| ᠪᠣᠷᠭᠢᠯ ︵1672 — 1751 ᠣᠨ︶᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠡᠷᠡᠭᠲᠡᠢ᠂ ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠨᠢᠰᠤᠩᠬᠠᠢ ᠭᠡᠳᠡᠭ᠃ ᠡᠩᠬᠡ ᠠᠮᠤᠭᠤᠯᠠᠩ ᠤᠨ | ᠠᠷᠪᠠᠳᠤᠭᠠᠷ ᠣᠨ ︵1672 ᠣᠨ︶ ᠳᠤ ᠣᠷᠳᠣᠰ ᠪᠠᠷᠠᠭᠤᠨ ᠭᠠᠷ ᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠬᠦᠨᠳᠦ ᠶᠢᠨ ᠬᠠᠷᠢᠶᠠᠨ ᠤ ᠨᠢᠭᠡᠨ ᠬᠠᠷᠠᠴᠤ ᠠᠯᠪᠠᠲᠤ ᠶᠢᠨ | ᠭᠡᠷ ᠲᠤ ᠲᠥᠷᠥᠪᠡ᠃ ᠲᠡᠭᠦᠨ ᠤ ᠳᠣᠯᠣᠭᠠᠨ ᠨᠠᠰᠤᠲᠠᠢ ᠳᠤ ᠨᠢ ᠡᠴᠢᠭᠡ ᠨᠢ ᠨᠠᠰᠤ ᠪᠠᠷᠠᠵᠤ ᠡᠬᠡ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠶᠠᠳᠠᠭᠤᠬᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ ᠲᠡᠷᠡ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠠᠷᠢᠯᠳᠤᠵᠤ ᠨᠣᠴᠣᠯᠳᠤᠬᠤ ᠳᠤ ᠪᠠᠭ᠋ᠠᠲᠠᠢ ᠪᠣᠯᠬᠤᠷ 16 ᠨᠠᠰᠤᠲᠠᠢ ᠠᠴᠠ ᠡᠬᠢᠯᠡᠨ ᠪᠠᠷᠢᠯᠳᠤᠵᠤ ᠲᠡᠷᠡ ᠦᠶᠡ ᠶᠢᠨ ᠣᠷᠳᠣᠰ ᠤᠨ ᠡᠯᠡ | ᠬᠤᠰᠢᠭᠤᠳ ᠤᠨ ᠣᠪᠣᠭᠠ ᠪᠤᠯᠠᠭ᠂ ᠵᠤᠯᠠᠭ ᠤᠨ ᠨᠠᠶᠢᠷ ᠤᠳ ᠢᠶᠠᠷ ᠣᠯᠠᠨᠲᠠ ᠲᠡᠷᠢᠭᠦᠯᠡᠵᠦ᠂ ᠣᠷᠳᠣᠰ ᠲᠤ ᠪᠠᠨ ᠰᠢᠨᠡ ᠪᠠᠷ ᠨᠡᠷᠡ ᠭᠠᠷᠤᠭᠰᠠᠨ ᠵᠠᠯᠠᠭᠤ ᠪᠥᠬᠡᠴᠢᠨ | ᠪᠣᠯᠵᠠᠢ᠃ ᠲᠡᠭᠦᠨ ᠤ ᠡᠴᠢᠭᠡ ᠶᠢᠨ ᠬᠢᠨ ᠤ ᠲᠥᠷᠥᠯ ᠤᠤᠯ ᠤᠨ ᠤᠯᠠᠭᠠᠨᠴᠠᠪ ᠤᠨ ᠴᠢᠭᠤᠯᠭᠠᠨ ᠤ ᠤᠷᠠᠳ ᠤᠨ ᠳᠤᠮᠳᠠ ᠬᠦᠡᠭ ᠤᠨ ᠬᠤᠰᠢᠭᠤᠨ ᠳᠤ ᠪᠠᠶᠢᠵᠦ᠂ | ᠡᠬᠡ ᠶᠢᠨ ᠬᠢᠨ ᠲᠥᠷᠥᠯ ᠦᠦᠰᠢᠨ ᠤ ᠨᠠᠮᠬᠠᠢ ᠲᠤᠰᠠᠯᠠᠭᠴᠢ ᠭᠡᠵᠦ ᠪᠠᠶᠢᠪᠠ᠃ ᠲᠡᠷᠡ ᠨᠢᠭᠡ ᠤᠳᠠᠭᠠ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠲᠤᠯᠤᠨ ᠨᠠᠭᠤᠷ ᠤᠨ | ᠴᠤᠭᠯᠠᠭᠠᠨ ᠤ ᠨᠠᠶᠢᠷ ᠤᠨ 512 ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠳᠤ ᠳᠡᠭᠡᠳᠦ 16 ᠳᠤ ᠣᠷᠣᠵᠤ᠂ ᠪᠠᠰᠠ ᠨᠢᠭᠡ ᠤᠳᠠᠭᠠ ᠬᠠᠩᠬᠠᠢ ᠶᠢᠨ ᠬᠦᠷᠢᠶᠡᠨ ᠳᠤ ᠪᠣᠯᠣᠭᠰᠠᠨ | ᠬᠠᠯᠬᠠ ᠳᠣᠯᠣᠭᠠᠨ ᠬᠤᠰᠢᠭᠤᠨ ᠤ ᠳ᠋ᠠᠩᠰᠢᠭ ᠤᠨ ᠶᠡᠭᠡ ᠨᠠᠶᠢᠷ ᠤᠨ 512 ᠪᠥᠬᠡ ᠶᠢᠨ ᠨᠤᠭᠤᠯᠭᠠᠨ ᠳᠤ ᠲᠦᠰᠢᠶᠡᠲᠦ ᠬᠠᠨ ᠤ ᠳᠠᠮᠷᠢᠨ ᠵᠠᠰᠠᠭ ᠤᠨ ᠬᠤᠰᠢᠭᠤᠨ ᠤ | ᠬᠡᠴᠡᠭᠦᠦ ᠪᠦᠬᠡ ᠪᠠᠳᠢᠷᠴᠢ ᠶᠢ ᠰᠢᠷᠤᠶᠢᠳᠠᠭᠤᠯᠤᠭᠠᠳ ᠳᠡᠭᠡᠳᠦ ᠳᠥᠷᠪᠡ ᠳᠤ ᠬᠦᠷᠴᠦ᠂ ᠲᠣᠷᠭᠠᠨ ᠵᠣᠳᠤᠭ ᠤᠨ ᠵᠠᠬᠠ ᠠᠴᠠ ᠰᠢᠭᠦᠷᠴᠦ ᠲᠣᠭᠠᠲᠤ ᠪᠥᠬᠡ ᠶᠢᠨ | ᠳᠠᠩᠰᠠᠨ ᠳᠤ ᠣᠷᠣᠵᠤ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ | ᠪᠣᠷᠭᠢᠯ ᠲᠡᠷᠡ ᠦᠶᠡ ᠳᠤ ᠣᠷᠳᠣᠰ ᠵᠢᠷᠭᠤᠭᠠᠨ ᠵᠠᠰᠠᠭ ᠠᠴᠠ ᠨᠣᠶᠠᠨ ᠭᠡᠭᠡᠨ ᠤ ︽ᠱᠠᠪᠢᠨᠠᠷ ᠠᠶᠢᠯ︾ ᠳᠤ ᠶᠠᠪᠤᠭᠤᠯᠤᠭᠰᠠᠨ ᠬᠤᠷᠢᠨ ᠡᠷᠦᠬᠡ ᠶᠢᠨ | ᠲᠣᠭᠠᠨ ᠳᠤ ᠪᠦᠷᠢᠳᠬᠡᠭᠳᠡᠨ ᠲᠤᠯᠤᠨ ᠨᠠᠭᠤᠷ ᠲᠤ ᠬᠦᠷᠴᠦ ᠰᠠᠭᠤᠵᠤ ᠪᠠᠶᠢᠭᠰᠠᠭᠠᠷ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠴᠠᠭᠠᠨ ᠮᠣᠷᠢᠨ ᠵᠢᠯ ︵1751 | ᠣᠨ︶ ᠳᠠᠯᠠᠨ ᠨᠠᠢᠮᠠᠲᠠᠢ ᠨᠠᠰᠤ ᠪᠠᠷᠠᠪᠠ᠃ | | ︽ᠣᠲᠤᠭ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠣᠶᠢᠯᠠᠯᠭᠠ︾ ︽ᠣᠲᠤᠭ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠣᠶᠢᠯᠠᠯᠭᠠ︾ ᠨᠠᠶᠢᠷᠠᠭᠤᠯᠬᠤ | ᠺᠣᠮᠢᠰ ᠨᠠᠶᠢᠷᠠᠭᠤᠯᠪᠠ | | | | |