ᠴᠢᠩᠪᠠᠲᠤ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ ᠴᠢᠩ ᠤᠯᠤᠰ ᠤᠨ ᠪᠦᠷᠢᠨᠲᠦ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠣᠨ ︵1874 ᠣᠨ︶ ᠳᠤ | ᠣᠳᠣ ᠶᠢᠨ ᠵᠣᠰᠣ ᠰᠢᠶᠠᠩ ᠤᠨ ᠤᠯᠠᠭᠠᠨᠵᠢᠷᠢᠮ ᠲᠣᠰᠬᠤᠨ ᠤ ᠬᠤᠶᠠᠷ ᠲᠣᠯᠣᠭᠠᠢ ᠶᠢᠨ ᠰᠢᠯᠢ ᠳᠤ ᠲᠥᠷᠥᠵᠡᠢ᠃ ᠲᠣᠯᠣᠢ ᠡᠵᠡᠨ ᠤ ᠴᠣᠮᠴᠤᠭ ᠰᠢᠲᠦᠭᠡᠨ ᠢ ᠰᠠᠬᠢᠨ | ᠬᠠᠮᠠᠭᠠᠯᠠᠬᠤ ᠲᠠᠷᠬᠠᠳ ᠤᠨ ᠬᠤᠶᠢᠴᠢᠰ ᠪᠣᠯᠣᠨᠠ᠃ | ᠴᠢᠩᠪᠠᠲᠤ ᠶᠢᠨ ᠡᠴᠢᠭᠡ ᠨᠢ ᠮᠥᠩᠭᠦᠨ ᠲᠠᠷᠬᠠᠨ ᠪᠠᠶᠢᠭᠰᠠᠨ ᠲᠤᠯᠠ ᠪᠠᠭᠠ ᠠᠴᠠ ᠪᠠᠨ ᠡᠴᠢᠭᠡ ᠪᠠᠨ ᠳᠠᠭᠠᠵᠤ ᠮᠥᠩᠭᠦ ᠪᠠ ᠭᠠᠤᠯᠢᠨ ᠡᠳ᠋ᠯᠡᠯ ᠬᠢᠬᠦ ᠠᠷᠭᠠ | ᠮᠡᠷᠭᠡᠰᠢᠯ ᠢ ᠡᠵᠡᠮᠰᠢᠭᠰᠡᠨ ᠪᠥᠭᠡᠳ ᠮᠣᠩᠭᠤᠯ ᠪᠢᠴᠢᠭ ᠢ ᠨᠡᠪᠲᠡᠷᠡᠲᠡᠯᠡ ᠰᠤᠷᠴᠠᠢ᠃ ᠲᠡᠷᠡ ᠭᠤᠣᠯᠳᠠᠭᠤ ᠮᠣᠩᠭᠤᠯᠴᠤᠳ ᠤᠨ ᠳᠠᠷᠤᠭᠤᠯᠭᠠ ᠵᠡᠭᠦᠭᠡ᠂ ᠪᠠᠭᠤᠪᠴᠢ᠂ | ᠪᠦᠯᠡᠵᠡᠭ ᠵᠡᠷᠭᠡ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠡᠳ᠋ᠯᠡᠯ ᠪᠠ ᠠᠷᠢᠬᠢᠨ ᠡᠳ᠋ᠯᠡᠯ ᠰᠠᠪᠠ ᠮᠡᠲᠦ ᠶᠢᠨ ᠮᠥᠩᠭᠦᠨ ᠡᠳ᠋ᠯᠡᠯ᠂ ᠴᠠᠢ ᠶᠢᠨ ᠳᠡᠪᠦᠷᠡ ᠵᠡᠷᠭᠡ ᠭᠠᠤᠯᠢᠨ ᠡᠳ᠋ᠯᠡᠯ ᠢ ᠠᠷᠪᠢᠨ | ᠵᠠᠰᠠᠵᠤ ᠪᠠᠶᠢᠵᠠᠢ᠃ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠬᠤᠷᠢ ᠶᠢᠰᠦᠳᠦᠭᠡᠷ ᠣᠨ ︵1903 ᠣᠨ︶ ᠳᠤ ᠬᠤᠰᠢᠭᠤ ᠵᠠᠰᠠᠭ ᠤᠨ ᠵᠡᠷᠭᠡ ᠶᠢ ᠵᠠᠯᠭᠠᠮᠵᠢᠯᠠᠭᠠᠳ ᠲᠡᠮᠡᠢ | ᠤᠳᠠᠭᠰᠠᠨ ᠦᠭᠡᠢ ᠭᠠᠯᠰᠠᠩᠷᠤᠯᠮᠠᠸᠠᠩᠵᠢᠯᠵᠠᠮᠰᠤ ᠲᠣᠯᠣᠢ ᠡᠵᠡᠨ ᠤ ᠴᠤᠮᠴᠤᠭ ᠰᠢᠲᠦᠭᠡᠨ ᠳᠤ ᠭᠠᠤᠯᠢ ᠪᠠᠷ ᠤᠷᠠᠯᠠᠨ ᠭᠠᠳᠠᠷᠯᠠᠭᠰᠠᠨ ᠬᠤᠶᠠᠷ ᠲᠡᠪᠰᠢ ᠡᠷᠭᠦᠬᠦ | ᠦᠶᠡ ᠳᠤ ᠴᠢᠩᠪᠠᠲᠤ ᠶᠢ ᠤᠷᠢᠵᠦ ᠬᠢᠯᠭᠡᠵᠡᠢ᠃ ᠡᠨᠡ ᠬᠤᠶᠠᠷ ᠲᠡᠪᠰᠢ ᠶᠢᠨ ᠨᠢᠭᠡ ᠨᠢ ᠶᠡᠭᠡ ᠨᠢᠭᠡ ᠨᠢ ᠪᠠᠭᠠ᠂ ᠶᠡᠭᠡ ᠲᠡᠪᠰᠢᠨ ᠳᠤ ᠶᠢᠰᠦᠨ ᠬᠤᠨᠢᠨ ᠥᠳᠬᠡ | ᠪᠤᠶᠤ ᠨᠢᠭᠡ ᠦᠬᠡᠷ ᠤᠨ ᠥᠳᠬᠡ ᠪᠠᠭᠲᠠᠳᠠᠭ᠂ ᠪᠠᠭᠠ ᠲᠡᠪᠰᠢᠨ ᠳᠤ ᠨᠢᠭᠡ ᠬᠤᠨᠢᠨ ᠤ ᠥᠳᠬᠡ ᠪᠠᠭᠲᠠᠳᠠᠭ ᠪᠠᠶᠢᠨᠠ᠃ ᠭᠠᠤᠯᠢᠨ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠨᠢ ︽ | ᠣᠲᠤᠭ ᠬᠤᠰᠢᠭᠤᠨ ᠤ ᠭᠠᠯᠰᠠᠩᠷᠤᠯᠮᠠᠸᠠᠩᠵᠢᠯᠵᠠᠮᠰᠤ ᠸᠠᠩ ᠠᠯᠢ ᠣᠨ ᠤ ᠠᠯᠢ ᠰᠠᠷᠠ ᠶᠢᠨ ᠠᠯᠢ ᠡᠳᠦᠷ ᠡᠷᠭᠦᠪᠡᠢ︾ ᠭᠡᠰᠡᠨ ᠮᠣᠩᠭᠤᠯ ᠦᠰᠦᠭ ᠢ ᠲᠤᠵᠢᠩᠳᠠᠵᠠᠢ᠃ | ᠢᠷᠭᠡᠨ ᠤᠯᠤᠰ ᠤᠨ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠣᠨ ︵1928 ᠣᠨ︶ ᠤ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠲᠣᠯᠤᠢ ᠡᠵᠡᠨ ᠤ ᠴᠤᠮᠴᠤᠭ ᠰᠢᠲᠠᠭᠳᠠᠵᠤ᠂ ᠠᠯᠲᠠ ᠰᠢᠷᠠᠭᠰᠠᠨ | ᠲᠠᠤᠬᠠᠢ ᠪᠣᠯᠣᠨ ᠴᠠᠭᠤ ᠵᠡᠷᠭᠡ ᠠᠯᠲᠠ ᠮᠥᠩᠭᠦᠨ ᠡᠳ᠋ᠯᠡᠯ ᠡᠪᠳᠡᠭᠳᠡᠭᠰᠡᠨ ᠳᠤ ᠴᠢᠩᠪᠠᠲᠤ ᠤᠤᠯ ᠶᠣᠰᠣᠭᠠᠷ ᠨᠢ ᠳᠠᠬᠢᠵᠤ ᠵᠠᠰᠠᠵᠠᠢ᠃ ᠡᠳᠡᠭᠡᠷ ᠭᠠᠤᠯᠢᠨ ᠲᠡᠪᠰᠢ᠂ | ᠲᠠᠤᠬᠠᠢ᠂ ᠴᠠᠭᠤ ᠵᠡᠷᠭᠡ ᠡᠳ᠋ᠯᠡᠯ ᠢ 1956 ᠣᠨ ᠳᠤ ᠲᠣᠯᠤᠢ ᠡᠵᠡᠨ ᠤ ᠴᠤᠮᠴᠤᠭ ᠰᠢᠲᠦᠭᠡᠨ ᠢ ᠰᠢᠨᠡ ᠪᠠᠶᠢᠭᠤᠯᠤᠭᠰᠠᠨ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭᠤᠨ ᠳᠤ | ᠨᠡᠶᠢᠯᠡᠭᠦᠯᠬᠦ ᠦᠶᠡ ᠳᠤ ᠬᠠᠮᠲᠤ ᠪᠠᠷ ᠴᠢᠩᠭᠢᠰ ᠤᠨ ᠣᠩᠭᠤᠨ ᠳᠤ ᠬᠠᠳᠠᠭᠠᠯᠠᠭᠳᠠᠵᠠᠢ᠃ ᠢᠷᠭᠡᠨ ᠤᠯᠤᠰ ᠤᠨ ᠦᠶᠡ ᠳᠤ ᠴᠢᠩᠪᠠᠲᠤ ᠶᠢᠨ ᠵᠠᠰᠠᠭᠰᠠᠨ ᠲᠣᠯᠣᠭᠠᠢ ᠶᠢᠨ | ᠵᠡᠭᠦᠭᠡ ᠣᠲᠤᠭ ᠬᠤᠰᠢᠭᠤᠨ ᠤ ᠵᠡᠭᠦᠨ ᠪᠡᠶᠡ ᠳᠤ ᠲᠤᠩ ᠠᠯᠳᠠᠷᠰᠢᠵᠤ᠂ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠲᠤᠯᠤᠨᠵᠢᠩ᠂ ᠳᠠᠯᠠᠳ ᠬᠤᠰᠢᠭᠤᠨ ᠤ ᠳ᠋ᠢᠸᠠ ᠵᠡᠷᠭᠡ ᠠᠯᠳᠠᠷᠲᠤ | ᠲᠠᠷᠬᠠᠨ ᠲᠠᠢ ᠮᠥᠴᠡᠭᠡᠷᠬᠡᠵᠦ᠂ ᠨᠢᠭᠡᠨ ᠦᠶᠡ ᠤᠷᠠᠨ ᠲᠠᠷᠬᠠᠨ ᠭᠡᠵᠦ ᠮᠠᠭᠲᠠᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠴᠢᠩᠪᠠᠲᠤ 1945 ᠣᠨ ᠳᠤ ᠣᠳᠣ ᠶᠢᠨ ᠴᠠᠭᠠᠨᠨᠠᠭᠤᠷ | ᠰᠤᠮᠤᠨ ᠤ ᠰᠢᠷᠠᠪᠦ᠋ᠷᠢᠲᠦ ᠭᠠᠴᠠᠭᠠᠨ ᠳᠤ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠵᠠᠢ᠃ | | | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ | | | | | | |