| ᠸᠠᠩᠴᠤᠭᠰᠡᠷᠡᠩ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ ᠪᠤᠷᠵᠢᠭᠢᠨ ᠣᠪᠣᠭᠲᠠᠨ᠂ ᠬᠢᠲᠠᠳ ᠨᠡᠷᠡ ᠨᠢ ᠪᠣᠤ ᠵᠧᠨ ᠰᠢᠤ ᠭᠡᠳᠡᠭ᠃ ᠣᠳᠣ ᠶᠢᠨ ᠣᠲᠤᠭ ᠤᠨ | ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠵᠤᠤᠬᠠ ᠰᠤᠮᠤᠨ ᠤ ᠬᠦᠮᠦᠨ᠂ ᠢᠵᠠᠭᠤᠷᠲᠠᠨ ᠤ ᠭᠡᠷ ᠲᠤ ᠲᠥᠷᠦᠵᠦ ᠥᠰᠴᠡᠢ᠃ ᠴᠢᠩ ᠣᠯᠤᠰ ᠤᠨ ᠬᠡᠪᠲᠦ ᠶᠣᠰᠣᠲᠦ ᠶᠢᠨ | ᠭᠤᠷᠪᠠᠳᠤᠭᠠᠷ ᠣᠨ ︵1911 ᠣᠨ︶ ᠳᠤ ᠣᠲᠤᠭ ᠬᠤᠰᠢᠭᠤᠨ ᠤ ᠳᠡᠳ᠋ ᠲᠤᠰᠠᠯᠠᠭᠴᠢ ᠪᠣᠯᠵᠦ᠂ ᠢᠷᠭᠡᠨ ᠤᠯᠤᠰ ᠤᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠣᠨ ︵1927 | ᠣᠨ︶ ᠳᠤ ᠣᠲᠤᠭ ᠬᠤᠰᠢᠭᠤᠨ ᠤ ᠵᠡᠭᠦᠨ ᠲᠤᠰᠠᠯᠠᠭᠴᠢ ᠪᠣᠯᠵᠡᠢ᠃ ᠢᠷᠭᠡᠨ ᠤᠯᠤᠰ ᠤᠨ ᠭᠤᠴᠢᠨ ᠬᠤᠶᠠᠳᠤᠭᠠᠷ ᠣᠨ ︵1943 ᠣᠨ︶ ᠳᠤ ᠬᠤᠰᠢᠭᠤ ᠸᠠᠩ | ᠸᠠᠩᠵᠢᠨᠵᠠᠪ ᠨᠠᠰᠤ ᠨᠥᠭᠴᠢᠭᠰᠡᠨ ᠳᠤ᠂ ᠴᠢᠭᠤᠯᠭᠠᠨ ᠤ ᠭᠠᠵᠠᠷ ᠠᠴᠠ ᠸᠠᠩᠴᠤᠭᠰᠡᠷᠡᠩ ᠢᠶᠠᠷ ᠬᠤᠰᠢᠭᠤ ᠲᠠᠮᠠᠭᠠ ᠶᠢ ᠲᠦᠷ ᠬᠠᠮᠢᠶᠠᠷᠤᠭᠤᠯᠵᠠᠢ᠃ ᠠᠳᠡ ᠠᠴᠠ | ᠡᠬᠢᠯᠡᠭᠡᠳ ᠲᠡᠷᠡ ᠣᠷᠣᠯᠠᠭᠴᠢ ᠵᠠᠰᠠᠭ ᠪᠣᠯᠵᠦ ᠬᠤᠰᠢᠭᠤᠨ ᠤ ᠠᠯᠪᠠᠨ ᠢ ᠡᠷᠬᠢᠯᠡᠨ ᠶᠠᠪᠤᠭᠤᠯᠵᠠᠢ᠃ ᠸᠠᠩᠴᠢᠨᠵᠠᠪ ᠤᠨ ᠲᠡᠭᠦᠦ᠂ ᠪᠠᠷᠠᠭᠤᠨ ᠲᠤᠰᠠᠯᠠᠭᠴᠢ ᠶᠠᠩᠰᠠᠨᠵᠠᠪ | ᠶᠡᠭᠡ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠲᠠᠮᠠᠭᠠ ᠬᠠᠮᠢᠶᠠᠷᠬᠤ ᠡᠷᠬᠡ ᠶᠢ ᠪᠡᠶᠡ ᠳᠡᠭᠡᠨ ᠡᠵᠡᠮᠰᠢᠬᠦ ᠶᠢᠨ ᠲᠥᠯᠥᠭᠡ᠂ ᠠᠷᠭᠠᠳᠠᠬᠤ᠂ ᠵᠠᠭᠠᠯᠳᠤᠬᠤ᠂ ᠠᠶᠤᠯᠭᠠᠨ ᠰᠦᠷᠳᠡᠭᠦᠯᠬᠦ | ᠵᠡᠷᠭᠡ ᠠᠷᠪᠢᠨ ᠵᠦᠢᠯ ᠤᠨ ᠠᠷᠭᠠ ᠪᠠᠰᠢᠷ ᠬᠡᠷᠡᠭᠯᠡᠵᠦ᠂ ᠲᠡᠭᠦᠨ ᠢ ᠰᠢᠬᠠᠮᠳᠠᠭᠤᠯᠵᠤ ᠪᠠᠶᠢᠭᠠᠳ ᠲᠠᠮᠠᠭᠠ ᠶᠢ ᠨᠢ ᠲᠤᠰᠢᠶᠠᠯᠭᠠᠬᠤ ᠭᠡᠵᠡᠢ᠃ ᠶᠠᠩᠰᠠᠨᠵᠠᠪ ᠵᠡᠷᠯᠢᠭ | ᠰᠠᠨᠠᠭᠠ ᠲᠠᠢ᠂ ᠬᠠᠷᠠ ᠬᠤᠣᠷ ᠲᠠᠢ ᠪᠥᠭᠡᠳ ᠭᠤᠮᠢᠨᠳᠠᠩ ᠤᠨ ᠲᠠᠩᠨᠠᠭᠤᠯ ᠤᠨ ᠡᠵᠡᠮᠳᠡᠯ ᠳᠤ ᠪᠠᠶᠢᠬᠤ ᠶᠢ ᠸᠠᠩᠴᠤᠭᠰᠡᠷᠡᠩ ᠰᠠᠶᠢᠨ ᠮᠡᠳᠡᠬᠦ ᠲᠤᠯᠠ ᠬᠤᠰᠢᠭᠤᠨ ᠤ | ᠲᠠᠮᠠᠭᠠ ᠬᠡᠷᠪᠡ ᠶᠠᠩᠰᠠᠨᠵᠠᠪ ᠤᠨ ᠭᠠᠷ ᠲᠤ ᠣᠷᠣᠪᠠᠯ ᠣᠲᠤᠭ ᠬᠤᠰᠢᠭᠤ ᠳᠠᠷᠤᠢ ᠬᠠᠭᠠᠴᠠᠯ ᠭᠠᠷᠤᠨᠠ ᠭᠡᠵᠦ ᠦᠵᠡᠵᠦ ᠪᠠᠶᠢᠪᠠ᠃ ᠢᠩᠭᠢᠭᠡᠳ ᠸᠠᠩᠴᠤᠭᠰᠡᠷᠡᠩ | ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠡᠪ ᠬᠠᠮᠲᠤ ᠨᠠᠮ ᠲᠠᠢ ᠬᠠᠷᠢᠯᠴᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠰᠠᠨᠪᠢᠶᠠᠨ ᠣᠷᠣᠨ ᠤ ᠣᠨᠴᠣᠭᠤᠢ ᠬᠤᠷᠢᠶᠠ ᠪᠣᠯᠣᠨ | ᠣᠲᠤᠭ ᠬᠤᠰᠢᠭᠤᠨ ᠤ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠶᠢᠨ ᠳᠡᠮᠵᠢᠯᠭᠡ ᠳᠣᠣᠷᠠ ᠬᠤᠰᠢᠭᠤ ᠲᠠᠮᠠᠭᠠ ᠪᠠᠨ ᠬᠠᠷᠠᠲᠤᠯᠤᠭᠠᠢ ︵ᠣᠳᠣ ᠶᠢᠨ ᠪᠣᠷᠣᠪᠠᠯᠭᠠᠰᠤ ᠰᠤᠮᠤ ᠶᠢᠨ ᠰᠢᠨᠡ | ᠴᠠᠶᠢᠵᠠ︶ ᠳᠤ ᠰᠢᠯᠵᠢᠭᠦᠯᠦᠨ ᠬᠠᠮᠠᠭᠠᠯᠠᠵᠤ᠂ ᠣᠲᠤᠭ ᠬᠤᠰᠢᠭᠤᠨ ᠤ ᠤᠯᠤᠰ ᠲᠥᠷᠥ ᠶᠢᠨ ᠪᠠᠶᠢᠳᠠᠯ ᠲᠣᠭᠲᠠᠭᠤᠨ ᠪᠠᠶᠢᠬᠤ ᠶᠢ ᠪᠠᠲᠤᠯᠠᠵᠠᠢ᠃ | ᠶᠠᠩᠰᠠᠨᠵᠠᠪ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠶᠢᠨ ᠭᠠᠵᠠᠷ ᠳᠠᠬᠢᠨ ᠲᠠᠪᠲᠠᠨ ᠡᠷᠭᠦᠯᠲᠡ ᠪᠢᠴᠢᠵᠦ᠂ ︽ᠬᠤᠰᠢᠭᠤᠨ ᠤ ᠬᠡᠷᠡᠭ ᠢ ᠡᠵᠡᠨ ᠮᠡᠳᠡᠵᠦ᠂ ᠳᠤᠷᠠ ᠪᠠᠷ | ᠠᠭᠠᠰᠢᠯᠠᠨ᠂ ᠬᠡᠷᠡᠭ ᠤᠴᠢᠷ ᠢ ᠠᠳᠡᠭᠦᠦ ᠰᠢᠢᠳᠪᠦᠷᠢᠯᠡᠪᠡ︾ ᠬᠡᠮᠡᠨ ᠸᠠᠩᠴᠤᠭᠰᠡᠷᠡᠩ ᠢ ᠵᠠᠭᠠᠯᠳᠤᠭᠰᠠᠨ ᠪᠥᠭᠡᠳ ᠭᠤᠮᠢᠨᠳᠠᠩ ᠠᠴᠠ ᠴᠤ ᠲᠤᠰᠬᠠᠢ ᠲᠤᠰᠢᠶᠠᠯᠲᠡᠨ | ᠲᠣᠮᠢᠯᠠᠨ ᠢᠷᠡᠭᠦᠯᠵᠦ᠂ ᠶᠠᠩᠰᠠᠨᠵᠠᠪ ᠢ ᠳᠡᠮᠵᠢᠵᠦ ᠪᠠᠶᠢᠪᠠ᠃ 1946 ᠣᠨ ᠳᠤ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠲᠦᠪᠰᠢᠨᠵᠢᠷᠭᠠᠯ ᠠᠯᠪᠠᠨ ᠪᠢᠴᠢᠭ ᠢᠷᠡᠭᠦᠯᠵᠦ᠂ | ᠬᠤᠰᠢᠭᠤᠨ ᠤ ᠲᠠᠮᠠᠭᠠ ᠪᠠᠨ ᠶᠠᠩᠰᠠᠨᠵᠠᠪ ᠲᠤ ᠲᠤᠰᠢᠶᠠᠰᠤᠭᠠᠢ ᠭᠡᠵᠡᠢ᠃ 1946 ᠣᠨ ᠤ 6 ᠳ᠋ᠤᠭᠠᠷ ᠰᠠᠷᠠ ᠳᠤ ᠪᠣᠯᠣᠭᠰᠠᠨ ᠬᠤᠰᠢᠭᠤ ᠲᠠᠮᠠᠭᠠ ᠶᠢᠨ ᠪᠦᠷᠢᠳᠦᠯ | ᠳᠡᠭᠡᠷᠡ᠂ ᠸᠠᠩᠴᠤᠭᠰᠡᠷᠡᠩ ᠨᠢᠭᠡᠨᠲᠡ ᠬᠡᠷᠡᠭᠯᠡᠬᠦ ᠪᠠᠨ ᠵᠣᠭᠰᠣᠭᠰᠠᠨ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠮᠥᠩᠭᠦᠨ ᠲᠠᠮᠠᠭᠠ ᠶᠢ ᠲᠤᠰᠢᠶᠠᠵᠤ᠂ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠭᠤᠮᠢᠨᠳᠠᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠣᠯᠭᠤᠭᠰᠠᠨ ᠭᠠᠤᠯᠢᠨ ᠲᠠᠮᠠᠭᠠ ᠪᠠᠨ ᠲᠤᠰᠢᠶᠠᠭᠰᠠᠨ ᠦᠭᠡᠢ ᠪᠠᠷ ᠴᠢᠭᠤᠯᠭᠠᠨ ᠤ ᠵᠠᠷᠯᠢᠭ ᠢ | ᠠᠷᠭᠠᠴᠠᠭᠠᠨ ᠥᠩᠭᠡᠷᠡᠭᠦᠯᠵᠡᠢ᠃ ᠳᠠᠷᠠᠭᠠ ᠵᠢᠯ ᠤᠨ ᠬᠢᠨᠢ ᠨᠠᠮᠤᠷ ᠶᠠᠩᠰᠠᠨᠵᠠᠪ ᠲᠤᠰᠢᠶᠠᠯ ᠠᠴᠠ ᠪᠠᠨ ᠤᠭᠴᠠᠷᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠭᠠᠤᠯᠢᠨ ᠲᠠᠮᠠᠭᠠ ᠶᠢ | ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠴᠣᠭᠵᠢᠯᠨᠤᠷᠪᠤ ᠳᠤ ᠲᠤᠰᠢᠶᠠᠵᠠᠢ᠃ 1949 ᠣᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠳᠤ ᠣᠲᠤᠭ ᠬᠤᠰᠢᠭᠤ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠴᠢᠯᠦᠭᠡᠯᠡᠭᠳᠡᠵᠦ᠂ 9 | ᠳ᠋ᠦ᠋ᠭᠡᠷ ᠰᠠᠷᠠ ᠳᠤ ᠸᠠᠩᠴᠤᠭᠰᠡᠷᠡᠩ ᠣᠲᠤᠭ ᠬᠤᠰᠢᠭᠤᠨ ᠤ ᠲᠦᠷ ᠴᠠᠭ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠡᠷᠬᠢᠯᠡᠭᠴᠢ ᠪᠣᠯᠵᠦ᠂ | 1950 ᠣᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠳᠤ ᠣᠲᠤᠭ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠬᠤᠰᠢᠭᠤ ᠳᠠᠷᠤᠭᠠ ᠪᠠᠷ ᠰᠣᠩᠭᠤᠭᠳᠠᠭᠠᠳ ᠮᠥᠨ ᠵᠢᠯ | ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠵᠠᠢ᠃ | | | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ |