡᠳ᠋ ᠡᠷᠳᠡᠨᠢᠰ ᠤᠨ ᠰᠢᠳᠦᠭᠡᠨ ᠭᠡᠭᠴᠢ ᠨᠠᠮᠰᠠᠷᠠᠢ ᠪᠤᠶᠤ ᠨᠠᠮᠳᠠᠭ ᠪᠤᠷᠬᠠᠨ ᠢ ᠳᠠᠬᠢᠬᠤ ᠪᠤᠯᠵᠠᠢ᠃ ᠳᠡᠷᠡᠴᠢᠯᠡᠨ᠂ ᠳᠠᠯᠠᠯᠭᠠ ᠶᠢᠨ ᠳᠠᠭᠤᠳᠠᠯᠭᠠ ᠶᠢ | ᠰᠢᠳᠦᠭᠡᠨ ᠢᠶᠠᠷ ᠨᠢ ᠢᠯᠭᠠᠵᠤ ᠨᠠᠮᠰᠠᠷᠠᠢ ᠶᠢᠨ ᠳᠠᠯᠠᠯᠭᠠ ᠪᠤᠶᠤ ᠨᠠᠮᠳᠠᠭ ᠤᠨ ᠳᠠᠯᠠᠯᠭᠠ ᠭᠡᠭᠦ ᠪᠤᠯᠤᠭᠠᠳ᠂ ᠨᠠᠮᠰᠠᠷᠠᠢ ᠶᠢᠨ ᠳᠠᠯᠠᠯᠭᠠ ᠶᠢ ᠤᠯᠠᠭᠠᠨ ᠢᠶᠠᠷ᠂ ᠨᠠᠮᠳᠠᠭ ᠤᠨ | ᠳᠠᠯᠠᠯᠭᠠ ᠶᠢ ᠴᠠᠭᠠᠨ ᠢᠶᠠᠷ ᠬᠢᠳᠡᠭ ᠪᠢᠯᠡ᠃ ᠳᠠᠯᠠᠯᠭᠠ ᠠᠪᠬᠤ ᠵᠠᠩ ᠵᠢᠷᠦᠮ ᠨᠢ ᠳᠤᠩ ᠨᠢᠮᠪᠠᠢ ᠬᠢᠴᠢᠶᠡᠩᠭᠦᠢ ᠪᠠᠶᠢᠳᠠᠭ᠃ ᠳᠠᠯᠠᠯᠭᠠ ᠠᠪᠬᠤ ᠶᠢᠨ ᠡᠮᠦᠨᠡ ᠡᠳᠦᠷ | ᠠᠯᠢᠪᠠ ᠪᠡᠯᠡᠳᠭᠡᠯ ᠢ ᠪᠦᠷ ᠭᠦᠢᠴᠡᠳᠭᠡᠨᠡ᠃ ᠭᠡᠷ ᠭᠦᠷᠢᠶᠡ ᠪᠠᠨ ᠰᠠᠶᠢᠬᠠᠨ ᠴᠡᠪᠡᠷᠯᠡᠵᠤ᠂ ᠠᠷᠴᠠ ᠰᠠᠩ ᠵᠡᠷᠭᠡ ᠭᠡᠷᠡᠭᠰᠡᠯ ᠤᠨ ᠵᠦᠢᠯ ᠪᠦᠭᠦᠨ ᠢ ᠴᠦᠮ ᠲᠢᠭ᠋ ᠲᠠᠭ | ᠪᠡᠯᠡᠳᠭᠡᠵᠤ᠂ ᠰᠢᠨᠡ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠢᠯᠠ ᠳᠠᠯᠪᠢᠨᠠ᠃ ᠪᠡᠶᠡ ᠪᠠᠨ ᠠᠷᠢᠭᠤᠳᠬᠠᠨ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠭᠠ ᠶᠢ ᠴᠢᠮᠡᠨᠡ᠃ ᠳᠠᠯᠠᠯᠭᠠ ᠶᠢᠨ | ᠰᠠᠭᠤᠯᠭᠠ ᠶᠢ ᠨᠠᠷᠠᠰᠤ᠂ ᠴᠦᠭᠦᠷᠡᠰᠤ᠂ ᠮᠠᠶᠢᠯᠠᠰᠤ ᠮᠡᠳᠤ ᠶᠢᠨ ᠮᠦᠩᠬᠡ ᠨᠤᠭᠤᠭᠠᠨ ᠮᠤᠳᠤ ᠪᠤᠶᠤ ᠳᠡᠮᠡᠭᠡᠨ ᠪᠦᠭᠦ ᠶᠢᠨ ᠰᠢᠷᠢ ᠮᠡᠳᠤ ᠶᠢᠨ ᠪᠡᠯᠭᠡ ᠲᠠᠢ ᠵᠦᠢᠯ ᠢᠶᠠᠷ | ᠭᠡᠪ ᠪᠠᠷᠢᠮᠵᠢᠶᠠ ᠶᠤᠰᠤᠭᠠᠷ ᠬᠢᠵᠤ᠂ ᠴᠠᠭᠠᠰᠤ ᠪᠤᠶᠤ ᠪᠦᠰ ᠳᠤᠷᠳᠤᠩ ᠢᠶᠠᠷ ᠳᠤᠳᠤᠷᠯᠠᠵᠤ᠂ ᠭᠠᠳᠠᠷ ᠲᠤᠨᠢ ᠪᠤᠳᠤᠭ ᠰᠢᠷ ᠢᠶᠠᠷ ᠳᠦᠷᠪᠡᠨ ᠡᠷᠳᠡᠨᠢ᠂ ᠨᠠᠶᠢᠮᠠᠨ ᠳᠠᠬᠢᠯ᠂ | ᠴᠢᠨᠳᠠᠮᠤᠨᠢ ᠵᠡᠷᠭᠡ ᠶᠢ ᠵᠢᠷᠤᠳᠠᠭ᠃ ᠳᠠᠪᠤᠨ ᠳᠠᠷᠢᠶᠠᠨ ᠤ ᠦᠷᠡ᠂ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠤᠩᠭᠠᠰᠤ ᠨᠤᠤᠰᠤ᠂ ᠳᠡᠯ ᠰᠡᠭᠦᠯ ᠤᠯᠠᠭᠠᠨ ᠴᠠᠭᠠᠨ ᠢᠳᠡᠭᠡ᠂ | ᠠᠯᠳᠠ ᠮᠦᠩᠭᠦ ᠠᠷᠴᠠ ᠳᠡᠷᠢᠭᠦᠳᠡᠨ ᠢᠶᠠᠷ ᠳᠦᠭᠦᠷᠭᠡᠭᠡᠳ ᠳᠠᠪᠤᠨ ᠦᠩᠭᠡ ᠶᠢᠨ ᠭᠬᠢᠪ᠂ ᠬᠠᠳᠠᠭ ᠢᠶᠠᠨ ᠴᠢᠮᠡᠭᠰᠡᠨ ᠰᠤᠮᠤ ᠪᠠ ᠰᠦᠳᠤ ᠮᠤᠳᠤᠨ ᠤ ᠰᠠᠯᠠᠭᠠ ᠳᠤ | ᠮᠠᠯ ᠤᠨ ᠭᠡᠰᠢᠭ᠂ ᠰᠢᠮᠡ ᠶᠢᠨ ᠳᠡᠭᠡᠵᠢ ᠲᠠᠢ ᠵᠢᠵᠢᠭ ᠴᠠᠭᠠᠨ ᠤᠭᠤᠳᠠ ᠡᠯᠭᠦᠵᠤ᠂ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠠᠭᠠ ᠳᠠᠭᠠᠨ ᠬᠠᠳᠬᠤᠳᠠᠭ᠃ ᠳᠠᠯᠠᠯᠭᠠ ᠠᠪᠬᠤ ᠡᠳᠦᠷ | ᠠᠶᠢᠯ ᠠᠶᠢᠮᠠᠭ᠂ ᠬᠠᠮᠢᠶᠠᠷᠳᠠᠨ ᠰᠠᠳᠤᠨ ᠪᠦᠷ ᠢᠷᠠᠯᠴᠡᠵᠤ᠂ ᠵᠤᠯᠠ ᠭᠦᠵᠢ ᠠᠰᠠᠭᠠᠵᠤ᠂ ᠬᠤᠳᠠᠨ ᠳᠤᠮᠳᠠ ᠠᠷᠴᠠ ᠤᠩᠭᠠᠰᠬᠠᠨ ᠳᠠᠯᠠᠯᠭᠠ ᠶᠢᠨ ᠴᠠᠢ ᠢᠳᠡᠭᠡᠨ᠂ | ᠠᠷᠢᠬᠢ ᠰᠢᠭᠦᠰᠤ ᠵᠡᠷᠭᠡ ᠶᠢ ᠤᠷᠤᠭ ᠬᠤᠷᠢᠮ ᠬᠢᠭᠦ ᠰᠢᠭ ᠡᠯᠪᠡᠭ ᠳᠡᠯᠪᠡᠭ ᠪᠡᠯᠡᠳᠭᠡᠭᠡᠳ᠂ ᠬᠤᠨᠢ ᠪᠤᠴᠠᠬᠤ ᠶᠢᠨ ᠦᠶᠡ ᠪᠠᠷ ᠮᠠᠯ ᠰᠦᠷᠦᠭ ᠪᠦᠭᠦᠨ ᠢᠶᠠᠨ | ᠬᠤᠳᠠᠨ ᠳᠠᠭᠠᠨ ᠤᠶᠢᠷᠠᠳᠤᠭᠤᠯᠤᠨ ᠰᠠᠩ ᠳᠠᠯᠪᠢᠵᠤ ᠳᠠᠯᠠᠯᠭᠠ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠡᠬᠢᠯᠡᠨᠡ᠃ ᠭᠡᠷ ᠤᠨ ᠡᠵᠡᠨ ᠳᠤᠯᠭᠠ ᠶᠢᠨ ᠢᠶᠠᠨ ᠡᠮᠦᠨᠡ ᠵᠤᠭᠰᠤᠵᠤ᠂ | ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠭᠠ ᠪᠠᠷ ᠬᠤᠷᠦ᠋ᠢᠯᠠᠵᠤ ᠡᠬᠢᠯᠡᠭᠦ ᠳᠤ᠂ ᠡᠵᠡᠭᠳᠡᠢ ᠪᠦᠰᠡᠭᠦᠢ᠂ ᠭᠠᠯ ᠭᠦᠭᠵᠢᠭᠡᠨ ᠠᠷᠢᠬᠢ ᠳᠤᠰᠤ᠂ ᠳᠤᠷᠮᠠ ᠵᠡᠷᠭᠡ ᠡᠷᠭᠦᠵᠤ᠂ ᠤᠷᠭᠤᠬᠤ | ᠨᠠᠷᠠᠨ ᠤ ᠳᠠᠯᠠ ᠶᠢᠨ ᠤᠴᠤᠭ ᠠᠴᠠ ᠡᠬᠢᠯᠡᠨ ᠵᠦᠪ ᠢᠶᠠᠷ ᠡᠷᠬᠢᠵᠤ ᠤᠴᠤᠭ ᠪᠦᠷᠢ ᠳᠤ ᠠᠷᠢᠬᠢ ᠳᠤᠰᠤ ᠳᠤᠰᠤᠭᠠᠬᠤ ᠳᠤ᠂ ᠴᠤᠭᠯᠠᠷᠠᠭᠰᠠᠨ ᠤᠯᠠᠨ ᠬᠠᠳᠠᠭ | ᠬᠤᠷᠤᠳ ᠪᠠᠷᠢᠭᠰᠠᠨ ᠵᠦᠢᠯ ᠪᠦᠭᠦᠨ ᠢᠶᠠᠷ ᠢᠶᠠᠨ ᠭᠡᠷ ᠤᠨ ᠡᠵᠡᠨ ᠢ ᠳᠠᠭᠠᠵᠤ᠂ ᠬᠤᠭᠤᠯᠠᠢ ᠭᠦᠩᠬᠢᠨᠡᠭᠦᠯᠦᠨ ᠠᠶᠠᠯᠭᠤ ᠨᠡᠶᠢᠯᠡᠭᠦᠯᠵᠤ᠂ ᠳᠠᠯᠠᠯᠭᠠ ᠶᠢᠨ | ᠳᠠᠭᠤᠳᠠᠯᠭᠠ ᠶᠢ ᠳᠠᠭᠤᠯᠠᠨ ᠬᠤᠷᠦ᠋ᠢᠯᠠᠨᠠ᠃ ᠳᠠᠭᠤᠳᠠᠯᠭᠠ ᠶᠢᠨ ᠳᠠᠭᠤᠯᠠᠯ ᠳᠦᠷᠪᠡᠨ ᠵᠦᠭ ᠨᠠᠶᠢᠮᠠᠨ ᠵᠦᠪᠬᠢᠰ ᠠᠴᠠ ᠬᠤᠷᠦ᠋ᠢᠯᠠᠵᠤ ᠳᠠᠭᠤᠰᠬᠠᠬᠤ ᠰᠢᠬᠠᠬᠤ ᠳᠤ | ᠭᠡᠷ ᠤᠨ ᠡᠵᠡᠨ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠭᠠ ᠪᠠᠨ ᠳᠠᠪᠡᠷᠢᠵᠤ ᠭᠠᠷᠤᠭᠠᠳ ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠵᠤ ᠬᠤᠳᠠ ᠰᠦᠷᠦᠭ ᠢᠶᠠᠨ ᠡᠷᠬᠢᠨᠡ᠃ ᠢᠩᠬᠢᠵᠤ ᠭᠤᠷᠪᠠᠨᠳᠠ | ᠡᠷᠬᠢᠭᠦ ᠳᠡᠭᠡᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠭᠡᠰᠢᠭ ᠢ ᠳᠠᠭᠤᠳᠠᠨ ᠬᠤᠷᠦ᠋ᠢᠯᠠᠭᠰᠠᠨ ᠳᠠᠭᠤᠯᠠᠯ ᠢ ᠠᠭᠤᠯᠠ ᠤᠰᠤ ᠶᠢ ᠪᠠᠶᠠᠰᠳᠠᠯᠠ ᠳᠠᠭᠤᠯᠠᠨ ᠬᠤᠷᠦ᠋ᠢᠯᠠᠳᠠᠭ᠃ | ᠭᠡᠷ ᠤᠨ ᠡᠵᠡᠨ ᠭᠡᠷ ᠲᠤ ᠤᠷᠤᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠤᠯᠠᠨ ᠪᠦᠭᠦᠨ ᠢᠶᠠᠷ ᠢᠶᠠᠨ ︽ᠭᠡᠰᠢᠭ ᠪᠦᠭᠦᠨ ᠬᠤᠷᠠᠬᠤ ᠪᠤᠯᠳᠤᠭᠠᠢ︕ ᠪᠤᠮ ᠤᠨ ᠳᠠᠮᠠᠭᠠ ᠳᠠᠷᠤᠬᠤ | ᠪᠤᠯᠳᠤᠭᠠᠢ︕︾ ᠭᠡᠭᠦ ᠮᠡᠳᠤ ᠶᠢᠨ ᠢᠷᠦᠭᠡᠯ ᠬᠠᠶᠢᠯᠠᠳᠠᠭ᠃ | ᠬᠤᠷᠦ᠋ᠢᠯᠠᠭᠠ ᠴᠢᠭᠯᠡᠭᠰᠡᠨ ᠤ ᠳᠠᠷᠠᠭᠠ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠷᠴᠤ ᠠᠵᠢᠷᠭᠠ᠂ ᠪᠤᠬᠠ᠂ ᠬᠤᠴᠠ᠂ ᠪᠤᠤᠷᠠ᠂ ᠤᠬᠤᠨᠠ ᠵᠡᠷᠭᠡ ᠶᠢ ᠰᠡᠳᠡᠷᠯᠡᠨᠡ᠃ ᠭᠡᠷᠪᠡ | ᠤᠤᠯ ᠤᠨ ᠤᠩᠭᠤᠨ ᠨᠢ ᠭᠦᠭᠰᠢᠷᠡᠭᠰᠡᠨ ᠪᠤᠶᠤ ᠰᠡᠪᠳᠦᠭᠰᠡᠨ ᠪᠤᠯ ᠦᠭᠡᠷᠡ ᠮᠠᠯ ᠳᠤ ᠤᠩᠭᠤᠨ ᠶᠡᠭᠦᠯᠡᠨᠡ᠃ ᠢᠩᠬᠢᠭᠦ ᠳᠡᠭᠡᠨ ᠤᠩᠭᠤᠨ ᠢᠶᠠᠨ ᠶᠡᠭᠦᠯᠡᠭᠳᠡᠭᠰᠡᠨ ᠪᠠ | ᠤᠩᠭᠤᠯᠠᠭᠳᠠᠭᠰᠠᠨ ᠮᠠᠯ ᠢ ᠳᠤᠯᠢ ᠳᠤ ᠪᠡᠶᠡ ᠶᠢ ᠨᠢ ᠦᠵᠡᠭᠦᠯᠵᠤ᠂ ᠬᠠᠭᠤᠴᠢᠨ ᠤᠩᠭᠤᠨ ᠢ ᠠᠪᠴᠤ ᠰᠢᠨᠡ ᠤᠩᠭᠤᠨ ᠶᠡᠭᠦᠯᠡᠭᠰᠡᠨ ᠮᠠᠯ ᠳᠤ ᠵᠡᠭᠦᠯᠭᠡᠭᠦ ᠳᠡᠭᠡᠨ | ᠪᠡᠯᠭᠡ ᠲᠠᠢ ᠦᠭᠡᠰ ᠭᠡᠯᠡᠵᠤ ᠢᠷᠦᠭᠡᠳᠡᠭ᠃ ᠳᠠᠯᠠᠯᠭᠠ ᠶᠢᠨ ᠵᠠᠩ ᠦᠢᠯᠡ ᠪᠦᠷ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ᠂ ᠴᠠᠢ ᠠᠶᠠᠭᠠᠯᠠᠨ ᠴᠠᠭᠠᠨ ᠢᠳᠡᠭᠡᠨ ᠳᠠᠪᠠᠭᠯᠠᠭᠠᠳ | ᠠᠮᠰᠠᠵᠤ ᠪᠠᠶᠢᠳᠠᠯᠠ ᠠᠷᠢᠬᠢ ᠭᠡᠮᠨᠡᠨ ᠰᠢᠭᠦᠰᠤ ᠤᠷᠤᠭᠤᠯᠤᠨᠠ᠃ ᠴᠤᠭᠯᠠᠷᠠᠭᠰᠠᠨ ᠭᠦᠮᠦᠰ ᠨᠡᠶᠢᠯᠡᠯᠳᠦᠨ᠂ ᠳᠠᠯᠠᠯᠭᠠ ᠶᠢᠨ ᠳᠤᠬᠠᠢ ᠬᠠᠭᠤᠴᠢ ᠳᠤᠮᠤᠭ ᠶᠠᠷᠢᠯᠴᠠᠨ | ᠳᠠᠭᠤᠯᠠᠯᠴᠠᠬᠤ ᠶᠢᠨ ᠳᠠᠰᠢᠷᠠᠮᠠ ᠵᠦᠰᠦᠭᠰᠡᠨ ᠢᠳᠡᠭᠡ᠂ ᠭᠡᠷᠴᠢᠭᠰᠡᠨ ᠬᠤᠷᠤᠳ᠂ ᠬᠠᠭᠠᠷᠢᠭᠰᠠᠨ ᠪᠤᠤᠪᠤ ᠵᠡᠷᠭᠡ ᠶᠢ ᠳᠠᠪᠠᠭᠯᠠᠭᠠᠳ᠂ ᠭᠡᠷ ᠤᠨ ᠡᠵᠡᠭᠳᠡᠢ ᠠᠴᠠ | ᠠᠶᠢᠷᠠᠭ ᠤᠨ ᠭᠦᠷᠦᠩᠭᠡ ᠪᠠᠨ ᠡᠵᠡᠨ᠂ ᠭᠡᠤᠭᠡᠳ ᠤᠨ ᠳᠤᠮᠳᠠ ᠳᠠᠯᠪᠢᠵᠤ᠂ ᠳᠠᠯᠠᠯᠭᠠ ᠶᠢᠨ ᠭᠡᠰᠢᠭ ᠢ ᠪᠤᠯᠢᠶᠠᠯᠳᠤᠭᠤᠯᠤᠨᠠ᠃ ᠶᠡᠭᠡ ᠳᠠᠯᠠᠯᠭᠠ ᠶᠢ ᠡᠳᠦᠷ ᠲᠤᠨᠢ | ᠳᠠᠭᠤᠰᠬᠠᠳᠠᠭ᠃ ᠶᠡᠭᠡ ᠳᠠᠯᠠᠯᠭᠠ ᠶᠢᠨ ᠳᠤᠯᠤᠭᠠ ᠬᠤᠨᠤᠭ ᠲᠤ ᠭᠠᠳᠠᠭᠰᠢ ᠶᠠᠭᠤᠮᠠ ᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | |