| ᠲᠦᠮᠡᠨᠵᠢᠷᠭᠠᠯ᠄ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ ᠬᠢᠲᠠᠳ ᠨᠡᠷᠡ ᠨᠢ ᠯᠢᠦ ᠪᠣᠤ ᠼᠠᠢ ᠭᠡᠳᠡᠭ᠂ 1906 ᠣᠨ ᠳᠤ ᠣᠲᠤᠭ ᠬᠤᠰᠢᠭᠤᠨ ᠤ ᠶᠡᠭᠡ ᠬᠥᠭᠡᠪᠦᠷ | ︵ᠣᠳᠣ ᠶᠢᠨ ᠦᠮᠡᠬᠡᠶᠢᠨᠠᠭᠤᠷ ᠰᠢᠶᠠᠩ ᠤᠨ ᠶᠡᠭᠡ ᠬᠥᠭᠡᠪᠦᠷ ᠲᠣᠰᠬᠤᠨ︶ ᠲᠤ ᠶᠠᠳᠠᠭᠤ ᠮᠠᠯᠴᠢᠨ ᠪᠠᠶᠠᠨᠰᠠᠩ ᠤᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠪᠣᠯᠣᠨ ᠵᠠᠶᠠᠭᠠᠵᠠᠢ᠃ | 1915 ᠣᠨ ᠳᠤ ᠶᠡᠭᠡ ᠬᠥᠭᠡᠪᠦᠷ ᠤᠨ ᠰᠦᠮᠡ ᠳᠡᠭᠡᠷᠡ ᠯᠠᠮᠠ ᠪᠣᠯᠵᠦ ᠭᠡᠮᠫᠡᠯ ᠭᠡᠰᠡᠨ ᠨᠡᠷᠡ ᠠᠪᠤᠪᠠ᠃ 1924 ᠣᠨ ᠤ ᠨᠠᠮᠤᠷ ᠶᠠᠩ ᠡᠾᠸᠦ | ᠰᠢᠶᠣᠣ ᠶᠢᠨ ᠳᠡᠭᠡᠷᠡᠮ ᠳᠤ ᠪᠠᠷᠢᠭᠳᠠᠵᠤ ᠰᠠᠷᠠ ᠭᠠᠷᠤᠢ ᠠᠯᠪᠠᠳᠠᠭᠳᠠᠨ ᠵᠠᠮᠴᠢ ᠪᠣᠯᠵᠠᠢ᠃ ᠭᠡᠷ ᠲᠡᠭᠡᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠬᠤᠰᠢᠭᠤ ᠶᠠᠮᠤᠨ ᠠᠴᠠ | ᠲᠡᠭᠦᠨ ᠢ ᠳᠡᠭᠡᠷᠡᠮ ᠲᠠᠢ ᠬᠠᠮᠰᠠᠪᠠ ᠬᠡᠮᠡᠨ ᠠᠯᠠᠬᠤ ᠶᠠᠯᠠ ᠪᠠᠷ ᠰᠢᠢᠳᠬᠡᠭᠰᠡᠨ ᠳᠤ ᠬᠠᠷᠢᠶᠠᠨ ᠵᠠᠯᠠᠨ ᠲᠠᠶᠢᠵᠢ ᠳᠣᠷᠵᠢ ᠨᠠᠷ ᠪᠠᠲᠤᠯᠠᠭᠰᠠᠨ ᠢᠶᠠᠷ ᠵᠥᠪᠬᠡᠨ | ᠳᠠᠰᠢᠭᠤᠷᠳᠠᠭᠤᠯᠬᠤ ᠶᠠᠯᠠ ᠠᠮᠰᠠᠵᠤ ᠦᠬᠦᠬᠦ ᠶᠠᠯᠠ ᠠᠴᠠ ᠬᠡᠯᠲᠦᠷᠢᠵᠡᠢ᠃ | 1931 — 1934 ᠣᠨ ᠤ ᠬᠤᠭᠤᠷᠣᠨᠳᠤ ᠲᠤᠰ ᠬᠤᠰᠢᠭᠤᠨ ᠤ ᠡᠯᠡ ᠳᠤᠭᠤᠶᠢᠯᠠᠩ ᠢ ᠥᠭᠡᠷᠡᠴᠢᠯᠡᠨ ᠨᠤᠲᠤᠭ ᠤᠨ ᠯᠢᠶᠠᠠ ᠪᠣᠯᠭᠠᠭᠰᠠᠨ ᠳᠤ | ᠲᠦᠮᠡᠨᠵᠢᠷᠭᠠᠯ ᠬᠥᠬᠡᠪᠦᠷ ᠯᠢᠶᠠᠠ ᠤ ᠴᠡᠷᠢᠭ ᠲᠤ ᠣᠷᠣᠵᠤ᠂ 1941 ᠣᠨ ᠳᠤ ᠫᠠᠶᠢᠵᠠᠩ ᠪᠣᠯᠵᠠᠢ᠃ 1943 ᠣᠨ ᠠᠴᠠ ᠪᠠᠷᠠᠭᠤᠨ ᠲᠤᠰᠠᠯᠠᠭᠴᠢ ᠶᠠᠩᠰᠠᠨᠵᠠᠪ ᠤᠨ | ᠲᠠᠮᠠᠭᠠ ᠪᠤᠯᠢᠶᠠᠬᠤ ᠠᠵᠢᠯᠯᠠᠭᠠ ᠶᠢ ᠢᠳᠡᠪᠬᠢᠲᠡᠢ ᠳᠡᠮᠵᠢᠭᠰᠡᠨ ᠠᠴᠠ 1946 ᠣᠨ ᠤ 6 ᠳ᠋ᠤᠭᠠᠷ ᠰᠠᠷᠠ ᠳᠤ ᠶᠠᠩᠰᠠᠨᠵᠠᠪ ᠲᠡᠭᠦᠨ ᠢ ᠬᠤᠰᠢᠭᠤ ᠠᠮᠤᠷ ᠢ | ᠬᠠᠮᠠᠭᠠᠯᠠᠬᠤ ᠲᠤᠸᠠᠨ ᠤ ᠳᠡᠳ᠋ ᠲᠤᠸᠠᠨᠵᠠᠩ ᠪᠣᠯᠭᠠᠵᠠᠢ᠃ ᠲᠡᠷᠡ ᠲᠤᠸᠠᠨᠵᠠᠩ ᠴᠢ᠊ · ᠮᠥᠩᠬᠡ ᠲᠠᠢ ᠬᠠᠮᠲᠤᠷᠠᠨ ᠨᠠᠷᠢᠨᠨᠠᠭᠤᠷ᠂ ᠬᠠᠮᠠᠷᠠᠭᠲᠠᠢ ᠨᠠᠭᠤᠷ ᠤᠨ ᠬᠤᠵᠢᠷ ᠢ | ᠡᠵᠡᠩᠨᠡᠵᠦ ᠪᠠᠶᠢᠵᠠᠢ᠃ 1947 ᠣᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠳᠤ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠶᠢᠨ ᠭᠠᠵᠠᠷ ᠠᠴᠠ ᠵᠢᠶᠦ᠋ᠨ ᠸᠠᠩ ᠬᠤᠰᠢᠭᠤᠨ ᠤ ᠲᠤᠰᠠᠯᠠᠭᠴᠢ | ᠪᠦᠷᠢᠨᠪᠠᠶᠠᠷ ᠢ ᠲᠣᠮᠢᠯᠠᠨ ᠣᠲᠤᠭ ᠬᠤᠰᠢᠭᠤᠨ ᠳᠤ ᠢᠷᠡᠭᠦᠯᠵᠦ᠂ ᠶᠠᠩᠰᠠᠨᠵᠠᠪ ᠤᠨ ᠲᠤᠰᠢᠶᠠᠯ ᠢ ᠤᠭᠴᠠᠷᠠᠭᠤᠯᠬᠤ ᠦᠶᠡ᠂ ᠴᠢ᠊ · ᠮᠥᠩᠬᠡ ᠲᠦᠮᠡᠨᠵᠢᠷᠭᠠᠯ | ᠬᠤᠶᠠᠭᠤᠯᠠ ᠢᠳᠡᠪᠬᠢᠲᠡᠢ ᠠᠵᠢᠯᠯᠠᠭᠠ ᠬᠢᠵᠦ᠂ ᠬᠤᠵᠢᠷ ᠤᠨ ᠣᠷᠣᠯᠭᠠ ᠠᠴᠠ 500 ᠲᠦᠮᠡᠨ ᠲᠥᠭᠦᠷᠢᠭ ᠪᠠ 400 ᠯᠠᠩ ᠬᠠᠷᠠ ᠲᠠᠮᠠᠬᠢ ᠭᠠᠷᠭᠠᠵᠤ᠂ | ᠪᠦᠷᠢᠨᠪᠠᠶᠠᠷ ᠲᠤ ᠪᠡᠯᠡᠭ ᠬᠦᠷᠭᠡᠭᠰᠡᠨ ᠢᠶᠠᠷ ᠴᠢ᠊ · ᠮᠥᠩᠬᠡ ᠶᠢ ᠣᠲᠤᠭ ᠬᠤᠰᠢᠭᠤᠨ ᠤ ᠲᠤᠰᠠᠯᠠᠭᠴᠢ ᠪᠥᠭᠡᠳ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠰᠧᠯᠢᠩ᠂ ᠲᠦᠮᠡᠨᠵᠢᠷᠭᠠᠯ ᠢ | ᠳᠡᠳ᠋ ᠰᠧᠯᠢᠩ ᠢᠶᠠᠷ ᠲᠣᠮᠢᠯᠠᠵᠠᠢ᠃ 1948 ᠣᠨ ᠤ 1 ᠳ᠋ᠦ᠋ᠭᠡᠷ ᠰᠠᠷᠠ ᠳᠤ ᠰᠦᠢᠶᠤᠸᠠᠨ ᠮᠤᠵᠢ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠲᠦᠮᠡᠨᠵᠢᠷᠭᠠᠯ ᠢ ᠣᠲᠤᠭ | ᠬᠤᠰᠢᠭᠤᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠳᠡᠳ᠋ ᠰᠧᠯᠢᠩ ᠢᠶᠠᠷ ᠵᠢᠩᠬᠢᠨᠢ ᠲᠣᠮᠢᠯᠠᠪᠠ᠃ | 1949 ᠣᠨ ᠤ ᠬᠠᠪᠤᠷ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠶᠡᠭᠡ ᠵᠣᠤ ᠠᠶᠢᠮᠠᠭ ᠤᠨ ᠪᠠᠷᠠᠭᠤᠨᠳᠠᠬᠢ ᠠᠵᠢᠯᠯᠠᠬᠤ ᠬᠤᠷᠢᠶᠠ ᠠᠴᠠ ᠰᠡᠷᠡᠩᠸᠠᠩᠵᠢᠯ | ᠨᠠᠷ ᠢ ᠲᠣᠮᠢᠯᠠᠨ ᠬᠥᠬᠡᠪᠦᠷ ᠨᠤᠲᠤᠭ ᠤᠨ ᠰᠢᠷᠠᠪᠦ᠋ᠷᠢᠲᠦ ᠳᠤ ᠢᠷᠡᠭᠦᠯᠵᠦ ᠲᠦᠮᠡᠨᠵᠢᠷᠭᠠᠯ ᠲᠠᠢ ᠤᠴᠠᠷᠠᠭᠤᠯᠪᠠ᠃ ᠲᠡᠳᠡ ᠨᠠᠷ ᠠᠨᠳᠠᠯᠠᠵᠤ᠂ ᠲᠦᠮᠡᠨᠵᠢᠷᠭᠠᠯ ᠣᠲᠤᠭ | ᠬᠤᠰᠢᠭᠤ ᠶᠢ ᠴᠢᠯᠦᠭᠡᠯᠡᠬᠦ ᠳᠤ ᠬᠦᠴᠦᠨ ᠢᠶᠠᠨ ᠡᠷᠭᠦᠨᠡ ᠭᠡᠵᠦ ᠢᠯᠡᠷᠬᠡᠶᠢᠯᠡᠵᠡᠢ᠃ 1949 ᠣᠨ ᠤ 6 ᠳ᠋ᠤᠭᠠᠷ ᠰᠠᠷᠠ ᠳᠤ ᠣᠲᠤᠭ ᠬᠤᠰᠢᠭᠤ ᠶᠢ ᠴᠢᠯᠦᠭᠡᠯᠡᠬᠦ | ᠡᠮᠦᠨᠡ ᠹᠷᠣᠨᠲ ᠤᠨ ᠵᠢᠯᠣᠭᠤᠳᠬᠤ ᠭᠠᠵᠠᠷ ᠦᠮᠡᠬᠡᠶᠢᠨᠠᠭᠤᠷ ᠲᠤ ᠬᠦᠷᠴᠦ ᠢᠷᠡᠭᠡᠳ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠴᠢᠯᠦᠭᠡᠯᠡᠬᠦ ᠲᠤᠬᠠᠢ ᠬᠡᠯᠡᠯᠴᠡᠭᠡᠷ ᠬᠢᠬᠦ ᠬᠡᠰᠡᠨ ᠳᠤ | ᠲᠦᠮᠡᠨᠵᠢᠷᠭᠠᠯ ᠬᠠᠷᠢᠨ ᠴᠡᠷᠢᠭ ᠠᠩᠭᠢ ᠠᠴᠠ ᠪᠠᠨ ᠰᠠᠯᠵᠤ᠂ ᠠᠷᠪᠠᠰ ᠤᠨ ᠠᠭᠤᠯᠠᠨ ᠳᠤ ᠳᠠᠯᠳᠠᠯᠠᠵᠤ ᠪᠠᠶᠢᠳᠠᠯ ᠢ ᠬᠡᠲᠡᠨ ᠠᠵᠢᠭᠯᠠᠵᠤ ᠪᠠᠶᠢᠵᠠᠢ᠃ ᠡᠮᠦᠨᠡ | ᠹᠷᠣᠨᠲ ᠤᠨ ᠵᠢᠯᠣᠭᠤᠳᠬᠤ ᠭᠠᠵᠠᠷ ᠬᠡᠳᠦᠨ ᠤᠳᠠᠭᠠ ᠬᠦᠮᠦᠨ ᠲᠣᠮᠢᠯᠠᠨ ᠲᠦᠮᠡᠨᠵᠢᠷᠭᠠᠯ ᠲᠠᠢ ᠬᠤᠯᠪᠣᠭᠠ ᠠᠪᠬᠤ ᠭᠡᠰᠡᠨ ᠳᠤ ᠴᠥᠮ ᠳ᠋ᠦᠡᠭ ᠭᠠᠷᠤᠭᠰᠠᠨ ᠦᠭᠡᠢ᠃ | 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 23 ᠤ ᠡᠳᠦᠷ ᠬᠤᠰᠢᠭᠤᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠵᠡᠭᠦᠨ ᠪᠡᠶᠡ ᠶᠢᠨ 3 ᠯᠢᠶᠠᠠ ᠤ ᠴᠡᠷᠢᠭ ᠲᠣᠯᠣᠭᠠᠢ ᠲᠦᠷᠦᠭᠦᠦ ᠦᠭᠡᠢ | ᠪᠠᠶᠢᠳᠠᠯ ᠳᠣᠣᠷᠠ ᠪᠣᠰᠣᠯᠭᠠ ᠭᠠᠷᠭᠠᠨ ᠪᠠᠭᠤᠵᠤ ᠥᠭᠬᠦ ᠪᠠᠷ ᠨᠡᠶᠢᠲᠡᠯᠡᠪᠡ᠃ ᠲᠦᠮᠡᠨᠵᠢᠷᠭᠠᠯ ᠦᠷᠭᠦᠯᠵᠢᠯᠡᠨ ᠮᠤᠵᠢᠭᠤᠳᠠᠯᠠᠵᠤ᠂ ᠤᠤᠯ ᠤᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ | ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠪᠠᠲᠤᠸ᠋ᠴᠢᠷ ᠶᠢᠩᠵᠠᠩ ᠲᠠᠢ ᠬᠤᠯᠪᠣᠭᠠ ᠠᠪᠴᠤ᠂ ᠪᠠᠯᠠᠬᠠᠢ ᠣᠷᠣᠨ ᠳᠤ ᠳᠠᠯᠳᠠᠯᠠᠨ ᠰᠠᠭᠤᠵᠠᠢ᠃ 1950 ᠣᠨ ᠤ 2 ᠳ᠋ᠤᠭᠠᠷ | ᠰᠠᠷᠠ ᠶᠢᠨ 14 ᠤ ᠡᠳᠦᠷ᠂ ᠲᠡᠷᠡ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠪᠠᠯᠠᠬᠠᠢ ᠳᠤ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠶᠢᠨ | ᠴᠡᠷᠢᠭ ᠤᠨ ᠲᠣᠭᠤᠷᠢᠭ ᠤᠨ 582 ᠲᠤᠸᠠᠨ ᠳᠤ ᠣᠯᠵᠠᠯᠠᠭᠳᠠᠵᠤ ᠢᠷᠭᠠᠢ ᠳᠤ ᠬᠦᠷᠭᠡᠭᠳᠡᠵᠦ 3 ᠳ᠋ᠤᠭᠠᠷ ᠰᠠᠷᠠ ᠳᠤ ᠬᠤᠰᠢᠭᠤᠨ ᠳᠠᠭᠠᠨ ᠬᠦᠷᠭᠡᠭᠳᠡᠨ ᠢᠷᠡᠪᠡ᠃ | ᠲᠦᠮᠡᠨᠵᠢᠷᠭᠠᠯ ᠬᠤᠰᠢᠭᠤᠨ ᠳᠠᠭᠠᠨ ᠪᠤᠴᠠᠨ ᠢᠷᠡᠬᠦ ᠦᠶᠡ ᠳᠤ ᠦᠦᠰᠢᠨ ᠬᠤᠰᠢᠭᠤᠨ ᠤ ᠤᠷᠪᠠᠯᠭᠠᠨ ᠭᠠᠷᠴᠤ᠂ ᠵᠠᠩ ᠲᠢᠩ ᡁᠢ᠂ ᠵᠠᠩ ᠱᠢ ᠬᠤᠸ᠋ᠨ ᠵᠡᠷᠭᠡ | ᠱᠠᠨᠪᠸᠢ ᠶᠢᠨ ᠳᠡᠭᠡᠷᠡᠮᠴᠤᠳ ᠲᠤᠰ ᠬᠤᠰᠢᠭᠤᠨ ᠤ ᠦᠮᠡᠬᠡᠶᠢᠨᠠᠭᠤᠷ᠂ ᠪᠠᠶᠠᠨᠨᠠᠭᠤᠷ᠂ ᠵᠣᠰᠣ ᠵᠡᠷᠭᠡ ᠭᠠᠵᠠᠷ ᠢᠶᠠᠷ ᠲᠦᠢᠪᠡᠭᠡᠯᠭᠡ ᠬᠢᠵᠦ ᠪᠠᠶᠢᠵᠠᠢ᠃ ᠤᠤᠯ ᠤᠨ ᠬᠤᠰᠢᠭᠤ | ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠬᠥᠭᠡᠪᠦᠷ᠂ ᠪᠣᠷᠣᠬᠤᠰᠢᠭᠤ᠂ ᠰᠦᠮᠡᠲᠦ ᠶᠢᠨ ᠯᠢᠶᠠᠠ ᠤ ᠲᠡᠷᠰᠯᠡᠭᠦᠦ ᠲᠦᠷᠦᠭᠦᠴᠦᠳ ᠲᠦᠮᠡᠨᠵᠢᠷᠭᠠᠯ ᠤᠨ ᠭᠡᠷ ᠲᠤ ᠨᠢᠭᠤᠴᠠ ᠪᠠᠷ | ᠴᠤᠭᠯᠠᠷᠠᠨ ᠬᠤᠤᠪᠢᠯᠳᠤᠵᠤ᠂ ᠲᠡᠭᠦᠨ ᠢ ᠰᠧᠯᠢᠩ ᠢᠶᠠᠷ ᠡᠷᠭᠦᠵᠦ ᠦᠦᠰᠢᠨ ᠬᠤᠰᠢᠭᠤᠨ ᠤ ᠤᠷᠪᠠᠭᠴᠢ ᠴᠡᠷᠢᠭ ᠲᠠᠢ ᠬᠤᠯᠪᠣᠭᠠᠯᠠᠬᠤ ᠪᠠᠷ ᠲᠣᠭᠲᠠᠵᠠᠢ᠃ 3 ᠳ᠋ᠤᠭᠠᠷ | ᠰᠠᠷᠠ ᠶᠢᠨ 27 ᠤ ᠡᠳᠦᠷ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠯᠢᠶᠠᠠ ᠤ ᠳᠠᠷᠤᠭᠠ ᠪᠠᠶᠢᠯᠲᠤᠭᠴᠢ ᠴᠥᠮ ᠬᠠᠮᠠᠷᠠᠭᠲᠠᠢ ᠨᠠᠭᠤᠷ ᠳᠡᠭᠡᠷᠡ ᠴᠤᠭᠯᠠᠷᠠᠵᠤ᠂ ᠳᠠᠷᠠᠭᠠ ᠥᠷᠯᠥᠭᠡ ᠨᠢ | 200 ᠭᠠᠷᠤᠢ ᠬᠦᠮᠦᠨ ᠬᠤᠰᠢᠭᠤ ᠶᠠᠮᠤᠨ ᠢ ᠪᠦᠰᠡᠯᠡᠵᠦ᠂ ᠶᠠᠮᠤᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠣᠲᠤᠭ ᠬᠤᠰᠢᠭᠤ ᠶᠢ ᠴᠢᠯᠦᠭᠡᠯᠡᠬᠦ ᠵᠢᠯᠣᠭᠤᠳᠬᠤ ᠭᠠᠵᠠᠷ ᠤᠨ | ᠬᠠᠩᠭᠠᠯᠭᠠ ᠶᠢᠨ ᠬᠡᠯᠲᠡᠰ ᠤᠨ 8 ᠨᠡᠷᠡ ᠠᠵᠢᠯᠲᠠᠨ ᠢ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠤᠭᠠᠳ᠂ ᠬᠠᠩᠭᠠᠯᠭᠠ ᠶᠢᠨ ᠬᠡᠯᠲᠡᠰ ᠤᠨ ᠬᠥᠮᠥᠷᠭᠡ ᠶᠢ ᠪᠠᠯᠪᠠᠴᠢᠨ ᠨᠡᠭᠡᠭᠡᠵᠦ᠂ 3 ᠬᠦᠨᠳᠦ | ᠫᠦᠯᠧᠮᠶᠤᠲ᠂ 10 ᠭᠠᠷᠤᠢ ᠶᠠᠪᠠᠭᠠᠨ ᠫᠤᠤ ᠪᠤᠯᠢᠶᠠᠨ ᠠᠪᠴᠠᠢ᠃ ᠡᠭᠦᠨ ᠤ ᠬᠠᠮᠲᠤ ᠤᠤᠯ ᠤᠨ ᠬᠤᠰᠢᠭᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠪᠤᠯᠠᠭ᠂ ᠴᠠᠪ᠂ | ᠴᠠᠭᠠᠨᠲᠤᠯᠤᠭᠠᠢ᠂ ᠵᠢᠷᠠ ᠵᠡᠷᠭᠡ ᠯᠢᠶᠠᠠ ᠳᠤ ᠴᠢᠮᠡᠭᠡ ᠶᠠᠪᠤᠭᠤᠯᠵᠤ᠂ ᠬᠠᠮᠲᠤ ᠪᠠᠷ ᠬᠥᠳᠡᠯᠦᠯᠴᠡᠨ ᠪᠦᠬᠦ ᠬᠤᠰᠢᠭᠤᠨ ᠤ ᠴᠢᠨᠠᠷᠲᠠᠢ ᠤᠷᠪᠠᠯᠭᠠᠨ ᠭᠠᠷᠭᠠᠬᠤ ᠭᠡᠵᠡᠢ᠃ | ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠ᠂ ᠵᠠᠰᠠᠭ ᠤᠨ ᠣᠷᠳᠣᠨ ᠲᠡᠷᠡ ᠳᠠᠷᠤᠢ ᠳᠤᠨᠢ ᠠᠵᠢᠯᠲᠠᠨ ᠲᠣᠮᠢᠯᠠᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠲᠤ ᠬᠦᠷᠴᠦ᠂ ᠮᠡᠬᠡᠯᠡᠭᠳᠡᠭᠰᠡᠨ ᠳᠠᠷᠤᠭᠠ | ᠪᠠᠶᠢᠯᠲᠤᠭᠴᠢ ᠳᠤ ᠨᠠᠮ ᠤᠨ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢ ᠤᠬᠠᠭᠤᠯᠵᠤ᠂ ᠲᠡᠳᠡᠨ ᠤ ᠳᠤᠷᠠᠳᠤᠭᠰᠠᠨ ᠠᠰᠠᠭᠤᠳᠠᠯ ᠳᠤ ᠬᠠᠷᠢᠭᠤᠯᠲᠠ ᠬᠢᠵᠦ᠂ ᠴᠡᠷᠢᠭ ᠠᠩᠭᠢ ᠶᠢᠨ ᠡᠪᠡᠰᠦ | ᠪᠣᠷᠳᠤᠭᠠ ᠵᠡᠷᠭᠡ ᠪᠣᠳᠠᠲᠠᠢ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠳᠤ ᠮᠡᠬᠡᠯᠡᠭᠳᠡᠭᠰᠡᠨ ᠴᠡᠷᠢᠭ ᠤᠳ ᠳᠣᠣᠷᠠ ᠪᠠᠨ ᠤᠬᠠᠭᠠᠷᠠᠵᠤ᠂ ᠲᠦᠮᠡᠨᠵᠢᠷᠭᠠᠯ ᠤᠨ ᠤᠬᠠᠭᠠᠯᠠᠭᠰᠠᠨ | ᠨᠢᠭᠡᠳᠦᠭᠡᠷ ᠤᠳᠠᠭᠠ ᠶᠢᠨ ᠤᠷᠪᠠᠯᠭᠠᠨ ᠢ ᠨᠠᠶᠢᠷᠠᠮᠳᠠᠯ ᠤᠨ ᠬᠡᠯᠪᠡᠷᠢ ᠪᠠᠷ ᠳᠥᠪᠰᠢᠳᠬᠡᠵᠡᠢ᠃ | 1950 ᠣᠨ ᠤ 4 ᠳ᠋ᠦ᠋ᠭᠡᠷ ᠰᠠᠷᠠ ᠳᠤ ᠲᠦᠮᠡᠨᠵᠢᠷᠭᠠᠯ ᠪᠡᠶᠡ ᠪᠠᠷ ᠢᠶᠠᠨ ᠠᠷᠠᠯ ᠤᠨ ᠰᠥᠮᠡ ᠳᠤ ᠬᠦᠷᠴᠦ᠂ ᠬᠤᠰᠢᠭᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ | ᠤᠳᠤᠷᠢᠳᠤᠯᠭᠠ ᠳᠤ ᠵᠣᠯᠭᠠᠵᠤ᠂ ᠵᠡᠭᠦᠨ ᠪᠡᠶᠡ ᠶᠢᠨ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠢ ᠴᠡᠭᠴᠡᠯᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠣᠯᠪᠠᠤ ᠬᠡᠮᠡᠨ ᠬᠠᠭᠤᠷᠮᠠᠭᠯᠠᠪᠠ᠃ 5 | ᠳ᠋ᠤᠭᠠᠷ ᠰᠠᠷᠠ ᠳᠤ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠵᠠᠭᠠᠷᠠᠭ ᠤᠨ ᠰᠥᠮᠡ ᠳᠡᠭᠡᠷᠡ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠤᠮᠠᠷᠠᠲᠤ ᠶᠢᠨ ᠴᠡᠷᠢᠭ ᠤᠨ ᠲᠣᠭᠤᠷᠢᠭ ᠤᠨ ᠮᠣᠷᠢᠲᠤ ᠴᠡᠷᠢᠭ ᠤᠨ | ᠲᠠᠪᠤᠳᠤᠭᠠᠷ ᠱᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠤᠸᠠᠨ ᠤ ᠰᠧᠯᠢᠩᠪᠦ᠋ ᠠᠴᠠ ᠲᠦᠮᠡᠨᠵᠢᠷᠭᠠᠯ ᠢ ᠯᠢᠶᠠᠨ ᠤ ᠱᠠᠲᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠴᠡᠷᠢᠭ ᠤᠨ ᠺᠠᠳ᠋ᠷ ᠢᠶᠠᠨ | ᠳᠠᠭᠠᠭᠤᠯᠤᠨ ᠵᠠᠭᠠᠷᠠᠭ ᠤᠨ ᠰᠥᠮᠡ ᠳᠡᠭᠡᠷᠡ ᠨᠡᠷᠡ ᠪᠠᠨ ᠮᠡᠳᠡᠭᠦᠯᠦᠨ ᠣᠴᠢᠰᠤᠭᠠᠢ ᠭᠡᠪᠡ᠃ ᠲᠦᠮᠡᠨᠵᠢᠷᠭᠠᠯ ᠡᠪᠡᠳᠴᠢᠨ ᠲᠠᠢ ᠬᠡᠮᠡᠨ ᠰᠢᠯᠲᠠᠭᠯᠠᠭᠠᠳ ᠣᠴᠢᠭᠰᠠᠨ | ᠦᠭᠡᠢ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠤᠸᠠᠨ ᠳᠠᠬᠢᠨᠲᠠ ᠳᠠᠭᠤᠳᠠᠭᠰᠠᠨ ᠳᠤ ᠲᠦᠮᠡᠨᠵᠢᠷᠭᠠᠯ ᠠᠷᠭᠠ ᠪᠤᠰᠤ ᠨᠢᠭᠡ ᠯᠢᠶᠠᠠ ᠴᠡᠷᠢᠭ ᠢᠶᠠᠨ ᠳᠠᠭᠠᠭᠤᠯᠵᠤ ᠵᠠᠭᠠᠷᠠᠭ ᠲᠤ | ᠣᠴᠢᠵᠠᠢ᠃ ᠲᠠᠪᠤᠳᠤᠭᠠᠷ ᠱᠢ ᠶᠢᠨ ᠳᠠᠷᠤᠭᠠ ᠨᠠᠷ ᠲᠦᠮᠡᠨᠵᠢᠷᠭᠠᠯ ᠢ ᠨᠢᠭᠤᠵᠤ ᠪᠠᠶᠢᠭᠠ ᠦᠦᠰᠢᠨ ᠬᠤᠰᠢᠭᠤᠨ ᠤ ᠤᠷᠪᠠᠯᠭᠠ ᠶᠢᠨ ᠲᠦᠷᠦᠭᠦᠦ ᠪᠣᠯᠣᠨ ᠷᠠᠳᠢᠤ᠋ | ᠬᠤᠯᠪᠣᠭᠠᠨ ᠤ ᠮᠠᠰᠢᠨ ᠵᠢᠴᠢ ᠬᠠᠩᠭᠠᠯᠭᠠ ᠶᠢᠨ ᠬᠡᠯᠲᠡᠰ ᠤᠨ ᠬᠥᠮᠥᠷᠭᠡ ᠠᠴᠠ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠫᠤᠤ ᠵᠡᠪᠰᠡᠭ ᠢᠶᠠᠨ ᠲᠤᠰᠢᠶᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠵᠠᠷᠯᠢᠭᠳᠠᠵᠠᠢ᠃ | ᠬᠦᠨᠳᠦ ᠶᠡᠭᠡ ᠳᠠᠷᠤᠯᠲᠠ ᠶᠢᠨ ᠳᠣᠣᠷᠠ ᠲᠦᠮᠡᠨᠵᠢᠷᠭᠠᠯ ᠷᠠᠳᠢᠤ᠋ ᠬᠤᠯᠪᠣᠭᠠᠨ ᠤ ᠮᠠᠰᠢᠨ ᠪᠣᠯᠣᠨ ᠫᠤᠤ ᠵᠡᠪᠰᠡᠭ ᠢ ᠲᠤᠰᠢᠶᠠᠨ ᠥᠭᠴᠡᠢ᠃ ᠬᠤᠰᠢᠭᠤ ᠨᠠᠮ ᠤᠨ | ᠬᠤᠷᠢᠶᠠ ᠪᠦᠯᠬᠦᠮᠳᠡᠬᠦ᠂ ᠬᠡᠷᠡᠭᠯᠡᠬᠦ᠂ ᠬᠥᠮᠥᠵᠢᠭᠦᠯᠬᠦ᠂ ᠥᠭᠡᠷᠡᠴᠢᠯᠡᠬᠦ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢ ᠦᠨᠳᠦᠰᠦᠯᠡᠨ᠂ ᠲᠦᠮᠡᠨᠵᠢᠷᠭᠠᠯ ᠢ ᠬᠤᠰᠢᠭᠤ ᠠᠷᠠᠳ ᠤᠨ | ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ ᠰᠠᠯᠠᠭᠠ ᠶᠢᠨ ᠰᠠᠯᠠᠭᠠᠨ ᠳᠠᠷᠤᠭᠠ ᠪᠠᠷ ᠲᠣᠮᠢᠯᠠᠭᠰᠠᠨ ᠳᠤ ᠲᠡᠷᠡ ᠲᠤᠰᠢᠶᠠᠯ ᠪᠠᠭᠠᠲᠠᠯᠠ ᠬᠡᠮᠡᠨ ᠭᠡᠷ ᠲᠡᠭᠡᠨ | ᠡᠪᠡᠳᠴᠢᠨ ᠲᠠᠢ ᠪᠠᠷ ᠣᠪᠯᠠᠨ ᠰᠠᠭᠤᠵᠤ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠤ ᠤᠷᠪᠠᠯᠭᠠ ᠭᠠᠷᠭᠠᠬᠤ ᠪᠠᠷ ᠤᠬᠠᠭᠠᠯᠠᠵᠤ ᠪᠠᠶᠢᠵᠠᠢ᠃ | 1950 ᠣᠨ ᠤ 6 ᠳ᠋ᠤᠭᠠᠷ ᠰᠠᠷᠠ᠂ ᠠᠮᠧᠷᠢᠺᠠ ᠶᠢᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠰᠣᠯᠣᠩᠭᠤᠰ ᠢ ᠲᠦᠷᠢᠮᠡᠬᠡᠶᠢᠯᠡᠬᠦ ᠳᠠᠶᠢᠨ ᠳᠡᠭᠳᠡᠭᠡᠭᠰᠡᠨ ᠳᠤ᠂ ᠮᠣᠷᠢᠲᠤ | ᠴᠡᠷᠢᠭ ᠤᠨ ᠲᠠᠪᠤᠳᠤᠭᠠᠷ ᠱᠢ ᠶᠢᠨ ᠭᠤᠣᠯ ᠬᠦᠴᠦᠨ ᠢ ᠶᠡᠭᠡ ᠵᠣᠣ ᠠᠶᠢᠮᠠᠭ ᠠᠴᠠ ᠰᠢᠯᠵᠢᠭᠦᠯᠵᠦ᠂ ᠪᠡᠭᠡᠵᠢᠩ — ᠪᠣᠭᠤᠲᠤ ᠶᠢᠨ ᠲᠡᠮᠦᠷ ᠵᠠᠮ ᠤᠨ ᠱᠤᠭᠤᠮ ᠳᠠᠭᠠᠤ | ᠪᠠᠶᠢᠷᠢᠯᠠᠭᠤᠯᠪᠠ᠃ ᠲᠦᠮᠡᠨᠵᠢᠷᠭᠠᠯ ᠴᠠᠭ ᠲᠣᠬᠢᠶᠠᠯ ᠪᠣᠯᠣᠯᠠ ᠬᠡᠮᠡᠨ ᠦᠵᠡᠭᠡᠳ᠂ ᠦᠦᠰᠢᠨ ᠬᠤᠰᠢᠭᠤ᠂ ᠵᠢᠶᠦ᠋ᠨ ᠸᠠᠩ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠠᠮᠤᠷ ᠢ | ᠬᠠᠮᠠᠭᠠᠯᠠᠬᠤ ᠠᠩᠭᠢ ᠶᠢᠨ ᠲᠡᠷᠰᠯᠡᠭᠦᠦ ᠲᠦᠷᠦᠭᠦᠴᠦᠳ ᠪᠣᠯᠣᠨ ᠲᠣᠭᠤᠷᠢᠮ ᠤᠨ ᠥᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠤᠨ ᠲᠦᠷᠦᠭᠦᠴᠦᠳ ᠲᠠᠢ ᠨᠢᠭᠤᠴᠠ ᠪᠠᠷ | ᠬᠤᠯᠪᠣᠭᠠ ᠠᠪᠴᠦ ᠤᠷᠪᠠᠪᠠ᠃ 1951 ᠣᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠶᠢᠨ 4 ᠤ ᠡᠳᠦᠷ᠂ ᠲᠦᠮᠡᠨᠵᠢᠷᠭᠠᠯ ᠤᠤᠯ ᠤᠨ ᠬᠥᠬᠡᠪᠦᠷ ᠯᠢᠶᠠᠠ ᠤ ᠲᠡᠷᠰᠯᠡᠭᠦᠦ ᠲᠦᠷᠦᠭᠦᠦ | ᠤᠷᠲᠤᠨᠠᠰᠤᠨ᠂ ᠦᠦᠰᠢᠨ ᠬᠤᠰᠢᠭᠤᠨ ᠤ ᠤᠷᠪᠠᠭᠴᠢ ᠶᠢᠨ ᠲᠦᠷᠦᠭᠦᠦ ᠲᠦᠪᠰᠢᠨᠵᠢᠷᠭᠠᠯ᠂ ᠪᠠᠭᠠ ᠪᠠᠭᠠᠲᠤᠷ ᠵᠢᠴᠢ ᠲᠣᠭᠤᠷᠢᠮ ᠤᠨ ᠥᠪᠡᠷ ᠢ ᠪᠠᠨ ᠬᠠᠮᠠᠭᠠᠯᠠᠬᠤ | ᠴᠡᠷᠢᠭ ᠤᠨ ᠲᠤᠸᠠᠨᠵᠠᠩ ᠸᠠᠩ ᠸᠧᠨ ᠺᠦᠢ ᠲᠠᠢ ᠨᠡᠶᠢᠯᠡᠵᠦ ᠬᠤᠶᠠᠳᠤᠭᠠᠷ ᠤᠳᠠᠭᠠ ᠶᠢᠨ ᠤᠷᠪᠠᠯᠭᠠᠨ ᠭᠠᠷᠭᠠᠵᠠᠢ᠃ ᠲᠡᠳᠡ ᠤᠤᠯ ᠤᠨ ᠴᠡᠷᠢᠭ ᠠᠩᠭᠢ ᠶᠢᠨ | ᠳᠣᠲᠣᠷᠠᠬᠢ ᠦᠨᠡᠨ ᠪᠠᠶᠢᠳᠠᠯ ᠢ ᠮᠡᠳᠡᠬᠦ ᠦᠭᠡᠢ 100 ᠭᠠᠷᠤᠢ ᠨᠡᠷᠡ ᠴᠡᠷᠢᠭ ᠢ ᠴᠤᠭᠯᠠᠭᠤᠯᠤᠨ ᠠᠪᠴᠦ᠂ ᠰᠢᠨᠡ ᠵᠣᠤ᠂ ᠬᠦᠨᠴᠢᠷᠭᠠ ᠵᠡᠷᠭᠡ ᠭᠠᠵᠠᠷ ᠢᠶᠠᠷ | ᠬᠤᠯᠬᠢᠳᠠᠵᠤ᠂ ᠬᠦᠨᠴᠢᠷᠭᠠ ᠨᠤᠲᠤᠭ ᠤᠨ ᠠᠯᠪᠠᠨ ᠭᠠᠵᠠᠷ ᠢ ᠭᠡᠨᠡᠳᠡᠭᠦᠯᠦᠨ ᠳᠠᠭᠠᠷᠢᠵᠤ᠂ 4 ᠨᠡᠷᠡ ᠺᠠᠳ᠋ᠷ ᠢ ᠬᠤᠣᠷᠯᠠᠵᠠᠢ᠃ 2 ᠳ᠋ᠤᠭᠠᠷ ᠰᠠᠷᠠ ᠶᠢᠨ 18 ᠤ ᠡᠳᠦᠷ᠂ | ᠮᠣᠷᠢᠲᠤ ᠴᠡᠷᠢᠭ ᠤᠨ ᠲᠠᠪᠤᠳᠤᠭᠠᠷ ᠱᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠤᠸᠠᠨ ᠤ ᠳᠡᠭᠡᠷᠡᠮ ᠢ ᠤᠰᠠᠳᠬᠠᠬᠤ ᠪᠠᠷᠠᠭᠤᠨ ᠱᠤᠭᠤᠮ ᠤᠨ ᠴᠡᠷᠢᠭ ᠠᠩᠭᠢ ᠭᠦᠨᠴᠢᠷᠭᠠ | ᠨᠤᠲᠤᠭ ᠤᠨ ᠣᠯᠠᠨ ᠨᠣᠬᠠᠢ ᠶᠢᠨ ᠴᠢᠷᠭᠠ ᠲᠣᠰᠬᠤᠨ ᠳᠤ ᠤᠷᠪᠠᠭᠰᠠᠨ ᠳᠡᠭᠡᠷᠡᠮ ᠢ ᠪᠦᠰᠡᠯᠡᠨ ᠠᠪᠴᠦ᠂ 20 ᠭᠠᠷᠤᠢ ᠳᠡᠭᠡᠷᠡᠮ ᠢ ᠠᠯᠠᠵᠤ᠂ ᠣᠯᠠᠩᠬᠢ ᠤᠷᠪᠠᠭᠰᠠᠨ | ᠳᠡᠭᠡᠷᠡᠮ ᠴᠣᠬᠢᠭᠳᠠᠨ ᠪᠤᠲᠠᠷᠠᠪᠠ᠃ ᠲᠦᠮᠡᠨᠵᠢᠷᠭᠠᠯ ᠪᠢᠴᠢᠭᠡᠴᠢ ᠪᠣᠯᠣᠨ ᠬᠠᠮᠠᠭᠠᠯᠠᠭᠴᠢ ᠲᠠᠢ ᠪᠠᠨ ᠳᠤᠲᠠᠭᠠᠨ ᠭᠠᠷᠴᠤ᠂ ᠬᠠᠲᠤᠨ ᠭᠤᠣᠯ ᠢ ᠬᠡᠲᠤᠯᠤᠨ ᠠᠯᠠᠱᠠᠨ ᠤ | ᠵᠠᠳᠠᠮᠪᠠ ᠶᠢᠨ ᠰᠦᠮᠡ ᠳᠤ ᠯᠠᠮᠠ ᠪᠠᠷ ᠣᠪᠯᠠᠵᠤ ᠳᠠᠯᠳᠠᠯᠠᠨ ᠬᠤᠷᠭᠤᠳᠠᠪᠠ᠃ 1951 ᠣᠨ ᠤ 4 ᠳ᠋ᠦ᠋ᠭᠡᠷ ᠰᠠᠷᠠ ᠳᠤ ᠳᠡᠭᠡᠷᠡᠮ ᠢ ᠨᠡᠬᠡᠮᠵᠢᠯᠡᠨ ᠤᠰᠠᠳᠬᠠᠬᠤ ᠴᠡᠷᠢᠭ | ᠠᠩᠭᠢ ᠵᠠᠳᠠᠮᠪᠠ ᠶᠢᠨ ᠰᠦᠮᠡ ᠶᠢ ᠪᠦᠰᠡᠯᠡᠨ ᠠᠪᠤᠭᠰᠠᠨ ᠳᠤ ᠲᠦᠮᠡᠨᠵᠢᠷᠭᠠᠯ ᠮᠤᠵᠢᠭᠤᠳᠠᠯᠠᠨ ᠡᠰᠡᠷᠭᠦᠴᠡᠵᠦ ᠠᠯᠠᠭᠳᠠᠪᠠ᠃ | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ | | |