| ᠬᠥᠮᠥᠨ ᠤ ᠬᠦᠤ ᠳᠡᠭᠡᠷᠡ ᠲᠠᠢ ᠳᠤᠤᠷᠠ ᠲᠠᠢ | ᠭᠡᠭᠦᠦ ᠶᠢᠨ ᠤᠨᠠᠭᠠ ᠡᠮᠦᠨᠡ ᠲᠠᠢ ᠬᠤᠶᠢᠨᠠ ᠲᠠᠢ | ᠳᠡᠯ ᠢ ᠨᠢ ᠵᠠᠰᠠᠬᠤ ᠠᠴᠠ ᠮᠣᠷᠢ ᠲᠠᠢ | ᠳᠡᠯᠡᠩ ᠢ ᠳᠠᠲᠠᠬᠤ ᠠᠴᠠ ᠥᠨᠢᠶᠡ ᠲᠠᠢ | ᠪᠤᠰᠢᠭᠤ ᠤᠨᠤᠬᠤ ᠪᠠᠷ ᠮᠣᠷᠢ ᠲᠠᠢ | ᠴᠢᠨ᠋ᠸᠠ ᠢᠳᠡᠬᠦ ᠪᠠᠷ ᠬᠤᠨᠢ ᠲᠠᠢ | ᠵᠠᠶᠢᠳᠠᠯᠠᠵᠤ ᠤᠨᠤᠬᠤ ᠮᠣᠷᠢ ᠲᠠᠢ | ᠵᠠᠵᠢᠯᠵᠤ ᠢᠳᠡᠬᠦ ᠮᠢᠬᠠ ᠲᠠᠢ | ᠮᠠᠭᠤ ᠡᠷᠡ ᠠᠷᠢᠬᠢᠨ ᠲᠠᠬᠠ ᠲᠠᠢ | ᠰᠠᠶᠢᠨ ᠮᠣᠷᠢ ᠲᠡᠮᠦᠷ ᠲᠠᠬᠠ ᠲᠠᠢ | ᠵᠢᠯᠤᠭᠤ ᠳᠠᠷᠤᠮᠠ ᠵᠢᠯᠤᠭᠤ ᠲᠠᠢ | ᠬᠠᠵᠠᠭᠠᠷ ᠳᠠᠷᠤᠮᠠ ᠬᠠᠲᠠᠷᠢᠶᠠ ᠲᠠᠢ | ᠬᠡᠯᠡᠬᠦ ᠦᠭᠡ ᠶᠢ ᠨᠢᠭᠤᠷ ᠳᠡᠭᠡᠷᠡ | ᠲᠠᠯᠪᠢᠬᠤ ᠮᠣᠷᠢ ᠶᠢ ᠢᠵᠢᠯᠢ ᠳᠡᠭᠡᠷᠡ | ᠬᠤᠨᠢᠴᠢᠨ ᠬᠦᠤ ᠤᠷᠤᠭᠰᠢ ᠪᠠᠨ ᠲᠡᠭᠦᠯᠢᠬᠦ | ᠬᠤᠷᠭᠤᠬᠤ ᠮᠣᠷᠢ ᠬᠤᠶᠢᠰᠢ ᠪᠠᠨ ᠲᠡᠭᠦᠯᠢᠬᠦ | ᠠᠳᠤᠭᠤᠨ ᠴᠢᠨᠡᠭᠡᠨ ᠠ ᠮᠡᠳᠡᠬᠦ ᠦᠭᠡᠢ | ᠦᠬᠡᠷ ᠤᠨ ᠴᠢᠨᠡᠭᠡᠨ ᠥ ᠲᠠᠨᠢᠬᠤ ᠦᠭᠡᠢ | ᠠᠳᠤᠭᠤᠨ ᠳᠤ ᠠᠵᠢᠷᠭᠠ ᠦᠭᠡᠢ ᠪᠣᠯ ᠰᠥᠷᠦᠭ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ | ᠭᠠᠯᠠᠭᠤᠨ ᠳᠤ ᠲᠥᠷᠦᠭᠦᠦ ᠦᠭᠡᠢ ᠪᠣᠯ ᠴᠤᠪᠤᠭᠠ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ | ᠡᠮᠡᠭᠡᠯ ᠦᠭᠡᠢ ᠮᠣᠷᠢ ᠵᠠᠶᠢᠳᠡᠩ | ᠡᠷᠡ ᠦᠭᠡᠢ ᠡᠮᠡ ᠱᠠᠯᠳᠡᠩ | ᠣᠷᠲᠣ ᠵᠠᠮ ᠬᠥᠭᠡᠭᠡᠪᠡᠯ ᠤᠨᠤᠭᠰᠠᠨ ᠮᠤᠷᠢ ᠨᠢ ᠶᠠᠳᠠᠬᠤ | ᠤᠴᠢᠷ ᠦᠭᠡᠢ ᠣᠯᠠᠨ ᠶᠠᠷᠢᠪᠠᠯ ᠠᠮᠠ ᠬᠡᠯᠡ ᠶᠠᠳᠠᠬᠤ | ᠣᠯᠠᠨ ᠶᠠᠷᠢᠪᠠᠯ ᠤᠯᠢᠭ ᠪᠣᠯᠬᠤ | ᠤᠯᠠᠨ ᠴᠣᠬᠢᠪᠠᠯ ᠣᠶᠤᠭ ᠪᠣᠯᠬᠤ | ᠰᠠᠶᠢᠨ ᠮᠣᠷᠢ ᠰᠠᠶᠢᠪᠤᠷ ᠵᠢᠷᠤᠭᠠ | ᠮᠠᠭᠤ ᠮᠣᠷᠢ ᠮᠣᠳᠣᠨ ᠬᠦᠰᠢᠶᠡ | ᠠᠭᠠᠯᠢ ᠦᠭᠡᠢ ᠬᠥᠮᠥᠨ ᠦᠭᠡᠨ ᠳᠤ ᠤᠨᠠᠬᠤ | ᠠᠭᠰᠤᠮ ᠮᠣᠷᠢ ᠨᠥᠭᠡᠨ ᠳᠤ ᠤᠨᠠᠬᠤ | ᠳᠠᠪᠠᠷᠡᠩ ᠳᠠᠪᠠᠷᠡᠩ ᠭᠡᠰᠡᠨ ᠮᠣᠷᠢ ᠭᠠᠵᠠᠷ ᠬᠤᠷᠣᠭᠠᠳᠠᠭ ᠦᠭᠡᠢ | ᠲᠡᠭᠡᠨᠡ ᠲᠡᠭᠡᠨᠡ ᠭᠡᠳᠡᠭ ᠬᠥᠮᠥᠨ ᠶᠠᠪᠤᠳᠠᠯ ᠪᠦᠲᠦᠭᠡᠳᠡᠭ ᠦᠭᠡᠢ | ᠦᠷᠡ ᠠᠴᠢ ᠶᠢᠨ ᠢᠶᠠᠨ ᠰᠠᠶᠢᠨ ᠢ ᠦᠵᠡ | ᠦᠷᠢᠶᠡ ᠳᠠᠭᠠ ᠶᠢᠨ ᠢᠶᠠᠨ ᠬᠤᠷᠳᠤᠨ ᠢ ᠦᠵᠡ | ᠠᠭᠲᠠ ᠮᠣᠷᠢ ᠪᠦᠳᠦᠷᠢᠬᠦ ᠦᠭᠡᠢ ᠪᠣᠯ ᠵᠠᠭᠠᠨ ᠪᠣᠯᠬᠤ | ᠡᠷᠡ ᠬᠥᠮᠥᠨ ᠠᠳᠡᠬᠦ ᠦᠭᠡᠢ ᠪᠣᠯ ᠬᠠᠭᠠᠨ ᠪᠣᠯᠬᠤ | ᠠᠶᠠᠭᠠᠨ ᠤ ᠬᠠᠷᠢᠭᠤ ᠡᠳᠦᠷ ᠲᠤ ᠪᠠᠨ | ᠠᠭᠲᠠ ᠶᠢᠨ ᠬᠠᠷᠢᠭᠤ ᠵᠢᠯ ᠳᠤ ᠪᠠᠨ | ᠮᠣᠷᠢᠲᠠᠢ ᠶᠢ ᠪᠠᠭᠤᠯᠭᠠᠵᠤ ᠭᠠᠶᠢᠬᠠᠭᠤᠯᠬᠤ | ᠶᠠᠪᠠᠭᠠᠨ ᠢ ᠰᠠᠭᠤᠯᠭᠠᠵᠤ ᠭᠠᠶᠢᠬᠠᠭᠤᠯᠬᠤ | ᠰᠠᠶᠢᠨ ᠮᠣᠷᠢᠨ ᠤ ᠵᠢᠮᠰᠡᠭ ᠰᠠᠶᠢᠪᠤᠷ ᠵᠢᠷᠭᠠ ᠬᠤᠶᠠᠷ | ᠮᠠᠭᠤ ᠮᠣᠷᠢᠨ ᠤ ᠵᠢᠮᠰᠡᠭ ᠮᠣᠳᠣ ᠲᠠᠰᠢᠭᠤᠷ ᠬᠤᠶᠠᠷ | ᠦᠬᠡᠷ ᠢ ᠭᠤᠷᠪᠠ ᠶᠢᠰᠦ ᠳᠤ ᠲᠡᠵᠢᠭᠡ︕ | ᠮᠣᠷᠢ ᠶᠢ ᠭᠤᠷᠪᠠᠨ ᠹᠦ᠋ ᠳᠤ ᠪᠣᠷᠳᠣ︕ | ︵ᠮ᠊ · ᠠᠶᠤᠷᠽᠠᠨᠠ ᠶᠢᠨ ᠲᠡᠤᠬᠡ ᠶᠢᠨ ᠨᠤᠮ ᠠᠴᠠ ᠰᠡᠶᠢᠷᠡᠭᠦᠯᠦᠨ ᠠᠪᠤᠪᠠ︶ | ᠬᠤᠷᠴᠠᠪᠢᠯᠢᠭ᠌ ᠠᠷᠪᠢᠨᠪᠠᠶᠠᠷ ᠤᠨ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠭᠰᠡᠨ ︽ᠣᠷᠳᠣᠰ ᠮᠣᠩᠭᠤᠯ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠢᠷᠦᠭᠡᠯ ᠮᠠᠭᠲᠠᠭᠠᠯ ᠵᠦᠢᠷ ᠰᠡᠴᠡᠨ ᠦᠭᠡ ᠥᠯᠢᠭᠡᠷ ᠲᠣᠮᠤᠭ ︾ ᠠᠴᠠ ᠪᠠᠭᠤᠯᠭᠠᠪᠠ | |