| ᠤᠷᠠᠨ ᠰᠡᠳᠬᠢᠵᠦ ᠤᠷᠠᠯᠢᠭ ᠪᠦᠳᠦᠬᠡᠨᠡ ᠬᠡᠳᠡᠭ ᠤᠬᠠᠭᠠᠨ ᠬᠤᠷᠴᠠ ᠮᠤᠩᠭᠤᠯ ᠬᠦᠮᠦᠨ ᠤ ᠲᠠᠩᠰᠤᠭ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠲᠦᠷᠦᠳᠡᠰᠦ ᠬᠡᠯᠳᠡᠢ᠃ | ᠮᠤᠩᠭᠤᠯᠴᠤᠳ ᠤᠨ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠬᠡᠵᠦ ᠡᠮᠡᠭᠡᠯ ᠬᠠᠵᠠᠭᠠᠷ ᠠᠴᠠ ᠠᠪᠤᠭᠠᠳ ᠬᠦᠬᠦᠷ ᠭᠠᠩᠰᠠ᠂ ᠠᠶᠠᠭᠠ ᠰᠠᠪᠬᠠ ᠳᠠᠭᠠᠨ ᠭᠦᠷᠳᠡᠯᠡ ᠬᠠᠷᠠᠬᠤ ᠳᠤ ᠭᠤᠴᠤ᠂ | ᠡᠳ᠋ᠯᠡᠬᠦ ᠳᠤ ᠡᠪᠳᠡᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠶᠢᠨ ᠲᠤᠯᠠ ᠣᠲᠤᠭ ᠬᠤᠰᠢᠭᠤᠨ ᠤ ᠮᠥᠩᠭᠦᠨ ᠲᠠᠷᠬᠠᠨ ᠰᠤᠶᠤᠯᠪᠠᠲᠤ ᠡᠨᠡᠬᠦ ᠦᠢᠯᠡᠰ ᠢᠶᠠᠨ ᠤᠳᠤᠮ ᠲᠠᠮᠵᠢᠨ ᠨᠠᠨᠳᠢᠩᠨᠡᠨ | ᠦᠪᠯᠡᠵᠦ᠂ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢᠶᠠᠨ ᠴᠤᠭᠴᠠᠯᠠᠵᠦ ᠢᠷᠡᠭᠰᠡᠨ ᠶᠤᠮ᠃ | ᠶᠦᠩᠰᠢᠶᠡᠪᠤ ᠮᠦᠩᠭᠦᠨ ᠵᠠᠰᠠᠯ ᠤᠷᠠᠯᠠᠨ ᠦᠢᠯᠡᠳᠬᠦ ᠲᠦᠪ ᠡᠷᠬᠢᠯᠡᠬᠡᠳ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ ᠪᠠᠶᠢᠭᠠ ᠰᠤᠶᠤᠯᠪᠠᠲᠤ ᠡᠪᠦᠭᠡ ᠶᠢᠨ ᠢᠶᠠᠨ | ᠨᠦᠯᠦᠬᠡ ᠪᠠᠷ ᠮᠥᠩᠭᠦᠨ ᠲᠠᠷᠬᠠᠨ ᠪᠤᠯᠬᠤ ᠠᠩᠬᠠᠨ ᠤ ᠵᠠᠮ ᠮᠦᠷ ᠢᠶᠠᠨ ᠬᠦᠬᠡᠬᠡᠭᠰᠡᠨ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠶᠦᠨᠨᠠᠨ᠂ ᠪᠡᠭᠡᠵᠢᠩ᠂ ᠬᠥᠬᠡᠨᠠᠭᠤᠷ᠂ ᠭᠤᠸᠠᠩᠰᠢ᠂ | ᠲᠥᠪᠡᠳ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠬᠦᠷᠴᠦ ᠰᠤᠷᠤᠯᠴᠠᠨ᠂ ᠮᠦᠩᠭᠦ ᠬᠠᠶᠢᠯᠤᠭᠤᠯᠬᠤ᠂ ᠮᠦᠩᠭᠦ ᠲᠠᠷᠤᠬᠤ᠂ ᠬᠡ ᠴᠤᠬᠢᠬᠤ᠂ ᠮᠦᠩᠭᠦ ᠪᠠᠨ ᠭᠠᠩᠨᠠᠬᠤ᠂ ᠴᠢᠯᠠᠭᠤ | ᠰᠠᠭᠤᠯᠭᠠᠬᠤ ᠵᠡᠷᠬᠡ ᠶᠢ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠵᠦ᠂ ᠤᠷᠠᠯᠠᠵᠦ ᠲᠠᠪᠳᠠᠬᠤ ᠮᠡᠷᠭᠡᠵᠢᠯ ᠢᠶᠠᠨ ᠤᠯᠠᠮ ᠪᠤᠯᠪᠠᠰᠤᠷᠠᠩᠭᠤᠢ ᠪᠤᠯᠭᠠᠵᠠᠢ᠃ | ᠲᠠᠪᠳᠠᠭᠰᠠᠭᠠᠷ ᠲᠠᠪᠳᠠᠭᠰᠠᠭᠠᠷ ᠲᠠᠷᠬᠠᠨ ᠪᠤᠯᠳᠠᠭ ᠬᠡᠳᠡᠭᠴᠢᠯᠡᠨ ᠰᠤᠶᠤᠯᠪᠠᠳᠤ ᠠᠵᠢᠯ ᠤᠨ ᠦᠷᠦᠬᠡ ᠳᠡᠭᠡᠨ ᠶᠡᠬᠡᠩᠭᠢ ᠴᠠᠭ ᠢᠶᠠᠨ ᠵᠠᠷᠤᠴᠠᠭᠤᠯᠤᠨ ᠮᠦᠩᠭᠦᠨ | ᠡᠳ᠋ᠯᠡᠯ ᠢᠶᠠᠨ ᠤᠷᠠᠯᠠᠵᠦ ᠰᠠᠭᠤᠳᠠᠭ᠃ ᠨᠠᠷᠢᠯᠢᠭ ᠬᠢᠴᠡᠳᠡᠢ ᠪᠤᠯᠬᠤ ᠲᠤᠰᠤᠮ ᠴᠠᠭ ᠶᠡᠭᠡ ᠤᠷᠤᠳᠠᠭ᠂ ᠦᠪᠡᠷ ᠤᠨ ᠰᠠᠨᠠᠭᠠᠨ ᠳᠤ ᠬᠦᠷᠦᠭᠰᠡᠨ ᠪᠦᠳᠦᠬᠡᠯ ᠪᠤᠯᠤᠭᠠ | ᠦᠬᠡᠢ ᠴᠠᠭ ᠲᠤ ᠲᠡᠬᠢᠨ ᠲᠠᠪᠳᠠᠨ ᠬᠢᠵᠦ᠂ ᠬᠡᠵᠢᠶᠡ ᠰᠠᠨᠠᠭᠠᠨ ᠳᠤ ᠬᠦᠷᠪᠡᠯ ᠲᠡᠳᠦᠢ ᠳᠤ ᠲᠠᠭᠤᠰᠬᠠᠳᠠᠭ ᠪᠤᠯᠪᠠᠴᠦ ᠲᠡᠷᠡ ᠮᠠᠰᠢᠨ ᠴᠣᠭᠴᠠᠯᠠᠪᠤᠷᠢ ᠶᠢᠨ | ᠦᠢᠯᠡᠳᠪᠦᠷᠢᠯᠡᠯ ᠬᠢᠳᠡᠭ ᠦᠬᠡᠢ᠂ ᠶᠠᠷᠤ ᠨᠢ ᠴᠤᠯᠤ ᠭᠠᠷ ᠤᠷᠠᠯᠠᠯ ᠢ ᠴᠢᠬᠤᠯᠠᠴᠢᠯᠠᠳᠠᠭ ᠪᠠᠶᠢᠯᠠ᠃ ᠲᠡᠬᠦᠨ ᠤ ᠤᠶᠢᠯᠠᠭᠠᠯᠳᠠ ᠪᠠᠷ᠂ ᠮᠠᠰᠢᠨ ᠴᠣᠭᠴᠠᠯᠠᠪᠤᠷᠢ ᠶᠢᠨ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠦᠷᠡ ᠪᠦᠲᠦᠮᠵᠢ ᠬᠡᠳᠦᠶᠢᠪᠡᠷ ᠥᠨᠳᠥᠷ᠂ ᠤᠷᠠ ᠮᠡᠷᠭᠡᠰᠢᠯ ᠨᠠᠷᠢᠯᠢᠭ ᠪᠣᠯᠪᠠᠴᠤ ᠰᠣᠶᠣᠯ ᠤᠨ ᠠᠭᠤᠯᠭᠠ ᠪᠠᠷ ᠳᠤᠲᠠᠮᠠᠭ ᠪᠠᠶᠢᠳᠠᠭ᠃ ᠬᠡᠳᠡᠯᠡ | ᠴᠤᠯᠤ ᠭᠠᠷ ᠤᠷᠠᠯᠠᠯ ᠢᠶᠠᠷ ᠪᠦᠳᠦᠬᠡᠭᠰᠡᠨ ᠮᠦᠩᠭᠦᠨ ᠡᠳ᠋ᠯᠡᠯ ᠨᠢ ᠲᠠᠷᠬᠠᠨ ᠬᠦᠮᠦᠨ ᠤ ᠤᠷᠠᠨ ᠰᠡᠳᠬᠢᠬᠦᠢ᠂ ᠤᠬᠠᠭᠠᠨ ᠰᠠᠨᠠᠭᠠ ᠶᠢ ᠰᠢᠩᠭᠡᠭᠡᠳᠡᠭ ᠪᠤᠯᠬᠤᠷ ᠬᠢᠭᠰᠡᠨ | ᠪᠦᠳᠦᠬᠡᠯ ᠪᠤᠯᠭᠠᠨ ᠨᠢ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ᠂ ᠬᠤᠷᠸᠠ ᠳᠤ ᠬᠤᠤᠰ ᠦᠬᠡᠢ ᠬᠡᠳᠡᠭ ᠪᠠᠶᠢᠯᠠ᠃ | ᠤᠷᠠᠯᠠᠨ ᠲᠠᠪᠳᠠᠬᠤ ᠶᠠᠪᠤᠴᠠ ᠳᠤ ᠰᠤᠶᠤᠯᠪᠠᠳᠤ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡ ᠰᠤᠶᠤᠯ᠂ ᠬᠠᠶᠢᠷᠠ ᠰᠡᠳᠬᠢᠯᠬᠡ ᠪᠠᠨ ᠪᠦᠳᠦᠬᠡᠯ ᠳᠡᠭᠡᠨ | ᠰᠢᠩᠭᠡᠭᠡᠬᠦ ᠶᠢ ᠶᠡᠭᠡ ᠴᠢᠬᠤᠯᠠᠴᠢᠯᠠᠵᠦ᠂ ᠠᠪᠤᠷᠭᠤ ᠬᠦᠷᠪᠡᠯ ᠤᠨ ᠴᠢᠯᠠᠭᠤᠵᠢᠮᠠᠯ᠂ ᠤᠷᠠᠨᠳᠦ᠋ᠰᠢ ᠶᠢᠨ ᠠᠭᠤᠯᠠᠨ ᠤ ᠶᠠᠩᠭᠢᠷ᠂ ᠬᠠᠳᠠᠨ ᠵᠢᠷᠤᠭ᠂ ᠠᠷᠪᠠᠰ ᠤᠨ ᠴᠠᠭᠠᠨ | ᠢᠮᠠᠭᠠ ᠵᠡᠷᠭᠡ ᠶᠢ ᠪᠦᠳᠦᠬᠡᠯ ᠳᠤ ᠪᠠᠨ ᠤᠷᠠᠯᠠᠳᠠᠭ᠃ ᠲᠦᠷᠦᠬᠦᠬᠡᠨ ᠲᠡᠬᠦᠨ ᠤ ᠤᠷᠠᠨᠳᠦ᠋ᠰᠢ ᠶᠢᠨ ᠠᠭᠤᠯᠠᠨ ᠤ ᠶᠠᠩᠭᠢᠷ ᠤᠨ ᠲᠦᠷᠢ ᠪᠠᠷ ᠤᠷᠠᠯᠠᠵᠦ ᠪᠦᠳᠦᠬᠡᠭᠰᠡᠨ | ᠬᠠᠯᠪᠠᠭᠠ ᠨᠢ 2023 ᠣᠨ ᠤ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠣᠷᠳᠣᠰ ᠤᠨ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠤᠨ ᠰᠣᠳᠣᠨ ᠪᠦᠲᠦᠭᠡᠯ ᠤᠨ ᠦᠵᠡᠰᠬᠦᠯᠡᠩ ᠳᠤ | ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠱᠠᠩᠨᠠᠯ ᠭᠥᠷᠳᠡᠪᠡ᠃ ᠲᠡᠷᠡ ᠪᠠᠰᠠ ᠤᠷᠠᠨᠳᠦ᠋ᠰᠢ ᠶᠢᠨ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠡᠯᠧᠮᠧᠨ᠋ᠲ ᠢ ᠮᠥᠩᠭᠦᠨ ᠡᠳ᠋ᠯᠡᠯ ᠳᠡᠭᠡᠷᠡ | ᠬᠡᠪᠰᠢᠭᠦᠯᠵᠦ᠂ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠲᠤ ᠰᠢᠨᠡ ᠤᠳᠬᠠ ᠰᠠᠨᠠᠭᠠ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠬᠦᠳᠡᠯᠮᠤᠷᠢ ᠵᠢᠳᠬᠦᠯ᠂ ᠤᠷᠤᠯᠳᠤᠯᠭᠠ ᠴᠢᠷᠮᠠᠶᠢᠯᠭᠠ ᠠᠴᠠ ᠠᠯᠢᠪᠠ ᠪᠦᠬᠦᠨ ᠠᠮᠢᠯᠠᠳᠠᠭ᠃ ᠬᠤᠲᠠ ᠶᠢᠨ ᠲᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ | ᠤᠯᠠᠮᠵᠢᠯᠠᠭᠴᠢ ᠪᠣᠯᠤᠭᠰᠠᠨ ᠰᠣᠶᠣᠯᠪᠠᠲᠤ ᠭᠤᠸᠠᠢ ᠤᠷᠠ ᠮᠡᠷᠬᠡᠵᠢᠯ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠳᠠᠭᠠᠨ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠤᠷᠢᠭ ᠢᠶᠠᠨ ᠰᠢᠩᠭᠡᠭᠡᠨ ᠦᠨᠳᠦᠰᠦᠳᠡᠨ ᠤ | ᠰᠤᠶᠤᠯ ᠤᠨ ᠤᠯᠠᠮᠵᠢᠯᠠᠯ ᠳᠤ ᠦᠪᠡᠷ ᠤᠨ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠬᠦᠵᠦ ᠶᠠᠪᠤᠬᠤ ᠶᠢᠨ ᠲᠠᠭᠠᠤ᠂ ᠰᠤᠯᠠ ᠰᠡᠯᠡᠬᠦᠤ ᠴᠠᠭ ᠢᠶᠠᠨ ᠠᠰᠢᠭᠯᠠᠨ ᠮᠦᠩᠭᠦᠨ ᠲᠠᠷᠬᠠᠨ ᠤ | ᠦᠢᠯᠡᠰ ᠲᠤ ᠪᠠᠭ᠋ᠠᠳᠠᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠤᠶᠤᠲᠠᠳ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠬᠦᠮᠦᠰ ᠲᠤ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠥᠬᠡᠶ ᠪᠤᠯᠪᠠᠰᠤᠷᠠᠯ | ᠬᠦᠷᠳᠡᠬᠡᠳᠡᠭ ᠤᠨ ᠬᠠᠮᠳᠤ ᠪᠠᠰᠠ ᠴᠤᠤᠷᠢᠶᠠ᠂ ᠪᠤᠰᠢᠭᠤ ᠭᠠᠷ᠂ ᠸᠢᠴᠠᠲ ᠲᠠᠪᠴᠠᠩ ᠢ ᠠᠰᠢᠭᠯᠠᠨ ᠰᠦᠯᠵᠢᠶᠡᠨ ᠤ ᠪᠤᠯᠪᠠᠰᠤᠷᠠᠯ ᠡᠷᠬᠢᠯᠡᠨ᠂ ᠦᠨᠳᠦᠰᠦᠳᠡᠨ ᠤ ᠰᠢᠯᠢᠳᠡᠭ | ᠤᠯᠠᠮᠵᠢᠯᠠᠯ ᠢᠶᠠᠨ ᠬᠦᠭᠵᠢᠬᠦᠯᠵᠦ ᠶᠠᠪᠤᠨᠠ᠃ | | | ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠠᠢ ᠰᠠᠶᠢᠨᠪᠢᠯᠢᠭ᠌ ᠡᠷᠳᠡᠨᠢᠲᠠᠨᠠ | | |