ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠬᠡᠭᠦᠷ ᠪᠤᠰᠬᠠᠳᠠᠭ ᠦᠭᠡᠢ᠃ | ᠯᠤᠪᠰᠠᠩᠴᠤᠶᠢᠲᠠᠨ ᠤ ︽ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠦᠢᠯᠠᠪᠤᠷᠢ︾ ︵136 ᠳ᠋ᠤᠭᠠᠷ ᠨᠢᠭᠤᠷ︶ ᠳᠤ᠄ ︽ᠮᠤᠩᠭᠤᠯ ᠠᠶᠢᠮᠠᠭ ᠡᠷᠲᠡ ᠴᠠᠭ ᠲᠤᠷ | ᠬᠦᠮᠦᠨ ᠦᠬᠦᠪᠡᠰᠦ ᠮᠠᠭᠤ ᠢᠷᠸᠠ ᠪᠤᠯᠵᠠᠢ ᠭᠡᠮᠡᠨ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠡᠷᠦᠬᠡ ᠶᠢᠨ ᠨᠢᠭᠡᠨ ᠪᠦᠷᠭᠡ ᠬᠡᠷᠲᠡᠢ᠂ ᠦᠬᠦᠳᠡᠯ ᠢ ᠳᠤᠲᠤᠷᠠ ᠲᠠᠯᠪᠢᠵᠤ ᠦᠯᠡᠳᠡᠭᠡᠵᠦ᠂ | ᠪᠤᠰᠤ ᠬᠦᠮᠦᠨ ᠪᠦᠷᠭᠡ ᠪᠠᠨ ᠲᠡᠷᠭᠡ ᠳᠤ ᠪᠠᠨ ᠲᠡᠭᠡᠭᠡᠵᠦ ᠠᠳᠤᠭᠤ ᠮᠠᠯ ᠢᠶᠠᠨ ᠬᠦᠭᠡᠭᠡᠵᠦ ᠬᠤᠯᠠ ᠨᠡᠭᠦᠵᠦ ᠰᠠᠭᠤᠮᠤᠢ ᠁ ᠪᠠᠰᠠ ᠨᠢᠭᠡᠨ ᠵᠦᠢᠯ ᠦᠬᠦᠳᠡᠯ ᠢ | ᠲᠡᠷᠭᠡ ᠳᠤ ᠲᠡᠭᠡᠭᠡᠵᠦ ᠠᠶᠢᠯ ᠦᠭᠡᠢ ᠭᠠᠵᠠᠷ ᠬᠦᠷᠴᠦ ᠲᠡᠷᠭᠡ ᠦᠬᠡᠷ ᠤᠨ ᠴᠢᠨᠡᠭᠡᠪᠡᠷ ᠭᠦᠶᠦᠯᠭᠡᠵᠦ ᠶᠠᠪᠤᠬᠤ ᠳᠤ ᠦᠬᠦᠳᠡᠯ ᠲᠡᠷᠭᠡ ᠠᠴᠠ ᠤᠨᠠᠪᠠᠴᠤ ᠤᠳᠤ ᠡᠨᠡ | ᠴᠢᠨᠤ ᠮᠦᠩᠭᠡ ᠤᠷᠤᠨ ᠬᠡᠮᠡᠵᠦ ᠬᠦᠮᠦᠨ ᠭᠤᠷᠪᠠᠨ ᠤᠳᠠᠭᠠ ᠬᠡᠯᠡᠭᠡᠳ ᠬᠤᠶᠢᠰᠢ ᠬᠠᠷᠠᠬᠤ ᠦᠭᠡᠢ ᠲᠡᠷᠭᠡ ᠪᠠᠨ ᠬᠦᠭᠡᠭᠡᠵᠦ ᠡᠭᠡᠮᠦᠢ ᠁ ᠪᠠᠰᠠ ᠪᠠᠭ᠋ᠠᠨ ᠰᠠᠶᠢᠨ | ᠡᠷᠦᠭᠡ ᠶᠢᠨ ᠬᠦᠮᠦᠨ ᠦᠬᠦᠪᠡᠰᠤ᠂ ᠠᠮᠠᠨ ᠳᠤ ᠡᠷᠳᠡᠨᠢ ᠶᠢᠨ ᠵᠦᠢᠯ ᠢ ᠬᠢᠵᠦ᠂ ᠠᠪᠳᠠᠷᠠ ᠳᠤᠲᠤᠷᠠ ᠤᠷᠤᠭᠤᠯᠵᠤ ᠲᠡᠷᠭᠡ ᠪᠠᠷ ᠠᠶᠢᠯ ᠦᠭᠡᠢ ᠭᠠᠵᠠᠷ ᠠᠪᠠᠴᠢᠵᠤ | ᠲᠠᠯᠪᠢᠮᠤᠢ᠂ ᠭᠠᠵᠠᠷ ᠲᠤᠷ ᠪᠤᠯᠠᠭᠤᠯᠬᠤ ᠦᠭᠡᠢ ᠪᠤᠯᠠᠢ ᠁ ᠬᠤᠵᠢᠮ ᠤᠨ ᠦᠶᠡ ᠪᠤᠯᠵᠤ ᠴᠢᠩᠬᠢᠰ ᠪᠤᠭᠲᠠ ᠪᠠᠷᠠᠭᠤᠨ ᠵᠤᠤ ᠶᠢᠨ ᠤᠷᠤᠨ ᠠᠴᠠ ᠪᠤᠷᠬᠠᠨ ᠤ | ᠰᠤᠷᠭᠠᠯ ᠤᠨ ᠡᠭᠦᠳᠡᠨ ᠤ ᠯᠠᠮᠠ ᠶᠢ ᠵᠠᠯᠠᠵᠤ ᠮᠤᠩᠭᠤᠯ ᠭᠠᠵᠠᠷ ᠲᠤ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠦᠨ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠮᠤᠩᠭᠤᠯ ᠭᠠᠵᠠᠷ ᠰᠠᠶ᠋ᠢ ᠡᠬᠢᠯᠡᠵᠦ ᠬᠦᠮᠦᠨ | ᠦᠬᠦᠪᠡᠰᠦ ᠪᠠᠶᠠᠯᠢᠭ ᠬᠡᠷᠦᠨ ᠬᠦᠮᠦᠨ ᠪᠤᠯᠪᠠᠯᠠ ᠯᠠᠮᠠ ᠵᠠᠯᠠᠵᠤ ᠨᠤᠮ ᠢ ᠤᠩᠰᠢᠭᠤᠯᠤᠨ ᠦᠬᠦᠳᠡᠯ ᠢ ᠭᠠᠯ ᠤᠨ ᠮᠠᠭᠲᠠᠯ ᠢᠶᠠᠷ ᠰᠢᠲᠠᠭᠠᠵᠤ ᠶᠠᠰᠤ ᠶᠢ ᠪᠤᠮᠪᠠᠯᠠᠵᠤ | ᠬᠡᠭᠦᠷᠯᠡᠮᠦᠢ᠃ ᠦᠩᠭᠦᠯᠢᠭ ᠬᠡᠷᠦᠨ ᠬᠦᠮᠦᠨ ᠪᠤᠯᠪᠠᠯᠠ ᠮᠤᠳᠤᠨ ᠠᠪᠰᠠᠨ ᠳᠤ ᠬᠢᠵᠦ ᠭᠠᠵᠠᠷ ᠲᠤᠷ ᠬᠡᠭᠦᠷᠯᠡᠮᠦᠢ᠃ ᠡᠶᠢᠮᠦ ᠠᠭᠠᠯᠢ ᠪᠤᠯᠵᠤ ᠪᠠᠶᠢᠲᠠᠯᠠ ᠠᠷᠤ | ᠮᠤᠩᠭᠤᠯ ᠤᠨ ᠬᠦᠳᠡᠭᠡ ᠭᠠᠵᠠᠷ ᠤᠨ ᠬᠦᠮᠦᠨ ᠦᠬᠦᠪᠡᠰᠦ ᠪᠠᠰᠠᠴᠤ ᠶᠡᠭᠡ ᠡᠷᠲᠡ ᠶᠢᠨ ᠠᠭᠠᠯᠢ ᠪᠠᠷ ᠬᠡᠭᠡᠷᠡ ᠠᠪᠠᠴᠢᠵᠤ ᠡᠶᠢᠮᠤ ᠠᠭᠠᠯᠢ ᠪᠤᠯᠵᠤ ᠪᠠᠶᠢᠲᠠᠯᠠ ᠠᠷᠤ | ᠮᠤᠩᠭᠤᠯ ᠤᠨ ᠬᠦᠳᠡᠭᠡ ᠭᠠᠵᠠᠷ ᠤᠨ ᠬᠦᠮᠦᠨ ᠦᠬᠦᠪᠡᠰᠦ ᠪᠠᠰᠠᠴᠤ ᠶᠡᠭᠡ ᠡᠷᠲᠡ ᠶᠢᠨ ᠠᠭᠠᠯᠢ ᠪᠠᠷ ᠬᠡᠭᠡᠷᠡ ᠠᠪᠠᠴᠢᠵᠤ ᠵᠠᠳᠠᠭᠠᠢ ᠬᠡᠭᠡᠬᠦ ᠡᠲᠦᠭᠡ ᠪᠤᠯᠲᠠᠯᠠ ᠪᠠᠶᠢᠮᠤᠢ ᠁ | ᠡᠭᠦᠨᠴᠡ ᠭᠠᠳᠠᠨᠠ ᠲᠠᠬᠤᠯ ᠢᠶᠠᠷ ᠪᠢᠴᠢᠬᠠᠨ ᠬᠡᠥᠭᠡᠳ ᠦᠬᠦᠪᠡᠰᠦ ᠬᠡᠭᠡᠷᠡ ᠲᠠᠯᠠ ᠭᠠᠵᠠᠷ ᠵᠠᠳᠠᠭᠠᠢ ᠬᠡᠭᠡᠯᠴᠡᠮᠦᠢ︾ ᠭᠡᠵᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠤᠢ᠃ | ᠡᠨᠡ ᠳᠤᠬᠠᠢ ᠤᠳᠤ ᠴᠤ ᠭᠡᠰᠡᠨ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠴᠠᠬᠠᠷ ᠨᠤᠲᠤᠭ ᠢᠶᠠᠷ ᠦᠬᠦᠭᠰᠡᠳ ᠢ ᠲᠡᠷᠡ ᠶᠤᠰᠤᠭᠠᠷ ᠨᠢ ᠬᠡᠭᠡᠷᠡ ᠭᠠᠳᠠᠨᠠ | ᠬᠠᠶᠠᠬᠤ ᠪᠤᠶᠤ ᠤᠨᠤᠭᠠ ᠬᠦᠰᠭᠡ ᠪᠠᠷ ᠲᠤᠪᠳᠤᠯᠤᠭᠤᠯᠵᠤ ᠪᠠᠶᠢᠭᠠᠳ ᠤᠨᠠᠵᠤ ᠤᠶᠢᠴᠢᠭᠰᠠᠨ ᠭᠠᠵᠠᠷ ᠲᠤ ᠨᠢ ᠪᠤᠯᠠᠰᠢᠯᠠᠬᠤ᠂ ᠤᠯᠠᠭᠠᠨᠴᠠᠪ ᠢᠶᠠᠷ ᠨᠡᠯᠢᠶᠡᠳ ᠡᠷᠲᠡ | ᠪᠠᠰᠠ ᠦᠬᠦᠬᠦ ᠪᠤᠯᠤᠭᠰᠠᠳ ᠢ ᠲᠦᠰᠢᠵᠦ ᠲᠤᠯᠵᠤ ᠪᠠᠶᠢᠭᠠᠳ ᠰᠠᠭᠤᠭᠠ ᠪᠠᠷ ᠨᠢ ᠦᠬᠦᠭᠦᠯᠬᠦ ᠵᠡᠷᠭᠡ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ |