| ᠮᠤᠩᠭᠤᠯᠴᠤᠳ ᠤᠨ ᠠᠲᠤᠭᠤᠨ ᠤ ᠲᠤᠬᠠᠢ ᠤᠶᠤᠨ ᠤ ᠰᠤᠶᠤᠯ ᠨᠢ ᠵᠢᠷᠤᠭ ᠱᠤᠭᠤᠮᠠᠯ᠂ ᠦᠯᠢᠭᠡᠷ ᠲᠤᠤᠯᠢ᠂ ᠲᠠᠭᠤᠤ ᠰᠢᠯᠦᠭ᠂ ᠲᠡᠬᠢᠯ ᠮᠦᠷᠭᠦᠯ᠂ | ᠠᠮᠢᠲᠤᠷᠠᠯ ᠬᠡᠷᠡᠭᠰᠡᠯ ᠤᠨ ᠴᠢᠮᠡᠭᠯᠡᠯ ᠭᠡᠬᠦ ᠮᠡᠲᠦ ᠦᠷᠭᠡᠨ ᠬᠡᠪᠴᠢᠶᠡᠨ ᠳᠤ ᠠᠯᠢᠨ ᠳᠤᠨᠢ ᠴᠦ ᠲᠤᠲᠠᠭᠲᠠᠬᠤ ᠦᠭᠡᠢ ᠠᠭᠤᠯᠤᠬᠲᠠᠵᠤ ᠪᠠᠶᠢᠲᠠᠭ ᠪᠢᠯᠡ᠃ | 1. ᠬᠠᠲᠠᠨ ᠵᠢᠷᠤᠭ ᠲᠤ ᠢᠯᠡᠷᠡᠭᠰᠡᠨ ᠮᠤᠷᠢᠨ ᠤ ᠰᠢᠲᠦᠯᠭᠡ ᠮᠤᠨᠢ ᠠᠭᠤᠯᠠ ᠶᠢᠨ ᠬᠠᠲᠠᠨ ᠵᠢᠷᠤᠭ ᠲᠤ ᠠᠮᠢᠲᠠᠨ ᠤ ᠵᠢᠷᠤᠭ ᠵᠤᠩᠬᠢ ᠲᠤᠭᠠ ᠶᠢ ᠡᠵᠡᠯᠡᠲᠡᠭ᠂ | ᠲᠡᠭᠦᠨᠴᠢᠯᠡᠨ ᠠᠮᠢᠲᠠᠨ ᠤ ᠲᠤᠲᠤᠷᠠ ᠨᠢ ᠡᠯᠡ ᠵᠦᠢᠯ ᠤᠨ ᠮᠤᠷᠢ ᠪᠤᠯᠤᠨ ᠮᠤᠷᠢᠲᠠᠨ ᠤ ᠵᠢᠷᠤᠭ ᠨᠡᠯᠢᠶᠡᠳ ᠶᠡᠭᠡ ᠬᠠᠷᠢᠴᠠᠯ ᠢ ᠡᠵᠡᠯᠡᠨᠡ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ | ᠮᠤᠷᠢ ᠨᠢ ᠠᠩ ᠠᠩᠨᠠᠯ᠂ ᠮᠠᠯ ᠮᠠᠯᠯᠠᠭᠠ ᠶᠢᠨ ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠤ ᠪᠠᠶᠢᠵᠠᠢ᠃ ᠮᠤᠨᠢ ᠠᠭᠤᠯᠠ ᠶᠢᠨ ᠬᠠᠲᠠᠨ ᠵᠢᠷᠤᠭ ᠤᠨ ᠰᠡᠲᠦᠪᠯᠡᠭᠦᠨ ᠨᠢ ᠵᠠᠷᠢᠮ ᠨᠢ | ᠬᠡᠷᠡᠭ ᠤᠴᠢᠷ ᠤᠨ ᠲᠡᠮᠲᠡᠭᠯᠡᠯ ᠮᠥᠨ᠂ ᠭᠡᠪᠡᠴᠦ ᠲᠡᠭᠦᠨ ᠤ ᠲᠤᠲᠤᠷᠠᠬᠢ ᠴᠦᠭᠡᠨ ᠪᠤᠰᠤ ᠨᠢ ᠪᠠᠯᠠᠷᠯᠢᠭ ᠱᠠᠰᠢᠨ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ ᠲᠤᠭᠠ ᠪᠠᠷ ᠬᠠᠮᠤᠭ ᠤᠨ | ᠠᠷᠪᠢᠨ ᠠᠮᠢᠲᠠᠨ ᠤ ᠵᠢᠷᠤᠭ ᠢᠶᠠᠷ ᠠᠪᠴᠦ ᠦᠵᠡᠬᠦ ᠳᠤ ᠨᠡᠭᠦᠲᠡᠯ ᠮᠠᠯᠵᠢᠯ ᠤᠨ ᠶᠢᠷᠲᠢᠨᠴᠦ ᠶᠢᠨ ᠪᠤᠲᠠᠲᠤ ᠠᠮᠢᠲᠤᠷᠠᠯ ᠤᠨ ᠲᠤᠰᠬᠠᠯ ᠭᠡᠵᠦ ᠬᠡᠯᠡᠬᠦ ᠶᠢᠨ ᠤᠷᠤᠨ ᠳᠤ | ᠲᠡᠯᠡᠬᠡᠢ ᠲᠡᠭᠡᠷᠡ ᠨᠡᠶᠢᠲᠡᠮ ᠤᠷᠤᠰᠢᠵᠤ ᠪᠠᠶᠢᠬᠰᠠᠨ ᠠᠮᠢᠲᠠᠨ ᠤ ᠰᠢᠲᠦᠯᠭᠡ ᠶᠢᠨ ᠤᠷᠠᠯᠢᠭ ᠲᠤᠰᠬᠠᠯ ᠭᠡᠵᠦ ᠦᠵᠡᠬᠦ ᠨᠢ ᠢᠲᠡᠭᠡᠮᠵᠲᠡᠢ᠃ ᠮᠤᠨᠢ ᠠᠭᠤᠯᠠ ᠨᠢᠷᠤᠭᠤ᠂ | ᠠᠯᠲᠠᠢ ᠠᠭᠤᠯᠠ ᠨᠢᠷᠤᠭᠤ ᠮᠡᠲᠦ ᠶᠢᠨ ᠮᠤᠩᠭᠤᠯ ᠤᠨ ᠦᠨᠲᠦᠷᠯᠢᠭ ᠤᠨ ᠬᠠᠲᠠᠨ ᠵᠢᠷᠤᠭ ᠲᠠᠬᠢ ᠮᠤᠷᠢ ᠪᠣᠯ ᠮᠤᠩᠭᠤᠯ ᠤᠨ ᠦᠨᠲᠦᠷᠯᠢᠭ ᠤᠨ ᠪᠠᠯᠠᠷ ᠡᠷᠲᠡᠨ ᠤ | ᠤᠵᠤᠭᠤᠷ ᠢᠷᠭᠡᠳ ᠤᠨ ᠮᠤᠷᠢᠨ ᠤ ᠰᠢᠲᠦᠯᠭᠡ ᠶᠢᠨ ᠲᠤᠰᠬᠠᠯ ᠮᠥᠨ᠃ ᠮᠤᠨᠢ ᠠᠭᠤᠯᠠ ᠶᠢᠨ ᠬᠠᠲᠠᠨ ᠵᠢᠷᠤᠭ ᠲᠤ ᠴᠡᠭᠡᠵᠢᠨ ᠤ ᠡᠮᠤᠨᠡ ᠬᠤᠶᠠᠷ ᠭᠠᠷ ᠢᠶᠠᠨ | ᠬᠠᠪᠰᠤᠷᠤᠨ ᠮᠤᠷᠢᠨ ᠳᠤ ᠵᠠᠯᠪᠠᠷᠢᠵᠤ ᠪᠠᠶᠢᠭᠠ ᠪᠤᠶᠤ ᠬᠦᠮᠦᠨ ᠤ ᠵᠢᠷᠤᠭ ᠬᠢᠭᠡᠳ ᠵᠡᠷᠯᠢᠭ ᠠᠲᠤᠭᠤᠨ ᠰᠦᠷᠦᠭ ᠤᠨ ᠬᠠᠵᠠᠭᠤᠲᠠ ᠪᠦᠵᠢᠭᠯᠡᠵᠤ ᠪᠠᠶᠢᠭᠠ ᠵᠢᠷᠤᠭ ᠪᠠᠷ | ᠴᠦᠮ ᠰᠢᠲᠦᠭᠡᠨ ᠮᠤᠷᠢᠨ ᠳᠠᠭᠠᠨ ᠮᠦᠷᠭᠦᠵᠦ ᠪᠠᠶᠢᠭᠠ ᠪᠤᠶᠤ ᠰᠢᠲᠦᠭᠡᠨ ᠮᠤᠷᠢᠨ ᠳᠠᠭᠠᠨ ᠪᠦᠵᠢᠭ ᠡᠷᠭᠦᠨ ᠪᠠᠶᠠᠰᠬᠠᠵᠤ ᠪᠠᠶᠢᠭᠠ ᠰᠠᠨᠠᠭᠠ ᠶᠢ ᠭᠠᠷᠭᠠᠬᠰᠠᠨ ᠵᠢᠷᠤᠭ | ᠮᠥᠨ᠃ ᠡᠭᠦᠨ ᠢ ᠡᠵᠡᠳ ᠰᠠᠬᠢᠭᠤᠰᠤ ᠪᠠᠨ ᠪᠠᠶᠠᠰᠬᠠᠬᠤ ᠶᠢᠨ ᠵᠤᠷᠢᠯᠭᠠ ᠪᠠᠷ ᠲᠠᠬᠢᠯ ᠮᠦᠷᠭᠦᠯ ᠬᠢᠭᠰᠡᠨ ᠤ ᠲᠠᠷᠠᠭᠠ ᠲᠠᠭᠤᠯᠠᠨ ᠪᠦᠵᠢᠭᠯᠡᠵᠦ ᠨᠠᠶᠢᠷᠯᠠᠬᠤ ᠪᠠ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠲᠤᠮ ᠤᠨ ᠮᠦᠷᠦ᠋ᠢᠴᠡᠭᠡᠨ ᠪᠤᠯᠲᠠᠭ ᠨᠢ ᠪᠦᠷ ᠰᠢᠲᠦᠭᠡᠨ ᠮᠤᠷᠢᠨ ᠳᠠᠭᠠᠨ ᠪᠦᠵᠢᠭ ᠡᠷᠭᠦᠭᠦ ᠰᠢᠲᠦᠯᠭᠡ ᠶᠢᠨ ᠠᠲᠠᠯᠢ ᠪᠤᠰᠤ ᠶᠢᠨ ᠲᠡᠥᠬᠡ ᠶᠢᠨ | ᠱᠠᠲᠦ ᠳᠠᠬᠢ ᠬᠦᠭᠵᠢᠯ ᠤᠨ ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠮᠤᠩᠭᠤᠯ ᠤᠨ ᠦᠨᠲᠦᠷᠯᠢᠭ ᠤᠨ ᠤᠵᠤᠭᠤᠷ ᠢᠷᠭᠡᠳ ᠤᠨ ᠤᠶᠤᠨ ᠰᠡᠷᠡᠯ ᠳᠠᠬᠢ ᠮᠤᠷᠢᠨ ᠤ ᠰᠢᠲᠦᠯᠭᠡ ᠨᠢ | ᠲᠠᠪᠬᠤᠷᠲᠠᠮᠠᠯ ᠰᠤᠶᠤᠯ ᠤᠨ ᠠᠭᠤᠯᠭᠠ ᠪᠠᠶᠢᠬᠤ ᠠᠴᠠ ᠠᠯᠢ ᠴᠦ ᠠᠮᠢᠲᠠᠨ ᠤ ᠰᠢᠲᠦᠯᠭᠡ ᠠᠴᠠ ᠤᠷᠦ᠋ᠢᠯᠠᠵᠤ ᠪᠠᠶᠢᠵᠠᠢ ᠃ | 2. ᠬᠦᠷᠡᠯ ᠤᠨ ᠰᠤᠶᠤᠯ ᠤᠨ ᠦᠶᠡ ᠶᠢᠨ ᠤᠩᠭᠤ ᠰᠢᠲᠦᠭᠡᠨ ᠤ ᠬᠦᠯᠦᠭ ᠵᠡᠷᠯᠢᠭ ᠠᠲᠤᠭᠤ ᠶᠢ ᠭᠡᠷᠰᠢᠭᠦᠯᠦᠭᠰᠡᠨ ᠨᠢ ᠠᠲᠤᠭᠤᠨ ᠤ ᠲᠤᠬᠠᠢ ᠪᠠᠯᠠᠷ ᠡᠷᠲᠡᠨ ᠤ | ᠬᠦᠮᠦᠰ ᠤᠨ ᠦᠵᠡᠯ ᠤᠬᠠᠮᠰᠠᠷ ᠲᠤ ᠶᠡᠬᠡᠬᠡᠨ ᠬᠤᠪᠢᠷᠠᠯᠲᠠ ᠭᠠᠷᠭᠠᠵᠠᠢ᠃ ᠰᠢᠲᠦᠯᠭᠡ ᠶᠢᠨ ᠬᠤᠪᠢ ᠳᠤ ᠠᠲᠤᠭᠤ ᠨᠢ ᠤᠩᠭᠤᠨ ᠰᠢᠲᠦᠭᠡᠨ ᠤ ᠪᠠᠶᠢᠷᠢ ᠪᠠᠨ | ᠬᠠᠲᠠᠭᠠᠯᠠᠬᠰᠠᠭᠠᠷ ᠪᠤᠯᠪᠠᠴᠦ ᠭᠡᠷ ᠤᠨ ᠮᠠᠯ ᠪᠤᠯᠵᠤ ᠬᠦᠮᠦᠨ ᠳᠤ ᠡᠵᠡᠮᠲᠡᠭᠲᠡᠭᠰᠡᠨ ᠨᠦᠯᠦᠭᠡ ᠪᠠᠷ ᠪᠡᠶᠡ ᠪᠠᠨ ᠲᠠᠭᠠᠭᠠᠭᠰᠠᠨ ᠤᠩᠭᠤ ᠰᠢᠲᠦᠭᠡᠨ ᠤ ᠪᠠᠶᠢᠷᠢ ᠠᠴᠠ ᠪᠠᠨ | ᠬᠦᠮᠦᠨ ᠲᠦᠷᠢ ᠲᠠᠢ ᠤᠩᠭᠤ ᠰᠢᠲᠦᠭᠡᠨ ᠤ ᠬᠦᠯᠦᠭ ᠤᠨᠤᠭᠠ ᠶᠢᠨ ᠬᠤᠪᠢ ᠪᠠᠷ ᠤᠯᠠᠨ ᠢᠯᠡᠷᠡᠬᠦ ᠪᠤᠯᠵᠠᠢ᠃ ᠡᠭᠦᠨ ᠠᠴᠠ ᠪᠡᠶᠡ ᠪᠠᠨ ᠲᠠᠭᠠᠭᠠᠬᠰᠠᠨ ᠤᠩᠭᠤ | ᠰᠢᠲᠦᠭᠡᠨ ᠤ ᠪᠠᠶᠢᠷᠢ ᠠᠴᠠ ᠲᠡᠳ᠋ ᠪᠠᠶᠢᠷᠢ ᠳᠤ ᠰᠢᠯᠵᠢᠵᠤ ᠪᠠᠶᠢᠬᠤ ᠶᠢᠨ ᠢᠯᠡᠷᠡᠯ ᠢ ᠤᠯᠵᠤ ᠬᠠᠷᠠᠨᠠ᠃ ᠪᠠᠯᠠᠷ ᠡᠷᠲᠡᠨ ᠤ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠮᠤᠷᠢ ᠶᠢ ᠠᠩ | ᠭᠦᠷᠦᠭᠡ ᠬᠢᠬᠦ ᠶᠢᠨ ᠢᠶᠠᠨ ᠬᠠᠪᠰᠤᠷᠭᠠ ᠪᠤᠯᠭᠠᠬᠤ ᠭᠡᠰᠡᠨ ᠬᠡᠴᠢᠨᠡᠨ ᠮᠢᠩᠭᠠᠨ ᠵᠢᠯ ᠤᠨ ᠬᠦᠰᠡᠯ ᠨᠢ ᠪᠠᠶᠠᠯᠠᠩᠲᠡᠭᠰᠡᠨ ᠠᠴᠠ ᠰᠢᠲᠦᠭᠡᠨ ᠠᠴᠠ ᠨᠢ ᠬᠠᠨᠢ ᠨᠠᠶᠢᠵᠠ ᠶᠢᠨ | ᠠᠭᠤᠯᠭᠠ ᠭᠠᠷᠴᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠠᠲᠤᠭᠤᠨ ᠤ ᠰᠤᠶᠤᠯ ᠤᠨ ᠭᠤᠷᠪᠠᠲᠠᠬᠴᠢ ᠲᠠᠪᠬᠤᠷᠭᠠ ᠠᠭᠤᠯᠭᠠ ᠪᠤᠯᠤᠨᠠ᠃ ᠰᠢᠨᠡ ᠴᠢᠯᠠᠭᠤᠨ ᠵᠠᠪᠰᠡᠭ ᠤᠨ | ᠰᠢᠪᠲᠤᠷᠠᠭᠠ ᠪᠠ ᠬᠦᠷᠡᠯ ᠤᠨ ᠰᠤᠶᠤᠯ ᠤᠨ ᠡᠬᠢᠨ ᠤ ᠦᠶᠡ ᠪᠠᠷ ᠪᠠᠯᠠᠷ ᠡᠷᠲᠡᠨ ᠤ ᠤᠵᠤᠭᠤᠷ ᠢᠷᠭᠡᠳ ᠤᠨ ᠰᠢᠲᠦᠯᠭᠡ ᠨᠢ ᠪᠠᠶᠢᠭᠠᠯᠢ ᠶᠢᠨ ᠤᠷᠭᠤᠮᠠᠯ ᠠᠮᠢᠲᠠᠨ | ᠪᠢᠰᠢ ᠪᠤᠯᠵᠤ ᠬᠦᠮᠦᠨ ᠤ ᠲᠦᠷᠢ ᠲᠠᠢ ᠰᠢᠲᠦᠭᠡᠨ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ ᠪᠦᠭᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠤ ᠬᠠᠮᠤᠭ ᠲᠡᠭᠡᠲᠦ ᠰᠢᠲᠦᠭᠡᠨ ᠪᠣᠯ ᠬᠦᠬᠡ ᠮᠦᠩᠭᠡ ᠲᠡᠭᠷᠢ | ᠂ ᠬᠦᠷᠦᠰᠦᠲᠦ ᠡᠲᠦᠭᠡᠨ ᠲᠡᠯᠡᠬᠡᠢ ᠪᠤᠯᠤᠨᠠ᠃ ᠡᠲᠡᠭᠡᠷ ᠰᠢᠲᠦᠭᠡᠨ ᠪᠤᠯᠤᠨ ᠬᠦᠮᠦᠨ ᠤ ᠬᠤᠭᠤᠷᠤᠨᠲᠤᠬᠢ ᠵᠠᠭᠤᠴᠢ ᠪᠣᠯ ᠢᠲᠤᠭᠠᠨ ᠪᠦᠭᠡ ᠨᠠᠷ ᠪᠤᠯᠤᠨᠠ᠃ ᠪᠦᠭᠡ | ᠢᠲᠤᠭᠠᠨ ᠨᠠᠷ ᠪᠣᠯ ᠡᠲᠡᠭᠡᠷ ᠰᠠᠬᠢᠭᠤᠯᠰᠤᠨ ᠳᠤ ᠬᠦᠮᠦᠰ ᠤᠨ ᠬᠦᠰᠡᠯ ᠨᠠᠶᠢᠲᠠᠯᠭᠠ ᠶᠢ ᠲᠠᠮᠵᠢᠭᠤᠯᠵᠤ᠂ ᠡᠵᠡᠳ ᠰᠠᠬᠢᠭᠤᠰᠤ ᠶᠢᠨ ᠰᠠᠨᠠᠭᠠ ᠵᠤᠷᠢᠭ᠂ ᠠᠪᠤᠷᠠᠯ | ᠰᠤᠨᠲᠠᠭ ᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠳᠤ ᠮᠡᠲᠡᠭᠦᠯᠬᠦ ᠪᠠ ᠪᠦᠭᠡᠯᠡᠬᠦ ᠮᠡᠲᠦ ᠶᠢᠨ ᠤᠶᠢᠯᠡ ᠶᠢ ᠬᠦᠢᠴᠡᠳᠭᠡᠲᠡᠭ᠂ ᠪᠦᠭᠡᠯᠡᠬᠦ ᠨᠢ ᠬᠡᠷᠡᠭ ᠲᠡᠭᠡᠷᠡ ᠪᠠᠨ ᠲᠦᠷᠰᠦ | ᠪᠡᠯᠭᠡᠰᠢᠶᠡᠯ ᠮᠥᠨ᠃ ᠬᠡᠢ ᠮᠤᠷᠢ ᠶᠢᠨ ᠰᠢᠲᠦᠯᠭᠡ ᠨᠢ ᠮᠤᠷᠢᠨ ᠤ ᠴᠤᠭ ᠰᠦᠯᠲᠡ ᠶᠢ ᠰᠢᠲᠦᠲᠡᠭ ᠤᠵᠠᠭᠤᠷᠯᠢᠭ ᠰᠢᠲᠦᠯᠭᠡ ᠶᠢᠨ ᠨᠡᠶᠢᠭᠡᠮᠴᠢᠯᠡᠭᠰᠡᠨ ᠰᠢᠨᠡ ᠬᠡᠯᠪᠡᠷᠢ | ᠮᠥᠨ᠃ ᠬᠦᠷᠡᠯ ᠤᠨ ᠰᠤᠶᠤᠯ ᠤᠨ ᠦᠶᠡ ᠠᠴᠠ ᠠᠪᠤᠭᠠᠳ ᠮᠤᠷᠢ ᠨᠢ ᠰᠢᠲᠦᠭᠡᠨ ᠪᠤᠯᠤᠨ ᠬᠠᠨᠢ ᠨᠠᠶᠢᠵᠠ ᠭᠡᠬᠦ ᠲᠠᠪᠬᠤᠷᠲᠠᠮᠠᠯ ᠰᠤᠶᠤᠯ ᠤᠨ ᠠᠭᠤᠯᠭᠠ ᠲᠠᠢ ᠪᠤᠯᠵᠠᠢ᠃ | ᠡᠨᠡ ᠨᠢ ᠬᠤᠶᠢᠰᠢᠲᠡ ᠶᠢᠨ ᠬᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠠᠭᠠᠨ ᠰᠢᠲᠦᠭᠡᠨ ᠤ ᠬᠤᠪᠢ ᠳᠤ ᠬᠡᠶᠢᠮᠤᠷᠢ᠂ ᠬᠡᠷᠡᠭᠴᠡᠭᠡ ᠶᠢᠨ ᠬᠤᠪᠢ ᠳᠤ ᠪᠤᠲᠠᠲᠠᠢ ᠤᠨᠤᠭᠠ ᠬᠦᠯᠦᠭ ᠭᠡᠵᠦ | ᠢᠯᠭᠠᠪᠤᠷᠢᠯᠠᠨ ᠰᠠᠯᠵᠤ ᠭᠠᠷᠴᠦ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠬᠦᠭᠵᠯ ᠤᠨ ᠱᠠᠲᠤᠨ ᠳᠤ ᠪᠤᠲᠠᠲᠤ ᠮᠤᠷᠢ ᠪᠤᠯᠤᠨ ᠬᠦᠮᠦᠨ ᠢᠲᠡᠭᠡᠰᠢᠨ ᠨᠢᠭᠡᠲᠦᠭᠰᠡᠨ ᠢᠶᠠᠷ ᠦᠯᠦ | ᠪᠠᠷᠠᠮ᠂ ᠬᠦᠮᠦᠨ ᠰᠢᠲᠦᠭᠡᠨ ᠴᠦ ᠢᠲᠡᠭᠡᠰᠢᠨ ᠨᠢᠭᠡᠲᠦᠭᠰᠡᠨ ᠤᠨᠴᠠᠯᠢᠭ ᠲᠠᠢ ᠪᠤᠯᠵᠠᠢ᠃ ᠾᠦᠩᠨᠤᠴᠤᠳ ᠤᠨ ᠬᠠᠲᠠᠨ ᠵᠢᠷᠤᠭ ᠤᠨ ᠮᠤᠷᠢ ᠪᠤᠯᠤᠨ ᠬᠦᠷᠡᠯ ᠡᠳ᠋ᠯᠡᠯ ᠤᠨ | ᠮᠤᠷᠢ ᠪᠣᠯ ᠡᠭᠦᠰᠦᠯ ᠨᠢᠭᠡ ᠬᠡᠪᠰᠢᠯ ᠠᠲᠠᠯᠢ ᠤᠷᠠᠯᠢᠭ ᠤᠨ ᠪᠦᠲᠦᠭᠡᠯ ᠪᠤᠯᠤᠨᠠ᠃ ᠤᠮᠠᠷᠠᠲᠤ ᠶᠢᠨ ᠨᠡᠭᠦᠲᠡᠯᠴᠢᠳ ᠤᠨ ᠮᠤᠷᠢᠨ ᠤ ᠰᠢᠲᠦᠯᠭᠡ ᠳᠤ ᠪᠠᠯᠠᠷ ᠡᠷᠲᠡᠨ ᠠᠴᠠ | ᠤᠯᠠᠮᠵᠢᠯᠠᠯ ᠲᠠᠢ ᠵᠦᠯᠲᠡ ᠰᠢᠲᠦᠯᠭᠡ ᠴᠦ ᠨᠡᠶᠢᠲᠡᠮ ᠤᠷᠤᠰᠢᠵᠤ ᠪᠠᠶᠢᠵᠠᠢ᠃ ᠵᠦᠯᠲᠡ ᠰᠢᠲᠦᠯᠭᠡ ᠶᠢᠨ ᠪᠠᠷᠢᠮᠲᠠ ᠮᠤᠩᠭᠤᠯ ᠤᠨ ᠦᠨᠲᠦᠷᠯᠢᠭ ᠤᠨ ᠡᠮᠤᠨᠡ ᠵᠠᠬᠠ ᠳᠤ | 8000 ᠵᠢᠯ ᠤᠨ ᠲᠡᠷᠲᠡᠭᠡ ᠳᠤ ᠤᠷᠤᠰᠢᠵᠤ ᠪᠠᠶᠢᠬᠰᠠᠨ ᠰᠢᠩ ᠯᠦᠩ ᠸᠠ ᠶᠢᠨ ᠰᠤᠶᠤᠯ ᠤᠨ ᠪᠠᠭᠤᠷᠢ ᠠᠴᠠ ᠠᠩᠬᠠ ᠢᠯᠡᠷᠡᠭᠰᠡᠨ ᠪᠠᠶᠢᠲᠠᠭ᠃ ᠠᠮᠢᠲᠠᠨ ᠤ | ᠲᠤᠯᠤᠭᠠᠢ᠂ ᠠᠮᠢᠰᠬᠤᠬᠤ ᠡᠷᠭᠡᠲᠡᠨ ᠤ ᠬᠡᠯᠬᠢᠶᠡ — ᠮᠦᠭᠡᠷᠰᠦᠨ ᠬᠤᠭᠤᠯᠠᠢ᠂ ᠠᠭᠤᠰᠬᠢ᠂ ᠵᠢᠷᠦᠭᠡ ᠵᠢᠴᠢ ᠲᠦᠷᠪᠡᠨ ᠰᠢᠬᠢᠷᠡ ᠲᠠᠢ ᠨᠢ ᠦᠷᠭᠦᠯᠵᠢ ᠦᠪᠴᠢᠭᠰᠡᠨ | ᠠᠷᠠᠰᠤᠨ ᠳᠤᠨᠢ ᠠᠮᠢᠲᠠᠨ ᠤ ᠰᠦᠨᠡᠰᠦ ᠤᠷᠤᠰᠢᠲᠠᠭ ᠭᠡᠵᠦ ᠦᠵᠡᠲᠡᠭ᠃ ᠢᠩᠬᠢᠵᠦ ᠲᠤᠯᠤᠭᠠᠢ᠂ ᠠᠮᠢᠰᠬᠤᠬᠤ ᠡᠷᠭᠡᠲᠡᠨ ᠤ ᠬᠡᠯᠬᠢᠶᠡ᠂ ᠵᠢᠷᠦᠭᠡ᠂ ᠠᠷᠠᠰᠤ ᠲᠦᠷᠪᠡᠨ | ᠰᠢᠬᠢᠷᠡ ᠲᠠᠢ ᠨᠢ ᠦᠷᠭᠦᠯᠵᠢ ᠠᠪᠤᠬᠰᠠᠨ ᠲᠤᠯᠤᠭᠠᠢ ᠵᠦᠯᠲᠡ ᠭᠡᠲᠡᠭ᠃ ᠡᠨᠡ ᠨᠢ ᠪᠦᠭᠡ ᠮᠦᠷᠭᠦᠯ ᠤᠨ ᠱᠠᠰᠢᠨ ᠤ ᠰᠦᠨᠡᠰᠦ ᠰᠢᠲᠦᠯᠭᠡ ᠠᠴᠠ ᠡᠬᠢ ᠲᠠᠢ | ᠰᠤᠶᠤᠯ ᠤᠨ ᠦᠵᠡᠭᠲᠡᠯ ᠪᠤᠯᠤᠨᠠ᠃ | 3. ᠮᠤᠩᠭᠤᠯᠴᠤᠳ ᠤᠨ ᠮᠤᠷᠢᠨ ᠤ ᠰᠢᠲᠦᠯᠭᠡ ᠮᠤᠩᠭᠤᠯᠴᠤᠳ ᠤᠨ ᠮᠤᠷᠢᠨ ᠤ ᠰᠢᠲᠦᠯᠭᠡ ᠳᠤ ᠤᠩᠭᠤ ᠰᠢᠲᠦᠭᠡᠨ ︵ᠲᠡᠭᠡᠲᠦ ᠰᠢᠲᠦᠭᠡᠨ︶ ᠤ ᠰᠢᠲᠦᠯᠭᠡ᠂ | ᠵᠦᠯᠲᠡ ᠰᠢᠲᠦᠯᠭᠡ ︵ᠰᠦᠨᠡᠰᠦ ᠰᠢᠲᠦᠯᠭᠡ︶᠂ ᠮᠤᠷᠢᠨ ᠤ ᠪᠡᠶᠡ ᠪᠠᠶᠢᠲᠠᠯ᠂ ᠵᠠᠩ ᠠᠷᠠᠨᠰᠢᠨ ᠢ ᠪᠠᠭᠲᠠᠭᠠᠬᠰᠠᠨ ᠭᠤᠸᠠ ᠲᠠᠭᠠᠰᠢᠶᠠᠯ᠂ ᠤᠶᠢᠯᠡ ᠬᠢᠲᠡᠯ᠂ ᠠᠮᠢ | ᠨᠠᠰᠤ ᠪᠠᠨ ᠬᠤᠯᠪᠤᠬᠰᠠᠨ ᠡᠯᠢᠭᠡ ᠦᠨᠲᠡᠯᠵᠡᠮᠡ ᠰᠢᠲᠦᠯᠴᠡᠭᠡᠰᠡᠨ ᠰᠡᠳᠬᠢᠯᠭᠡ ᠵᠡᠷᠭᠡ ᠤᠯᠠᠨ ᠲᠠᠪᠬᠤᠷᠭᠠ ᠰᠤᠶᠤᠯ ᠤᠨ ᠠᠭᠤᠯᠭᠠ ᠠᠭᠤᠯᠤᠬᠲᠠᠵᠤ ᠪᠠᠶᠢᠲᠠᠭ᠃ | ᠮᠤᠩᠭᠤᠯᠴᠤᠳ ᠤᠨ ᠮᠤᠷᠢᠨ ᠤ ᠤᠩᠭᠤ ᠰᠢᠲᠦᠯᠭᠡ ᠨᠢ ᠬᠠᠲᠠᠨ ᠲᠡᠭᠡᠷᠡ ᠵᠢᠷᠤᠬᠤ᠂ ᠡᠯᠡ ᠵᠦᠢᠯ ᠤᠨ ᠡᠷᠲᠡᠨᠢ ᠴᠢᠯᠠᠭᠤᠳ ᠢᠶᠠᠷ ᠱᠤᠭᠤᠬᠤ᠂ ᠠᠯᠲᠠ ᠮᠦᠩᠭᠦ᠂ | ᠬᠦᠷᠡᠯ ᠭᠠᠥᠯᠢ ᠪᠠᠷ ᠴᠢᠳᠬᠤᠬᠤ ᠮᠡᠲᠦ ᠪᠠᠷ ᠤᠵᠠᠭᠤᠷ ᠤᠯᠠᠮᠵᠢᠯᠠᠯ ᠢᠶᠠᠨ ᠬᠡᠪ ᠢᠶᠠᠷ ᠵᠠᠯᠭᠠᠮᠵᠢᠯᠠᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠦᠰ ᠲᠤᠷᠭᠠᠨ ᠲᠠᠯᠪᠠᠭᠠ ᠲᠡᠭᠡᠷᠡ | ᠪᠠᠷᠯᠠᠵᠤ ᠬᠡᠶᠢᠮᠤᠷᠢ ᠭᠡᠮᠡᠨ ᠬᠡᠶᠢᠰᠭᠡᠵᠦ ᠲᠦᠭᠡᠮᠡᠯᠵᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠲᠠ ᠮᠤᠷᠢᠨ ᠤ ᠰᠦᠨᠡᠰᠦᠨ ᠰᠢᠲᠦᠯᠭᠡ — ᠵᠦᠯᠲᠡ ᠰᠢᠲᠦᠯᠭᠡ | ᠮᠥᠨ ᠤᠯᠠᠮᠵᠢᠯᠠᠨ ᠬᠠᠲᠠᠭᠠᠯᠠᠭᠲᠠᠭᠰᠠᠭᠠᠷ ᠪᠠᠶᠢᠨᠠ᠃ | | |