| ᠤᠷᠳᠤᠰ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠠᠴᠠ ᠤᠨᠳᠤᠷᠤᠨ ᠭᠠᠷᠤᠭᠰᠠᠨ ︽ᠠᠷᠢᠭᠤᠨ ᠴᠠᠭᠠᠨ ᠪᠤᠶᠠᠨ ᠤ ᠠᠮᠲᠠᠲᠤ | ᠡᠷᠳᠡᠨᠢ ᠶᠢᠨ ᠬᠦᠷᠦᠩᠭᠡ︾ ᠭᠡᠵᠦ ᠠᠯᠢᠪᠠ ᠢᠳᠡᠭᠡᠨ ᠤ ᠳᠡᠭᠡᠳᠦ ᠶᠢᠨ ᠳᠡᠭᠡᠳᠦ ᠢᠳᠡᠭᠡᠨ ᠢᠶᠠᠷ ᠬᠦᠨᠳᠦᠳᠬᠡᠳᠡᠭ᠃ | ᠡᠶᠢᠮᠦ ᠠᠴᠠ ᠭᠡᠷ ᠡᠷᠦᠬᠡ ᠳᠤ ᠭᠡᠶᠢᠴᠢᠨ ᠵᠤᠴᠢᠨ ᠢᠷᠡᠬᠦ ᠳᠤ ︽ᠴᠠᠶᠢᠯᠭᠠᠨ ᠰᠡᠳᠬᠢᠯ ᠴᠠᠭᠠᠨ ᠪᠤᠶᠠᠨ ᠤ ᠳᠡᠭᠡᠵᠢ︾ ᠭᠡᠵᠦ᠂ ᠬᠠᠮᠤᠭ ᠤᠷᠢᠳ ᠴᠠᠭᠠᠨ | ᠢᠳᠡᠭᠡᠨ ᠢᠶᠠᠨ ᠡᠷᠭᠦᠨ ᠪᠠᠷᠢᠵᠤ ᠠᠮᠰᠠᠭᠤᠯᠳᠠᠭ᠃ ᠨᠠᠶᠢᠷ ᠬᠤᠷᠢᠮ ᠪᠠᠶᠠᠷ ᠴᠡᠩᠭᠡᠯ ᠪᠤᠯᠬᠤ ᠳᠤ ︽ᠰᠦ ᠰᠢᠭ ᠴᠠᠭᠠᠨ ᠰᠡᠳᠬᠢᠯ ᠲᠠᠢ᠂ ᠰᠤᠮᠤ ᠰᠢᠭ᠋ ᠰᠢᠯᠤᠭᠤᠨ ᠵᠠᠩ | ᠲᠠᠢ ᠪᠤᠯᠳᠤᠭᠠᠢ︾ ᠭᠡᠵᠦ ᠰᠢᠨᠡ ᠪᠡᠷᠢ ᠬᠦᠷᠭᠡᠨ ᠳᠤ ᠪᠠᠨ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠭᠤᠯᠤᠨ ᠮᠢᠯᠢᠶᠠᠳᠠᠭ᠃ ᠪᠢᠴᠢᠬᠠᠨ ᠬᠡᠥᠭᠡᠳ ᠢᠷᠡᠬᠦ ᠳᠤ ︽ᠲᠤᠰᠤᠨ ᠳᠡᠭᠡᠷᠡ | ᠲᠤᠭᠯᠠᠵᠤ᠂ ᠲᠤᠷᠭᠠᠨ ᠳᠡᠭᠡᠷᠡ ᠦᠩᠭᠦᠷᠢᠭᠡᠷᠡᠢ︾ ᠭᠡᠵᠦ ᠠᠮᠠᠨ ᠳᠤ ᠨᠢ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠭᠤᠯᠤᠨ ᠵᠤᠯᠠᠢ ᠶᠢ ᠨᠢ ᠰᠢᠷᠠ ᠲᠤᠰᠤ ᠪᠠᠷ ᠮᠢᠯᠢᠶᠠᠳᠠᠭ᠃ | ᠠᠶᠠᠨ ᠳᠤ ᠮᠤᠷᠳᠠᠵᠤ᠂ ᠠᠪᠠ ᠳᠤ ᠶᠠᠪᠤᠬᠤ ᠬᠦᠮᠦᠨ ᠢ ︽ᠴᠠᠭᠠᠨ ᠢᠶᠠᠷ ᠨᠢ ᠶᠠᠪᠤᠭᠠᠳ ᠰᠢᠯᠤᠭᠤᠨ ᠢᠶᠠᠷ ᠨᠢ ᠪᠤᠴᠠᠲᠤᠭᠠᠢ︕︾ ᠭᠡᠵᠦ ᠴᠠᠭᠠᠨ ᠢᠳᠡᠭᠡᠨ | ᠠᠮᠰᠠᠭᠤᠯᠤᠨ ᠮᠤᠷᠳᠠᠭᠤᠯᠤᠭᠠᠳ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠤᠭᠲᠤᠳᠠᠭ᠃ ᠰᠢᠨᠡ ᠡᠷᠦᠬᠡ ᠭᠡᠷ ᠤᠨ ᠡᠭᠦᠳᠡ ᠬᠠᠭᠠᠯᠭᠠ᠂ ᠰᠢᠨᠡ ᠬᠤᠪᠴᠠᠰᠤᠨ ᠵᠠᠭᠠᠮᠠ ᠵᠠᠬᠠ ᠶᠢ ︽ | ᠲᠤᠭᠤᠰᠤᠨ ᠳᠤ ᠪᠤᠤ ᠬᠦᠷ ᠲᠤᠰᠤᠨ ᠳᠤ ᠬᠦᠷ︕︾ ᠭᠡᠵᠦ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠮᠢᠯᠢᠶᠠᠳᠠᠭ ᠪᠦᠭᠡᠳ ᠪᠠᠰᠠ ᠴᠢᠩᠬᠢᠰ ᠤᠨ ᠤᠩᠭᠤᠨ ᠤ ᠲᠠᠶᠢᠯᠭᠠ᠂ ᠤᠪᠤᠭᠠ | ᠤᠩᠭᠤᠳ ᠤᠨ ᠳᠠᠬᠢᠯᠭᠠ᠂ ᠵᠤᠯᠠᠭ ᠵᠤᠰᠠᠯᠠᠩ ᠤᠨ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠰᠢᠨᠡᠬᠡᠨ ᠰᠠᠭᠠᠭᠰᠠᠨ ᠰᠦ ᠪᠠᠨ ᠮᠦᠩᠭᠦᠨ ᠠᠶᠠᠭᠠᠨ ᠳᠤ ᠬᠢᠵᠦ ᠮᠦᠩᠭᠡ ᠲᠡᠭᠷᠢ ᠳᠤ | ᠦᠩᠭᠡᠳᠦ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠨ᠂ ᠢᠷᠦᠭᠡᠯ ᠮᠠᠭᠳᠠᠭᠠᠯ ᠢᠶᠠᠨ ᠤᠩᠰᠢᠵᠤ ᠰᠠᠴᠤᠯᠢ ᠪᠤᠯᠭᠠᠨ ᠡᠷᠭᠦᠳᠡᠭ᠃ |