| ᠠᠷᠪᠠᠨ ᠮᠣᠷᠢᠨ ᠮᠠᠭᠲᠠᠭᠠᠯ᠄ ᠳᠡᠳ᠋ ᠮᠣᠷᠢ | | ᠰᠠᠶᠢᠬᠠᠨ ᠢᠷᠤᠭᠡᠯᠲᠤ ᠨᠠᠭᠠᠳᠤᠮ ᠳᠡᠭᠡᠷᠡ | ᠰᠠᠭᠠᠲᠠᠯ ᠦᠭᠡᠢ ᠭᠦᠶᠦᠭᠡᠳ | ᠡᠩᠬᠡ ᠵᠢᠷᠭᠠᠯ ᠤᠨ ᠨᠠᠶᠢᠷ ᠳᠡᠭᠡᠷᠡ | ᠠᠳᠡᠯ ᠦᠭᠡᠢ ᠣᠷᠤᠯᠳᠤᠭᠠᠳ | ᠡᠨᠡ ᠡᠳᠦᠷ ᠤᠨ ᠪᠠᠶᠠᠷ ᠳᠡᠭᠡᠷᠡ | ᠳᠡᠳ᠋ ᠴᠤᠯᠠ ᠶᠢ ᠣᠯᠣᠭᠰᠠᠨ ᠪᠢᠯᠡ᠂ | ᠠᠭᠤᠳᠠᠮ ᠲᠠᠯᠠ ᠪᠠᠷ ᠭᠦᠶᠦᠬᠦ ᠨᠢ | ᠤᠯᠤᠮ ᠦᠭᠡᠢ ᠳᠠᠯᠠᠢ ᠶᠢᠨ ᠣᠩᠭᠤᠴᠠ ᠮᠡᠲᠤ | ᠲᠠᠯᠠ ᠳᠤᠮᠳᠠᠭᠤᠷ ᠰᠤᠪᠤᠷᠠᠬᠤ ᠨᠢ | ᠲᠡᠭᠷᠢ ᠳᠡᠭᠡᠭᠦᠷ ᠨᠢᠰᠦᠭᠴᠢ ᠰᠢᠪᠠᠭᠤ ᠠᠳᠠᠯᠢ | ᠦᠨᠡᠨ ᠴᠢᠳᠠᠯ ᠢ ᠨᠢ ᠬᠡᠯᠡᠪᠡᠯ | ᠥᠷᠯᠥᠭᠡ ᠶᠢᠨ ᠨᠠᠷᠠᠨ ᠠᠴᠠ ᠡᠬᠢᠯᠡᠵᠦ | ᠡᠳᠦᠷ ᠳᠠᠭᠤᠰᠤᠨ ᠬᠦᠶᠤᠪᠡᠴᠤ ᠮᠣᠬᠤᠬᠤ ᠦᠬᠡᠢ ᠮᠣᠷᠢ | ᠥᠰᠦᠷᠬᠦ ᠨᠢᠭᠡᠨ ᠡᠷᠳᠡᠮ ᠢᠶᠠᠨ ᠮᠠᠷᠲᠠᠭᠰᠠᠨ ᠳᠤ ᠪᠠᠨ | ᠦᠨᠦᠳᠦᠷ ᠤᠨ ᠨᠠᠶᠢᠷ ᠳᠡᠭᠡᠷᠡ ᠳᠡᠳ᠋ᠯᠡᠭᠰᠡᠨ ᠪᠢᠯᠡ᠂ | ᠡᠷᠭᠢᠵᠦ ᠲᠠᠬᠢᠨ ᠲᠠᠯᠪᠢᠪᠠᠯ | ᠡᠩ ᠲᠡᠷᠢᠭᠦᠨ ᠳᠤ ᠭᠠᠷᠬᠤ | ᠡᠷᠳᠡᠨᠢ ᠬᠦᠯᠦᠭ ᠮᠣᠷᠢ ᠭᠡᠭᠴᠢ | ᠡᠨᠡ ᠮᠠᠭᠠᠳ ᠮᠥᠨ ᠪᠢᠯᠡ᠂ | ᠬᠠᠶᠢᠷ ᠲᠠᠢ ᠭᠠᠵᠠᠷ ᠬᠠᠯᠲᠤᠷᠰᠢ ᠦᠭᠡᠢ | ᠬᠠᠷᠠᠩᠭᠤᠢ ᠰᠦᠨᠢ ᠲᠠᠯᠪᠢᠰᠢ ᠦᠭᠡᠢ | ᠪᠠᠷᠲᠠᠭᠠ ᠲᠠᠢ ᠭᠠᠵᠠᠷ ᠪᠠᠶᠢᠯᠭᠠᠰᠢ ᠦᠭᠡᠢ | ᠪᠠᠷᠢᠮᠵᠢᠶᠠ ᠦᠭᠡᠢ ᠬᠥᠮᠥᠨ ᠳᠤ ᠣᠨᠣᠭᠤᠯᠤᠰᠢ ᠦᠭᠡᠢ | ᠪᠠᠶᠠᠷ ᠨᠠᠶᠢᠷ ᠤᠨ ᠬᠥᠭᠵᠢᠶᠡᠨ ᠪᠣᠯᠣᠭᠰᠠᠨ | ᠪᠦᠭᠦᠳᠡ ᠣᠯᠠᠨ ᠤ ᠬᠦᠰᠡᠯ ᠢ ᠳᠠᠲᠠᠭᠰᠠᠨ | ᠵᠢᠪᠬᠤᠯᠠᠩᠲᠤ ᠴᠠᠭ ᠤᠨ | ᠵᠢᠷᠭᠠᠯᠲᠤ ᠬᠦᠯᠦᠭ ᠭᠡᠭᠴᠢ ᠡᠨᠡ ᠪᠢᠯᠡ᠃ | | ︽ᠣᠷᠳᠣᠰ ᠤᠨ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠢᠷᠦᠭᠡᠯ ᠮᠠᠭᠲᠠᠭᠠᠯ︾ ᠤᠨ 594 ᠳ᠋ᠦ᠋ᠭᠡᠷ ᠨᠢᠭᠤᠷ ᠠᠴᠠ | | | | ᠬᠤᠷᠴᠠᠪᠢᠯᠢᠭ᠌ ᠠᠷᠪᠢᠨᠪᠠᠶᠠᠷ ᠤᠨ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠭᠰᠡᠨ ︽ᠣᠷᠳᠣᠰ ᠮᠣᠩᠭᠤᠯ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠵᠦᠢᠷ ᠰᠡᠴᠡᠨ ᠦᠭᠡ | ᠥᠯᠢᠭᠡᠷ ᠲᠣᠮᠤᠭ ︾ ᠠᠴᠠ ᠪᠠᠭᠤᠯᠭᠠᠪᠠ | |