ᠵᠠᠯᠰᠬᠠᠤᠳᠽᠠᠷ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ 1874 ᠣᠨ ᠳᠤ ᠣᠲᠤᠭ ᠬᠤᠰᠢᠭᠤᠨ ᠤ ᠮᠠᠨᠢᠲᠤ ︵ᠣᠳᠣ ᠶᠢᠨ ᠴᠠᠪ ᠰᠤᠮᠤᠨ ᠤ ᠠᠷᠤᠪᠤᠯᠠᠭ︶ | ᠳᠠᠬᠢ ᠮᠠᠯᠴᠢᠨ ᠨᠠᠰᠤᠨᠳᠡᠯᠭᠡᠷ ᠤᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠪᠣᠯᠣᠨ ᠵᠠᠶᠠᠭᠠᠵᠠᠢ᠃ ᠲᠡᠷᠡ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠣᠯᠬᠤᠷ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ ᠡᠬᠢᠯᠡᠨ ᠮᠣᠩᠭᠤᠯ | ᠪᠢᠴᠢᠭ᠂ ᠲᠥᠪᠡᠳ ᠪᠢᠴᠢᠭ ᠪᠠ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠢ ᠬᠠᠲᠠᠭᠤᠵᠢᠯᠲᠠᠢ ᠰᠤᠷᠤᠯᠴᠠᠵᠠᠢ᠃ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠠᠯᠤᠰ ᠬᠤᠯᠠ ᠬᠦᠮᠪᠦᠮ ᠬᠡᠶᠢᠳ᠂ ᡀᠠᠰᠠ | ᠵᠡᠷᠭᠡ ᠭᠠᠵᠠᠷ ᠬᠦᠷᠴᠦ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠪᠠ ᠭᠦᠨ ᠤᠬᠠᠭᠠᠨ ᠢ ᠰᠢᠮᠲᠠᠨ ᠰᠤᠷᠤᠯᠴᠠᠵᠤ᠂ ᠪᠣᠳ᠋ᠳ᠋ᠾᠨ ᠶᠢᠨ ᠱᠠᠰᠢᠨ ᠤ ︽ᠲᠠᠪᠤᠨ ᠤᠬᠠᠭᠠᠨ︾ ᠤ | ᠰᠣᠩᠭᠤᠳᠠᠭ ᠵᠣᠬᠢᠶᠠᠯ ᠢ ᠰᠤᠷᠤᠯᠴᠠᠨ ᠰᠤᠳᠤᠯᠵᠤ ᠨᠡᠪᠲᠡᠷᠡᠭᠡᠳ ᠪᠠᠨᠳᠢᠳᠠ ᠴᠣᠯᠠ ᠣᠯᠵᠠᠢ᠃ ᠲᠥᠪᠡᠳ ᠠᠴᠠ ᠣᠲᠤᠭ ᠬᠤᠰᠢᠭᠤᠨ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ | ᠳᠠᠷᠠᠭᠠ᠂ ᠡᠯᠡ ᠡᠲᠡᠭᠡᠳ ᠤᠨ ᠳᠡᠮᠵᠢᠯᠭᠡ ᠶᠢ ᠬᠦᠷᠲᠡᠵᠦ᠂ ᠠᠷᠪᠠᠰ ᠤᠨ ᠠᠭᠤᠯᠠᠨ ᠳᠤ ᠲᠢᠶᠠᠠ ᠰᠦᠮᠡ ᠶᠢ ᠥᠷᠭᠡᠳᠬᠡᠨ ᠪᠠᠶᠢᠭᠤᠯᠵᠤ ᠲᠡᠨᠳᠡ ᠡᠮ ᠡᠮᠨᠡᠯᠭᠡ ᠪᠠ | ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠶᠢ ᠤᠶᠠᠯᠳᠤᠭᠤᠯᠤᠨ ᠬᠢᠵᠦ ᠪᠠᠶᠢᠪᠠ᠃ ᠲᠡᠷᠡ ᠪᠠᠰᠠ ᠪᠡᠭᠡᠵᠢᠩ᠂ ᠱᠠᠩᠬᠠᠢ᠂ ᠬᠠᠢ ᠨᠠᠠ ᠳ᠋ᠣᠤ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠲᠣᠭᠤᠷᠢᠨ ᠠᠶᠠᠯᠠᠵᠤ᠂ | ᠬᠢᠲᠠᠳ ᠦᠨᠳᠦᠰᠦᠲᠡᠨ ᠤ ᠳᠠᠪᠰᠢᠭᠰᠠᠨ ᠰᠣᠶᠣᠯ ᠪᠠ ᠬᠢᠲᠠᠳ ᠡᠮᠨᠡᠯᠭᠡ ᠶᠢᠨ ᠨᠥᠯᠥᠭᠡ ᠶᠢ ᠶᠡᠭᠡ ᠬᠦᠷᠲᠡᠵᠡᠢ᠃ ᠦᠲᠡᠯᠡ ᠨᠠᠰᠤᠨ ᠳᠠᠭᠠᠨ ᠲᠢᠶᠠᠠ ᠰᠦᠮᠡ ᠶᠢᠨ | ᠡᠵᠡᠨ ᠯᠠᠮᠠ ᠪᠠᠶᠢᠪᠠ᠃ | ᠵᠠᠯᠰᠬᠠᠤᠳᠽᠠᠷ ᠲᠢᠶᠠᠨ ᠰᠦᠮᠡ ᠳᠡᠭᠡᠷᠡ ᠡᠪᠡᠳᠴᠢᠨ ᠦᠵᠡᠬᠦ ᠠᠴᠠ ᠭᠠᠳᠠᠨᠠ ᠦᠷᠭᠦᠯᠵᠢ ᠣᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠬᠤᠰᠢᠭᠤᠳ ᠲᠤ ᠵᠠᠯᠠᠭᠳᠠᠵᠤ᠂ ᠡᠯᠳᠡᠪ | ᠵᠦᠢᠯ ᠤᠨ ᠪᠡᠷᠬᠡ ᠡᠪᠡᠳᠴᠢᠨ ᠢ ᠠᠨᠠᠭᠠᠳᠠᠭ ᠪᠠᠶᠢᠵᠠᠢ᠃ ᠵᠢᠯ ᠪᠦᠷᠢ ᠠᠷᠪᠠᠰ ᠤᠨ ᠠᠭᠤᠯᠠ᠂ ᠠᠯᠠᠱᠠᠨ ᠠᠭᠤᠯᠠᠨ ᠳᠤ ᠪᠡᠶᠡ ᠪᠠᠷ ᠢᠶᠠᠨ ᠭᠠᠷᠴᠤ ᠡᠮ ᠲᠡᠭᠦᠳᠡᠭ | ᠪᠥᠭᠡᠳ ᠡᠮ ᠲᠡᠭᠦᠬᠦ ᠶᠢᠨ ᠬᠠᠮᠲᠤ ᠡᠮᠴᠢᠯᠡᠭᠡ ᠬᠢᠳᠡᠭ ᠪᠣᠯᠬᠤᠷ ᠣᠷᠳᠣᠰ ᠪᠠ ᠠᠯᠠᠱᠠᠨ ᠨᠤᠲᠤᠭ ᠲᠤ ᠠᠯᠳᠠᠷᠰᠢᠵᠠᠢ᠃ ᠲᠡᠷᠡ ᠦᠷᠭᠦᠯᠵᠢ ᠮᠠᠮᠪᠠ ᠷᠠᠰᠠᠩ ︵ | ᠣᠳᠣ ᠶᠢᠨ ᠷᠠᠰᠠᠩ ᠰᠦᠮᠡ︶ ᠰᠦᠮᠡ ᠳᠡᠭᠡᠷᠡ ᠣᠴᠢᠵᠤ᠂ ᠲᠡᠨᠳᠡᠬᠢ ᠡᠮᠴᠢ ᠨᠠᠷ ᠲᠠᠢ ᠪᠠᠷ ᠬᠠᠮᠲᠤ ᠡᠮ ᠡᠮᠨᠡᠯᠭᠡ ᠶᠢ ᠶᠠᠷᠢᠯᠴᠠᠨ ᠰᠤᠳᠤᠯᠵᠤ ᠪᠠᠶᠢᠵᠠᠢ᠃ | ᠲᠡᠭᠦᠨ ᠤ ᠲᠥᠪᠡᠳ ᠬᠡᠯᠡ ᠪᠠᠷ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ︽ᠷᠠᠰᠢᠶᠠᠨ ᠤ ᠲᠣᠰᠣᠯ ᠬᠡᠮᠡᠭᠳᠡᠬᠦ ᠲᠤᠷᠰᠢᠯᠭᠠᠲᠤ ᠵᠣᠷ︾ ᠭᠡᠬᠦ ᠨᠣᠮ ᠳᠤ ᠳᠣᠲᠣᠷ ᠰᠠᠯᠠᠭᠠ᠂ | ᠬᠠᠯᠠᠭᠤᠨ ᠬᠢᠵᠢᠭ᠂ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ᠂ ᠭᠠᠳᠠᠷ ᠰᠢᠷᠬᠠ᠂ ᠡᠮᠡᠭᠲᠡᠢ᠂ ᠬᠡᠦᠬᠡᠳ᠂ ᠲᠠᠪᠤᠨ ᠡᠷᠬᠡᠲᠡᠨ᠂ ᠡᠯᠳᠡᠪ ᠡᠪᠡᠳᠴᠢᠨ ᠵᠡᠷᠭᠡ ᠠᠷᠪᠢᠨ ᠠᠭᠤᠯᠭᠠ ᠶᠢ | ᠪᠠᠭᠲᠠᠭᠠᠵᠤ᠂ ᠨᠡᠶᠢᠲᠡ 80 ᠭᠠᠷᠤᠢ ᠪᠦᠯᠦᠭ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠵᠦ᠂ ᠣᠨᠣᠰᠢᠯᠠᠬᠤ᠂ ᠡᠮ ᠬᠡᠷᠡᠭᠯᠡᠬᠦ ᠲᠤᠷᠰᠢᠯᠭᠠ ᠶᠢ ᠨᠠᠷᠢᠨ ᠲᠡᠮᠳᠡᠭᠯᠡᠵᠦ᠂ 200 ᠵᠦᠢᠯ ᠤᠨ | ᠲᠤᠷᠰᠢᠯᠭᠠᠲᠤ ᠵᠣᠷ ᠢ ᠬᠤᠷᠢᠶᠠᠨ ᠣᠷᠣᠭᠤᠯᠵᠠᠢ᠃ ᠲᠤᠰ ᠨᠣᠮ ᠳᠤ ᠪᠠᠰᠠ ᠮᠠᠰᠢ ᠠᠷᠪᠢᠨ ᠣᠷᠣᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠵᠣᠷ ᠢ ᠡᠮᠬᠢᠳᠬᠡᠨ ᠪᠢᠴᠢᠵᠡᠢ᠂ | ᠵᠢᠱᠢᠶᠡᠯᠡᠪᠡᠯ᠄ ᠴᠠᠭᠠᠨ ᠮᠣᠷᠢᠨ ᠶᠠᠰᠤᠨ ᠤ ᠵᠢᠩ ᠲᠠᠯᠪᠢᠬᠤ᠂ ᠬᠤᠯᠤᠭᠠᠨᠠ ᠶᠢᠨ ᠲᠣᠰᠣᠨ ᠤ ᠲᠦᠷᠬᠢᠬᠦ ᠨᠠᠶᠢᠷᠠᠯᠭᠠ᠂ ᠬᠤᠯᠤᠭᠠᠨᠠ ᠶᠢᠨ ᠠᠷᠠᠰᠤ᠂ ᠡᠯᠵᠢᠭᠡᠨ | ᠠᠷᠠᠰᠤᠨ ᠤ ᠵᠢᠩ ᠲᠠᠯᠪᠢᠬᠤ ᠵᠡᠷᠭᠡ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ᠂ ᠭᠤᠶᠣᠣ᠂ ᠡᠷᠳᠡᠨᠢ ᠶᠢᠨ ᠳᠠᠯᠬᠠ᠂ ᠰᠤᠪᠤᠳ ᠤᠨ ᠳᠠᠯᠬᠠ᠂ ᠭᠤᠷᠪᠠᠨ ᠰᠢᠷᠠ ᠶᠢᠨ ᠦᠷᠢᠯ ᠵᠡᠷᠭᠡ | ᠬᠢᠲᠠᠳ ᠡᠮ ᠤᠨ ᠲᠤᠷᠰᠢᠯᠭᠠᠲᠤ ᠵᠣᠷ ᠴᠤ ᠪᠣᠢ᠃ ᠵᠠᠯᠰᠬᠠᠤᠳᠽᠠᠷ ᠪᠠᠨᠳᠢᠳᠠ 1946 ᠣᠨ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠴᠡᠢ᠃ | | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ | | | |