| | ᠤᠷᠳᠤᠰᠴᠤᠳ ᠰᠦ ᠰᠠᠭᠠᠯᠢ ᠶᠢᠨ ᠤᠮᠳᠠ ᠬᠠᠷᠢᠭᠤᠯᠵᠤ ᠥᠯ ᠵᠠᠯᠭᠠᠬᠤ ᠰᠢᠮᠡ ᠲᠡᠵᠢᠭᠡᠯ ᠳᠤ ᠲᠦᠰᠢᠭᠯᠡᠵᠦ ᠢᠵᠠᠭᠤᠷ ᠠᠴᠠ ᠤᠮᠳᠠᠭᠠᠨ ᠢᠶᠠᠷ ᠭᠤᠣᠯ | ᠪᠣᠯᠭᠠᠵᠤ ᠢᠷᠡᠵᠡᠢ᠃ | ᠤᠷᠳᠤᠰ ᠮᠤᠩᠭᠤᠯ ᠠᠮᠢᠳᠤᠷᠠᠯᠭᠠ ᠳᠤᠮᠳᠠ ᠪᠠᠨ ᠡᠷᠢᠨ ᠪᠦᠷᠢ ᠶᠢᠨ ᠬᠤᠭᠤᠯᠠ ᠶᠢ ᠵᠠᠪᠠᠯ ᠴᠠᠳᠳᠠᠯᠠ ᠢᠳᠡᠬᠦ ᠶᠢ ᠭᠤᠷᠢᠯᠠᠳᠠᠭ ᠦᠭᠡᠢ᠃ ᠠᠯᠢ ᠬᠦᠨᠳᠤᠲᠠᠢ᠂ | ᠠᠮᠲᠠᠲᠠᠢ᠂ ᠬᠤᠪᠣᠷ ᠴᠤᠬᠠᠭ ᠢᠳᠡᠭᠡᠨ ᠢ ᠴᠦ ᠲᠠᠭᠠᠷᠠᠤᠬᠠᠨ ᠢᠳᠡᠭᠡᠳ ᠦᠯᠤᠰᠬᠦ ᠦᠭᠡᠢ ︽ᠭᠡᠳᠡᠰᠤ ᠴᠠᠳᠬᠤ︾ ᠪᠠᠷ ᠭᠡᠮ ᠪᠣᠯᠭᠠᠳᠠᠭ᠃ ᠭᠤᠣᠯ ᠢᠳᠡᠭᠡᠨ ᠳᠤ | ᠬᠤᠯᠢᠰᠢᠨ ᠢᠳᠡᠭᠡᠨ ᠪᠠ ᠨᠣᠭᠤᠭᠠ ᠮᠢᠬᠠᠨ ᠤ ᠵᠦᠢᠯ ᠢ ᠵᠣᠬᠢᠰᠲᠠᠢ ᠣᠷᠤᠯᠴᠠᠭᠤᠯᠵᠤ᠂ ᠬᠠᠷᠠᠰᠤ ᠢᠳᠡᠭᠡᠨ ᠢ ᠭᠤᠯᠣᠳᠠᠭ ᠵᠠᠩᠰᠢᠯ ᠶᠡᠷᠤ ᠳᠤ ᠪᠠᠨ ᠪᠠᠶᠢᠳᠠᠭ ᠦᠭᠡᠢ᠃ | ᠢᠳᠡᠭᠡᠨ ᠤᠮᠳᠠᠭᠠᠨ ᠳᠤ ᠪᠠᠨ ᠮᠠᠯ ᠤᠨ ᠮᠢᠬᠠ᠂ ᠰᠦ ᠪᠠᠷ ᠭᠤᠣᠯᠳᠠᠬᠤ ᠪᠣᠯᠪᠠᠴᠤ ᠵᠠᠷᠢᠮ ᠵᠡᠷᠯᠢᠭ ᠠᠮᠢᠳᠠᠨ ᠤ ᠮᠢᠬᠠ ᠪᠠ ᠭᠡᠭᠡᠷᠡ ᠶᠢᠨ ᠨᠣᠭᠤᠭᠠ ᠵᠢᠮᠢᠰ ᠢ | ᠬᠦᠷᠲᠡᠯᠡ ᠣᠷᠣ ᠪᠣᠯᠭᠠᠨ ᠨᠥᠬᠦᠪᠦᠷᠢᠯᠡᠵᠦ᠂ ᠶᠠᠩᠵᠤ ᠪᠦᠷᠢ ᠶᠢᠨ ᠲᠥᠭᠦᠮ ᠪᠠ ᠨᠠᠷᠢᠯᠢᠭ᠂ ᠶᠡᠷᠤ ᠶᠢᠨ ᠪᠠ ᠡᠷᠬᠢᠮ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠢᠳᠡᠭᠡᠰᠢᠭᠦᠯᠦᠨ | ᠪᠣᠯᠪᠠᠰᠤᠷᠠᠭᠤᠯᠳᠠᠭ᠃ | ᠨᠢᠭᠡᠳᠦᠭᠡᠷ ᠬᠡᠰᠡᠭ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠲᠦᠷᠤᠯ ᠵᠦᠢᠯ | ᠤᠷᠳᠣᠰ ᠤᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠳᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠰᠦ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢ ᠴᠠᠭᠠᠨ ᠢᠳᠡᠭᠡᠨ︔ ᠠᠯᠠᠰᠢ ᠦᠭᠦᠴᠡ ᠳᠤ | ᠭᠠᠷᠭᠠᠭᠰᠠᠨ ᠮᠢᠬᠠ ᠰᠢᠭᠦᠰᠦ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢ ᠤᠯᠠᠭᠠᠨ ᠢᠳᠡᠭᠡᠨ︔ ᠠᠮᠤ ᠰᠢᠯᠤᠬᠡᠢ᠂ ᠰᠠᠭᠠᠭ᠂ ᠨᠠᠷᠢᠮᠤ ᠵᠡᠷᠭᠡ ᠶᠢᠨ ᠮᠤᠩᠭᠤᠯ ᠲᠠᠷᠢᠶᠠ ᠶᠢᠨ ᠦᠷᠡ | ᠲᠦᠮᠣᠰᠤ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢ ᠪᠣᠷᠣ ᠢᠳᠡᠭᠡᠨ︔ ᠪᠣᠳᠣᠨᠴᠤᠭ᠂ ᠰᠤᠩᠬᠢᠨᠠ᠂ ᠰᠠᠷᠢᠮᠰᠠᠭ᠂ ᠴᠠᠭᠠᠨ ᠨᠡᠪᠴᠢ ᠮᠡᠳᠣ ᠶᠢᠨ ᠲᠠᠷᠢᠮᠠᠯ ᠨᠤᠭᠤᠭᠠ ᠪᠠ ᠳᠠᠭᠠᠨᠠ᠂ | ᠰᠠᠭᠠᠢ᠂ ᠮᠥᠬᠦ ᠵᠡᠷᠭᠡ ᠬᠡᠭᠡᠷᠡ ᠶᠢᠨ ᠤᠷᠭᠤᠮᠠᠯ ᠢᠶᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢ ᠬᠥᠬᠡ ᠢᠳᠡᠭᠡᠨ︔ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠰᠦ ᠪᠤᠶᠤ ᠰᠦ ᠲᠠᠢ ᠴᠠᠢ ᠶᠢ | ᠤᠮᠳᠠᠭᠠᠨ ᠭᠡᠵᠣ ᠲᠦᠷᠦᠯᠰᠢᠭᠦᠯᠦᠨ ᠬᠤᠪᠢᠶᠠᠳᠠᠭ᠃ | ᠨᠢᠭᠡ ᠴᠠᠭᠠᠨ ᠢᠳᠡᠭᠡᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠷᠭᠠ ᠪᠠ ᠲᠦᠷᠤᠯ ᠵᠦᠢᠯ | ︵ᠨᠢᠭᠡ︶ ᠴᠠᠭᠠᠨ ᠢᠳᠡᠭᠡᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠷᠭᠠ ᠪᠠ ᠲᠦᠷᠤᠯ ᠵᠦᠢᠯ | ᠴᠠᠭᠠᠨ ᠢᠳᠡᠭᠡᠨ ᠢ ᠬᠤᠨᠢ᠂ ᠢᠮᠠᠭᠠ᠂ ᠦᠨᠢᠶᠡ᠂ ᠭᠡᠭᠦᠦ᠂ ᠢᠩᠭᠡ ᠶᠢᠨ ᠰᠦ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠨᠠ᠃ ᠤᠷᠳᠤᠰ ᠮᠠᠯᠴᠢᠳ ᠤᠨ ᠰᠦ ᠰᠠᠭᠠᠯᠢ ᠪᠠᠷᠢᠬᠤ | ᠠᠷᠭᠠ ᠮᠠᠶ᠋ᠢᠭ ᠦᠯᠡᠮᠵᠢ ᠪᠠᠶᠠᠯᠢᠭ ᠪᠠᠶᠢᠳᠠᠭ ᠲᠤᠯᠠ ᠴᠠᠭᠠᠨ ᠢᠳᠡᠭᠡᠨ ᠤ ᠲᠦᠷᠤᠯ ᠴᠦ ᠤᠯᠠᠨ ᠵᠦᠢᠯᠵᠢᠭᠡᠳ ᠪᠥᠬᠦᠯᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠬᠡᠯᠬᠢᠶᠡᠨ ᠳᠤ | ᠢᠳᠡᠭᠡᠨ ᠪᠠ ᠤᠮᠳᠠᠭᠠᠨ ᠤ ᠳᠠᠪᠬᠤᠷ ᠣᠢᠯᠡᠳᠤᠯ ᠢ ᠦᠵᠡᠭᠦᠯᠵᠠᠢ᠃ ᠲᠡᠭᠦᠨ ᠤ ᠡᠶᠢᠮᠣ ᠰᠢᠨᠵᠢ ᠴᠢᠨᠠᠷ ᠢ ᠦᠨᠳᠦᠰᠦᠯᠡᠵᠤ᠂ ᠶᠡᠷᠦᠩᠬᠡᠢ ᠳᠤ ᠨᠢ ᠢᠳᠡᠭᠡᠨ ᠤ ᠲᠦᠷᠥᠯ | ᠪᠠ ᠤᠮᠳᠠᠭᠠᠨ ᠤ ᠲᠥᠷᠥᠯ ᠭᠡᠵᠤ ᠬᠤᠶᠠᠷ ᠬᠤᠪᠢᠶᠠᠨᠠ᠃ ᠡᠭᠦᠨ ᠳᠤ ᠵᠦᠬᠡᠬᠡᠢ᠂ ᠴᠠᠭᠠᠨ ᠲᠣᠰᠣ᠂ ᠰᠢᠷᠠ ᠲᠣᠰᠣ ᠪᠠ ᠠᠭᠠᠷᠴᠠ᠂ ᠡᠭᠡᠷᠮᠡᠭ᠂ ᠰᠢᠭᠦᠮᠡᠯ ᠬᠤᠷᠤᠳ | ᠵᠡᠷᠭᠡ ᠠᠭᠰᠢᠮᠠᠯ ᠲᠣᠰᠤᠯᠢᠭ ᠴᠢᠨᠠᠷ ᠲᠠᠢ ᠶᠢ ᠢᠳᠡᠭᠡᠨ ᠤ ᠲᠥᠷᠥᠯ ᠳᠤ ᠪᠠᠭᠲᠠᠭᠠᠵᠤ᠂ ᠰᠦ᠂ ᠲᠠᠷᠠᠭ᠂ ᠠᠶᠢᠷᠠᠭ᠂ ᠬᠤᠭᠤᠷᠮᠠᠭ᠂ ᠡᠬᠡᠳᠡᠮ ᠪᠠ ᠠᠷᠢᠬᠢ ᠵᠡᠷᠭᠡ ᠶᠢ | ᠤᠮᠳᠠᠭᠠᠨ ᠤ ᠲᠦᠷᠥᠯ ᠳᠤ ᠪᠠᠭᠲᠠᠭᠠᠨᠠ᠃ | 1. ᠰᠦ᠄ ᠰᠦ ᠪᠤᠯ ᠠᠯᠢᠪᠠ ᠴᠠᠭᠠᠨ ᠢᠳᠡᠭᠡᠨ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠡᠬᠢ ᠮᠠᠲ᠋ᠧᠷᠢᠶᠡᠯ ᠮᠥᠨ᠃ ᠤᠷᠳᠦᠰᠴᠳ ᠦᠰᠦ᠋ ᠭᠡᠳᠡᠭ᠃ ᠰᠦ ᠶᠢ ᠰᠠᠭᠠᠬᠤ ᠮᠠᠯ | ᠤᠨ ᠲᠦᠷᠦᠯ ᠳᠤ ᠨᠢ ᠣᠨᠣᠭᠠᠵᠤ ᠬᠤᠨᠢᠨ ᠰᠦ᠂ ᠦᠨᠢᠶᠠᠨ ᠰᠦ… ᠭᠡᠵᠦ ᠨᠡᠷᠡᠶᠢᠳᠳᠡᠭ᠃ ᠰᠠᠶ᠋ᠢ ᠲᠦᠯᠯᠡᠭᠰᠡᠨ ᠮᠠᠯ ᠠᠴᠠ ᠪᠠᠷᠢᠴᠠ ᠰᠦ ᠭᠠᠷᠳᠠᠭ ᠪᠤᠰᠤ ᠬᠠᠴᠢᠨ | ᠤᠭᠤᠷᠠᠭ ᠭᠠᠷᠳᠠᠭ᠃ ᠬᠤᠶᠠᠷ ᠬᠤᠨᠤᠭ ᠤᠨ ᠲᠤᠲᠤᠷᠠᠬᠢ ᠦᠳᠭᠡᠨ ᠰᠢᠷᠠ ᠦᠩᠭᠡ ᠲᠠᠢ ᠶᠢ ︽ᠯᠠᠭ ᠤᠭᠤᠷᠠᠭ︾ ᠭᠡᠵᠤ᠂ ᠲᠠᠪᠤ ᠭᠤᠷᠪᠠ ᠬᠤᠨᠤᠭ ᠤᠨ ᠬᠢ ᠶᠢ ︽ | ᠬᠡᠯᠡᠭᠡᠢ ᠤᠭᠤᠷᠠᠭ︾ ᠭᠡᠨᠡ᠃ ᠤᠭᠤᠷᠠᠭ ᠨᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠪᠦᠷᠢᠯᠳᠤᠯ ᠢᠶᠠᠷ ᠣᠬᠢ ᠳᠤ ᠣᠷᠣᠳᠠᠭ ᠴᠦ ᠥᠳᠬᠡᠨ ᠨᠢᠯᠤᠭᠤᠨ ᠬᠤᠷᠠᠭ ᠠᠮᠲᠠ ᠲᠠᠢ᠂ | ᠰᠢᠩᠭᠡᠭᠡᠯᠲᠡ ᠳᠤ ᠠᠨᠠᠢ ᠪᠠᠶᠢᠳᠠᠭ ᠪᠣᠯᠬᠤᠷ ᠵᠤᠨ ᠭᠠᠷᠤᠭᠰᠠᠨ ᠲᠥᠯ ᠬᠥᠬᠦᠵᠦ ᠰᠢᠮᠡᠬᠦ ᠠᠴᠠ ᠬᠢᠴᠢᠶᠡᠵᠦ ᠮᠠᠯᠴᠢᠳ ᠲᠡᠭᠦᠨ ᠢ ᠴᠠᠭᠠᠨ ᠮᠠᠩᠬᠠ ᠲᠠᠢ ᠭᠠᠵᠠᠷ | ᠣᠷᠣᠭᠤ ᠰᠢᠪᠳᠤᠷᠴᠤ ᠭᠠᠷᠭᠠᠭᠠᠳ ︽ᠬᠤᠷᠣᠢ᠂ ᠬᠤᠷᠣᠢ︾ ᠭᠡᠵᠦ ᠲᠡᠭᠡᠵᠢ ᠶᠢ ᠨᠢ ᠠᠪᠴᠤ ᠮᠠᠩᠨᠠᠢ ᠳᠤ ᠪᠠᠨ ᠲᠦᠷᠬᠢᠳᠡᠭ᠃ ᠭᠡᠳᠡᠯᠠ ᠦᠨᠢᠶᠡᠨ ᠤ ᠤᠭᠤᠷᠠᠭ ᠢ | ᠰᠠᠭᠠᠵᠤ ᠠᠪᠤᠭᠠᠳ ᠬᠠᠭᠤᠷᠴᠤ ᠢᠳᠡᠪᠡᠯ ᠦᠩᠭᠡ ᠨᠢ ᠳᠠᠬᠢᠶᠠᠨ ᠦᠨᠳᠡᠭᠡ ᠮᠡᠲᠣ ᠰᠢᠪ ᠰᠢᠷᠠ᠂ ᠠᠮᠲᠠ ᠨᠢ ᠭᠠᠶᠢᠬᠠᠯᠲᠠᠢ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | ᠰᠦ ᠶᠢᠨ ᠳᠣᠲᠣᠷᠠ ᠦᠨᠢᠶᠡᠨ ᠰᠦ ᠪᠣᠯ ᠴᠠᠩᠭᠡᠷᠯᠢᠭ ᠳᠤᠩᠭᠠᠯᠠᠭ ᠦᠩᠬᠡ ᠲᠠᠢ᠂ ᠠᠮᠲᠠᠲᠠᠢ ᠪᠥᠭᠡᠳ ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ᠂ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ | ᠲᠡᠭᠦᠰ᠂ ᠴᠠᠭᠠᠨ ᠢᠳᠡᠭᠡᠨ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠭᠤᠣᠯ ᠲᠥᠭᠦᠬᠡᠢ ᠡᠳ᠋ ᠪᠣᠯᠣᠨᠠ᠃ ᠭᠠᠭᠴᠠ ᠴᠠᠢ ᠰᠦᠯᠡᠬᠦ ᠳᠤ ᠪᠠᠷᠤᠭᠲᠠᠢ᠃ ᠰᠦᠯᠡᠪᠡᠯ ᠥᠩᠭᠡ ᠶᠢ ᠨᠢ | ᠴᠢᠯᠳᠡᠭᠡᠷ ᠪᠣᠯᠭᠠᠵᠤ ᠴᠠᠢ ᠶᠢ ᠰᠢᠩᠭᠡᠷᠡᠭᠦᠯᠳᠡᠭ᠃ | ᠬᠤᠨᠢᠨ ᠰᠦ ᠦᠳᠭᠡᠨ ᠲᠤᠰᠤᠯᠢᠭ ᠰᠢᠷᠠ ᠦᠩᠭᠡ ᠲᠠᠢ᠂ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ᠂ ᠡᠭᠡᠳᠡᠮ ᠨᠢ ᠶᠡᠭᠡ᠂ ᠵᠦᠭᠡᠬᠡᠢ ᠵᠤᠵᠠᠭᠠᠨ ᠰᠠᠭᠤᠳᠠᠭ᠃ ᠴᠠᠢ ᠰᠦᠯᠡᠬᠦ | ᠳᠤ ᠨᠡᠶᠢᠴᠡᠲᠡᠢ ᠪᠥᠭᠡᠳ ᠠᠷᠪᠢᠲᠠᠢ ᠪᠢᠯᠡ᠃ | ᠢᠮᠠᠭᠠᠨ ᠰᠦ ᠰᠢᠩᠭᠡᠨ ᠴᠡᠩᠬᠡᠷᠯᠢᠭ ᠦᠩᠭᠡ ᠲᠠᠢ᠂ ᠳᠣᠭᠰᠢᠨ ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ᠂ ᠳᠣᠰᠣᠯᠢᠭ ᠢᠶᠠᠷ ᠪᠠᠭᠠ᠂ ᠠᠶᠢᠷᠠᠭ ᠬᠦᠷᠤᠩᠭᠡᠯᠡᠬᠦ᠂ ᠴᠠᠢ | ᠰᠦᠯᠡᠬᠦ ᠳᠤ ᠠᠰᠤᠷᠤ ᠰᠠᠶᠢᠨ ᠪᠠᠶᠢᠳᠠᠭ᠃ | ᠭᠡᠭᠦᠦ ᠶᠢᠨ ᠰᠦ ᠢᠰᠭᠦᠯᠡᠩ ᠱᠤᠷᠪᠤᠯᠢᠭ ᠠᠮᠲᠠᠲᠠᠢ᠂ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠥᠭᠡᠳ ᠰᠢᠮᠡ ᠲᠡᠵᠢᠭᠡᠯ ᠢᠶᠠᠷ ᠡᠯᠪᠡᠭ᠂ ᠭᠤᠤᠯᠳᠠᠭᠤ ᠴᠡᠭᠡ ᠬᠢᠵᠦ ᠤᠯᠠᠨ | ᠵᠦᠢᠯ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠦᠢᠯᠡᠳᠦᠯ ᠲᠠᠢ ᠪᠣᠯᠪᠡᠴᠤ ᠤᠷᠳᠤᠰ ᠲᠤ ᠦᠷᠭᠦᠯᠵᠢ ᠰᠠᠭᠠᠳᠠᠭ ᠦᠭᠡᠢ ᠶᠤᠮ᠃ | ᠢᠩᠭᠡ ᠶᠢᠨ ᠰᠦ ᠥᠳᠬᠡᠨ ᠮᠥᠷᠲᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠰᠠᠶᠢᠲᠠᠢ᠂ ᠴᠠᠢ ᠰᠦᠯᠡᠵᠤ᠂ ᠠᠶᠢᠷᠬᠠᠯᠠᠵᠤ ᠪᠦᠷ ᠪᠣᠯᠣᠨᠠ᠃ | ᠰᠦ ᠠᠶᠢᠷᠠᠭ ᠪᠣᠯᠪᠠᠰᠤᠷᠠᠭᠤᠯᠬᠤ ᠲᠠᠯᠠ ᠪᠠᠷ ᠣᠷᠳᠤᠰ ᠮᠤᠩᠭᠤᠯᠴᠤᠳ ᠵᠠᠷᠢᠮ ᠭᠠᠵᠠᠷ ᠣᠷᠣᠨ ᠰᠢᠭ᠋ ᠰᠦ ᠪᠠᠨ ᠡᠭᠡᠳᠡᠭᠦᠯᠦᠨ ᠪᠣᠯᠪᠡᠰᠤᠷᠠᠭᠤᠯᠬᠤ ᠪᠤᠶᠤ | ᠥᠷᠥᠮᠡ ᠪᠠᠨ ᠬᠠᠶᠢᠯᠤᠭᠤᠯᠵᠤ ᠵᠥᠭᠡᠬᠡᠢ ᠪᠠᠨ ᠲᠤᠰᠤ ᠪᠣᠯᠭᠠᠵᠤ ᠠᠪᠬᠤ ᠵᠠᠩᠰᠢᠯ ᠦᠭᠡᠢ᠃ ᠠᠭᠤᠷ ᠠᠮᠢᠰᠬᠤᠯ ᠳᠤᠯᠠᠭᠠᠨ ᠤᠴᠢᠷ ᠵᠦᠭᠡᠭᠡᠢ ᠰᠠᠶᠢᠨ ᠰᠠᠭᠤᠬᠤ | ᠦᠭᠡᠢ ᠪᠠᠷ ᠰᠦ ᠨᠢ ᠡᠭᠡᠳᠡᠳᠡᠭ ᠪᠣᠯᠬᠤᠷ ᠰᠦ ᠪᠠᠨ ᠠᠶᠢᠷᠠᠭᠯᠠᠵᠤ ᠴᠠᠭᠠᠨ ᠢᠳᠡᠭᠡᠨ ᠬᠢᠳᠡᠭ᠃ | 2. ᠵᠥᠬᠡᠬᠡᠢ᠄ ᠰᠠᠭᠠᠭᠰᠠᠨ ᠰᠦ ᠪᠠᠨ ᠰᠠᠪᠠᠨ ᠳᠤ ᠬᠢᠵᠤ ᠲᠠᠯᠪᠢᠭᠠᠳ ᠪᠠᠶᠢᠪᠠᠯ ᠡᠭᠡᠳᠡᠬᠦ ᠶᠢ ᠳᠠᠭᠠᠯᠳᠤᠨ ᠳᠡᠭᠡᠷᠡ ᠨᠢ ᠥᠷᠤᠮᠡᠳᠤᠵᠤ ᠰᠠᠭᠤᠭᠰᠠᠨ ᠨᠢᠮᠭᠡᠨ | ᠬᠦᠷᠦᠰᠦ ᠶᠢ ᠵᠥᠬᠡᠬᠡᠢ ᠭᠡᠨᠡ᠃ ᠵᠥᠬᠡᠬᠡᠢ ᠶᠢ ᠲᠡᠷᠡ ᠬᠡᠪ ᠢᠶᠠᠷ ᠨᠢ ᠬᠠᠮᠤᠵᠤ ᠠᠪᠤᠭᠠᠳ ᠠᠮᠤ ᠲᠠᠢ ᠴᠠᠢ ᠳᠤ ᠪᠠᠨ ᠬᠤᠯᠢᠶᠠ ᠪᠣᠯᠭᠠᠬᠤ ᠪᠤᠶᠤ ᠰᠢᠬᠢᠷ ᠪᠤᠷᠠᠮ ᠬᠢᠭᠡᠳ | ᠠᠮᠤ ᠵᠢᠭᠤᠷᠠᠵᠤ ᠢᠳᠡᠪᠡᠯ ᠠᠮᠲᠠ ᠨᠢ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | | | ᠵ᠊ · ᠮᠠᠭᠰᠤᠷᠵᠠᠪ ᠰᠠᠶᠢᠨᠵᠢᠷᠭᠠᠯ ᠤᠨ ᠵᠣᠬᠢᠶᠠᠭᠰᠠᠨ ︽ ᠣᠷᠳᠣᠰ ᠵᠠᠩ ᠦᠢᠯᠡ ︾ ᠶᠢᠨ | 206— 209 ᠳ᠋ᠦ᠋ᠭᠡᠷ ᠨᠢᠭᠤᠷ ᠠᠴᠠ ᠪᠠᠭᠤᠯᠭᠠᠪᠠ | | |