| 5.ᠠᠶᠢᠷᠠᠭ᠄ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠰᠦ ᠶᠢ ᠪᠦᠷ ᠠᠶᠢᠷᠠᠭᠯᠠᠵᠤ ᠪᠣᠯᠣᠨᠠ᠃ ᠠᠶᠢᠷᠠᠭ ᠪᠣᠯᠭᠠᠬᠤ ᠳᠤ ᠰᠦ ᠶᠢ ᠢᠰᠭᠡᠨᠡ᠃ ᠰᠦ ᠶᠢ ᠢᠰᠬᠡᠬᠦ ᠳᠤ | ᠰᠦ ᠳᠡᠭᠡᠷᠡ ᠪᠠᠨ ᠲᠥᠷᠦᠭᠦᠦ ᠵᠢᠯ ᠤᠨ ᠠᠶᠢᠷᠠᠭ ᠢᠶᠠᠨ ᠬᠢᠵᠤ ᠬᠥᠷᠥᠩᠭᠡᠯᠡᠬᠦ᠂ ᠰᠢᠭᠦᠮᠡᠯ ᠬᠤᠷᠤᠳ ᠢ ᠪᠢᠯᠴᠠᠯᠵᠤ ᠬᠢᠭᠡᠳ ᠬᠥᠷᠥᠩᠭᠡᠯᠡᠬᠦ᠂ ᠠᠳᠬᠤ ᠰᠢᠬᠠᠭᠤ | ᠤᠯᠠᠭᠠᠨ ᠠᠮᠤ ᠶᠢ ᠨᠠᠶᠢᠷᠠᠭᠤᠯᠵᠤ ᠬᠢᠭᠡᠳ ᠬᠥᠷᠥᠩᠭᠡᠯᠡᠬᠦ᠂ ᠠᠬᠢ ᠡᠪᠡᠰᠦᠨ ᠦᠨᠳᠦᠰᠦ ᠶᠢ ᠴᠡᠪᠡᠷᠯᠡᠵᠦ ᠬᠢᠭᠡᠳ ᠬᠥᠷᠥᠩᠭᠡᠯᠡᠬᠦ ᠮᠡᠲᠦ ᠠᠷᠭᠠ ᠤᠳ ᠪᠠᠶᠢᠳᠠᠭ᠃ | ᠡᠭᠦᠨ ᠢ ︽ᠠᠶᠢᠷᠠᠭ ᠲᠡᠵᠢᠭᠡᠨᠡ︾᠂ ︽ᠠᠶᠢᠷᠠᠭ ᠬᠥᠷᠥᠩᠭᠡᠯᠡᠨᠡ︾᠂ ︽ᠬᠥᠷᠥᠩᠭᠡ ᠲᠡᠵᠢᠭᠡᠨᠡ︾ ᠭᠡᠵᠤ ᠶᠠᠩᠵᠤ ᠪᠦᠷᠢ ᠪᠠᠷ ᠬᠡᠯᠡᠳᠡᠭ᠃ | ᠳᠡᠭᠡᠷᠡᠬᠢ ᠮᠡᠲᠦ ᠠᠷᠭᠠ ᠨᠤᠭᠤᠳ ᠢ ᠠᠯᠢ ᠨᠢᠭᠡ ᠪᠠᠷ ᠬᠥᠷᠥᠩᠭᠡᠯᠡᠭᠡᠳ ᠭᠠᠨᠭ᠌ ᠳᠠᠬᠢ ᠰᠠᠭᠠᠮᠠᠯ ᠰᠦ ᠨᠢ ᠲᠦᠭᠦᠬᠡᠢ ᠰᠦ ᠶᠢᠨ ᠠᠮᠲᠠᠷᠬᠠᠭ ᠠᠮᠲᠠ ᠪᠠᠨ | ᠠᠯᠳᠠᠵᠤ᠂ ᠢᠰᠭᠦᠯᠡᠩ ᠪᠤᠯᠤᠭᠰᠠᠨ ᠡᠭᠡᠳᠡᠮᠡᠭ ᠵᠦᠢᠯ ᠢ ᠠᠶᠢᠷᠠᠭ ᠭᠡᠨᠡ᠃ ᠠᠶᠢᠷᠠᠭ ᠤᠨ ᠳᠡᠭᠡᠷᠡᠬᠢ ᠥᠳᠬᠡᠨ ᠠᠭᠰᠢᠭᠤᠨ ᠢ ᠰᠠᠭᠭᠠᠰᠤ ᠭᠡᠵᠤ᠂ ᠦᠯᠡᠳᠡᠭᠰᠡᠨ ᠢ | ᠰᠢᠩᠭᠡᠨ ᠠᠶᠢᠷᠠᠭ ᠭᠡᠨᠡ᠃ | ᠲᠥᠷᠦᠭᠦᠦ ᠵᠢᠯ ᠤᠨ ᠠᠶᠢᠷᠠᠭ ᠢᠶᠠᠷ ᠬᠥᠷᠥᠩᠭᠡᠯᠡᠭᠰᠡᠨ ᠨᠢ ᠬᠠᠭᠤᠴᠢ ᠠᠮᠲᠠ ᠤᠷᠤᠰᠢᠬᠤ᠂ ᠰᠢᠭᠦᠮᠡᠯ ᠬᠤᠷᠤᠳ ᠤᠨ ᠬᠢᠨᠢ ᠰᠢᠷᠠ ᠤᠰᠤ ᠲᠤᠨᠤᠰᠢᠨ | ᠲᠣᠭᠰᠢᠨ ᠠᠮᠲᠠᠰᠢᠬᠤ᠂ ᠤᠯᠠᠭᠠᠨ ᠠᠮᠤ ᠶᠢᠨ ᠬᠢᠨᠢ ᠠᠮᠲᠠ ᠦᠨᠦᠷ ᠲᠡᠩᠴᠡᠭᠦᠨ ᠪᠣᠯᠣᠭᠠᠳ ᠪᠤᠳᠠᠭᠠᠨ ᠤ ᠠᠮᠲᠠᠲᠠᠢ ᠪᠣᠯᠬᠤ᠂ ᠠᠬᠢ ᠡᠪᠡᠰᠦ ᠶᠢᠨ ᠬᠢᠨᠢ ᠲᠤᠰᠤᠷᠬᠠᠭ | ᠵᠥᠭᠡᠯᠡᠨ ᠰᠤᠷᠭᠤᠭ ᠠᠮᠲᠠᠲᠠᠢ ᠪᠠᠶᠢᠳᠠᠭ᠃ | ᠠᠶᠢᠷᠠᠭᠯᠠᠬᠤ ᠳᠤ ᠶᠠᠭᠤᠨ ᠤ ᠡᠮᠦᠨᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠵᠢᠴᠢ ᠬᠢᠵᠤ ᠪᠠᠷᠢᠬᠤ ᠰᠠᠭᠠᠯᠢᠴᠢᠨ ᠬᠡᠵᠢᠶᠡᠳᠡ ᠴᠡᠪᠡᠷ ᠠᠷᠢᠭᠤᠨ ᠪᠠᠶᠢᠬᠤ ᠨᠢ | ᠲᠤᠩ ᠴᠢᠬᠤᠯᠠ᠃ ᠮᠥᠨ ᠴᠤ ᠪᠠᠶᠢᠭᠠᠯᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠢ ᠠᠩᠬᠠᠷᠤᠨ ᠠᠵᠢᠭᠯᠠᠵᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠶᠢ ᠲᠣᠬᠢᠷᠠᠭᠤᠯᠬᠤ ᠨᠢ ᠤᠮᠳᠤᠭᠠᠶᠢᠯᠠᠵᠤ ᠡᠰᠡ | ᠪᠣᠯᠣᠨᠠ᠃ ᠤᠴᠢᠷ ᠨᠢ ᠠᠶᠢᠷᠠᠭ ᠲᠤ ︽ᠬᠠᠯᠠᠭᠤᠳᠠᠬᠤ︾᠂ ︽ᠳᠠᠭᠠᠷᠠᠬᠤ︾ ᠦᠵᠡᠭᠳᠡᠯ ᠭᠠᠷᠳᠠᠭ᠃ | ᠭᠠᠳᠠᠨᠠ ᠶᠡᠭᠡ ᠬᠠᠯᠠᠵᠤ ᠭᠡᠷ ᠲᠤ ᠲᠠᠯᠪᠢᠭᠠ ᠠᠶᠢᠷᠠᠭ ᠤᠨ ᠬᠤᠴᠢᠯᠭᠠ ᠶᠢ ᠨᠢᠮᠭᠡᠯᠡᠬᠦ ᠦᠭᠡᠢ ᠪᠣᠯ ᠠᠶᠢᠷᠠᠭ ︽ᠬᠠᠯᠠᠭᠤᠳᠠᠨᠠ︾᠂ ︽ᠬᠠᠯᠠᠭᠤᠳᠠᠪᠠᠯ︾ | ᠬᠠᠭ᠋ᠠᠭᠤᠷᠠᠵᠤ ᠱᠤᠤᠭᠢᠨ᠂ ᠲᠣᠭᠰᠢᠨ ᠭᠠᠩᠳᠠᠭᠤᠨ ᠥᠨᠦᠷ ᠭᠠᠷᠴᠤ ᠰᠠᠭᠭᠠᠰᠤ ᠨᠢ ᠰᠢᠷᠠᠩᠭᠤᠶᠢᠳᠠᠨ ᠬᠠᠳᠠᠳᠠᠭ᠃ ᠭᠠᠳᠠᠨᠠ ᠰᠡᠷᠢᠭᠦᠨ᠂ ᠴᠢᠭᠢᠭ ᠪᠤᠷᠤᠭᠠᠨ ᠲᠠᠢ | ᠦᠶᠡ ᠳᠤ ᠠᠶᠢᠷᠠᠭ ᠤᠨ ᠬᠤᠴᠢᠯᠭᠠ ᠶᠢ ᠡᠰᠡ ᠨᠡᠮᠡᠪᠡᠯ ︽ᠳᠠᠭᠠᠷᠠᠨᠠ︾᠂ ︽ᠳᠠᠭᠠᠷᠠᠪᠠᠯ︾ ᠬᠦᠭᠡᠰᠤᠷᠴᠤ ᠰᠢᠩᠭᠡᠷᠡᠭᠡᠳ ᠰᠢᠷᠠ ᠤᠰᠤ ᠠᠷᠪᠢᠳᠳᠠᠭ᠃ | ᠮᠠᠯᠴᠢᠨ ᠰᠠᠭᠠᠯᠢ ᠪᠠᠷᠢᠬᠤ ᠴᠠᠭ ᠪᠦᠯᠢᠬᠦ ᠠᠶᠢᠷᠠᠭ ᠢ ᠥᠪᠡᠷ ᠪᠤᠰᠤᠳ ᠲᠤ ᠪᠠᠷᠤᠭ ᠢᠳᠡᠭᠦᠯᠳᠡᠭ ᠦᠭᠡᠢ᠂ ᠰᠠᠭᠭᠠᠰᠤ ᠶᠢ ᠨᠡᠩ ᠴᠤ ᠠᠷᠪᠢᠯᠠᠳᠠᠭ᠃ ᠬᠠᠷᠢᠨ | ᠦᠭᠡᠷᠡ ᠰᠠᠪᠠᠨ ᠳᠤ ︽ᠢᠳᠡᠬᠦ ᠠᠶᠢᠷᠠᠭ︾ ᠭᠡᠵᠤ ᠪᠠᠵᠠᠭᠠᠳᠠᠭ᠃ | ᠠᠶᠢᠷᠠᠭ ᠲᠤ ᠲᠤᠰᠣ ᠰᠦ ᠶᠢᠨ ᠵᠦᠢᠯ ᠪᠦᠷᠢᠨ ᠭᠦᠢᠴᠡᠳ ᠪᠠᠶᠢᠳᠠᠭ ᠪᠣᠯᠬᠤᠷ ᠤᠮᠳᠠ ᠬᠠᠷᠢᠭᠤᠯᠵᠤ ᠥᠯ ᠳᠠᠷᠤᠳᠠᠭ ᠬᠦᠴᠦ ᠲᠠᠢ ᠪᠢᠯᠡ᠃ ᠢᠯᠠᠩᠭᠤᠶᠠ | ᠤᠯᠠᠨ ᠵᠦᠢᠯ ᠤᠨ ᠲᠠᠷᠢᠶᠠ ᠲᠥᠮᠥᠰᠥᠨ ᠤ ᠬᠠᠭᠤᠷᠤᠭᠰᠠᠨ ᠢᠳᠡᠭᠡᠨ ᠢ ᠬᠤᠯᠢᠵᠤ ᠵᠢᠭᠤᠷᠠᠵᠤ ᠢᠳᠡᠬᠦ ᠳᠤ ᠠᠶᠢᠷᠠᠭ ᠰᠢᠭ᠋ ᠲᠣᠬᠢᠷᠠᠮᠵᠢᠲᠠᠢ ᠵᠦᠢᠯ ᠥᠭᠡᠷᠡ ᠪᠠᠶᠢᠬᠤ | ᠦᠭᠡᠢ᠃ | ᠠᠶᠢᠷᠠᠭ ᠢ ᠪᠦᠯᠢᠪᠡᠯ ᠴᠠᠭᠠᠨ ᠲᠤᠰᠤ ᠤᠨᠠᠳᠠᠭ᠃ ᠲᠤᠰᠣ ᠶᠢ ᠨᠢ ᠬᠠᠮᠤᠷᠪᠠᠯ ᠪᠦᠯᠢᠭᠰᠡᠨ ᠠᠶᠢᠷᠠᠭ ᠭᠡᠨᠡ᠃ | 6.ᠴᠠᠭᠠᠨ ᠲᠤᠰᠣ᠄ ᠠᠶᠢᠷᠠᠭ ᠢ ᠪᠦᠯᠢᠪᠡᠯ ᠴᠠᠭᠠᠨ ᠲᠤᠰᠣ ᠭᠠᠷᠤᠨᠠ᠃ ᠴᠠᠭᠠᠨ ᠲᠤᠰᠣ ᠭᠡᠭᠴᠢ ᠪᠦᠯᠢᠬᠦ᠂ ᠬᠢᠷᠮᠠᠯᠠᠬᠤ᠂ ᠵᠠᠩᠭᠢᠷᠠᠭᠠᠬᠤ ᠵᠡᠷᠭᠡ | ᠦᠢᠯᠡᠴᠢᠯᠡᠯ ᠳᠤ ᠠᠶᠢᠷᠠᠭ ᠤᠨ ᠳᠡᠭᠡᠭᠦᠷ ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠲᠤᠰᠤᠷᠬᠠᠭ ᠬᠥᠪᠥᠮᠡᠯ ᠴᠠᠭᠠᠨ ᠡᠳ᠋ ᠢ ᠬᠡᠯᠡᠳᠡᠭ᠃ ᠴᠠᠭᠠᠨ ᠲᠤᠰᠣ ᠠᠶᠢᠷᠠᠭ ᠤᠨ ᠬᠦᠴᠢᠯᠯᠢᠭ | ᠠᠮᠲᠠᠲᠠᠢ ᠪᠦᠭᠡᠳ ᠰᠦ ᠤᠰᠤᠨ ᠤ ᠪᠦᠷᠢᠯᠳᠦᠭᠡᠨ ᠦᠨᠳᠥᠷ ᠰᠢᠭ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠰᠢᠷᠠ ᠲᠤᠰᠤᠨ ᠤ ᠤᠬᠢ ᠰᠠᠶᠢᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠪᠣᠯᠳᠠᠭ᠃ | ᠴᠠᠢ ᠶᠢᠨ ᠬᠤᠯᠢᠴᠠ ᠪᠣᠯᠭᠠᠪᠠᠯ ᠰᠢᠷᠠ ᠲᠤᠰᠤ᠂ ᠵᠥᠭᠡᠬᠡᠢ ᠲᠠᠢ ᠲᠡᠩᠴᠡᠨᠡ᠃ ᠢᠳᠡᠪᠡᠯ ᠮᠠᠰᠢ ᠰᠢᠮᠡ ᠲᠡᠵᠢᠭᠡᠯ ᠲᠠᠢ ᠲᠣᠰᠣᠯᠢᠭ ᠢᠳᠡᠭᠡᠨ᠃ ᠠᠶᠢᠷᠠᠭ ᠤᠨ | ᠬᠤᠯᠢᠴᠠ ᠲᠠᠢ ᠪᠣᠯᠬᠤᠷ ᠵᠤᠨ ᠤ ᠴᠠᠭ ᠬᠦᠭᠡᠴᠤᠷᠡᠵᠤ ᠬᠤᠪᠢᠯᠬᠤ ᠨᠢ ᠬᠢᠯᠪᠠᠷ᠂ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠪᠣᠯᠬᠤ ᠦᠭᠡᠢ ᠲᠤᠯᠠ ᠤᠷᠳᠣᠰ ᠮᠠᠯᠴᠢᠳ ᠲᠡᠭᠦᠨ ᠢ ᠵᠤᠨ | ᠪᠣᠯ ᠳᠡᠯᠡᠳᠴᠦ ᠲᠠᠯᠪᠢᠳᠠᠭ᠂ ᠡᠪᠤᠯ ᠪᠣᠯ ᠳᠡᠯᠡᠳᠴᠦ ᠬᠤᠷᠢᠶᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠢᠯᠡ᠃ | ᠳᠡᠯᠡᠳᠬᠦ ᠭᠡᠳᠡᠭ ᠨᠢ ᠲᠦᠮᠫᠠᠨ ᠰᠠᠪᠠ ᠳᠠᠬᠢ ᠴᠠᠭᠠᠨ ᠲᠤᠰᠣ ᠶᠢ ᠤᠷᠢᠳ ᠢᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠠᠵᠠᠭᠳᠠᠵᠤ ᠴᠠᠷᠴᠠᠭᠠ ᠶᠢ ᠨᠢ ᠭᠠᠷᠭᠠᠨᠠ᠂ ᠲᠤᠰᠣ | ᠭᠠᠷ ᠲᠤ ᠨᠠᠭᠠᠯᠳᠤᠬᠤ ᠲᠤᠯᠠ ᠴᠠᠭᠠᠯᠠᠭᠰᠠᠨ ᠬᠦᠢᠲᠡᠨ ᠤᠰᠤ ᠶᠢ ᠪᠠᠭᠠ ᠪᠠᠭᠠ ᠪᠠᠷ ᠲᠤᠰᠤᠭᠠᠵᠤ᠂ ᠴᠠᠭᠠᠨ ᠲᠤᠰᠣ ᠶᠢ ᠱᠠᠪᠰᠢᠨ ᠳᠡᠯᠡᠳᠴᠦ ᠰᠠᠪᠠ ᠶᠢᠨ ᠨᠢᠭᠡ | ᠲᠠᠯᠠ ᠳᠤ ᠨᠢ ᠪᠥᠭᠡᠮᠨᠡᠷᠡᠭᠦᠯᠦᠨᠡ᠂ ᠡᠨᠡ ᠮᠡᠲᠦ ᠤᠯᠠᠨᠳᠡ ᠳᠡᠯᠡᠳᠴᠦ ᠱᠠᠪᠰᠢᠨ ᠲᠤᠰᠤᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠠᠶᠢᠷᠠᠭ ᠢ ᠤᠰᠤ ᠶᠢᠨ ᠬᠠᠮᠲᠤ ᠢᠯᠭᠠᠷᠠᠭᠤᠯᠬᠤ ᠶᠢ | ᠬᠡᠯᠡᠨᠡ᠃ ᠢᠩᠭᠢᠵᠦ ᠳᠡᠯᠡᠳᠦᠭᠰᠡᠨ ᠲᠤᠰᠣ ᠶᠢ ᠬᠠᠯᠠᠭᠤᠨ ᠴᠠᠭ ᠲᠤ ᠬᠡᠳᠤᠨ ᠡᠳᠦᠷ ᠬᠠᠳᠠᠭᠠᠯᠠᠵᠤ ᠪᠣᠯᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠴᠠᠭᠠᠨ ᠲᠤᠰᠣ ᠪᠠᠨ | ᠳᠡᠭᠡᠷᠡᠬᠢ ᠠᠷᠭᠠ ᠪᠠᠷ ᠳᠡᠯᠡᠳᠦᠭᠡᠳ ᠪᠠᠭᠠ ᠪᠠᠭᠠ ᠪᠠᠷ ᠪᠥᠭᠡᠮᠨᠡᠵᠦ᠂ ᠳᠤᠮᠲᠠ ᠨᠢ ᠬᠠᠳᠠ ᠴᠢᠯᠠᠭᠤ ᠮᠡᠲᠦ ᠶᠢᠨ ᠢᠯᠵᠢᠷᠡᠵᠦ ᠰᠢᠯᠪᠤᠷᠠᠬᠤ ᠦᠭᠡᠢ ᠶᠠᠭᠤᠮᠠ ᠶᠢ | ᠲᠠᠯᠪᠢᠭᠠᠳ᠂ ᠠᠶᠢᠷᠠᠭ ᠴᠠᠭᠠ ᠲᠠᠢ ᠰᠠᠪᠠᠨ ᠳᠤ ᠬᠢᠵᠤ ᠬᠤᠷᠢᠶᠠᠳᠠᠭ᠃ ᠬᠦᠨᠳᠦ ᠶᠠᠭᠤᠮᠠ ᠬᠠᠪᠴᠢᠭᠤᠯᠵᠤ ᠳᠡᠯᠡᠳᠴᠦ ᠬᠤᠷᠢᠶᠠᠭᠰᠠᠨ ᠴᠠᠭᠠᠨ ᠲᠤᠰᠤ ᠠᠶᠢᠷᠠᠭ | ᠴᠠᠭᠠ ᠶᠢᠨ ᠳᠤᠤᠷᠠ ᠲᠤᠨᠤᠳᠠᠭ ᠪᠣᠯᠬᠤᠷ ᠪᠦᠲᠦᠨ ᠡᠪᠤᠯ ᠬᠠᠪᠤᠷ ᠢᠶᠠᠷ ᠢᠳᠡᠪᠡᠴᠦ ᠥᠨᠦᠷ ᠠᠮᠲᠠ ᠨᠢ ᠰᠤᠷᠭᠤᠭ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ᠃ | ᠵ᠊ · ᠮᠠᠭᠰᠤᠷᠵᠠᠪ ᠰᠠᠶᠢᠨᠵᠢᠷᠭᠠᠯ ᠤᠨ ᠵᠣᠬᠢᠶᠠᠭᠰᠠᠨ ︽ ᠣᠷᠳᠣᠰ ᠵᠠᠩ ᠦᠢᠯᠡ ︾ ᠶᠢᠨ | 211— 213 ᠳ᠋ᠤᠭᠠᠷ ᠨᠢᠭᠤᠷ ᠠᠴᠠ ᠪᠠᠭᠤᠯᠭᠠᠪᠠ | | | |