| 7. ᠰᠢᠷᠠ ᠲᠤᠰᠤ᠄ ᠴᠠᠭᠠᠨ ᠲᠤᠰᠤ ᠪᠠᠨ ᠬᠠᠶᠢᠯᠤᠭᠤᠯᠤᠭᠠᠳ ᠰᠢᠷᠠ ᠲᠤᠰᠣ ᠠᠪᠳᠠᠭ᠃ ᠡᠭᠦᠨ ᠳᠤ ︽ᠲᠤᠰᠣ ᠬᠠᠶᠢᠯᠤᠭᠤᠯᠬᠤ︾ ᠭᠡᠳᠡᠭ᠃ | ᠲᠤᠰ ᠬᠠᠶᠢᠯᠤᠭᠤᠯᠬᠤ ᠳᠤ ᠤᠷᠢᠳ ᠢᠶᠠᠷ ᠲᠥᠷᠦᠭᠦᠦ ᠡᠳᠦᠷ ᠤᠨ ᠪᠦᠯᠢᠵᠦ ᠠᠪᠤᠭᠰᠠᠨ ᠲᠦᠮᠫᠠᠨ ᠰᠠᠪᠠ ᠳᠠᠬᠢ ᠴᠠᠭᠠᠨ ᠲᠤᠰᠣ ᠪᠠᠨ ᠲᠤᠭᠤᠭᠠᠨ ᠳᠤ ᠬᠢᠵᠤ᠂ | ᠠᠷᠭᠠᠯ ᠲᠦᠯᠡᠭᠡ ᠶᠢᠨ ᠨᠤᠷᠮᠠᠨ ᠭᠠᠯ ᠳᠤ ᠪᠤᠴᠠᠯᠭᠠᠵᠤ᠂ ᠬᠥᠭᠡᠰᠦᠷᠡᠭᠰᠡᠨ ᠢ ᠨᠢ ᠰᠠᠮᠤᠷᠴᠤ ᠵᠠᠮᠤᠷᠤᠭᠠᠭᠠᠳ ᠲᠦᠮᠫᠡᠨ ᠳᠤ ᠪᠠᠨ ᠪᠤᠴᠠᠭᠠᠵᠤ ᠬᠢᠵᠤ ᠠᠪᠤᠨᠠ᠃ | ᠢᠩᠭᠢᠭᠡᠳ ᠰᠠᠶ᠋ᠢ ᠶᠢᠨ ᠲᠤᠰᠣ ᠪᠤᠴᠠᠯᠭᠠᠭᠰᠠᠨ ᠲᠤᠭᠤᠭᠠᠨ ᠳᠤ ᠪᠠᠨ ᠰᠢᠨᠠᠭᠠ ᠰᠢᠬᠠᠮ ᠤᠰᠤ ᠪᠠ ᠠᠶᠠᠭᠠ ᠬᠢᠷᠢ ᠲᠦᠭᠦᠬᠡᠢ ᠲᠤᠳᠤᠷᠭᠠ ᠪᠤᠶᠤ ᠴᠠᠭᠠᠨ ᠪᠤᠳᠠᠭᠠ | ᠣᠶᠢᠵᠤ ᠪᠤᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠲᠦᠮᠫᠡᠨ ᠳᠠᠬᠢ ᠬᠠᠶᠢᠯᠤᠮᠠᠭ ᠲᠤᠰᠤᠨ ᠤ ᠳᠡᠭᠡᠭᠦᠷ ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠰᠢᠷᠠ ᠲᠤᠰᠣ ᠶᠢ ᠰᠢᠨᠠᠭᠠ ᠪᠠᠷ ᠦᠯᠡᠳᠡᠭᠡᠯ ᠦᠭᠡᠢ | ᠬᠠᠯᠢᠨ ᠠᠪᠴᠤ ᠲᠤᠭᠤᠭᠠᠨ ᠳᠤ ᠪᠠᠨ ᠬᠢᠨᠡ᠃ | ᠲᠤᠭᠤᠭᠠᠨ ᠳᠠᠬᠢ ᠰᠢᠷᠠ ᠲᠤᠰᠤ ᠪᠠᠨ ᠪᠤᠳᠠᠭᠠ ᠶᠢᠨ ᠬᠠᠮᠲᠤ ᠵᠥᠭᠡᠯᠡᠨ ᠭᠠᠯ ᠢᠶᠠᠷ ᠴᠠᠭ ᠰᠢᠬᠠᠮ ᠪᠤᠴᠠᠯᠭᠠᠵᠤ᠂ ᠲᠤᠭᠤᠭᠠᠨ ᠤ ᠢᠷᠤᠭᠠᠷ ᠲᠤ ᠪᠤᠳᠠᠭᠠ | ᠥᠯᠦ ᠨᠠᠭᠠᠯᠳᠤᠬᠤ ᠪᠠ ᠤᠰᠤ ᠠᠶᠢᠷᠠᠭ ᠢ ᠲᠦᠷᠭᠡᠨ ᠢᠯᠭᠠᠷᠠᠭᠤᠯᠬᠤ ᠪᠠᠷ ᠰᠢᠨᠠᠭᠠᠨ ᠲᠤᠯᠤᠭᠠᠢ ᠪᠠᠷ ᠲᠤᠰᠣ ᠪᠤᠳᠠᠭᠠ ᠶᠢ ᠢᠷᠤᠭᠠᠷ ᠳᠠᠭᠠᠭᠤᠯᠤᠨ ᠪᠠᠶᠢᠨ ᠪᠠᠶᠢᠨ | ᠬᠤᠳᠬᠤᠵᠤ ᠬᠥᠳᠡᠯᠭᠡᠨᠡ᠃ ᠲᠤᠭᠤᠭᠠᠨ ᠳᠠᠬᠢ ᠰᠢᠷᠠ ᠲᠤᠰᠤ ᠠᠩᠭᠢᠷ ᠰᠢᠷᠠ ᠥᠩᠭᠡᠰᠢᠵᠦ᠂ ᠢᠷᠤᠭᠠᠷ ᠲᠠᠬᠢ ᠪᠤᠳᠠᠭᠠ ᠨᠢ ᠢᠯᠭᠠᠷᠠᠮᠠ ᠲᠤᠳᠤ ᠦᠵᠡᠭᠳᠡᠵᠦ | ᠢᠷᠡᠬᠦ ᠳᠤ ᠰᠢᠨᠠᠭᠠᠨ ᠲᠠᠷᠢᠬᠢ ᠪᠠᠷ ᠪᠤᠳᠠᠭᠠ ᠶᠢ ᠲᠤᠰᠤᠨ ᠠᠴᠠ ᠰᠠᠯᠭᠠᠵᠤ ᠨᠢᠭᠡ ᠲᠡᠰᠢ ᠪᠥᠭᠡᠮᠨᠡᠷᠡᠭᠦᠯᠦᠭᠡᠳ᠂ ᠢᠯᠭᠠᠷᠠᠵᠤ ᠭᠠᠷᠤᠭᠰᠠᠨ ᠰᠢᠷᠠ ᠲᠤᠰᠣ ᠶᠢ ᠨᠢ ᠰᠢᠪᠠᠷ | ᠪᠣᠮᠪᠤᠷᠤᠤ ᠰᠤᠪᠤᠷᠭᠠᠨ ᠳᠤ ᠰᠢᠷᠬᠡᠭ ᠪᠤᠳᠠᠭᠠ ᠴᠤ ᠣᠷᠣᠭᠤᠯᠤᠯ ᠦᠭᠡᠢ ᠰᠠᠪᠠᠯᠠᠵᠤ ᠠᠪᠤᠭᠠᠳ ᠰᠡᠷᠢᠭᠦᠨ ᠭᠠᠵᠠᠷ ᠲᠠᠯᠪᠢᠵᠤ ᠪᠠᠶᠢᠭᠠᠳ ᠬᠠᠯᠠᠭᠤᠨ ᠠᠭᠤᠷ ᠨᠢ | ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠠᠮᠠ ᠶᠢ ᠨᠢ ᠳᠡᠪᠲᠦᠭᠡᠭᠰᠡᠨ ᠭᠦᠵᠡᠭᠡ ᠰᠠᠷᠢᠰᠤ ᠪᠠᠷ ᠪᠦᠷᠬᠦᠵᠦ ᠪᠣᠭᠤᠭᠠᠳ ᠬᠤᠷᠢᠶᠠᠵᠤ ᠲᠠᠯᠪᠢᠳᠠᠭ᠃ ᠪᠠᠰᠠ ᠮᠠᠯ ᠤᠨ ᠭᠦᠵᠡᠭᠡ᠂ | ᠤᠯᠤᠭᠠᠢ ᠶᠢ ᠰᠠᠶᠢᠲᠤᠷ ᠴᠡᠪᠡᠷᠯᠡᠵᠦ ᠤᠷᠪᠠᠭᠤᠯᠤᠭᠠᠳ ᠳᠤᠲᠤᠷᠠ ᠨᠢ ᠰᠠᠪᠠᠯᠠᠵᠤ ᠴᠠᠷᠴᠠᠭᠠᠵᠤ ᠲᠠᠯᠪᠢᠳᠠᠭ᠃ ᠰᠢᠷᠠ ᠲᠤᠰᠣ ᠪᠠᠨ ᠬᠠᠷᠮᠠᠵᠤ ᠠᠪᠤᠭᠠᠳ | ᠦᠯᠡᠳᠡᠭᠰᠡᠨ ᠢ ᠨᠢ ︽ᠲᠤᠰᠤᠨ ᠠᠶᠢᠷᠠᠭ︾ ᠭᠡᠵᠤ᠂ ᠰᠢᠷᠠ ᠲᠤᠰᠣ ᠪᠠᠨ ᠰᠠᠪᠠᠯᠠᠵᠤ ᠠᠪᠤᠭᠠᠳ ᠲᠣᠭᠤᠭᠠᠨ ᠳᠤ ᠦᠯᠡᠳᠡᠭᠰᠡᠨ ᠢ ︽ᠲᠤᠰᠤᠨ ᠪᠤᠳᠠᠭᠠ︾᠂ ︽ | ᠦᠵᠦᠭᠡᠢ ᠪᠤᠳᠠᠭᠠ︾ ᠭᠡᠨᠡ᠃ ᠤᠤᠭᠤᠵᠤ ᠢᠳᠡᠵᠦ ᠪᠦᠷ ᠪᠤᠯᠤᠨᠠ᠃ | ᠰᠢᠷᠠ ᠲᠤᠰᠤᠨ ᠤ ᠳᠤᠲᠤᠷᠠ ᠦᠨᠢᠶᠠᠨ ᠰᠦᠨ ᠤ ᠬᠢᠨᠢ ᠲᠡᠭᠰᠢ ᠴᠢᠨᠠᠷ ᠲᠠᠢ ᠲᠤᠯᠠ ᠠᠯᠲᠠᠨ ᠰᠢᠷᠭᠠᠯ ᠥᠩᠭᠡ ᠲᠠᠢ᠃ ᠬᠤᠨᠢᠨ ᠰᠦᠨ ᠤ ᠬᠢᠨᠢ ᠬᠠᠯᠠᠭᠤᠨ | ᠴᠢᠨᠠᠷ ᠲᠠᠢ ᠪᠣᠯᠬᠤᠷ ᠤᠯᠠᠪᠢᠷ ᠰᠢᠷᠠ ᠥᠩᠭᠡ ᠲᠠᠢ᠃ ᠢᠮᠠᠭᠠᠨ ᠰᠦᠨ ᠤ ᠪᠣᠯ ᠰᠡᠷᠢᠭᠦᠨ ᠴᠢᠨᠠᠷ ᠲᠠᠢ ᠪᠣᠯᠬᠤᠷ ᠴᠠᠭᠠᠪᠲᠤᠷ ᠥᠩᠭᠡ ᠲᠠᠢ ᠪᠠᠶᠢᠳᠠᠭ᠃ | ᠰᠢᠷᠠ ᠲᠤᠰᠣ ᠪᠣᠯ ᠰᠦᠨ ᠤ ᠲᠣᠰᠣᠯᠢᠭ ᠤᠨ ᠳᠤᠲᠤᠷᠠᠬᠢ ᠶᠠᠮᠠᠷ ᠴᠤ ᠬᠤᠯᠢᠮᠠᠭ ᠵᠦᠢᠯ ᠦᠭᠡᠢ᠂ ᠬᠠᠮᠤᠭ ᠤᠨ ᠰᠠᠶᠢᠨ ᠠᠮᠲᠠ ᠰᠢᠮᠲᠡ ᠪᠦᠷᠢᠯᠳᠦᠭᠰᠡᠨ | ᠤᠬᠢ ᠰᠣᠳᠣ ᠢᠳᠡᠭᠡᠨ ᠮᠥᠨ᠃ ᠲᠡᠷᠡ ᠨᠢ ᠥᠯ ᠰᠠᠶᠢᠲᠠᠢ᠂ ᠬᠥᠮᠥᠨ ᠤ ᠪᠡᠶᠡ ᠶᠢᠨ ᠢᠯᠴᠢ ᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠳᠠᠭᠠᠷᠠᠵᠤ ᠪᠡᠭᠡᠷᠡᠬᠦ ᠶᠢ ᠰᠡᠷᠭᠡᠶᠢᠯᠡᠨ᠂ ᠪᠡᠶᠡ | ᠮᠠᠬᠠᠪᠤᠳ ᠢ ᠰᠢᠮᠡᠵᠢᠭᠦᠯᠵᠦ ᠲᠠᠮᠢᠷ ᠲᠡᠩᠬᠡᠭᠡ ᠤᠷᠤᠭᠤᠯᠳᠠᠭ ᠦᠢᠯᠡᠳᠦᠯ ᠲᠠᠢ᠃ | ᠤᠷᠳᠣᠰ ᠮᠣᠩᠭᠤᠯᠴᠤᠳ ᠰᠢᠷᠠ ᠲᠤᠰᠣ ᠶᠢ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠰᠢᠮᠡ ᠲᠡᠵᠢᠭᠡᠯ ᠢ ᠨᠢ ᠠᠰᠢᠭᠯᠠᠵᠤ ᠢᠳᠡᠭᠡᠨ ᠤ ᠡᠷᠬᠢᠮ ᠳᠡᠭᠡᠳᠦ ᠪᠣᠯᠭᠠᠬᠤ ᠳᠤ ᠪᠠᠨ | ᠪᠤᠭᠲᠠ ᠶᠢᠨ ᠲᠠᠬᠢᠯᠭᠠ ᠳᠤ ᠪᠠᠷᠢᠬᠤ᠂ ᠪᠤᠷᠬᠠᠨ ᠨᠤᠮ ᠤᠨ ᠲᠠᠬᠢᠯ ᠵᠤᠯᠠ ᠳᠤ ᠡᠷᠭᠦᠬᠦ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠳᠤ ᠰᠠᠴᠤᠯᠢ ᠶᠢᠨ ᠲᠤᠯᠤᠭᠠᠢ ᠴᠢᠮᠡᠬᠦ᠂ ᠬᠠᠭᠤᠴᠢᠳ ᠤᠨ | ᠳᠡᠭᠡᠵᠢ᠂ ᠰᠢᠨᠡ ᠶᠢᠨ ᠪᠤᠭᠤᠷᠰᠤᠭ ᠤᠨ ᠴᠢᠮᠡᠭ ᠵᠢᠩᠰᠡ ᠪᠣᠯᠭᠠᠬᠤ᠂ ᠬᠡᠶᠢᠴᠢᠨ ᠵᠣᠴᠢᠨ ᠴᠠᠶᠢᠯᠠᠬᠤ᠂ ᠪᠡᠯᠡᠭ ᠰᠠᠯᠳᠡ ᠥᠭᠬᠦ ᠪᠠ ᠪᠤᠤᠪᠤ ᠬᠠᠭᠠᠷᠢᠬᠤ᠂ ᠪᠤᠭᠤᠷᠰᠤᠭ | ᠵᠠᠪᠰᠠᠷᠯᠠᠬᠤ᠂ ᠪᠦᠷᠢᠶᠠᠨᠰᠡᠭ ᠲᠤ ᠬᠠᠪᠴᠢᠭᠤᠯᠬᠤ᠂ ᠪᠦᠡᠭ ᠠᠮᠤ ᠨᠠᠶᠢᠷᠠᠭᠤᠯᠬᠤ ᠵᠢᠴᠢ ᠴᠠᠢ ᠳᠤ ᠪᠠᠨ ᠲᠤᠰᠤᠭᠠᠵᠤ ᠬᠠᠭᠤᠷᠠᠭᠰᠠᠨ ᠠᠮᠤ ᠲᠠᠢ ᠪᠠᠨ ᠬᠤᠯᠢᠵᠤ ᠢᠳᠡᠬᠦ | ᠵᠡᠷᠭᠡ ᠡᠩ ᠶᠡᠷᠦ ᠶᠢᠨ ᠠᠮᠢᠳᠤᠷᠠᠯ ᠳᠤ ᠪᠠᠨ ᠡᠭᠦᠷᠢᠳᠡ ᠬᠡᠷᠡᠭᠯᠡᠳᠡᠭ᠃ | | ᠵ᠊ · ᠮᠠᠭᠰᠤᠷᠵᠠᠪ ᠰᠠᠶᠢᠨᠵᠢᠷᠭᠠᠯ ᠤᠨ ᠵᠣᠬᠢᠶᠠᠭᠰᠠᠨ ︽ ᠣᠷᠳᠣᠰ ᠵᠠᠩ ᠦᠢᠯᠡ ︾ ᠶᠢᠨ | 213 — 214 ᠳ᠋ᠦ᠋ᠭᠡᠷ ᠨᠢᠭᠤᠷ ᠠᠴᠠ ᠪᠠᠭᠤᠯᠭᠠᠪᠠ | | |