| ᠤᠳᠤᠭ ᠮᠤᠩᠭᠤᠯᠴᠣᠳ ᠤᠨ ᠰᠤᠷᠭᠠᠯ ᠴᠡᠭᠡᠷ ᠤᠨ ᠶᠤᠰᠤᠨ ᠤ ᠲᠤᠬᠠᠢ | ︽ᠤᠲᠤᠭ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠭᠡᠷ ᠤᠨ ᠰᠤᠷᠭᠠᠯ ᠤᠨ ᠳᠤᠪᠴᠢ︾ ᠥᠷᠯᠥᠭᠦᠳ ᠳᠠᠮᠪᠠᠯᠢᠷᠤᠪ | ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ ᠥᠪᠥᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ | ᠤᠳᠤᠭ ᠮᠤᠩᠭᠤᠯᠴᠣᠳ ᠡᠷᠳᠡ ᠲᠡᠭᠡᠳᠦᠰ ᠤᠨ ᠦᠶᠡ ᠠᠴᠠ ᠪᠠᠨ ᠲᠡᠭᠡᠷᠡ ᠮᠡᠳᠦ ᠵᠦᠢᠷ ᠰᠡᠴᠡᠨ ᠦᠭᠡ᠂ | ᠬᠠᠪᠳᠤ ᠦᠭᠡ ᠪᠠᠷ ᠬᠡᠥᠬᠡᠳ ᠠᠴᠢ ᠨᠠᠷ ᠬᠢᠭᠡᠳ ᠲᠡᠭᠦᠦᠨᠠᠷ ᠲᠤ ᠪᠠᠨ ᠭᠡᠷ ᠤᠨ ᠰᠤᠷᠭᠠᠯ ᠢ ᠠᠮᠠ ᠪᠠᠷ ᠬᠡᠯᠡᠵᠦ | ᠰᠤᠷᠭᠠᠬᠤ ᠶᠢᠨ ᠬᠠᠮᠳᠤ ᠠᠶᠢᠯ ᠭᠡᠷ ᠤᠨ ᠡᠳᠦᠷ ᠲᠤᠳᠤᠮ ᠤᠨ ᠠᠵᠢᠯ ᠦᠢᠯᠡᠰ᠂ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠪᠠᠨ | ᠵᠠᠪᠠᠯ ᠪᠠᠷᠢᠮᠳᠠᠯᠠᠬᠤ ᠶᠤᠰᠤ ᠵᠢᠷᠤᠮ᠂ ᠴᠡᠭᠡᠷ ᠬᠤᠷᠢᠭᠠ ᠬᠢᠵᠤ ᠪᠠᠰᠠ ᠠᠷᠪᠢᠨ ᠵᠦᠢᠯ ᠢ ᠢᠩᠭᠢᠵᠦ ᠪᠤᠯᠬᠤ ᠦᠭᠡᠢ᠂ | ᠲᠡᠭᠡᠵᠦ ᠪᠤᠯᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠰᠤᠷᠭᠠᠳᠠᠭ ᠪᠠᠶᠢᠵᠠᠢ᠃ ᠲᠤᠬᠠᠶᠢᠯᠠᠪᠠᠯ᠂ ᠨᠢᠭᠡ ᠳᠤ᠂ ᠦᠷᠯᠦᠭᠡ ᠶᠢᠨ | ᠴᠠᠢ ᠪᠠᠨ ᠤᠤᠭᠤᠬᠤ ᠠᠴᠠ ᠡᠮᠦᠨᠡ ᠴᠠᠢ ᠪᠠᠨ ᠲᠡᠭᠡᠵᠢᠯᠡᠵᠦ ᠭᠠᠳᠠᠨᠠ ᠭᠠᠷᠴᠤ᠂ ᠲᠡᠭᠷᠢ ᠪᠤᠷᠬᠠᠨ ᠳᠤ ᠪᠠᠨ | ᠰᠠᠴᠤᠯᠭᠠ ᠡᠷᠭᠦᠬᠦ ᠶᠤᠰᠤᠳᠠᠢ᠃ ᠬᠤᠶᠠᠷ ᠲᠤ᠂ ᠦᠷᠯᠦᠭᠡ ᠶᠢᠨ ᠴᠠᠢ ᠬᠤᠭᠤᠯᠠ ᠪᠠᠨ ᠢᠳᠡᠬᠦ ᠠᠴᠠ ᠡᠮᠦᠨᠡ ᠴᠠᠢ | ᠬᠤᠭᠤᠯᠠ ᠠᠴᠠ ᠪᠠᠨ ᠲᠡᠭᠡᠵᠢᠯᠡᠵᠦ ᠭᠠᠯ ᠲᠤᠯᠭᠠ ᠳᠤ ᠪᠠᠨ ᠬᠢᠵᠦ ᠲᠠᠬᠢᠯᠭᠠ ᠡᠷᠭᠦᠳᠡᠭ ᠶᠤᠰᠤᠳᠠᠢ᠃ ᠭᠤᠷᠪᠠ ᠳᠤ᠂ | ᠦᠷᠯᠦᠭᠡ ᠪᠦᠷᠢ ᠭᠡᠷ ᠤᠨ ᠡᠵᠡᠨ ᠪᠤᠶᠤ ᠶᠡᠬᠡᠮᠡᠳ ᠲᠤᠮᠤᠭᠠᠳᠠᠨ ᠠᠴᠠ ᠰᠠᠩ ᠤᠨ ᠰᠦᠷᠦ ᠲᠡᠭᠡᠷᠡ ᠪᠠᠨ ᠬᠦᠷᠴᠦ | ᠰᠠᠩ ᠲᠠᠯᠪᠢᠨ ᠰᠡᠷᠵᠢᠮ ᠡᠷᠭᠦᠵᠦ᠂ ᠡᠴᠢᠭᠡ ᠲᠡᠭᠷᠢ ᠡᠵᠡᠨ ᠪᠤᠭᠳᠠ ᠳᠤ ᠪᠠᠨ ᠠᠵᠢᠯ ᠠᠮᠢᠳᠤᠷᠠᠯ ᠢᠶᠠᠨ ᠲᠠᠭᠠᠳᠬᠠᠨ | ᠨᠠᠮᠠᠨᠴᠢᠯᠠᠵᠤ ᠮᠦᠷᠭᠦᠳᠡᠭ ᠃ ᠲᠦᠷᠪᠡ ᠳᠤ᠂ ᠡᠳᠦᠷ ᠲᠤᠳᠤᠮ ᠤᠨ ᠴᠠᠭ ᠬᠤᠭᠤᠯᠠ ᠪᠠᠨ ᠢᠳᠡᠵᠦ | ᠤᠤᠭᠤᠬᠤ ᠳᠤ ᠪᠠᠨ ᠬᠦᠨᠳᠦᠳᠬᠡᠯ ᠤᠨ ᠶᠤᠰᠤ ᠵᠢᠷᠤᠮ ᠢ ᠪᠠᠷᠢᠮᠳᠠᠯᠠᠵᠤ᠂ ᠶᠠᠭᠤᠨ ᠤ ᠡᠮᠦᠨᠡ ᠮᠤᠷᠢᠯᠠᠨ | ᠰᠠᠭᠠᠭᠳᠠᠭᠰᠠᠨ ᠬᠦᠨᠳᠦᠳᠦ ᠭᠡᠶᠢᠴᠢᠨ ᠵᠤᠴᠢᠨ ᠳᠤ ᠴᠠᠢ ᠬᠤᠭᠤᠯᠠ ᠪᠠᠨ ᠠᠶᠠᠭᠠᠯᠠᠵᠤ ᠪᠠᠷᠢᠨᠠ᠃ ᠲᠠᠷᠠᠭᠠ ᠨᠢ | ᠭᠡᠷ ᠤᠨ ᠶᠡᠬᠡᠮᠡᠳ ᠠᠴᠠ ᠡᠬᠢᠯᠡᠵᠦ ᠲᠡᠰ ᠲᠠᠷᠠᠭᠠᠯᠠᠯ ᠲᠠᠢ ᠪᠠᠷ ᠴᠠᠢ ᠬᠤᠭᠤᠯᠠ ᠪᠠᠨ ᠠᠶᠠᠭᠠᠯᠠᠨᠠ᠃ ᠲᠠᠷᠤᠢ ᠡᠪᠦᠭᠡ | ᠡᠮᠡᠭᠡ᠂ ᠠᠪᠤ ᠡᠵᠢ᠂ ᠠᠪᠠᠭᠠ ᠨᠠᠭᠠᠴᠢ ᠨᠠᠷ᠂ ᠠᠬᠠ ᠡᠭᠡᠴᠢ ᠪᠡᠷᠭᠡᠳ ᠭᠡᠬᠦ ᠮᠡᠳᠦ ᠲᠡᠰ ᠲᠠᠷᠠᠭᠠᠯᠠᠯ ᠢᠶᠠᠷ | ᠠᠶᠠᠭᠠᠯᠠᠵᠤ᠂ ᠬᠠᠮᠤᠭ ᠰᠡᠭᠦᠯ ᠳᠤ ᠨᠢ ᠲᠡᠭᠦᠦᠨᠠᠷ ᠬᠡᠥᠬᠡᠳ ᠲᠤ ᠪᠠᠨ ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠵᠤ ᠢᠳᠡᠭᠦᠯᠵᠦ | ᠤᠤᠭᠤᠯᠭᠠᠨᠠ᠃ ᠭᠡᠬᠦ ᠳᠤ ᠪᠠᠨ ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠬᠤ ᠬᠦᠮᠦᠰ ᠵᠠᠪᠠᠯ ᠵᠢᠷᠤᠮᠯᠠᠬᠤ ᠶᠤᠰᠤᠳᠠᠢ ᠵᠦᠢᠯ ᠭᠡᠪᠡᠯ | ᠄⒈ ᠬᠠᠨᠴᠤᠢ ᠪᠠᠨ ᠰᠢᠮᠠᠯᠠᠵᠤ ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠵᠤ ᠪᠤᠯᠬᠤ ᠦᠭᠡᠢ᠃⒉ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ | ᠨᠦᠮᠦᠷᠴᠤ ᠭᠡᠳᠦᠷᠡᠨ ᠴᠠᠢ ᠬᠤᠭᠤᠯᠠ ᠠᠶᠠᠭᠠᠯᠠᠵᠤ ᠪᠤᠯᠬᠤ ᠦᠭᠡᠢ᠃⒊ ᠰᠤᠯᠤᠭᠠᠢ ᠭᠠᠷ ᠢᠶᠠᠷ ᠢᠶᠠᠨ ᠴᠠᠢ ᠬᠤᠭᠤᠯᠠ | ᠪᠤᠯᠬᠤ ᠦᠭᠡᠢ᠃⒋ ᠰᠤᠯᠤᠭᠠᠢ ︵ᠳ᠋ᠠᠩ︶ ᠲᠤᠭᠠᠨ ᠤ ᠪᠤᠭᠤᠷᠰᠤᠭ᠂ ᠬᠤᠷᠤᠳ ᠫᠢᠯᠠᠯᠠᠵᠤ ᠪᠤᠯᠬᠤ ᠦᠭᠡᠢ᠃⒌ | ᠬᠠᠮᠤᠭ ᠠᠩᠬᠠᠨ ᠤ ᠴᠠᠢ ᠬᠤᠭᠤᠯᠠ ᠶᠢ ᠲᠤᠮᠳᠠ ᠠᠶᠠᠭᠠᠯᠠᠵᠤ ᠪᠤᠯᠬᠤ ᠦᠭᠡᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠠᠶᠢᠯ ᠭᠡᠷ ᠤᠳ ᠤᠨ ᠡᠭᠦᠷᠢᠳᠡ ᠶᠢᠨ ᠴᠡᠭᠡᠷ ᠬᠤᠷᠢᠭᠠ ᠭᠡᠪᠡᠯ᠄⒈ ᠭᠡᠷ | ᠪᠠᠶᠢᠰᠢᠩ ᠤᠨ ᠲᠤᠳᠤᠷᠠ ᠪᠠᠨ ᠬᠡᠨ ᠬᠦᠮᠦᠨ ᠭᠡᠳ ᠢᠰᠬᠢᠷᠴᠦ ᠱᠤᠤᠬᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃⒉ ᠬᠡᠥᠬᠡᠳ | ᠪᠠᠭᠠᠴᠤᠳ ᠤᠨ ᠭᠡᠷ ᠲᠡᠭᠡᠨ ᠤᠷᠤᠨ ᠭᠠᠷᠤᠨ ᠭᠢᠩᠰᠢᠨ ᠲᠠᠭᠤᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃⒊ ᠬᠡᠨ ᠬᠦᠮᠦᠨ ᠴᠤ | ᠭᠡᠷ ᠤᠨ ᠪᠤᠱᠤᠭᠠ ᠲᠡᠭᠡᠷᠡ ᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃⒋ ᠬᠡᠨ ᠬᠦᠮᠦᠨ ᠴᠤ ᠡᠭᠦᠳᠡ ᠠᠯᠳᠠᠯᠠᠵᠤ ᠵᠤᠭᠰᠤᠬᠤ ᠶᠢ | ᠴᠡᠭᠡᠷᠯᠡᠨᠡ᠃⒌ ᠨᠤᠴᠤᠵᠤ ᠪᠠᠶᠢᠭᠠ ᠲᠤᠯᠭᠠ ᠶᠢᠨ ᠭᠠᠯ ᠳᠤ ᠬᠠᠷᠠ ᠤᠰᠤ ᠰᠠᠴᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃⒍ | ᠲᠤᠯᠭᠠ ᠲᠡᠭᠡᠷᠡ ᠲᠠᠯᠪᠢᠭᠰᠠᠨ ᠲᠤᠭᠤᠭᠠᠨ ᠳᠤ ᠬᠠᠷᠠ ᠤᠰᠤ ᠬᠢᠵᠤ ᠰᠠᠮᠤᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃⒎ ᠲᠤᠭᠤᠭᠠ ᠪᠠᠨ | ᠲᠤᠯᠭᠠ ᠶᠢᠨ ᠲᠡᠭᠡᠷᠡ ᠲᠠᠯᠪᠢᠬᠤ ᠳᠤ ᠪᠠᠨ ᠡᠭᠦᠳᠡᠨ ᠵᠦᠭ ᠬᠠᠵᠠᠶᠢᠯᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃⒏ ᠰᠢᠯᠡᠭᠡᠪᠦᠷᠢ | ᠮᠤᠳᠤ ᠪᠠᠷ ᠢᠶᠠᠨ ᠭᠠᠷ ᠲᠤᠩᠰᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃⒐ ᠭᠠᠯ ᠲᠤᠯᠭᠠ ᠤᠷᠤᠭᠤ ᠪᠠᠨ ᠨᠢᠯᠪᠤᠬᠤ ᠪᠤᠶᠤ ᠭᠠᠯ | ᠲᠤᠯᠭᠠ ᠪᠠᠨ ᠠᠯᠬᠤᠵᠤ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃⒑ ᠶᠠᠮᠠᠷ ᠴᠤ ᠠᠶᠢᠯ ᠭᠡᠷ ᠭᠡᠳ ᠦᠨᠡᠰᠦ ᠬᠤᠭ ᠢᠶᠠᠨ ᠨᠢᠭᠡ | ᠲᠤᠤᠷᠠ ᠤᠪᠤᠭᠠᠯᠵᠤ ᠠᠰᠬᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠤᠬᠢᠶᠠᠵᠤ ᠴᠡᠪᠡᠷᠯᠡᠬᠦ ᠶᠤᠰᠤ ᠵᠢᠷᠤᠮ᠄⒈ ᠶᠡᠬᠡᠮᠡᠳ ᠡᠬᠡᠮᠡᠳ ᠤᠨ ᠬᠤᠪᠴᠠᠰᠤ | ᠪᠤᠯᠤᠨ ᠪᠠᠭᠠᠴᠤᠳ ᠤᠨ ᠬᠤᠪᠴᠠᠰᠤ ᠶᠢ ᠨᠢᠭᠡ ᠲᠤᠤᠷᠠ ᠨᠡᠶᠢᠯᠡᠭᠦᠯᠵᠦ ᠤᠬᠢᠶᠠᠵᠤ ᠪᠤᠯᠬᠤ ᠦᠭᠡᠢ᠃⒉ ᠲᠡᠭᠡᠳᠦ | ᠪᠡᠶᠡ ᠶᠢᠨ ᠬᠤᠪᠴᠠᠰᠤ ᠪᠤᠯᠤᠨ ᠲᠤᠤᠷᠠᠳᠤ ᠪᠡᠶᠡ ᠶᠢᠨ ᠬᠤᠪᠴᠠᠰᠤ ᠶᠢ ᠨᠢᠭᠡ ᠲᠤᠤᠷᠠ ᠨᠡᠶᠢᠯᠡᠭᠦᠯᠵᠦ ᠤᠬᠢᠶᠠᠵᠤ | ᠪᠤᠯᠬᠤ ᠦᠭᠡᠢ᠃⒊ ᠶᠡᠬᠡᠮᠡᠳ ᠤᠨ ᠬᠤᠪᠴᠠᠰᠤ ᠪᠠ ᠮᠠᠯᠠᠭᠠᠢ᠂ ᠪᠦᠰᠡ ᠶᠢᠨ ᠲᠡᠭᠡᠭᠦᠷ ᠬᠢᠰᠬᠢᠵᠦ ᠠᠯᠬᠤᠵᠤ ᠭᠠᠷᠴᠤ | ᠪᠤᠯᠬᠤ ᠦᠭᠡᠢ᠃ | ᠡᠳᠦᠷ ᠤᠨ ᠭᠡᠶᠢᠴᠢᠨ ᠵᠤᠴᠢᠨ ᠳᠤ ᠪᠠᠨ ᠤᠭᠳᠤᠨ ᠠᠪᠴᠤ᠂ ᠦᠳᠡᠨ ᠮᠤᠷᠳᠠᠭᠤᠯᠬᠤ ᠶᠢᠨ ᠶᠤᠰᠤ ᠵᠢᠷᠤᠮ᠄ | ᠭᠡᠶᠢᠴᠢᠨ ᠵᠤᠴᠢᠨ ᠢᠷᠡᠬᠦ ᠳᠤ ᠭᠡᠷ ᠤᠨ ᠬᠡᠥᠬᠡᠳ ᠪᠠᠭᠠᠴᠤᠳ ᠨᠢ ᠭᠠᠳᠠᠨᠠ ᠭᠠᠷᠴᠤ᠂ ᠨᠤᠬᠠᠢ ᠪᠠᠨ | ᠬᠤᠷᠢᠬᠤ ᠶᠢᠨ ᠵᠡᠷᠭᠡ ᠪᠠᠷ ᠭᠡᠶᠢᠴᠢᠨ ᠢᠶᠠᠨ ᠤᠭᠳᠤᠨ ᠠᠪᠴᠤ ᠮᠡᠨᠳᠦᠴᠢᠯᠡᠨ ᠵᠤᠯᠭᠠᠵᠤ᠂ ᠭᠡᠷ ᠲᠡᠭᠡᠨ ᠤᠷᠢᠨ | ᠤᠷᠤᠭᠤᠯᠤᠨᠠ᠃ ᠬᠡᠷᠪᠡ ᠶᠡᠬᠡᠮᠡᠳ ᠪᠤᠭᠤᠷᠤᠯᠴᠤᠳ ᠤᠨᠤᠭᠠ ᠮᠤᠷᠢ ᠲᠠᠢ ᠢᠷᠡᠭᠰᠡᠨ ᠪᠤᠯ ᠮᠤᠷᠢᠨ ᠤᠶᠠᠭᠠᠨ ᠲᠡᠭᠡᠷᠡ | ᠤᠭᠳᠤᠨ ᠠᠪᠴᠤ ᠤᠨᠤᠭᠠ ᠮᠤᠷᠢ ᠶᠢ ᠨᠢ ᠠᠪᠴᠤ ᠤᠶᠠᠭᠠᠳ ᠭᠡᠷ ᠲᠤ ᠪᠠᠨ ᠵᠠᠯᠠᠨᠠ᠃ | ᠭᠡᠷ ᠲᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ᠂ ᠭᠦᠬᠦᠷ ᠰᠤᠯᠢᠯᠴᠠᠨ ᠮᠡᠨᠳᠦᠴᠢᠯᠡᠵᠦ᠂ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠤᠨ | ᠴᠠᠢ ᠠᠶᠠᠭᠠᠯᠠᠵᠤ ᠬᠤᠭᠤᠯᠠᠨ ᠳᠤ ᠵᠠᠯᠠᠳᠠᠭ᠃ | ᠭᠡᠶᠢᠴᠢᠨ ᠮᠤᠷᠳᠠᠬᠤ ᠦᠶᠡ ᠳᠤ ᠨᠢ ᠮᠦᠨ ᠵᠠᠯᠠᠭᠤ ᠪᠠᠭᠠᠴᠤᠳ ᠨᠢ ᠭᠠᠳᠠᠨᠠ ᠪᠠᠨ ᠭᠠᠷᠴᠤ᠂ ᠨᠤᠬᠠᠢ ᠪᠠᠨ | ᠬᠤᠷᠢᠨ ᠦᠳᠡᠨ ᠮᠤᠷᠳᠠᠭᠤᠯᠬᠤ ᠶᠤᠰᠤᠳᠠᠢ᠃ ᠬᠡᠷᠪᠡ ᠲᠡᠭᠡᠵᠢ ᠪᠢᠯᠢᠭ ᠲᠠᠢ ᠢᠷᠡᠭᠰᠡᠨ ᠭᠡᠶᠢᠴᠢᠨ ᠵᠤᠴᠢᠨ ᠳᠤ ᠪᠤᠯ᠂ | ᠵᠠᠪᠠᠯ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠵᠤ᠂ ᠰᠠᠮᠪᠠᠢ ᠬᠠᠳᠠᠭ ᠲᠠᠳᠠᠵᠤ᠂ ᠬᠠᠷᠢᠭᠤ ᠪᠡᠯᠡᠭ ᠦᠭᠴᠦ ᠮᠤᠷᠳᠠᠭᠤᠯᠬᠤ | ᠶᠤᠰᠤᠳᠠᠢ᠃ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠢᠷᠡᠭᠰᠡᠨ ᠪᠤᠯ ᠮᠤᠷᠢ ᠤᠨᠤᠭᠠᠨ ᠳᠤ ᠨᠢ ᠤᠨᠤᠭᠤᠯᠵᠤ ᠦᠭᠬᠦ ᠬᠡᠷᠡᠭᠳᠡᠢ᠃ | ᠵᠠᠮ ᠤᠨ ᠬᠦᠮᠦᠰ ᠪᠠ ᠡᠷᠢᠯ ᠰᠤᠷᠠᠭ ᠲᠤ ᠶᠠᠪᠤᠭᠰᠠᠨ ᠬᠦᠮᠦᠰ ᠢ ᠴᠤ ᠨᠢᠭᠡᠨ ᠠᠳᠠᠯᠢ ᠪᠠᠷ ᠤᠭᠳᠤᠨ ᠠᠪᠴᠤ ᠤᠴᠢᠷ | ᠶᠠᠪᠤᠳᠠᠯ ᠢ ᠨᠢ ᠦᠨᠡᠨ ᠮᠦᠨ ᠢᠶᠠᠷ ᠬᠠᠷᠢᠭᠤᠯᠤᠨ᠂ ᠴᠠᠢ ᠬᠤᠭᠤᠯᠠ ᠬᠢᠵᠤ ᠦᠭᠭᠦᠨ᠂ ᠦᠳᠡᠵᠦ ᠮᠤᠷᠳᠠᠭᠤᠯᠬᠤ | ᠬᠡᠷᠡᠭᠳᠡᠢ᠃ ᠤᠨᠴᠠᠭᠠᠶᠢᠯᠠᠨ ᠪᠤᠳᠠᠭᠠ ᠬᠤᠭᠤᠯᠠ ᠭᠤᠶᠤᠭᠰᠠᠨ ᠭᠤᠶᠤᠯᠭᠠᠴᠢᠨ ᠢᠷᠡᠭᠰᠡᠨ ᠴᠤ ᠬᠠᠯᠠᠭᠤᠨ | ᠲᠤᠳᠤᠨᠤ ᠪᠠᠷ ᠬᠦᠯᠢᠶᠡᠨ ᠠᠪᠴᠤ᠂ ᠢᠳᠡᠭᠦᠯᠵᠦ ᠤᠤᠭᠤᠯᠭᠠᠭᠠᠳ ᠪᠠᠶᠢᠬᠤ ᠶᠢᠨ ᠬᠢᠷᠢ ᠪᠠᠷ ᠢᠶᠠᠨ ᠦᠭᠯᠢᠭᠡ ᠦᠭᠴᠦ | ᠶᠠᠪᠤᠭᠤᠯᠬᠤ ᠶᠤᠰᠤᠳᠠᠢ᠃ ᠬᠠᠷᠢᠨ ᠮᠠᠭᠤᠯᠠᠵᠤ ᠲᠤᠷᠤᠮᠵᠢᠯᠠᠵᠤ ᠪᠤᠯᠬᠤ ᠦᠭᠡᠢ᠃ | ᠡᠳᠡᠭᠡᠷ ᠪᠦᠭᠦᠨ ᠪᠤᠯ ᠮᠤᠩᠭᠤᠯᠴᠣᠳ ᠤᠨ ᠡᠷᠳᠡ ᠲᠡᠭᠡᠳᠦ ᠦᠶᠡ ᠠᠴᠠ ᠵᠢᠷᠤᠮᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠡᠷᠬᠢᠮ | ᠲᠡᠭᠡᠳᠦ ᠵᠠᠩ ᠴᠢᠨᠠᠷ ᠶᠤᠰᠤ ᠵᠢᠷᠤᠮᠯᠠᠯ ᠮᠦᠨ᠃ | | |