| ᠠᠵᠢᠷᠭᠠ ᠲᠠᠯᠪᠢᠬᠤ ᠢᠷᠦᠭᠡᠯ | | | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠤᠯ ᠮᠠᠯᠴᠢᠨ ᠬᠥᠮᠥᠨ ᠤ ᠠᠵᠤ ᠠᠮᠢᠳᠤᠷᠠᠯ ᠤᠨ ᠢᠷᠡᠯᠲᠡ ᠶᠢᠨ ᠡᠬᠢ ᠪᠣᠯᠬᠤᠷ ᠤᠷᠳᠤᠰᠴᠤᠳ ᠵᠤᠯ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢᠶᠠᠨ | ᠬᠦᠰᠡᠨ ᠮᠥᠷᠥᠭᠡᠳᠴᠦ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠢᠷᠦᠭᠡᠨ ᠮᠠᠭᠲᠠᠳᠠᠭ᠂ ᠢᠯᠠᠩᠭᠤᠶᠠ ᠡᠭᠦᠯᠳᠡᠷ ᠮᠠᠯ ᠢ ᠲᠦᠮᠡᠨ ᠮᠠᠯ ᠤᠨ ᠲᠥᠷᠭᠦᠦ ᠭᠡᠵᠤ ᠦᠵᠡᠳᠡᠭ ᠪᠣᠯᠬᠤᠷ | ᠡᠭᠦᠯᠳᠡᠷ ᠰᠣᠩᠭᠤᠵᠤ ᠲᠠᠯᠪᠢᠬᠤ ᠳᠤ ᠪᠠᠨ ᠢᠷᠦᠭᠡᠯ ᠬᠡᠯᠡᠳᠡᠭ ᠶᠤᠮ᠃ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠣᠯᠲᠤᠭᠠᠢ | ᠰᠠᠩᠨᠠᠢ ᠳᠤᠮᠳᠠ ᠪᠠᠨ | ᠰᠠᠷᠠ ᠲᠠᠢ | ᠰᠠᠷᠠᠨ ᠳᠤᠮᠳᠠ ᠪᠠᠨ | ᠨᠠᠷᠠ ᠲᠠᠢ | ᠴᠤᠯᠮᠤᠨ ᠬᠤᠶᠠᠷ ᠨᠢᠳᠦ ᠲᠠᠢ | ᠴᠢᠨ᠋ᠸᠠ ᠶᠢᠨ ᠬᠤᠶᠠᠷ ᠴᠢᠬᠢ ᠲᠠᠢ | ᠵᠠᠭᠠᠨ ᠮᠡᠲᠦ ᠶᠡᠭᠡ ᠲᠣᠯᠣᠭᠠᠢ ᠲᠠᠢ | ᠵᠢᠭᠠᠰᠤ ᠮᠡᠲᠦ ᠡᠷᠢᠶᠡᠨ ᠲᠠᠩᠨᠠᠢ ᠲᠠᠢ | ᠬᠤᠮᠪᠤᠨ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ | ᠬᠤᠨᠳᠠᠭᠠ ᠠᠭᠤᠵᠢᠮ ᠬᠠᠮᠠᠷ ᠲᠠᠢ | ᠲᠠᠰᠠᠮᠠ ᠶᠢᠨ ᠳᠡᠯ ᠲᠠᠢ | ᠰᠣᠯᠣᠩᠭᠠ ᠶᠢᠨ ᠰᠡᠭᠦᠯ ᠲᠠᠢ | ᠤᠷᠲᠤ ᠪᠦᠳᠦᠭᠦᠨ ᠪᠡᠶᠡ ᠲᠠᠢ | ᠠᠭᠤᠵᠢᠮ ᠰᠠᠶᠢᠬᠠᠨ ᠲᠠᠰᠢᠶᠠ ᠲᠠᠢ | ᠮᠣᠨᠴᠤᠭ ᠬᠤᠶᠠᠷ ᠪᠦᠢᠯᠡ ᠲᠠᠢ | ᠮᠤᠯᠤᠷ ᠳᠥᠷᠪᠡᠨ ᠰᠣᠶᠤᠭᠠ ᠲᠠᠢ | ᠬᠠᠨ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠭᠰᠠᠨ | ᠬᠠᠷᠠ ᠠᠵᠢᠷᠭᠠ ᠶᠢᠨ ᠦᠷᠡ | ᠬᠠᠭᠠᠨ ᠴᠢᠩᠭᠢᠰ ᠤᠨ ᠬᠤᠲᠠᠨ ᠤ | ᠬᠠᠷᠠᠭᠴᠢ ᠭᠡᠭᠦᠦ ᠶᠢᠨ ᠤᠨᠠᠭᠠ | ᠪᠣᠭᠳᠠ ᠴᠢᠩᠭᠢᠰ ᠤᠨ ᠬᠤᠲᠠᠨ ᠤ | ᠪᠤᠷᠤ ᠠᠵᠢᠷᠭᠠ ᠶᠢᠨ ᠦᠷᠡ | ᠪᠤᠮ ᠰᠦᠷᠦᠭ ᠤᠨ ᠴᠢᠮᠡᠭ | ᠪᠤᠷᠣᠭᠴᠢ ᠭᠡᠭᠦᠨ ᠤ ᠤᠨᠠᠭᠠ | ᠤᠨᠠᠭᠠ ᠲᠠᠭᠠ ᠤᠯᠠᠨᠲᠠᠢ | ᠤᠳᠤᠮ ᠰᠠᠶᠢᠲᠠᠢ ᠶᠢᠨ ᠤᠭᠰᠠᠭᠠ | ᠰᠠᠯᠬᠢᠨ ᠳᠤ ᠭᠦᠢᠴᠡᠭᠳᠡᠬᠦ ᠦᠭᠡᠢ ᠵᠢᠷᠤᠭᠠ | ᠰᠠᠨᠠᠭᠠᠨ ᠳᠤ ᠭᠦᠢᠴᠡᠭᠳᠡᠬᠦ ᠦᠭᠡᠢ ᠬᠤᠷᠳᠤᠨ | ᠽᠠᠮᠪᠤᠯᠢᠩ ᠤᠨ ᠣᠷᠣᠨ ᠢᠶᠠᠷ | ᠰᠠᠶ᠋ᠢᠬᠠᠨ ᠵᠠᠭᠤᠷᠠ ᠡᠷᠭᠢᠳᠡᠭ | ᠬᠤᠷᠸᠠ ᠡᠨᠡ ᠶᠢᠷᠲᠢᠨᠴᠦ ᠶᠢ | ᠬᠤᠷᠤᠮᠠᠬᠠᠨ ᠵᠠᠭᠤᠷᠠ ᠡᠷᠭᠢᠳᠡᠭ | ᠬᠤᠷᠮᠤᠰᠲᠠ ᠲᠡᠭᠷᠢ ᠠᠴᠠ ᠵᠠᠶᠠᠭᠠᠲᠠᠢ | ᠬᠤᠷᠳᠤᠨ ᠬᠦᠯᠦᠭ ᠤᠨ ᠤᠳᠤᠮ | ᠦᠵᠡᠯ ᠪᠦᠲᠦᠨ ᠵᠢᠰᠦᠮ ᠲᠠᠢ | ᠦᠷᠢᠶᠡ ᠬᠦᠯᠦᠭ ᠴᠢᠮᠠᠶᠢ | ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠷ ᠮᠢᠯᠢᠶᠠᠵᠤ | ᠦᠭᠡ ᠶᠢᠨ ᠰᠠᠶᠢᠨ ᠢᠶᠠᠷ ᠢᠷᠦᠭᠡᠨ | ᠤᠯᠠᠶᠢᠯᠭᠠᠭᠰᠠᠨ ᠲᠠᠮᠦᠷ ᠬᠦᠷᠲᠡᠭᠡᠯ ᠦᠭᠡᠢ | ᠤᠭᠤᠷᠠᠭ ᠮᠢᠬᠠ ᠶᠢ ᠴᠢᠨᠢ ᠲᠠᠰᠤᠯᠤᠯ ᠦᠭᠡᠢ | ᠡᠳᠦᠷ ᠤᠨ ᠰᠠᠶᠢᠨ ᠳᠤ | ᠦᠯᠵᠠᠢ ᠲᠠᠢ ᠪᠣᠯᠭᠠᠵᠤ | ᠰᠠᠷᠠ ᠶᠢᠨ ᠰᠠᠶᠢᠨ ᠳᠤ | ᠰᠢᠵᠢᠮ ᠪᠣᠯᠭᠠᠵᠤ | ᠠᠶᠢᠷᠠᠭ ᠰᠦᠨ ᠢᠶᠠᠷ ᠮᠢᠯᠢᠶᠠᠬᠤ ᠶᠢᠨ | ᠠᠩᠬᠠ ᠲᠡᠷᠢᠭᠦᠨ ᠤᠴᠢᠷ ᠪᠣᠯᠪᠠᠰᠤ | ᠮᠢᠩᠭᠠ ᠶᠢᠨ ᠡᠬᠢ | ᠲᠥᠮᠠ ᠶᠢᠨ ᠳᠥᠷᠭᠦᠦ ᠪᠣᠯᠭᠠᠨ | ᠠᠩᠬᠠ ᠰᠠᠯᠭᠠᠭᠰᠠᠨ ᠰᠥᠷᠦᠭ ᠲᠤ ᠪᠠᠨ | ᠠᠵᠢᠷᠭᠠ ᠲᠠᠯᠪᠢᠬᠤ ᠶᠢᠨ ᠲᠤᠯᠠ ᠪᠢᠯᠡ | ᠠᠮᠠᠨ ᠢᠷᠦᠭᠡᠯ ᠢᠶᠠᠷ ᠪᠡᠯᠭᠡᠳᠡᠬᠦ ᠶᠢᠨ ᠲᠤᠯᠠ | ᠢᠨᠴᠠᠭᠠᠬᠤ ᠬᠤᠩᠭᠤᠷ ᠳᠠᠭᠤᠨ ᠢᠶᠠᠷ | ᠢᠵᠢᠯᠢ ᠰᠥᠷᠦᠭ ᠢᠶᠠᠨ ᠬᠤᠷᠢᠶᠠᠵᠤ | ᠬᠠᠪᠤᠷ ᠤᠨ ᠰᠢᠭᠤᠷᠭᠠᠨ ᠤ ᠴᠠᠭ ᠲᠤ | ᠡᠪᠡᠰᠦᠨ ᠰᠤᠷ ᠢ ᠲᠠᠭᠠᠨ ᠪᠡᠯᠴᠢᠵᠦ | ᠵᠤᠨ ᠤ ᠬᠠᠯᠠᠭᠤᠨ ᠤᠯᠠᠷᠢᠯ ᠳᠤ | ᠤᠰᠤᠨ ᠲᠤᠩᠭᠠᠯᠠᠭ ᠢ ᠲᠠᠭᠠᠨ ᠪᠡᠯᠴᠢᠭᠡᠷᠯᠡᠵᠦ | ᠨᠠᠮᠤᠷ ᠤᠨ ᠲᠠᠷᠭᠤᠨ ᠰᠠᠷᠠ ᠳᠤ | ᠰᠠᠯᠬᠢᠨ ᠢ ᠥᠭᠰᠥᠨ ᠢᠳᠡᠰᠢᠯᠡᠵᠦ | ᠡᠪᠤᠯ ᠤᠨ ᠬᠦᠢᠲᠡᠨ ᠴᠠᠭ ᠲᠤ | ᠨᠥᠮᠥᠷᠢ ᠶᠢ ᠡᠷᠢᠨ ᠡᠪᠡᠰᠦᠯᠡᠵᠦ | ᠰᠢᠨᠡ ᠰᠠᠯᠭᠠᠭᠰᠠᠨ ᠰᠥᠷᠦᠭ ᠤᠨ | ᠰᠢᠨᠵᠢ ᠪᠡᠯᠭᠡ ᠨᠢ ᠪᠣᠯᠵᠤ | ᠥᠭᠡᠳᠡᠯᠡᠨ ᠶᠠᠪᠤᠬᠤ ᠳᠤ | ᠡᠮᠦᠨᠡ ᠨᠢ ᠲᠤᠭ ᠪᠣᠯᠵᠤ | ᠤᠷᠤᠭᠤᠳᠠᠨ ᠶᠠᠪᠤᠬᠤ ᠳᠤ | ᠬᠤᠶᠢᠨᠡ ᠨᠢ ᠬᠠᠯᠬᠠᠪᠴᠢ ᠪᠤᠯᠵᠤ | ᠬᠠᠷᠠ ᠰᠢᠭᠤᠷᠭᠠᠨ ᠳᠤ | ᠬᠠᠮᠤᠭ ᠰᠥᠷᠦᠭ ᠤᠨ ᠨᠥᠮᠥᠷᠢ ᠪᠣᠯᠵᠤ | ᠬᠠᠯᠳᠠᠬᠤ ᠳᠠᠶᠢᠰᠤᠨ ᠲᠠᠢ | ᠬᠤᠰᠢᠭᠤᠴᠢ ᠪᠣᠯᠣᠨ ᠲᠤᠯᠤᠯᠳᠤᠵᠤ | ᠠᠳᠤᠭᠤᠨ ᠰᠥᠷᠦᠭ ᠤᠨ ᠲᠥᠷᠦᠭᠦᠦ | ᠠᠵᠢᠷᠭᠠᠨ ᠰᠠᠶᠢᠨ ᠨᠢ ᠪᠣᠯᠲᠤᠭᠠᠢ | ᠰᠥᠷᠦᠭ ᠤᠨ ᠴᠢᠨᠢ ᠬᠡᠭᠦᠳ ᠨᠢ | ᠵᠢᠯ ᠪᠦᠷᠢ ᠲᠥᠯ ᠲᠠᠢ | ᠣᠨ ᠪᠦᠷᠢ ᠤᠨᠠᠭᠠ ᠲᠠᠢ | ᠲᠥᠯ ᠠᠴᠠ ᠲᠥᠯᠵᠢᠵᠦ | ᠲᠡᠭᠦᠨ ᠠᠴᠠ ᠦᠷᠡᠵᠢᠵᠦ | ᠮᠢᠩᠭᠠ ᠪᠠᠷ ᠨᠡᠮᠡᠭᠳᠡᠨ | ᠲᠦᠮᠡ ᠪᠠᠷ ᠥᠰᠴᠦ | ᠴᠠᠭᠠᠨ ᠰᠢᠷᠭᠠ ᠨᠢ | ᠴᠠᠶᠢᠳᠠᠮ ᠳᠥᠭᠦᠷᠴᠤ | ᠬᠠᠷᠠ ᠪᠣᠷᠤ ᠨᠢ | ᠬᠠᠩᠭᠠᠢ ᠭᠤᠪᠢ ᠪᠦᠷᠬᠦᠵᠦ | ᠲᠤᠭᠠᠯᠠᠵᠤ ᠪᠠᠷᠠᠬᠤ ᠦᠭᠡᠢ ᠤᠯᠠᠨ | ᠳᠦᠭᠦᠮ ᠢᠶᠠᠷ ᠬᠡᠮᠵᠢᠭᠡᠳ ᠪᠠᠷᠠᠭᠳᠠᠬᠤ ᠦᠭᠡᠢ | ᠲᠦᠭ ᠲᠦᠮᠡ ᠪᠣᠯᠣᠨ ᠦᠷᠡᠵᠢᠬᠦ | ᠲᠥᠷᠭᠦᠦ ᠰᠠᠶᠢᠨ ᠠᠵᠢᠷᠭᠠ ᠪᠣᠯᠲᠤᠭᠠᠢ᠃ | | ︽ᠣᠷᠳᠣᠰ ᠤᠨ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠢᠷᠦᠭᠡᠯ ᠮᠠᠭᠲᠠᠭᠠᠯ︾ ᠤᠨ 660 ᠳ᠋ᠤᠭᠠᠷ ᠨᠢᠭᠤᠷ ᠠᠴᠠ | | | ᠬᠤᠷᠴᠠᠪᠢᠯᠢᠭ᠌ ᠠᠷᠪᠢᠨᠪᠠᠶᠠᠷ ᠤᠨ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠭᠰᠡᠨ ︽ᠣᠷᠳᠣᠰ ᠮᠣᠩᠭᠤᠯ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠢᠷᠦᠭᠡᠯ ᠮᠠᠭᠲᠠᠭᠠᠯ ᠵᠦᠢᠷ ᠰᠡᠴᠡᠨ ᠦᠭᠡ ᠥᠯᠢᠭᠡᠷ ᠲᠣᠮᠤᠭ ︾ ᠠᠴᠠ ᠪᠠᠭᠤᠯᠭᠠᠪᠠ | | | |