| ᠰᠣᠨᠣᠮᠷᠠᠰᠢ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ ᠥᠭᠡᠷᠡ ᠨᠡᠷᠡ ᠨᠢ ᠪᠠᠲᠣᠪᠠᠶᠠᠷ ᠭᠡᠳᠡᠭ᠂ 1866 ᠣᠨ ᠳᠤ ᠣᠳᠣ ᠶᠢᠨ ᠣᠲᠤᠭ ᠤᠨ ᠡᠮᠦᠨᠡᠲᠦ | ᠬᠤᠰᠢᠭᠤᠨ ᠤ ᠪᠤᠯᠠᠭ ᠰᠤᠮᠤᠨ ᠳᠤ ᠲᠥᠷᠥᠵᠡᠢ᠃ ᠲᠠᠶᠢᠵᠢ ᠰᠠᠩᠵᠠᠢ ᠶᠢᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠪᠣᠯᠣᠨᠠ᠃ ᠰᠣᠨᠣᠮᠷᠠᠰᠢ ᠶᠢᠨ ᠥᠰᠴᠦ ᠪᠣᠶᠢᠵᠢᠭᠰᠠᠨ ᠴᠠᠭ ᠦᠶᠡ | ᠪᠣᠯ ᠪᠦᠬᠦ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠡᠨ ᠳᠤ ᠳᠤᠭᠤᠶᠢᠯᠠᠩ ᠤᠨ ᠬᠥᠳᠡᠯᠭᠡᠭᠡᠨ ᠥᠷᠨᠢᠨ ᠪᠣᠰᠴᠤ ᠪᠠᠶᠢᠭᠰᠠᠨ ᠦᠶᠡ ᠪᠣᠯᠣᠨᠠ᠃ ᠰᠣᠨᠣᠮᠷᠠᠰᠢ ᠲᠡᠷᠡ ᠦᠶᠡ ᠳᠤ | ᠨᠢᠭᠡᠨᠳᠡ ᠶᠠᠮᠤᠨ ᠤ ᠪᠢᠴᠢᠭᠡᠴᠢ ᠪᠣᠯᠣᠭᠰᠠᠨ ᠪᠦᠭᠡᠳ ᠦᠷᠭᠦᠯᠵᠢ ᠨᠣᠶᠠᠳ ᠲᠦᠰᠢᠮᠡᠳ ᠢ ᠳᠠᠭᠠᠵᠤ ᠶᠠᠳᠠᠭᠤ ᠠᠷᠠᠳ ᠢ ᠬᠢᠬᠠᠨ ᠳᠠᠷᠤᠯᠠᠳᠠᠭ ᠪᠣᠯᠬᠤᠷ | ᠳᠤᠭᠤᠶᠢᠯᠠᠩ ᠤᠨ ᠣᠯᠠᠨ ᠳᠤ ᠵᠢᠭᠰᠢᠭᠳᠡᠵᠦ᠂ ᠦᠷᠭᠦᠯᠵᠢ ᠳᠤᠭᠤᠶᠢᠯᠠᠩ ᠤᠨ ᠰᠢᠳᠬᠡᠯ ᠢ ᠬᠦᠷᠲᠡᠲᠡᠭ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠮᠠᠭᠤ ᠪᠠᠨ ᠬᠠᠶᠠᠵᠤ ᠮᠣᠷᠤᠢ ᠪᠠᠨ | ᠵᠠᠰᠠᠭᠰᠠᠨ ᠦᠭᠡᠢ᠂ ᠵᠡᠷᠭᠡ ᠳᠠᠪᠰᠢᠵᠤ ᠪᠠᠶᠠᠵᠢᠬᠤ ᠵᠡᠷᠯᠢᠭ ᠰᠠᠨᠠᠭᠠ ᠨᠢ ᠤᠯᠠᠮ ᠤᠯᠠᠮ ᠨᠡᠮᠡᠭᠳᠡᠵᠡᠢ᠃ ᠰᠣᠨᠣᠮᠷᠠᠰᠢ ᠶᠠᠮᠤᠨ ᠤ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠳᠤ | ᠪᠠᠶᠢᠬᠤ ᠦᠶᠡᠰ᠂ ᠠᠶᠤᠷᠽᠠᠨᠠ ᠮᠠᠶᠢᠷᠠᠨ ᠦᠷᠭᠦᠯᠵᠢ ᠭᠡᠷ ᠲᠡᠭᠡᠨ ᠰᠠᠭᠤᠭᠠᠳ ᠶᠠᠮᠤᠨ ᠳᠤ ᠣᠴᠢᠵᠤ ᠲᠤᠰᠢᠶᠠᠯ ᠢᠶᠠᠨ ᠭᠦᠢᠴᠡᠳᠬᠡᠳᠡᠭ ᠦᠭᠡᠢ ᠪᠠᠶᠢᠵᠠᠢ᠃ | ᠰᠣᠨᠤᠮᠷᠠᠰᠢ ᠡᠷᠬᠡ ᠲᠤᠰᠢᠶᠠᠯ ᠢᠶᠠᠨ ᠠᠰᠢᠭᠯᠠᠨ ᠶᠠᠮᠤᠨ ᠤ ᠨᠡᠷᠡ ᠪᠠᠷ ᠠᠯᠪᠠᠨ ᠪᠢᠴᠢᠭ ᠭᠠᠷᠭᠠᠵᠤ᠂ ᠠᠶᠤᠷᠽᠠᠨᠠ ᠶᠢ᠄ ︽ᠶᠠᠮᠤᠨ ᠤ ᠲᠤᠰᠢᠶᠠᠯ ᠳᠤ ᠪᠠᠶᠢᠴᠠᠪᠠᠴᠤ | ᠳᠤᠷᠠ ᠪᠠᠷ ᠤᠰᠣᠯᠳᠠᠵᠤ᠂ ᠠᠯᠪᠠᠨ ᠤ ᠶᠠᠪᠤᠳᠠᠯ ᠢ ᠴᠠᠯᠠᠭᠠᠶᠢᠳᠠᠭᠤᠯᠪᠠ︾ ᠬᠡᠮᠡᠨ ᠵᠢᠮᠡᠯᠡᠵᠦ᠂ ᠬᠡᠷᠪᠡ ᠲᠤᠰᠢᠶᠠᠯ ᠳᠠᠭᠠᠨ ᠵᠢᠳᠬᠦᠬᠦ ᠦᠭᠡᠢ ᠪᠣᠯᠪᠠᠰᠤ ᠲᠦᠷᠬᠡᠬᠡᠨ | ᠴᠢᠯᠤᠭᠡᠯᠡᠲᠤᠭᠡᠢ ᠭᠡᠵᠤ ᠱᠠᠭᠠᠷᠳᠠᠵᠠᠢ᠃ ᠲᠡᠭᠦᠨ ᠤ ᠰᠢᠬᠠᠮᠳᠠᠭᠤᠯᠭᠠ ᠳᠤᠤᠷᠠ ᠠᠶᠤᠷᠽᠠᠨᠠ ᠠᠷᠭᠠ ᠪᠤᠰᠤ ᠮᠠᠶᠢᠷᠠᠨ ᠤ ᠲᠤᠰᠢᠶᠠᠯ ᠠᠴᠠ ᠪᠠᠨ ᠭᠠᠷᠴᠠᠢ᠃ ᠳᠠᠷᠠᠭᠠ | ᠵᠢᠯ ᠨᠢ ᠰᠣᠨᠣᠮᠷᠠᠰᠢ ᠬᠤᠰᠢᠭᠤ ᠮᠠᠶᠢᠷᠠᠨ ᠤ ᠵᠡᠷᠭᠡ ᠳᠡᠪᠰᠢᠵᠠᠢ᠃ ᠲᠡᠷᠡ ᠲᠤᠰᠢᠶᠠᠯ ᠳᠤ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠬᠤᠰᠢᠭᠤᠨ ᠤ ᠥᠷᠢ ᠲᠥᠯᠥᠪᠦᠷᠢ ᠶᠢ ᠬᠤᠯᠠᠬᠤ | ᠨᠡᠷᠡ ᠪᠠᠷ ᠭᠠᠶᠢᠯᠢ ᠲᠠᠲᠠᠪᠤᠷᠢ ᠶᠢ ᠶᠡᠭᠡ ᠪᠠᠷ ᠨᠡᠮᠡᠭᠳᠡᠭᠦᠯᠵᠦ ᠮᠠᠯᠴᠢᠨ ᠠᠷᠠᠳ ᠤᠨ ᠡᠭᠦᠷᠭᠡᠯᠡᠯ ᠢ ᠲᠤᠩ ᠰᠦᠷᠡᠬᠡᠢ ᠬᠦᠨᠳᠦᠷᠡᠭᠦᠯᠵᠡᠢ᠃ 1911 ᠣᠨ ᠳᠤ᠂ ᠤᠲᠤᠭ | ᠬᠤᠰᠢᠭᠤᠨ ᠤ ᠨᠠᠢᠮᠠᠨ ᠳᠤᠭᠤᠶᠢᠯᠠᠩ ᠪᠤᠷᠠᠬᠠᠲᠤ ᠭᠡᠳᠡᠭ ᠭᠠᠵᠠᠷ ᠪᠣᠯᠵᠤᠭᠠ ᠲᠣᠭᠲᠠᠵᠤ᠂ ᠰᠣᠨᠣᠮᠷᠠᠰᠢ ᠶᠢ ᠪᠠᠷᠢᠵᠤ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠲᠡᠷᠡ | ᠪᠤᠰᠤᠳ ᠢ ᠭᠤᠶᠤᠵᠤ ᠭᠡᠷ ᠠᠴᠠ ᠪᠠᠨ ᠠᠷᠢᠬᠢ ᠮᠢᠬᠠ ᠠᠪᠴᠢᠷᠠᠭᠤᠯᠤᠭᠠᠳ᠂ ᠲᠡᠭᠦᠨ ᠢ ᠰᠠᠬᠢᠨ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠬᠥᠮᠥᠰ ᠢ ᠵᠣᠴᠢᠯᠠᠨ ᠰᠤᠭᠲᠤᠭᠠᠵᠤ᠂ | ᠵᠠᠪᠰᠢᠶᠡᠨ ᠢ ᠲᠠᠯᠢᠮᠳᠠᠭᠤᠯᠤᠨ ᠳᠤᠲᠠᠭᠠᠨ ᠭᠠᠷᠴᠠᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ᠂ ᠲᠡᠷᠡ ᠳᠤᠭᠤᠶᠢᠯᠠᠩ ᠢ ᠨᠡᠩ ᠵᠠᠨᠤᠨ ᠬᠤᠷᠣᠰᠬᠤ ᠪᠣᠯᠵᠤ᠂ ᠭᠠᠶᠢᠯᠢ ᠲᠠᠲᠠᠪᠤᠷᠢ ᠶᠢ | ᠤᠯᠠᠮ ᠨᠡᠮᠡᠭᠳᠡᠭᠦᠯᠵᠦ᠂ ᠮᠠᠯᠴᠢᠳ ᠤᠨ ᠬᠤᠪᠢ ᠤᠩᠭᠠᠰᠤ ᠨᠤᠤᠰᠤ ᠶᠢ ᠬᠦᠷᠲᠡᠯᠡ ᠴᠥᠮ ᠠᠯᠪᠠᠨ ᠳᠤ ᠬᠤᠷᠢᠶᠠᠮᠵᠢᠯᠠᠵᠤ ᠪᠣᠷᠣᠯᠠᠭᠤᠯᠤᠭᠠᠳ ᠵᠠᠪᠰᠠᠷ ᠠᠴᠠ ᠨᠢ | ᠬᠤᠨᠵᠢᠳᠠᠭ ᠪᠣᠯᠵᠠᠢ᠃ 1915 ᠣᠨ ᠳᠤ᠂ ᠪᠣᠷᠣᠲᠣᠯᠣᠭᠠᠢ ᠶᠢᠨ ᠳᠤᠭᠤᠶᠢᠯᠠᠩ ᠴᠤᠭᠯᠠᠷᠠᠨ ᠰᠣᠨᠣᠮᠷᠠᠰᠢ ᠶᠢ ᠲᠠᠬᠢᠨᠳᠡ ᠪᠠᠷᠢᠵᠤ ᠠᠪᠤᠭᠠᠳ ᠣᠯᠠᠨ ᠲᠦᠮᠡᠨ ᠨᠡᠷᠡ | ᠬᠤᠯᠪᠣᠨ ᠳᠡᠭᠡᠭᠰᠢ ᠵᠠᠭᠠᠯᠳᠤᠵᠤ᠂ ᠲᠡᠭᠦᠨ ᠤ ᠮᠠᠶᠢᠷᠠᠨ ᠲᠤᠰᠢᠶᠠᠯ ᠢ ᠣᠭᠴᠠᠷᠠᠭᠤᠯᠬᠤ ᠪᠠᠷ ᠱᠠᠭᠠᠷᠳᠠᠵᠠᠢ᠃ ᠨᠤᠶᠠᠨ ᠵᠡᠷᠭᠡ ᠪᠠᠨ ᠠᠯᠳᠠᠵᠤ ᠨᠣᠬᠠᠢ ᠶᠢᠨ ᠠᠮᠢ ᠪᠠᠨ | ᠭᠡᠭᠡᠬᠦ ᠰᠢᠬᠠᠭᠰᠠᠨ ᠰᠣᠨᠣᠮᠷᠠᠰᠢ ᠬᠤᠰᠢᠭᠤ ᠸᠠᠩ ᠢ ᠪᠢᠯᠳᠠᠤᠴᠢᠯᠠᠵᠤ ᠪᠠᠶᠢᠭᠠᠳ ᠪᠠᠰᠠ ᠲᠠᠬᠢᠨ ᠵᠡᠷᠭᠡ ᠳᠠᠪᠰᠢᠵᠤ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠪᠣᠯᠵᠠᠢ᠃ ᠲᠡᠷᠡ ᠣᠯᠠᠨ | ᠲᠦᠮᠡᠨ ᠢᠶᠠᠷ ᠬᠠᠷᠠ ᠲᠠᠮᠠᠬᠢ ᠲᠠᠷᠢᠭᠤᠯᠵᠤ᠂ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠢ ᠲᠠᠬᠢᠨ ᠢᠶᠠᠷ ᠨᠡᠮᠡᠵᠦ᠂ ᠦᠷᠭᠦᠯᠵᠢᠯᠡᠨ ᠮᠥᠯᠵᠢᠨ ᠳᠠᠷᠤᠯᠠᠳᠠᠭ ᠲᠤᠯᠠ ᠠᠷᠠᠳ ᠣᠯᠠᠨ ᠤ | ᠴᠢᠩᠭᠠ ᠡᠰᠡᠷᠭᠦᠴᠡᠯ ᠢ ᠣᠯᠪᠠ᠃ 1921 ᠣᠨ ᠳᠤ 2 ᠳ᠋ᠤᠭᠠᠷ ᠰᠠᠷᠠ ᠶᠢᠨ 4 ᠤ ᠡᠳᠦᠷ ︽ᠳ᠋ᠧᠩᠶ᠋ᠢᠩᠽᠢ︾ ᠵᠠᠪᠠ ᠪᠠᠷ ᠲᠣᠯᠣᠭᠠᠶᠢᠯᠠᠭᠤᠯᠤᠭᠰᠠᠨ ᠬᠤᠰᠢᠭᠤᠨ ᠤ | ᠡᠮᠦᠨᠡ ᠪᠡᠶᠡ ᠶᠢᠨ ᠳᠤᠭᠤᠶᠢᠯᠠᠩ ᠤᠨ 16 ᠨᠡᠷᠡ ᠬᠥᠮᠥᠨ ᠰᠣᠨᠣᠮᠷᠠᠰᠢ ᠶᠢᠨ ᠭᠡᠷ ᠲᠤ ᠳᠠᠭᠠᠷᠢᠨ ᠣᠷᠣᠭᠠᠳ ᠠᠯᠠᠵᠤ ᠠᠮᠠᠷᠠᠪᠠ᠃ | | | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ | |